قصائد حسينيه اسم القصيده (سهم الرضيع)
-------------------
خذوا مني ابسهم طفلي رضيعي **رباي وسهري من اليوم ضٍيعي
طفل محروم ** انفطم مظاوم ** ونّي زاد
*************
خذو وجه الكمر من اليل ايامي *** صار ايمر عليه وجــــهه بحلامـي
أعد اول سهم منحرهه بألأمي**** من عيوني جفاهن والنـحر دامـــي
بٍعد مااكدر اجهب مهده كدامي**** غاب وصدرى در وصاح ياظامي
يامتروي من نـــــــبلة وريدك
صدري والحضن يبني يريدك
وحس ببجاه----- وصيحن اّه ---- وني زاد
***********
حلم عمري اشوفك تكبر كبال *****شلي ابدنياي بعدك يااعز غـــالي
يانجمة سماي اتضوى وتلالي***** ماجان الفراك ايمر عله بــالي
اخر فرحه ذبحو مني بالتــالي*****ياروحي ودليلي ضاعت امالي
افــــز الليل اعاين مهدك المهجور
مثل بستان عنـــه مهاجرات طيور
ورد عمري------ حلات بامري------ وني زاد
************
لفه برد الشته ويغفه بترابه ***** الحضن مجبور عافه وناسي احبابه
ركد حيلي وشوف العين بغيابه*****دمعي او وني مايهجع عله ممصابه
كلبي من الحزن ذاب وقفل بابه*****عبد الله امصابك هم الي جابــــــــه
يلولي النوح وبــــمهدك دمعتي
الحليب ايدر والون من مهجتي
سهر ليلي------ هدم حيلي------- وني زاد
**********
تمر لايام ذكراهه ومرارتهه ***** وحسرات الكلب تسعر حرارتهه
الحديقه تبجي دم اتريد وردتهه*****بظلم أيــــد الغربيه اجت كطعتهه
من اغصانهه بعدتهه ذبلتهه ***** وايامك ييمه انطفت شمعتهـــــــه
مني راح تعبــي وياك ورباك
بائيدالماله رحمه دهري خلاك
رمه ابسهمه------ بلا ذمه ------ وني زاد
---------*************
ياليل الحزن ماقصرت وياي******** عله نوحي عنتني والستر لبجاي
شفت عمرك طفل محروم شرب الماي** انذبح جبدى ودليلي ونار تجوي حشاي
بالدلني يليل الحزن بالله الراي ****** من يسمع صرختي اولوعتي وبجاي
هم اتعود ايامه وضحكته
وعيني اتشوف بسمات اعله شفته
اظنه ابعيد ------ يوم جديد------- وني زاد
الرئيسية 
البوابة* 
أحدث الصور 
التسجيل 
دخول 
