ا
بين الباب ومحرابي دموع وحزن والام
دمعي وحزني يواسيني
باّلامي عــــشت سنيني------------- دموع وحزن والام
**************
عالباب اناطر يمته يرجع عودي** من الخوف مااكـــــــــدر اثبت عودي
بلياك يابو الحسن شنهو وجودى** لوعاتي دمعه تصب دمه اعله خدودى
يابويه عاين حالي
جم حسبه اتمر ابالي -------------كل حساباتي اوهام
**********
لن صوت اسمعه بعد صوت الاذان ** * ينادى جبرائيل اتهدمت اركــــان
بالكون هاى اللحــظه اختل الميزان**** اليوم بمحرابه انطعن كل الايمان
ضلع امي باقي صوابه
وحيدر طاح بمحرابه -----------دهرى الايامي شظام
************
وحشه بغيابه الدار علينه خــلاه*** الموت ياريته اخذني ويـــــــاه
فراش المنيه توسده بفيض ادماه*** ياجرح كلبي اندبه ابحسره واّه
فارك هل الليه احبابه
مايطفه جمر مصـابه ------------اشمهما ادور الايام
************
ابقه اون ليلي وجر بالحسره ***نطفي جمره ابروحي وتسعر جمره
يامن يهّود الكلب ويصـــبّره ***من جرح ابوى وضلع امي الـزهره
مصابه رجعلي احزاني
احزان امي عنوانـــــي----------- ماترضه عيوني تنام
*************
ظل عله فراكه ينوح ويبجي المحراب**مصاب الوصي مامثله بالدنيه مصاب
لو كاصد وسائل تعنه اعلـــــــه الباب**ومن ينشـــــــــد ابطلبته عن ابو تراب
عيني اتعاين للمنظر
بمصابي كوه اتصبر-----------غايب راعي الايتام
الخادم انشاء الله
خالد محمد مهدى
--------------------------------------------
الرئيسية 
البوابة* 
أحدث الصور 
التسجيل 
دخول 
