ديوان جديد 2014 خدمة المنبر الحسيني مبرئين الذمه وعدم ادخال الموسيقى
((1))
((زاير وما أنثني ))
**************
زاير أنه \\ ماأنثني \\ من يلوي لذراعي
حُر النفس \\ ماأنحني \\ وحسين ألي أيراعي
************
يوم الاجل \\ أنطر أمل \\ بالشدَّه أنخه أحضر
عمري أنكظه \\ بنار ولظه \\ وعله الصعاب أكدر
هوَّه الرجه \\ والمرتجه \\ عيوني أله تنغر
كلَّه وصل \\ وأصل الاصل \\ وياه أمشي ما أعثر
راية عزم ** فوك القمم ** أمجادهه أترفرف
عزَّه وفخر ** أسمَه قيم ** والمبداء أيشرِّف
***************
طبع الهوه \\ للّي أنجوه \\ ماينسه من حبَه
هل عاطفه \\ حُب أو دفه \\ تسكن وسط كَلبه
عندي عهد \\ هذا الوعد \\ أيعبّرني كل صعبه
بصحنه أطب \\ روح وكَلب \\ أيذوّبهه وتذوبه
أمشي مشي ** وزحف زحف ** لو فجِّرو جسمي
للمنجرح ** داوه الجرح ** بسجله كتب أسمي
************
أيدور الفله \\ مأتم أله \\ وكّلوب منصوبه
خيمه ضلع \\ يجري الدمع \\ كل دمعه مسجوبه
دار الزمن \\ جور ومحن \\ وعرفنه مطلوبه
قصده الفخر \\ يحني الظهر \\ ويموت محبوبه
من العدل ** لامانمل ** مبدءه غايتنه
أشما قسه ** ماينّسه ** ولثاره رايتنه
************
بأسمه أنبنه \\ ودم الظنه \\ للدين بنيانه
الخدر أنسلب \\ لله وهب \\ وانتصر أيمانه
ضحَّه الاهل \\ صبره جبل \\ والوفه عنوانه
عِبرَه وعِبَر \\ نصر وظفر \\ حاشاه ينسانه
نكَصد أله ** بكل مسأله ** والماأله جار
جفَّه يمد ** للمعتمد // يطّيه لبشا
****************
((2)) مامات حسين
******************
عاشور\\ مامات حسين
عاشور \\ رايه وجفّين
****************
بِنَه صروح المعالي بدِمه تضحيته
العَلــم دينــه المحمد علَّــــه ساريته
وعدَه أيطيح بالطف ينسبــــي بيته
حقق للرســـاله وجـــود بمنيتــــــه
أنصاره صحابه عالعهد باقين
*************
عِلن كّلبي الحداد ودمَّه صار أسوَد
يوميَّه العهد بأحزانــــــــــي يتجدد
بحبــك ياحســين الـروح تتخلَّـــــد
ألك كُّبه وصحن وأمجاج ماتنعد
روَّارك رغم كل ناصبي ماشين
**************
هُبل رادوه يرجع يسكن الكعبه
ونقدِّم أله الطاعـــــــات ونحبّه
وتضيع الرساله والنبـي وتعبه
بداه وبروحه والينه رضه ربَّه
ثورة حق يقيني حسين هوَّه الدين
***************
يظل صوت المنابر عالي ماساكت
ولسان الموالــــــي مايظل صامت
دمعت عينه طلقه بكّلبه للشامت
يعاني شما يعانـــي موقفه ثابت
نفَّدي أرواحنـه وليومك أمتانين
**************
بدربك ياحُسين أجســــام تتكّطّـــع
زاير شاف هذا المنظــــر الاروع
كطع نص الطريق وبعــــد مايقنع
كّال أمشي أجيبن كل هلي وأرجع
آني وكل هلي هذا الرجه تانين
*******************
((3))((توسد رايته وجوده))
******************
توسد رايته وجوده \\ الشهامه والوفه زوده
أريده ماأريــــد الماي
أريدن رجعته الحمّاي
***************
عله الغبره توسَّد جوده والرايــــــه
صاح حسين بداية طيحتي هايــــه
عمود الخيمه طاح أبطيحة ألوايـــه
هاي أعأعطم مصيبه طيحت ألوايه
كصد للعلكمي ماعاد\\ مو من عادته لبعاد
شبَّت ناري بحشاي
***************
تلكَيت الولي من ردلي بهمومه
بالخطوات يعثر روحه مالومه
عكَب عينه أظلَّن وحدي بالحومه
يريته يمومي صار الساع لايومه
عله الدنيه العفه بعده \\ طحت يازينب بشدَّه
عليَّ أصعب مصيبه هاي
***********
يجود بروحه وبآخر نفس شافـــــــــه
العطش مارد جبدته ويابسه شفافـــــه
روحه فاضت بحضن البوفه أوصافه
بدري الخوَّه والموقف
شكول أبحقه لو أوصف
يزينب بادليني الراي
***************
ظلَّت روحي بالحسرات ماشفته
كرب المشرعه ظل نايم أعرفته
مايدري بمرارة فركته أعله أخته
كّلبـــي منطعن والجبد من عفته
حاميني وتكفيلي راح \\ مله روحي بألم وجراح
البدر ماضوَه أبد بسماي
*******************
الهودج من أله ياخـــــوي ولخدري
من غيـــــرك مرار الصار لوتدري
بحرم وأطفال أظل أحتار لو يسري
أنوح وعبرتــي تتكسَّـــــر بصدري
خذوني بليل ماله نهار \\ بضعن مهظوم أظل أحتار
أنهدم حيلي وعمت عيناي
**************************
((4)) ((وين ابو الغيره))
********************
وين عباس الكمـــــــر
الدرب موحش وخطر
ريت بجفوفــــه حضر
يداري حالـــي بالسفر
**************
ماأظن ينسانـــــي
خدري يبقه أمتاني
وحّدي خلآنــــــي
بهمّي وبأحزانـــي
**************
للعمـــــرماريده
ولـه جيَّت عيده
أخذ كًلبـي بأيده
ونكًطــع تنهيده
**************
أبقه أتاني رجعته
الخيم تنطر هيبته
كل أملنه بغيرته
كل أملنه بشيمته
**********
يسيره عكَبه أخذوني
ينوح دمع عيوني
بعد عزّي سبوني
بالهظم خلّونــــي
************
وين جفَّه العازتـــي
وياي يمشي بغربتي
يحدي بيَّه بمحنتـي
بدربي علك شمعت
****************
((5))
للموت \\ يحسين وياك
للموت \\ لاماأنســــاك
**********
تبقه دموعنـــــه تجري دمه يحسين
شماضحّينه لجلك ما نوَّفـــــي الدين
دنيه \\ شتسوه بلياك
دنيه \\ تحيا بحمــاك
************
عهد ويّـاك وقعنـــه ليوم الذر
سفينة رحمتك تاخذنه للمحشر
نصعد \\ بيهه بمرضاك
نصعد \\ ويظلنــه ألواك
*************
عتن زيارتــك منعونــــــه ميكَدرون
الخذوا منَّه ضريبه يكَول أنا الممنون
احرار \\ نوفـــي لوفاك
احرار \\ نسعه لرضاك
*************
العقيده ثابتـــه تحيي شعائرنـــه
حبَّك يحيي صرختنه بضمائرنه
الهيهات \\ لبّينــــــه فداك
الهيهات \\ صرخه لدماك
*************
خلّي المايشوف يشوف يتمعن
الك بكّلوبنـه يابو الوفه مسكن
منريد \\ يمبجّي سماك
منريد \\ دنيــــه لولاك
***********************
((6))((بالطفوف أنسبيت ))
***********
بالطفوف اليوم ياجدّي أنسبيت
******
اليوم عهدك جدّي تم بكربلــــه
جثث كلهه أعله الوطيَّه أمرمله
وخيم تلهب فوك روس العايله
بس عليل وياي بالغربه بقيت
*********
فارة القاروره عند أم سلمــــــه
والتراب البيهه أتغيَّــــر دمـــــه
دنيَه بعيوني أشوفن مظلمـــــــه
الجثث فوك الثره خلّيت ومسيت
*********
دار صار الهيمه والستر الشموس
أتغيّريت ياجدّي بالناس النفوس
خلَّو الحنَّـه دمه الجف العروس
وبدموعي شمعت الزفَّه طفيت
**********
جدّي شفت الاكبر أبعينـــــــــــــي ذبيح
سمعت صوت الروح من تصرخ تصيح
من شبيهك كّلبـــــــــي ظل دامي جريح
جرح فوك جروح روحي ونسليت
*************
أتعطّلت أيامنـــــــــــه وبطّلت أعد
كّطعوا الاغصان داســـوا عالورد
أستعد حرمله والكـــــــــــل مستعد
صاح نحر الطفل مو كافي أرتويت
**************
جفوف أبو فاضل خذتهن السيوف
وبالعامود أنصاب راسه بالطفوف
وأنطفت عينــــه يجدّي ومايشوف
جوده للمشرع بجفّينه نطيت
***********
بعد ذبح أخوتي خدري أخذوا يسير
ألمن أنخــــــــــه وبعد بيمن أستجير ٍ
والعليــــــــــــل بجامعه أمكّيّد يسير
الحزن صك عيوني ياجد ونعميت
*********************
((7)) (( الوعد تانيه))
*****
الوعد تانينه \\ وين مهدينه
غيره منصالح \\ يمنته أنصافح
*********
رايته أنطرناهه \\ من ترف بسماهه
أنريد كلنه وياهه \\ وحقنه من نتباهه
خطر واجهنه** أنادي كل أحنه
غيره منصالح \\ يمنته أنصافح
*********
الدمعه تنتظره\\من يشع فجره
الكل نذر عمره =\\ وعاش وي صبره
بكثر مانشقه ** عالعهد نبقه
غيره منصالح \\ يمنته أنصافح
*********
ملك وجداني \\ بأسمه عنواني
عمري أله أمتاني\\ لامينساني
يمسح عيوني ** أيفرّح ظنوني
غيره منصالح \\ يمنته أنصافح
*********
آيه بعد آيه \\ نوصل الغايه
وتظهر الرايه \\ الدرب لهدايه
أله بوفانه ** وسيف يمنانه
غيره منصالح \\ يمنته أنصافح
الشوك مايُوصَف \\ الجند تصطف
صف يعاهد صف \\ ونكصد أعله الطف
الليل لو صبَّح ** للبغض يفضح
غيره منصالح \\ يمنته أنصافح
*********
رايته تعله \\ بذكر أسم الله
للمحب دلَّه \\ وللحقد ذلَّه
رايه منصوره ** آيه مذخوره
غيره منصالح \\ يمنته أنصافح
*********
((
) (( نهجك أشرف عنوان))
**********
نهجك أشرف عنوان \\ دمَّك أحيا الاركان
حبَّك يمحي لذنوب \\ بالكّلب أسمك مكتوب
ياحسين \\ ياحسين
**********
شيعي أسمي وهويتي حسين وعراقي
ماخاف النواصب كاشف أوراقـــــــي
الحب حسين أهدي آخــــر نفس باقي
أذا ماحبَّه يعني الخلل بأخلآقـــــــي
ماي وهوَه\\ طب ودوه \\ يبقه نشيدي
يحسين بضمايرنه
صحنه بيك آمنَّه
**************
بدموع الحزن نكتب قصائدنه
بكل عاشور يم صحنك تواعدنه
وصفنه ىلامنه ويمَّك تعاهدنه
ماننساك لحظه شما تباعدنه
بدرك كمل \\ فجرك أمل \ يبقه نشيدي
أبد والله وماننسه حسيناه
أبد والله ماننسه حسيناه
****************
تعلَّمنه المعنه محبتك غايه
عشك ثابت ولائي الك ياآيه
شكد بحقادهم فجروا المشّايه
تلآكي صدورنه بكل فخر لمنايَه
الرايه شلناهه \\ وكثر ممشاهه \\ يبقه نشيدي
جيناك جيناك يامظلوم
بحماك بحماك يامظلوم
***********
خلِّي الما يصدّك ينظر بعينه
اقسمنه قسم لحسين واليَنـــه
ضريبة حبنه وقعناهه بأدينه
السرور وياه ياخذنه ويدلّينه
للجنات \\ للرحمات \\ يبقه نشيدي
ياحبيبي ياحسين
نوره عيني ياحسين
***********
نذرناه للعمر من صغر سِنَّه وياه
ماينسانه لحظه ولا نحس بجفاه
من الباري أندعينه ونطلب من رجاه
يدخلنه بمحبته وجنّته وحماه
فدوه أتروح \\ أله كل روح \\ يبقه نشيدي
يحسين أشرب ماي عيوني
يامشّايه الصحنه أخذونـي
********************
(9))((كّرب كّرب يوم الوعد))
*********
كّرب كّب \\ يوم الوعد \\ وكّلوب تنتظره
بعد بعد \\ آيه وعهد \\ باجر يشع فجره
نلتم عليه وفّايه
وتنكشف ألنه الغايه
**************
كل نواميس الحياة أتبدّلت
كلمت الباطل علت والحق سكت
الناس بالالسن فقط من أسلمت
ظهر باطنهه الخبيث وأعلنت
جذب جذب \\ بس بالاسم \\ وأبتدت بالغَدره
حزب جزب \\ أعلن حسم \\ ويحارب العتره
السقيفه هيَّه بدايه
وتنكشف ألنه الغايه
**************
الدنيه لو تخله كّالوا تنكّلب
يالموالي أحسبه بالك تنغلب
أتحزم الموزمه وأركب الصعب
الشك أبعده عن يقينك والكّلب
أول غدر \\ وبلا عذر \\ أبدت بالزهره
سيل الدمع \\ لجل الضلع \\ عَبره بأثر عَبره
ضيَّت قبر الايه
وتنكشف ألنه الغايه
*******************
صرخة الثار التنيناهه زمان
بعتقادي أجزم بموعده حان
عالمنابر أعله ياصوت الاذان
بأمتحانه اليوم نكرم أو نهان
الفرج حِكم \\ صار الحَكَم \\ واآمر الناهي
يحيي القيم \\ بين الامم \\ وبآيته أنباهي
بأمرته سيف ورايه
وتنكشف ألنه الغايه
**************
للعلن بث بالمباشــــــــــر محكمه
وقدَّم أوراقــــــــــه العنده مَظلمَه
وتوكف كّبالــــــه ضمائر ظالمه
ويجي حسين الذبحته أٌمَّه مسلمه
فوك الثره \\ دمَّه جره \\ وأنتص بصبره
شانه عِله \\ من ماثله \\ بالدم علن نصره
الدين الله سد وحمايه
وتنكشف ألنه الغايه
**************
البعض ما ترضاهه يومه يقترب
لبس ثوب الدين والباطن كذب
عله عقول الناس كظّاهه لعب
لو تسلَّط ماشبع نهب وسلب
يوم الفرج \\ وبلا حرج \\يظهر بآياته
سيفه شِرع \\ضد البدع \\ ويتمهه كلماته
للغِدَر يسبي سبايه
وتنكشف ألنه الغايه ****
************
(10)
طبَت ثوره الارض الشام
صرخه بوجوه الظـــــلآّم
هيبه وقدره \\ تعلن نصره \\ للمظلوم
***********
مثبوره بهظمهه وغاركّــــه بدموع
ياكّلب البقه بحسين ما مفجــــــوع
دمعت عين تنزل جنهه دمع شموع
وياصدر التجسَّه بيــه رض ضلوع
تلكّوهه بطبول العيد
بالشامات يوم جديد
عدهم بشره \\ حزّوا نحره \\ للمظلوم
****************
را د يزيـــد ذِلهــه وذلّتـــــــــــــه زينب
حقَّــــــــــــــه الماعرفهــه بيهــه يتعجَّب
العجب وأغرب عجب بنت علي تتسلَّب
عنهه وين سيفه أبن الشطــــــــر مرحب
حرمه جاوين حماهه
يزيد عليهه يتباهــــه
صوت الحرَّه \\ تكشف سرَّه \\ للمظلوم
**************
حيَّرهه الزمان وشــــاف محتارت
لِوَت ايـــــام قهره وبالعكس دارت
قدوه للصبر أم الحــــــزن صارت
ثورة حزن بأرض الشام من ثارت
تلملم ضعن أبو السجاد
ميثاق وعهد أمجــــــاد
ظِهرت فجره \\ وراية فخره \\ للمظلوم
****************
الماعنده رحم بجّتــــــــه حالتهه
جم مصيبه منهه العيـــــن شافتهه
مصيبة كربله بخرابــــــــه عدتهه
خدت منهه الاعز والاعز وسبتهه
شمسهه ما تشع بنهار
جبل مايحمل وينهار
أتهدَّم صبره \\ قدَم عذره \\ للمظلوم
****************
بمجالس الحزن والنوح سالوفه
أله كل معاني الوفه موصوفه
بسطور ألألم وآهاتهه أنشوفه
مجبوره بهظمهه بكربله أتعوفه
بدمعهه ترســــــم ألآلآم
عزيزه وصعبه من تنظام
راية خدره \\ بنت الزهره \\ للمظلوم
*************
ليل بوحشه تكظيـــه ونهار أظلم
بضي الشمس نور الكمر ماتهتم
بكل دمعت حزن تنصب أله مأتم
ونصبت بالخرابــــــه خيام لمخيَّم
وصوت حسين أبد مامات
زينب رددت هيهات
أخته وستره \\ تحمي ظهره \\ للمظلوم
****************************************
((11))
بالضعن طال السفر\\ وينه جفَّه للكّمر
من طبَّت الشام \\ وي الحرم وأيتام
وينه جفَّه للكّمر
*************
يمنه ويســـــــار أتلفتت \\حارت أبتفسيره
بأسمه لبو فاضـل نخت \\ ماتنتخــي بغَيره
رايتــــه ماشافت علت \\ طايح أبو الغيـره
باليســـــر والهَم يقِّنت \\ أبحيره وبلا حيره
وتحضّرت لليسر ** سلّمت لله الامر
تتحمَّل الآلآم \\ وي الحرم وأيتام
وينه جفَّه للكّمر
*************
مجتوفه بحبال ألألم \\ ياليلـــــــه ماطالت
زينب تكَبعت بالحزن \\ وعله الصبر مالك
جم ألم مالــي للكَلب \\ وشجم حمـــل شالت
الزمن بيهه مارحم \\ ودموعــــه ســـــالت
متعلمه أعله الصعب ** بنت علي ماتنغلب
وبكثر ماتنظام\\ وي الحرم وأيتام
وينه جفَّه للكّمر
*************
فاركّت للخدر وستر \\للهيبه ودعتهـــــه
أتمنّت يرد من النهر \\ للفرحـــــه تانتهه
أتأخر عليهه مارجع \\ للروح سألتـــــــه
أكطع الظنَّه بالاخو\\ من المهجه دمعتهه
لمَن كّلبهه أنجرح ** ضيَّعت دموع الفرح
وظلمَّت الايام \\ وي الحرم وأيتام
وينه جفَّه للكّمر
عالمشرعه لمَّن هوه \\أمفارك الجفّينه
بعامود راسه منهشم \\والسهم بعينـــه
مجبو ألهه مارجــع \\ والرايه بيمينــه
صاحت يبو فاضل رحت \\ ألمن أمخلينه
أتولوهه أهل الظلم ** وخذوهه درب السكّم
ونذبحت الاحلآم\\ وي الحرم وأيتام
وينه جفَّه للكّمر
*************
فوك الشريعــــــــه أمننذبح \\ وحسين عالغبره
للشــــام تتحضــــر بعـــــــد \\ للضعن أتصبــره
والخيـــم نيـــران وجمـــــر \\ ياجف بقه الخدره
من وصلت ألأهـــل الغدر \\ الناس مبتشـــــره
مابين نوح ودمع ** أتحمّلت هالوضع
ياعين ترضه أتنام\\ وي الحرم وأيتام
وينه جفَّه للكّمر
**************************
(12))
جيت أبدمع \\ عيني ملهوفه وتحن
غياب وهجر \\ وين خويه مندفن
دلّيني ياخويه الكّبر
وعيوني ماشافات فجر
ماشافت فجر \\ عيني تنتظر \\توصل للكّبر \\ شيحمله الصبر
طوَّلت الهجر \\ ماعندي عذر \\ يومي طعمه مُر \\ من أهل الغدر
*************
وينك ياولي \\ حيرتي يعضيدي حيره
جيتك آني \\ أنفض أتراب اليسيره
لاوجودك ولا رايتك
أكعد ولآكّي وديعتك
أكعد ياشهم \\ من دهري أنتقم \\ يل كلك عزم \\ بأحزاني تهم
لجروحي تلم \\ حيلي منهدم \\ ياأوفه أسم \\ طيبك أرد أشهم
****************
صحبة وفه \\ تعله رايات المجدهه
ثورة عهد \\ زلم من يوصل الحدهه
ماخيَّبوا ظن القيـم
حراّس وكّفوا للخيم
ياثورة وفه \\ حُب وعاطفه \\ لكل واحد صفه \\ ماعدهم جفه
بسيوف الدفه \\ لخيامي كِفه \\ والشـــــر لو لفه \\ الخدري تنصفه
**************
آخر رجـــه \\ بدمع عيني شلت همَّك
حزن وهظم \\ راح أروح وكّلبي يمَّك
بهمومي أرجع ونتحب
ذبحوك خويه الياذنب
من دمَّه وهب \\ والخدرأنسلب \\ وعليَّه أنكتب \\ بالنار ولهب
الدمع أنسجب \\ ماحامل عتب \\ ذبحوا للذهب \\ الاجمل سبب
***********
((13))
(( بمحكم القران))
***********
المهدي بمحكم القران \\ عله الدنيه حكم فجره
وجبرائيل بالاعلآن \\ أيبشّرنه ظهور أمره
حتَّه أتصير من صوبه
لابد تعلن التوبــــــه
**********
من طاهـــرالطاهـــــر بشّروا يظهر
وأصنــام النفــاق بفجره تتكســـــــر
يلَّه يا أخوتـــــــــــــي خلنه نتحضَّر
وصدَك من كّال قد أعذره من أنذر
المالحَّك يظل خسران \\ تضعف عنده كل قدره
أصحه لاتظل نعسان \\ لو ضاك النهر عُبره
كّلبك أغسل ذنوبه
لابد تعلن التوبــــــه
**********
بلغة كل الضمائر ينطق ألسانه
واليكّبل عليه يعرف بأيمانـــــه
الثابت مبدأه أعمالـــــه عنوانه
والعنده عقيده وياه ماخانـــــــه
الكَلبه مملي بالايمان \\ نطفته طاهره الفطره
أنسانيته تعني أنسان \\ صدره يوسعه الصبره
بضميره عهود مكتوبه
لابد تعلن التوبــــــه
**************
آية كل نبــــــي أمطاوعه ليمينه
آية عيسى موسى الكل براهينه
عهد أرواحنه الذر شاهد علينه
يا للثــــــار صحنه هناك لبّينه
عذر ماينفع ونسيان \\ والينسه شنو عذره
والعاشك يظل ولهان \\ الحبيبه يفتدي بعمره
الغالي عليه محبوبه
لابد تعلن العتوبــه
**************
بتكوينه ألآلآهي وباطنه الطاهر
آيات المودَّه أمصاحبه الظاهر
غايبنه نشوفه أيشوفه وحاضر
يُمر عالعين نوره مرَّة أمسافر
بصيره عدنه موعميان \\ بليله أتبيِّن الكّمره
خلّي يضحك البطران \\ باجر جاي ونذَكرَه
يلِّي أتكّول أكذوبه
لابد تعلن التوبـــه
**********
ميازين العداله من علي عنده
وبحر الكرم جفَّه من الحسن مدَّه
مظلوميته من الزهره من جدَّه
الكعبه الكوفه والارض الوعد عهده
يعلن ثورة أحزان \\ بالدمعات والعبره
ويتحكَّم بالازمان \\ وتخفك رايته نصره
يرَجع حقوق مسلوبه
لابد تعلن التوبــــــه
*******************
(14)
ياكفيلي \\ ياكفيلي \\ يادليلي \\ يادليلي
أرجع احدي بالضعن
حالي ياخويه أمتحن
ياكفيلي\\ يادليلي
**************
صوره مرسومه بخيالي \\ ماتفارك عيني لحظه
نجمه ماعافت كمرهه \\ أعليه تتدلل أو يرضه
يادوه عيوني ونظرهه \\ يابخت خدري وحضَّه
بفي جبينك جنت أغفه \\ تغيب عنَّي شراح أحضه
حيرتني \\ حيريتني \\ وفجعتني \\ وفجعتني
دارت أعليَّه المحن
حالي ياخويه أمتحن
ياكفيلي\\ يادليلي
**************
ظيم كل الدنيه أجاني \\ أخذ من عندي الاعزهم
جروح فوك جروح يطعن\\ ويَّه ملك الموت دزهم
أبد ما خلَّه زمانـــــــــــــي \\ عن سمايه غاب عزهم
بسهم وبّسمار وبسم \\ بس هلي دهري يعزهم
مالي والي\\ مالي والي \\ من الجرالي \\ من الجرالي
بجم سهم كّلبي طعن
حالي ياخويه أمتحن
ياكفيلي\\ يادليلي
**************
للنهر توصل دمعتي \\ وعالجرف تنظر أوصافك
شلون شلت الماي بيدك \\ لجن مالاماس شفافك
وردَّت بدرب المخيَّم \\ عاينت الكل تخافك
وشافت أعله الجود بسمه \\ بمايه حاضنهه الجتافك
أترد عليَّه \\ أترد عليَّه \\ أتبوس أديَّه \\ أتبوس أديَّه
أتكّلي مايرجع أظن
حالي ياخويه أمتحن
ياكفيلي\\ يادليلي
**************
سهم عينك صاب عيني \\ شعهدهه وياي الشريعه
بالعامود أنصاب راسك \\خويه وجفوفك كّطيعه
ماترد لخيام خدري \\ وصيتك آني والوديعه
أمأمله ترجع عليَّه \\ وعالنهر جثتك صريعه
توفي وعدك \\ توفي وعدك \\ هذا عهدك \\ هذا عهدك
وآني ابقه بلآوطن
حالي ياخويه أمتحن
ياكفيلي\\ يادليلي
**************
رايه جف جود السبنّي \\ ضيِعن كل أمل عندي
راح منّي حسين بعدك \\ بالهظم ظلّيت وحدي
ليلي مايطلع نهاره \\ والشمر بضعوني يحدي
حبل أيدي أيحن عليَّه \\ دمعتي نارأعله خدّي
روحي نوحي \\ روحي نوحي \\ من جروحي \\ من جروحي
صبري مالحظه وهن
حالي ياخويه أمتحن
ياكفيلي\\ يادليلي
**************
(15)
ياكافلي \\ ترجع ألي \\ بدموع مالي الجود
آني أنتظر \\ويَّه الخدِر \\ برايتك خويه تعود
**********
يبجي حالي \\ بدمعه مهظومه عليَّه \\ أنشده بالي \\ من كّصدت أعله المنيَّه
آ يغالي\\ صرت أفرك راح أديَّـــــه \\بلايه والــي \\عكب يوم الغاضريـــه
أمشي تالي \\ بهمَّي وآلآمي سبيَّه \\ داري خالي \\ غياب كـــل أهل الحميَّه
مايلآلي \\ الكَمر ماشوف ضيَّه \\ راسي عالــــي \\ يل وفيت أبن الزجيَّــــه
يبن الوفه ** بجفَّك كفه ** ناطره جف الزود
آني أنتظر \\ويَّه الخدِر \\ برايتك خويه تعود
**********
بكل سنيني \\ أمل عاش وياي يكبر \\ وكل حنيني \\ جمر بالوجدان يسعر
ماتجيني \\ شلت هم وبعد اكّدر \\ ون ونيني \\ عليك وي ونَّت الخدَّر
ضوه عيني \\ راح منّي يالمشكَّر \\ يعزّيني \\ الحزن لدموعه فجَّر
يرسّيني \\ مركب آهاتي لمحضَّر \\ يوديّيني \\ يم ضلع أمي لمكسَّر
بحر الدمع **يطفي الشمع **يمك يرد أردود
آني أنتظر \\ويَّه الخدِر \\ برايتك خويه تعود
************
مالي مهجه \\ شلون أتصوَّر جفوفك \\ جنت أرجه \\ سالم أترد من طفوفك
لاتحرجه \\ كَلبي يشتاك أعله شوفك \\ ماله حجه \\ وبيش يحيَه من يعوفك
الخيم ضجَّه \\ ونوح من عرفت ظروفك \\ ظلمه عجَّه \\ أبعينَّه ظلَّت وصوفك
صرنه فرجه \\ وحالنه ينطر طيوفك \\ المهر سرجه \\ أرجع وكّابل ضيوفك
بظيم الوكت ** دمعي يكت ** عالخد يسيل جبود
آني أنتظر \\ويَّه الخدِر \\ برايتك خويه تعود
**********
من غيابك \\ طاحت الخيمه وعمدهه \\ من مصابك \\ ابجت الروح بوجدهه
ظل عذابك \\ ينطر أيامي ويعدهه \\ يا شبابك \\ جنَّه وتكّطَّع وردهه
السهم صابك \\ صابهه العيني ومردهه \\ وبحسابك \\ ترد لخيامي بوِرِدهه
يامصابك \\ حسين باب الامل سدهه \\عله أعتابك \\ دمعتي دم أعله خدهه
أطلُب عهد **أطلُب وعد ** الرجعه درب مسدود
آني أنتظر \\ويَّه الخدِر \\ برايتك خويه تعود
**********
ضاع عمري \\ بالعامود أنصاب راسك \\ أنته صبري \\ خويه أتنفس أنفاسك
تظل فخري\\ الوفه عايش بساسك \\ أنته فجري\\ والصبح وجهه أحساسك
كصد دهري \\ عله درعك عله طاسك \\ بيك يدري \\ يعرف بصولتك باسك
حتَّه خدري \\لو ترد للخيمه باسك \\ بيدك أمري \\ الوفه للخوَّه قياسك
حال الضعن ** من الزمن ** أبيسر وهظم موعود
آني أنتظر \\ويَّه الخدِر \\ برايتك خويه تعود
************
((16))
ويلي عالمسموم \\ يومه هلَّت الدموع
******
اليوم يوح الحسن مسموم الجبد
والزمان أعليه أنفاســــــــه يعد
اليــــوم راح أيطول ويَاه البعد
أنوح لمصابه كّلبنـــــــه يستعد
*******
جان أبو محمد عله الشيعه أمين
مايريد الباطل وحقده الدفين
صُلح وقّع ويَّه أبن هند اللعين
عهد عنده من أمام المتقين
*********
المضايـــف والــــدلال أتيتمـــــت
علــــــه أعتاب الباب بالموكد لفت
بكل وصوف الكرم والجود أنحنت
عالحسن هاليوم دنيانــــــــه أنسبت
********
ظل يعاني أيام من سم جبدته
الغشاهه بفيض نوره خانته
هاي جعده بنت الاشعث سمّته
أتعنَّت أعله الجبد بالسم ذبحته
*********
زينب أتعاينه وتهل الدمع
تحس بآلامه الذي ماتنجرع
رجَّع أعليهه مصيبة الضلع
الحره بعده بجم مصيبه تنفجع
*********
حسين يم راسه كعد يشكي الهموم
خويه يومك كّلَّـــــه أبد مامثله يوم
عليك تبجي السمه والكاع ونجوم
تنذبح عطشان وآنــــــي بالسموم
**********
أمودع الله وياك ياأغلــــه حبيب
بعــــــد ماينفعك طب ولاطبيب
شلون عن عين اليحبونك تغيب
والجبد مسموم عن حالك يجيب
*************
الظلم للساعه يم كبرك يدور
ألك يوميَّه السلام أويه الطيور
أتحاوطك لذيابه يوميه تجور
نور الله بيك ماينطفي النور
*************
((17))
دمعت العين \\ تنادي يحسين
فوك تل الزينبيَّه
وجسد نايم عالوطيه
****************
ياذبيح \\ شما تصيح \\ الصدى أيجاوبهه عنَّك
الظلـــم \\ والهظـــم \\ وكّلب يسمع صوت ونَّك
عالرمال \\ الدمه سال \\ صِدَك يابو اليمَّه ظنَّك
العهــــود \\ الوعــــــود\\ خذت كلشي اليوم منَّك
أتنخَّت أتريد \\ لجن شيفيد
شخلتلهه الغاضريه
وجسد نايم عالوطيه
****************
الجروح \\ من تنوح \\ للقسه كّلبه تلجمه
لهب نار \\ والدمار \\ ريح عطّابه تشمَّه
عالخيام \\ الظلآم \\ خيَّم شتوصفه كلمه
الحياة \\ الممات \\ وياك يابو اليمَّه ذمَّه
كَلب واضح \\ الوفه رابح
فده الكل لبن الزجيَّه
وجسد نايم عالوطيه
****************
الجنون \\ عالمَنون \\ هذا طبـــــــع الوفي بعهده
المنيَّــــه \\ ولا الدنيَّه \\ أيريــــد يوصف ألك ودَّه
عمره صار \\ ألك ثار \\ أبفيض دمَّه وترب خدَّه
فده الروح \\ الهل الصروح \\ وياك يابو علي مجده
مايبالي \\ شانه عالي
الوفه من أهل الحميَّه
وجسد نايم عالوطيه
*************
تستعــــــــــــد \\ ماتــــــرد \\ دنيه مارادت بليّاك
بهل الظروف \\ من تعوف \\العزيزه بله حمـــاك
تفتديــــــــك \\ ترتضيــــك \\ تريد ماتفكّد رضاك
للبجــــــــي \\ من يجـــي \\ خاليـــه الديره بجفاك
لاكّمرهه \\ الصل ألهه
أتصيح رحتوا من أديَّـه
وجسد نايم عالوطيه
****************
العذاب \\ بالغياب \\ وحيده ظلَّت وتعاني
الزمان \\ أله جان \\ بكربله يومك يتاني
الوداع\\ الضياع \\ أخذ منهه أحله الاماني
قادره \\ أدَّبره \\ عدهه من حيدر معاني
الصبر قبله \\ الذل تذَّه
حتَّه لو راحت سبيَّه
وجسد نايم عالوطيه
****************
((18))
زوار أربعينك \\ يلي أنصرت دينك
جينه ألك مشّايه
نتناقلهه للرايـــه \\ يوسعنه حنينك
*******
نذرنه أرواحنه وجسادنه الملكّاك
وأعز مانملك بهل الدنيّه كلَّه فداك
من أولنه لآخرنه نريد حماك
الزاير يوصّي الزاير أعله رضاك
يم صحنك سروره \\ تشوفه بأحله صوره
انته المبداْ وغايه
نتناقلهه للرايـــه \\ يوسعنه حنينك
*******
من أبعد مسافه الخطوه يخطيهه
ماهمَّه الوكت لو دهر يمشيهه
عزيمه عنده أصرار ومتثنيهه
مصاعب الحياة أشبيهه مابيهه
يتحقق مراده \\ ويشعر بالسعاده
من ولايه لولايه
نتناقلهه للرايـــه \\ يوسعنه حنينك
*******
الريح وعواصف ماتهد جبال
وحبًّك يبو اليمَّه ما يغيره الحال
معقود الرجه وبدربك الآمــــال
مبداء ثابت ألنه أجيال بعد أجيال
صرخة ثار صحنه \\ تظل أنته ربحنه
يابو اليمَّه يا آيه
نتناقلهه للرايـــه \\ يوسعنه حنينك
***********
الك نعلن ولاء الروح من الذر
متهمنه النواصب لون نتفجَّـــر
كلنه بلمَّت الاحباب للمحشـــر
وبأيــــــدك تلمنـــه لون نتوذّر
ماننساك والله \\ أنادي حسيناه
دربك نور وهدايه
نتناقلهه للرايـــه \\ يوسعنه حنينك
*******
كل موكب يقدّم أقصى ماعنده
فارش روحه للزاير غطاه ودَّه
يمتنَّه يرضّي الكاصد أيسعده
ولو تغمض عيونه أيصيرله أمخدَّه
ماي وجاي يطّيه \\ وبرموشه يغطّيه
ماي عيونهم مايه
نتناقلهه للرايـــه \\ يوسعنه حنينك
*******
للموت أستعدّينه يوالينــــــــه
عاهدناك لاخر نفس ظل بينه
مايمنعنه حـر وبـرد ومشينه
عله خشوم الاعادي أدّوس رجلينه
غصبا عل يعادي \\ لبيَّك ننادي
لامنهاب لمنايه
نتناقلهه للرايـــه \\ يوسعنه حنينك
*************
((19))
يحسين شحجيلك بعد \\ خويه \ خويه
لجروحي ماينفع ضمد \ خويه \ خويه
عالغبره لاكيت الوعد \ خويه \ خويه
دمعي يناجيك ** ياجرح ماذيك
**********
بيني مابينك وعد جيت أو وفيته
الك عمري والسنين البي فديتـــه
شرد اقدملك يغالــــــــي ماهديته
كّلبي خليتــــــه بطفوفك مانسيته
أكعد ولاكّي للضعن \ خويه \ خويه
بليَّاك بالهم أمتحن \ خويه \ خويه
رديّت وحدي للوطن \ خويه \ خويه
ماراح ألاكّيك ** ياجرح ماذيك
**********
خويه أرد آشكي همومي المنهه أعاني
طول عمري ماشفت راحه بزمانـــــي
الزمن بمصايبه قصده ولانــــــــــــي
لاكن آنـــي الحره زينب أبقه آنـــــــي
ماذِل اذا يوم أنجرح \خويه \ خويه
لجروحي أداويهه بملح \ خويه خويه
ولو ليلي طال بلا صبح \ خويه خويه
خوفي أجافيك ** ياجرح ماذيك
****************
يوم عاشر من محرَّم من عفتني
أعتب أعله الموت أكّلّه ماخذتني
تدري ياخويه بعدانه من ولتني
جتِّفت بحبال ظيم أيدي وسبتني
أمشي وعاين عالدرب \ خويه \ خويه
يامنظر المرني صعب \ خويه \ خويه
خليتني بديرة غرب \ خويه \خويه
اليوليني يوليك ** ياجرح ماذيك
**********
هاي أرض الشام وعدي من زمان
حتَّــه أوصله وأمــر بكــل مكــــــان
لابـــــد عالثـــره مطروح الحنــــان
لابـــــد بهل اليــوم مذبــوح الأمـــان
تاخذني لوعات الدهر \ خويه \ خويه
بليل أظلم ودربي خطر \ خويه \ خويه
حتَّه أعيش المُر وأمَر \ خويه \ خويه
أدري مايرضيك ** ياجرح ماذيك
**********
لملمت بجروحي وآلآم اليتامه
والجسد بانت عليه أشجم علامه
النده باكّوا من ورودي وأبتسامه
رجعت أشكي الك خويه الظلآمه
جسَّام والاكبــــــر وذر \خويه \ خويه
وطايح كفيلي أعله النهر \ خويه \ خويه
وعبد الله مذبوح النحر \ خويه \ خويه
الماذيني مض بيك ** ياجرح ماذيك
***************
(20)
عالخيمه واكّف خدري \\ أحتاريت وأحتار أمري
جفَّك يروي الظامي
يتمه ترد لخيامي
ياكافلي عود \ ياكافلي عود \\ ياكافلي عود
***************
أبقه أناطر والدمع مالي جفوني
شوكت ترجع ياوفي وتكّر عيوني
جنت أحسِّب بالجفوا ماظن يجوني
والسيوف الذبِّحت صَدكَت ظنوني
هم ألك خويه جيَّه \\ لو أسمع برزيَّه
وتزيد بيَّه آلآمي
يتمه ترد لخيامي
ياكافلي عود \ ياكافلي عود \\ ياكافلي عود
***************
خبـــر يســـراك ويمينـــك آلمنّــــي
العده لو توصل وصيحن ألمن أعني
خويه ماتسمع نحيبي وصوت ونّـــي
ما أريد الدنيّــه وأنتــه بعيد عنَّــــــي
والجود خلَّه هناك \\ عباس رد بِلواك
أتحقق يساقي أحلآمي
يتمه ترد لخيامي
ياكافلي عود \ ياكافلي عود \\ ياكافلي عود
**********
تدري ياحادي الضعينه أنهدم حيلي
الدمع يبجي عله بجاي ودليلــــــــي
ياكّمر آيـــة نهاري ونور ليلــــــــي
ياسند خدري بعد من يوفّيلــــــــــي
يسألوني شفتي الرايه \\ ينشدوني رد بمايه
وكل طفل جبده ظامي
يتمه ترد لخيامي
ياكافلي عود \ ياكافلي عود \\ ياكافلي عود
***************
الليالـــــــــــي من تمر صعبه بليّاك
بعازة يمينك يخويــــــه أظـل وحماك
عمري مايسواله لحظــه عكّب عيناك
شلون اكــــــــــدر اعيش الدنيه لولاك
ياجبل عالي الزود \\ يمته ترد ياطود
يادفه أو فَي أيّامي
يتمه ترد لخيامي
ياكافلي عود \ ياكافلي عود \\ ياكافلي عود
***************
من يسكّن روعتي ويكشف همومي
ريت ماأصحه وصبَّح هــــــذا يومي
رجع جودك للخيــــــــم ويكّلِّي كّومي
ويــــاي أمشي للجفوف ويمَّه حمومي
منَّك كّطعت الظنَّه \\ بعدك طحت بالمحنه
يادوه جروح أيامي
يتمه ترد لخيامي
ياكافلي عود \ ياكافلي عود \\ ياكافلي عود
**************
(21)
يهل الضمائر طفله لحسين وسبيَّه
اليوم بحبال اليسر أخذوا رقيَّـــــه
*********
طفله الهظم ألهه كّصد من زغر سنهه
يوم الطفوف أنفكّد من عهدهه حضنهه
ظلت يسيره أتعايــــــــــن أدِّور أمنهه
ماعرفته مذبوح فوك الوطيَّه
*********
لوعة كّلب والنوح مايسكت بجيهه
أتصبرهه بدموع الحزن هسَّه يجيهه
ضاكّت عليهه الدنيه منتظره وليهه
تدرين ياعمه الابو خيمه عليَّه
********
بالكّوه نامت وبحلمهه شافت حسين
كّعدت بحضنه وشبكته والدمعه بالعين
مرعوبه فزَّت من حلمهه أتصيحه لاوين
هذا أوداعك ألي لو هم ألك جيَّه
*************
صرخة يتيمه من الزغر تكسر الخاطر
وزينب بكّت محتاره ما تدري شتجابر
وشلون تتحمل بعد هاي المخاطــــــــر
وشولن يحمل هل العمر هاي الاذَّيه
***********
ألتمت الاطفال كلهه أتصيح وينه
ياعمَّه مو كّلتيلنه الرايح يجينـــــه
طوَّل الغيبه أنريد هل الساعه ولينه
يحضر أيعاين حالنه بهاي المسيَّه
*************
ماسكتت من البجي لابطلت رجاهه
الظالم سمع اصوات زاعجته أبجاهه
أبطشت راس حسين أمغطَّه أجاهه
أبن الدعي وأفعاله صورة آل أميَّه
***************
شبكَت الراس وحاجته من لليتيمه
والله يبويه أتروح من عندي جريمه
أكعد وعاين حالتي بويه بهظيمه
وياك بويه ريت تاخذنه المنيَّه
***************
شهكت نفسهه أودعت دنيه المصايب
اقسه كّلب من الجــره بدموعه ذايب
واقع الدنيــه هذا مو دنيــــه العجايب
بخرابه صار أله كّبر يبن الزجيَّه
********************
((22))
مكتوب عالحرَّه الصبر \\ مكتوب عالحرَّه اليسر
صعبه لو نسمعهه تنحب
والله صعبه دموع زينب
جرِّحوهه \\عذِّبوهه \\ من خذوهه
***********
ها يزينب \\ صحتي وآني أسمع ندائج
ها يزينب \\ تظـــــل ليل أسود سمائج
هايزينب \\ صبرج أنعرفــه أو ولائج
هايزينب \\ الروح ترخصلج فــــدائج
عاجل أبد ماينتظر \\ لابد يشع نور الفجر
بالكّلب نعرف تعَّذَّب
والله صعبه دموع زينب
جرِّحوهه \\عذِّبوهه \\ من خذوهه
***********
يالعزيزه \\ أجه العباس أيتفكِّــــــد
يالعزيزه \\ خلَّه جف يمنته عالحد
يالعزيزه \\ الخدمتج الكــــل تجنَّد
يالعزيزه \\ وياج لو جيش العده مَد
أنراويهم نجوم الظهر \\ واليشرد أيدَّور عذر
ربع للسفياني واصهب
والله صعبه دموع زينب
جرِّحوهه \\عذِّبوهه \\ من خذوهه
***********
وينه ينه \\ الكّال زينب شيلي منّا
وينه وينه \\ أنجيبه لازم يركع أهنا
وينه وينه \\ نجتف يســــاره بيمناه
وينه وينه \\ وينكم ياخوِتـــــــي ها
وجيوش أميَّه تندحر \\ خايبه أترد وتنكسر
موالي بالغيره أمجرَّب
والله صعبه دموع زينب
جرِّحوهه \\عذِّبوهه \\ من خذوهه
***********
يالحزينه \\ من أنسبيتي أحنه أنسبينه
الحزينه \\ كلبج أنحس بونينــــــــــــه
يالحزينه \\ شمصعَبه فراكّج علينــــه
يالحزينه \\ جينه أرواح بأدينــــــــــه
فنَّه اليصل حد الكّبر \\ ياوليهم أهل الغدر
لجلج أتخيلنَّه الأصعب
والله صعبه دموع زينب
جرِّحوهه \\عذِّبوهه \\ من خذوهه
***********
مانتاني \\ واضحه الصور بجرمهه
مانتاني \\ والقنابـــــــــــــل بحرمهه
مانتاني \\ من كَبــــــل ياهو رحمهه
مانتاني\\ ناصبــــــي أيرد الهظمهه
يابنت ليلة القدر \\ أرواحنه نسرج مهر
ننصرج ننصر المذهب
والله صعبه دموع زينب
جرِّحوهه \\عذِّبوهه \\ من خذوهه
***********
ألج جينه \\ جبنه ويّانــــه فجرنه
ألج جينه \\ بسيفنه وراية فخرنه
ألج جينه \\ ولابد أنعود بنصرنه
ألج جينه \\ والكفيل ألنه ذخرنه
بجفوفنه راية نصر \\ تبقين ياحرَّه ذخر
مصيبه لو خدرج تسلَّب
والله صعبه دموع زينب
جرِّحوهه \\عذِّبوهه \\ من خذوهه
***********
ناصبيَّه \\ شجره ملعونه بأصلهه
ناصبيَّه \\ نكروا العتره أو وصلهه
ناصبيَّه \\ والله نتحــــــدَّه اليصلهه
ناصبيَّه \\ أتشوفه للعايزه يصلهه
الروح لأمرج تنتظر \\ اليحب عالكلفه يصر
خلّي بدمانه أنتخضَّب
والله صعبه دموع زينب
جرِّحوهه \\عذِّبوهه \\ من خذوهه
***********
((23))
يبقه لحسين الولاء ** أمشي دربج كربلآء
لوموت لو تفجيـــر
شيصير خلّي ايصير
**************
شلون أثنيهه العزيمه \\ حسين مالك كل كياني
شمالهه وياي النواصب \\ هيَّه شعليهه شعاني
يوكّف بوجهي وطريقي \\ وبسهم حقده رماني
لو يفجّـــــــر نفسه بيَّه \\ من رسول الله شيتاني
أرواحنه لجله فداء ** أله أنضحي بالدماء
وعداي بيَّه تحير
شيصير خلّي ايصير
**************
ويايه في كل الاماكن \\ كَربي حاضركل زمان
والحقيقــــه الماعرفهه \\ حسين يعنيلــــي الامان
عهد بالاصلاب والذر \\ أيحبه مو ياهو ألِي جان
واليراهن دومه يخسر \\ شيعي ماأخسر رهـــان
أنتظر يوم الرجاء ** ويّاه محلآه اللقاء
ألآيــات والتفســير
شيصير خلّي ايصير
**************
صاحب المبداء تِسامه\\ مايحب دنيَه المظاهر
يريد بالآخره كتابه \\ عد حبيب الاسم حاضر
حسين عنوانه وضميره \\وكّلبه مليان بشعائر
أختبره بالخدمه تشوفه \\ يطلب بجهده المفاخر
والعهد عهد الوفاء ** تشهد علينه السماء
أول فدائي ونصير
شيصير خلّي ايصير
**************
هذا مو ضرب الاماني \\ ولاخيال الحال واقع
حتَّه لحظاتـــه الاخيره \\ عن ابو اليمَّه يدافــع
يموت مرَّه اثنين ميَّـــه \\ لجل دينـــه ما يمانع
خلّي عين الحقد تعمه \\ وخلّي تنصَم المسامع
كلنه بمحبته سواء** وملبّين النداء
للناصبه التحذير
شيصير خلّي ايصير
**************
ندري حب حسين جنَّه \\ والسفينه حاضره ألنــه
شما نقدّمله ونضحّـــي \\ حسين هوَّه البدء منَّــــه
الزينب التاريـــخ يشهد \\ ثوره جانت وسط محنه
يــازيزد شما تحـــاول \\ والله ماتمحوا ذكرنـــــه
يومه بجَّاهه السماء **حسين علمَّنه الوفاء
والحب أله وتقدير
شيصير خلّي ايصير
**************
((24))
يمنتك يوفّاي من يكدرلهه
رايتك يوفّاي من يوصلهه
يبقه عالي جبينك ** ورايتك بيمينك
**************
كلمن أيلاوي جفوفك \\ يرد خايب
كربله وحدك بطلهه \\ والحرايب
ضربتك بس وحده تكفي \\ وسيف غالب
سيف يتجادح شراره \\ أعله الكتايب
بكل وفه وكل أحساس // حسينك تطيعه
بكل وفه وكل أحساس // أطّب الشريعه
يل نذرت سنينك** ورايتك بيمينك
**************
خذت جودك عالشريعه \\ بدمع الاطفال
يمنتك يســـــراك وفَّن \\ كــــل الآمــال
بالدمه توفي وعودك \\ وعد أبطــــــــال
وياك ملك الموت حاضر \\ ياخــذ آجال
خوّتك متنقاس // يموفّي عهدك
خوّتك متنقاس // يحامي حدَّك
بالخيم تانينك ** ورايتك بيمينك
**************
ياأبن حيدر الهيبه \\ الكل تعرفك
ساحتك وحدك بطلهه \\ هذا وصفك
لليعادي أتذل ركّبته \\ بسيف جفَّك
الدينك أتضحي بوجودك \\ يوم طفَّك
الوعد يعباس // من تنصر حسين
الوعد يعباس // أتضحّيله جفّين
وسهم يطفي عينك ** ورايتك بيمينك
**************
برايتك للخيم ترجع \\ ماي بالجود
ترد لهفتهه ورجاهه \\ عالي الزود
ياوفي والنعم منَّك \\ حامي لحدود
مرجله عندك وغيره \\ويانه موعود
للوفه أنته نبراس // لختك أملهه
للوفه أنته نبراس // شايل حملهه
باسل أموصفينك ** ورايتك بيمينك
**************
النصر بيمينك يلآلي \\ كمر هاشم
أبد ماطاحت الرايه \\ الباري عالم
الكفه والزود بجفوفك \\ تبقه غانم
زينب أخذوهه يسيره \\ أويه الفواطم
من جفوهه الحراس // ياأبو الغيره
من جفوهه الحراس // راحت يسيره
اليوم عنهه وينك ** ورايتك بيمينك
**************
((25))
مشي مشي \\ أمشي وأزورن حسين
مشي مشي \\ وأكصد الرايه وجفّين
الاهل الشهامه ** براية كرامه
**********
يوم العمر \\ آنه أنتظر \\ أمشي وشوفن دنيتي شمحلآهه
بي أستعد \\ أكّصد ورد \\ زواره ابو السجاد يتلكَاهــــــــه
هذا الظفر \\ هذا الفخر \\ للعالــــم أنراويهم ونتباهــــــــه
قمَّة قيَم \\ نور الامم \\ ألأمَّـــة محمد جدَّه دمَّه أحياهــــه
مشي مشي \\ماأوفي قطره من الديَن
مشي مشي \\ راجائي دمعت العين
وآخذ علآمه ** براية كرامه
**********
المسأله \\ بشوكّي أله \\ كل النواصب رافضي أيسمّوني
أهل الحقد \\ حبّي تضِد \\ وبكل جهدهه تسعه ويفجروني
هوَّه الامل \\ من الازل \\ حسين الكّلب والروح نور عيوني
ماأنثنــــي \\ ماأنحنــــــي \\ لهل الكفر لو رادوا أيلآوُنــــــي
مشي مشي \\ للملك كّلبي نصّين
مشي مشي \\ من الازل أموقعين
أتقلَّد وسامه ** براية كرامه
**********
ثكَل الحمل \\ ماينحمل \\ زينب الحرَّه حملته بصبرهـــــه
أتيسّرت \\ أتشتّمت \\ وبمجلس الطاغي عله قدرهــــــــــه
يبجي الدمع \\ من تنفجع \\ دمعه أعله دمعه منبر النصرهه
لاماتذل \\ الكل نذل \\ عزَّته رايه أترفرف الخدرهـــــــــــه
مشي مشي \\ ثورة حزن عالطاغين
مشي مشي \\ والوعد يومه تانيـــــــن
درب السلامه ** براية كرامه
**********
لمَّن زرت \\ بي أمنَّت \\ اليوم ابو فاضل حضر ويّانــــــــــــه
ويَّه الكمر \\ درب السفر \\ بالرايــــــــــه وبسيفه وجفوفه حمانه
عنده وعـــد \\ يوكّف أســـد \\ مواسين أختــــه الحـــــرَّه يتلكّانه
اليـــوم الضعن \\ كلهن لفـــن \\ وحدتهن بشوك وصبر ولهانـــه
مشي مشي \\ بالنوح وبهم وونين
مشي مشي \\ نشكي أله مهظومين
بدمعة يتامه ** براية كرامه
**********
راحت غصُب \\ بهظم وضرب \\ عافت جثثهم عالثره مذبوحه
رد ألألــــــــــم \\أبجـــم ســــــهم \\ أنلآكّيهه ونواسيهه للمجروحه
أعلن رفض \\ لهل البغض \\ موالي ونذر لحسين كّلبه وروحـــه
أسعه وأجـد \\ يبقه المجـد \\ السور عالي وعاليات صروحـــــــه
مشي مشي \\ ونكَابل الميامين
مشي مشي \\ والشاهده الميادين
يافجر الامامه ** براية كرامه
******
((26)) كعده
**********
باجر تهل بأيتامهه علينه \\ زينب أدوّر كَبر والينه
تشكي الهظم وبعاد
ردَّت لبو السجاد
**************
باجر أترد بألمهه بجم مصيبه عليهه مرَّت
بالدمع والظيم تعثر ولكَلبهه الدنيَه فسرت
شافت بكربله لوعه شلون عالشمّات صبرت
خلّتـــــــه سابح بالدمه
والمنحر أيعاني الظمه
وظلمَّت عليهه السمه ** للدموع دموم درَّت
مصيبه ترد من غير حاديهه \\ والشمر من راحت حده بيهه
اليوم بسنه ينعاد
ردَّت لبو السجاد
**************
من مشه وياهه ونظرهه عينه تعمه من يعاين
للدهر لاوته زينب وصارت أعله الهَم تواطن
كَلب ثوره بنص صدرهه ماتــــذل أو لاتهادن
الهاي العقول المترفه
غيِّرت مجره المعرفه
تاريخهه من يعرفه ** واضحه بنت يامعادن
ذلَّت يزيد وطمّته العاره \\ ورفعة الرايه بمجلسه وداره
أتشرِّف الامجاد
ردَّت لبو السجاد
**************
رجعت يسولف بجيهه والمســافه عليهه صعبه
بالمهج جمرات تسعر وعهدهه ويَّه الاخو عتبه
موعتب زعلآنــــــــه منَّه ندري بيهه شكد تحبّه
أخت الاخوهه مفاركّه
الروح الكّلبهه أتسابكه
عالكّبــر تهوه أتشابكّه ** أيعين ابو السجاد كّلبه
عله ترابه تهوه بدمعت العينين \\ غصبا عليهه من أبعدت يحسين
وياهه الدهر بعناد
ردَّت لبو السجاد
**************
اتعاين بعين الحراير وتنظر وجوه اليتامه
يريدن أيعرفن خبرهه عرفت القبره علآمه
اجن مثل السرب يمَّه وصبَّن دموع السلامه
ليله عله الاكبــــر لفت
ورمله عله القاسم جعت
ورباب عبـــــد الله لكت** منَّه مشتاكَه أبتسامه
الحرّات كل وحده بمصيبته \\ وأم الحزن عالراس لمَّتهه
يازمن بسَّك عاد
ردَّت لبو السجاد
**************
تريد تكّصد عالشريعه وياهه خل نمشي سويه
حالها أيكلَّه يخويه اعله النهر جثتك رميَّــــــــه
ريت عيني بدل عينك بالسهم صارت طفيَّــــه
وعامودك الراسي هشم
ياخوي يا راعي العلم
من رحت حركّوهه الخيم ** ياكفيلي أمشي سبيَّه
رجِّع جفوفك وارجع عليَّه \\ الحرَّه أسمهه اليوم مسبيَّه
خوِّتك خدري راد
ردَّت لبو السجاد
**************
المصيبه
*********
يل موالي شيل رايه وأكتب بدم الولايه
النصرتج كلنه أجينه الناصبه نسبي سبايه
رواحنه فدايه نصفهه وأبد منهاب المنايه
للكلفه نحضر والطلب
وبالناصبه أنسوّي العجب
من منهم اليسوه عتب ** من السقيفه للنهايه
***************************************
(27))
((من شرَبك يبني الماي))
يوليدي ماتبجي بعد \\ من شرّبك يبني الماي
يامه صدرك
من سهم نحرك
**********
آني جنت أرجه وجودك خيمه بيهه أتلم سنيني
الورد ما حسّبت لحظه يروح عنّي وما يجيني
وأبقه أكّابل مهد خالي ودمعتي تلولي أو ونيني
عيني مشتاكه أعله شوفك من يرد لهفتهه عيني
منّي خذك طير الوعد \\ وعن روحي يرضيعي أبتعد
من نشف درَّك
من سهم نحرك
**********
ترجع أتفرِّح ظنوني ضاع تالي وياك تعبي
ألمن اوصف سهر ليلي يعبد الله أنجوه كّلبي
أنحنه حيلي أنكسر ظهري بعد ما وجّده دربي
نوحي لونيني شكاله شنهو ذنبك شنهو ذنبــي
مذبوح تالي أترد ألي \\ غيابك ذبح كل أملي
العطش ضرَّك
من سهم نحرك
**********
نجوم بسمايه أعدهه وعله كل نجمه رسومك
شيب راسي عليك يندب ريت يومي كّبل يومك
رحت لُمَّك الزجيَّــــــه وعفت لُمَّك بس همومك
عيوني تمطر نار كبره يالولد لو شـــــم نسومك
بنسمة هوَه طيبك أشم \\ وعالماي وجهك ينرسم
من نشف درَّك
من سهم نحرك
**********
شأرد أجاوب لو سألني رباك يبني شأرد أكّلّه
العطش ماخلَّـــه مهجه وفحطتك ربَّتلي عِلَّــــه
عيون تذبل وجه أصفر منظــــرك للجبــد سلَّه
يُمَّه لو بالدمــع تروه والدمــع أدري تِمِلَّــــــــه
درِّي نشف صدري يحن \\ بلياك ليل نهار أون
اعرف وعذرك
من سهم نحرك
**********
وياك ماخذتـــه الدليلــــي عافك وعايش عجيبـــه
روحي ظلَّت تنعي فكّدك وبيَّه أحس روحي غريبه
عمري ماريده بغيابك من تردلـــــــي عمري جيبه
أخذ جبدي بصف وريدك وحرمله خلَّــــــي يصيبه
ماريد بعدك دنيتي \\ أبقه اعايش حيرتي
يمه شخبرك
من سهم نحرك
**************************
((28))
أنا المذبوح الحسين \\ أنا العطشان الحسين
************
من أجل دينه المحمد وكل موازين العداله
بالطفوف اليوم وعدي أتم للأمه الرساله
الجراد ضعوني حاوط بجيش ماينعد مثاله
والصبر بآياته خيَّم والمخيَّم حاله حاله
خيمه تركع خيمه تسجد بزلم نخوتهم أصاله
وحرم وأطفال بصبرهه الكل أله موقف بساله
أنا المظلوم الحسين \\ أنا المجروح الحسين
***************
صبَّح العاشر علينه وأستعد الكون كلَّه
واكَف أيعاين أشاره يعرف شبيهه وشكّلَّه
وأستعد عباس زمجر وياي يعرف شنوا لعلَّه
الدين بآخر نفس باقي وناس ماراعت القبله
جيش أميَّه كّبال ضعني ألهم الشيطان ملَّه
أبتده ويانه ظلمهم وراد ألهم صبري مهله
أنا الريحانه الحسين \\ أنا المقصود الحسين
************
أشتروهه الدنيَــــــــه بالذل وبتده يوم المعاره
السقيفه مبداء الهم بعد ألهم ماكوا جــــــــــاره
سيوف أصحابي وصبرهم جبل صامد بقتداره
أتشوف وجهه بنور حبنه مملي بالبشره ونظاره
وأبو فاضل بيده رايه كَبه جف وجف مناره
وزينب الحرَّه العقيله ألهه من بعدي الاداره
أنا التوحيد الحسين \\ أنا للقبله الحسين
************
طبول صوت الحرب صاحت والسهام أعتنت لينه
الامام الهادي آنــــي وشجـــرة يزيـــد اللعينـــــــــه
ضنوتـــي الاكبــــر توذَّر والوديعـــه أمطبّرينــــــه
وكَطعوا جفوفه الوفيَّه أبو الغيره طفوا عينـــــــــــه
وعالحــرم حركــوا خيــامي وليَــه ياشيعه أنوِلينَـــه
وزينب الله أيعين زينب صابـــره بكّد ماحزينـــــــه
انا المقتول الحسين \\ أنا المهظوم الحسين
***********************************
((29))
حال الزهراء عليها السلام يوم الاربعين
***
أجت يبجي دمعهه \\ وجابت هم ضلعهه
تعاين حال زينب
أم ويّاهه تنحب
*********
بياحاله الزجيَّـــه \\ لفت للغاضريه \\ أتريد تزور أبنهه
طلعت من كّبرهه \\ للخطوه تجرهه \\ تنوح ينوح ظنهه
أتعاين راس عالي \\ يرد للجسد تالي \\ نارأيشّب حزنهه
للجثَّه جفاهـــــــه \\ رد اليوم أجاهه \\ يواســيهه بمحنهه
أدير العين حسره ** حزن يسجب العبره
المصايب كلهه تنصَب
أم ويّاهه تنحب
*********
سمعت زينب تنوح \\ ياخويه يمذبوح \\ من اليســــر ردّيت
تراقب حــــال بتهه \\ بياحالـــه لفتهه \\ماظل وال
الرئيسية 
البوابة* 
أحدث الصور 
التسجيل 
دخول 
