## كعده## اسم القصيده {اتنادي الزوار}
""""""""""""""""""""""
حكهة الزوار الزوار ** أتنادي ياحسين
هيهات منه الذلــــــه ** ابدربك ماشين
دمعة وعبره -- بين الزهرة -- أبدربك ماشين
********
خلهه تتجند عليـــــنه--- بني العباس واميه
هذا خط كل النواصب--- اعلن امواجه نبيّه
حارب وفجر ودرس --- ضد الصرخه الحيدريه
اجتمعت اصحاب الجزع
الاّمر الناهي الطمــــــــع
ضد علي افتوا بــــــــدع--- هم اخوه وهم وصيه
ابدرب الاخطارالاخطار** منهاب انفوت
والشيعه ابحبك مجنونه ** تسحك عالموت
بكبره اتحضره يبن الزهره** ابدربك ماشين
*********
مرت ازمان وبعدهه ---- اطول لايام القيامه
وسم للمؤمن امحبتك ---- ونالهه الاشرف علامه
ابمال ضحه ةعاف داره--- وروحه وجفوفه وسامه
اشكال ونواع الفتن
مرت علينه والمحن
وبمصايبه دار الزمن---- وياك بس درب السلامه
انادي ثارك ثـــــــارك ** يايوم الطف
وبيوم الصيحه فجرك** والعلم رف
الشيعه اتنصره** بين الزهره** ابدربك ماشين
*********
اكلوبنه اتنادئ وضمائر--- اتصيح بيك ابو اليمه
عهد عند الله ورسوله ---- ابشرف وقعنهوذمه
يوم ومن نسمر ونعرف---- حي حسين الدين دمه
ننصب ماتم بالكلب
وشعائرك بكل درب
لجلك نواجه الصعب --- عدنه زود وخوش همه
ابسيف الاشعار** الاشعار** انجدد عهدك
والمنبر يعله صوته ** ابحبنه او ودك
بعزم وقدره** يبن الزهره** ابدربك ماشين
*********
من يأمن بيك يحيــــــــــــا***ويصعد وياك السفينه
شراعهه جفوف ابو فاضل**للنجاة اتسير امينه
كل بحر اظلم تعبـــــــــره** ياحسين ايدك بدينه
الشاطي الامان اتوصله
والعمل منه تقبـــــــــــله
وياخذ ابحبك منزلـــــــه**بكثر تضحيته وحنينه
يابو الاحرار --- متحدنه حدود
والطف راياته انعليهه----- ونهدم لسدود
ايحصل فخره---يبن للزهره--- ابدربك ماشين
********
من البشر نوعين ضدك*** الماعرف نورك وابصر
وحاكم اشماكبرملكه *** ايشوف نفسه اكبالك اصغر
جلهه ذاك ابلا عذر*** وهذا بأستكباره قرر
بالسوطوالنار الحكم
يظلم ويعلم عالظلم
العقل جاهل بي عقم *** ابليلهم لاصبح يظهرم
زمرة اشرار اشرار--- ارهابيه
والسوط ابئيد امريكا --- والبعثيه
الشيعي وصبره--- يبن الزهره --- ابدربك ماشين
=========================
كعده اسم الصيده صرحة ثار
=================
صرخة ثار ياحسين *** سيوف احرار ياحسين
يابو اليمه ماننساك
من يوم الذر بايعناك
************
بنتدي ونشرح مائل *** وحده وحده نرد عنهه
ليش تكوين الخليقه*** الياسبب الباري سنهه
تختلف بيهه المنازل *** والقوانين وامنـــــــهه
قران وانجيل وزبور
الرحمه بيهن والسرور
وبغض الفواحش والفجور*** ابمحكم ايايته علنهه
نور جديد -- ياحسين--للتوحيد-- ياحسين
روح الحق ربي خلاك
من يوم الذر بايعناك
*************
اباحاديثه النبي طــــه**** اعلن اوضـــــــح بعثته
اتمثلت رحمت الباري *** ابنفسه واخلاقه وعترته
هوه هادينه واملنـــــه *** باب رحمـــــــه الامته
البارى بالحق ارسله
من بعده رتب سلسله
حل عدهم الكل مسئله*** حكهه تفخر شيعتـــــه
بالاعمال -- ياحسين -- والاقوال -- ياحسين
بالحق شدوا حته اعداك
من يوم الذر بايعناك
*************
خلي بين الناس نحجي*** والجره بالطف نذكره
انعادت ايام السقيفــــه*** وحق ابو اليمه تنكره
ثــــار لجل الدين يبقه *** والنسه بالحق نذكره
البـــــــــــاطل الجنده امر
وهل اليوم ابواليمه ابخطر
ماهادن يزيد واقـــــــــــر*** اشعاع نوره ونور فكره
كلمة حق--- ياحسين--- رعد وبرق ---ياحسين
مثل السيف اْلبيمناك
من يوم الذر بايعناك
************
مثل خيط الفجر يقسم *** جانب اسود واخر ابيض
يوم عاشر من محرم *** غابه بيهه ذيابــــــه تكتض
والهدى ومصباح نوره*** ابخيل عشره صدره ينرض
منه الكفر وأهل البدع
واحدهم ابشره وكـــع
شوف الله بيهم اشصنع
باليقين --- ياحسين --- دنيا ودين--- ياحسين
شرع الله احييته بدماك
من يوم الذر بايعناك
************
تتفق كل العقايــــــــد *** والملل والناس كلهه
هالخليقه عدهه فطره *** للخلاص اتاني املهه
شخص يتمتر ابقدره*** والمصاعبهم يذلهه
والشيعه منتظره الفرج
يعالي ابلايـــــــه درج
كاله لبو اليمه ســــرج
مو اوهام --- ياحسين --- ولااحلام --- ياحسين
كلمة حق كلحنه فداك
من يوم الذر بايعناك
=====================================
[ كعده] اسم القصيده( دمعات الحزن)
=====================
عيني دمعات الحزن صبيهه **** كربله اعليه ماضيهه
علمتني عالحرمان ---------- او غربة الاوطان
*******************
مثل هــــذا اليوم ناخت*** ضعون ابو اليمه ابطفهه
دار غربه اعلينه وحشه*** وللخيـــــــم عباس صفهه
جنوده وانصاره حرسنه*** وجوه مستبشر لطفهـــــه
كل واحد وعنده عمل
لامر ابو اليمه امتثل
الرايه عيّن والمحل *** هل الاشاوس قل وصفهه
بين اعلينه الفجر باحزانه--------الموت خطوه اباثر خطوه ويانه
الابطال بالميدان--- او غربة الاوطان
*******************
الموت واكف حـــاد سيفه*** ياخذ المر بطريقه
ابسهم لونــــــــــار تحرك*** وسيفه بالطف الحقيقه
سلاحه رمح وحجر يرمي*** وبالدم ايصدق الوثيقه
انصار ابو اليمه علم
عدهم معاني اجمل قيم
وحبهم مناعه من الالم*** الموت خاواه وصديقه
روحهم بمحبتك مرهونه--------- كلوبهم بمودك مجنونه
بالتقوى والايمان---- او غربة الاوطان
*******************
عيني تنظر حال ضعنه*** والكلب لايج عليهّ
اشلون باجر لو اصبّح*** من بعد هاي المسيه
مايظل من هلي والي *** اترافجوا ويه المنيه
ادري بخوي ونهضته
للدين يبذل مهجتـــــه
يبني اســـــاس الامته *** والدمه ايروي الوطيه
اتحرم الايام عني شوفته-----------كوم لارحمه وحميه ذبحته
وتشب عليّ نيران--- او غربة الاوطان
*******************
اشلون باجر لو تخير *** بينه الموت ورمانه
ايعوفني ابغربه وحيده*** وبالحزن عم او عمانه
وحدي وسط الخيم افتر*** بناس ماترحم ولانه
وانه العزيـــــزه مخدره
اصبح وامسى مكــــدره
وضلوع صدري عالثره*** بالغدر يحكم زمانه
كلبي يشصبره ويحمله للالم ----------عليه جارالوكت وخواني هظم
عشت ابمرار احزان-----او غربة الاوطان
*******************
الصـــــــــــــبر مني تعلم *** وطاوع احزان النوايب
صار ينعي ودمعي جاري*** دمه من فكــــد الحبايب
وذاك بيتي الجــــان عامر*** مايرد اعليـــــــه غايب
اخذوني مجتوفه ابحبــــل
وظهري انطوه من الحمل
تعرف ابختك ماتــــــــذل*** لون تلتم المصايب
وياي ياكربله اشعندج من حزن------ شفتي ونوحي وسمعتيني اون
ارجع بلا خوان ------ او غربة
================================
اسم القصيده ( رايات العباس) [ كعده]
========================
هــذا العباس ******* يتشر راياته
وبيوم الطف ******* اتشرف وكفاته
الرايه بجفوفه/ العباس -------- نور بطفوفه/ العباس
************
اتخرج ويحمل رساله*** واخذ بيده اعله شهاده
ابجامعة حيدر اتعلم *** ونال مرتبة الرياده
اتوطدت عنده العقيده *** ابكربله اتجسدت عباده
خريج علمه صدّقه
للوصي وعده جقق
بالغاضريه وثقـــــّـه *** وحظه ابلحظات السعاده
الروح ابروح ------ وي حسين اخيه
خاوا للموت ------ بالغاضريه
العين اتشوفه/ العباس ------ نور بطفوفه
************
جبل شامخ من رجوله*** ابسيفه ماثنه ضربته
غيره ومروه وشهامه *** اسد يوم الطف وكفته
للضعن حادي وحارس*** كول عنه اشماوصفته
البدر بالطف اكتمـــل
بجفوفه حاضن الاهل
صندبد ماهاب الاجل*** وفه بالصعبات ذمته
ظيغم مهيوب ------ يامحله اوصافه
لامنوفيـــــه ------ لوردنه انصافه
تتلاله سيوفه/ العباس ------ نور بطفوفه
************
فارس وبدر الهواشـم*** غيضه بيمينه يفجره
عنده يم حسين مطلب *** للجنان يريد هجره
مارخصله وطلب منه*** العيلتك الماي دبره
ادّرع بجود الظمه
وركاب حز بصارمه
وسبحهم ابحر الدمه *** وصل للمشرعه ابصبره
اليوم السقاي ------ بوعوده وفه
ايجيب الصعبات------والزود ابجفه
الغيره معروفه/ العباس ---- نور بطفوفه
************
نسج من مل دمعه جوده *** وسرج روحه عللمنيه
طبـــــــ من حيدرابكلبه*** يوفي ابو النفس الابيه
يحتسب اخوانه لجلـــه*** تربية ام الحميـــــــــه
ماواح ابوجهه وكف
لسهام عن جوده شكف
من الماي بجفوفه غرف*** حس عطش بن الزجيه
من شال الماي-------- خله ابجفينه
لتهنه وضــاك------من كبل حسينه
كعبه وي طوفه / العباس ------- نور بطفوفه/ العباس
*************
رجع ببشـــــــــارة الغايب** *العاد من ديره بعيده
ايرجع الفرحـــــه البسمته ** * للطفل ابيوم عيده
جرحه صار الفرح عدهم**ا*بطيحت الرايه من ائيده
وحسين ناده ابصيحتــــه
ظهرى انكسر من طيحته
والدمه صب من مهجته*** غاب عن عينه عضيده
كافـــــل زينب ---------- من اخذ جوده
الحادي موعود--------- للطف حدوده
كامل وصوفه / العباس
نور بطفوفه/ العباس
=================================
كعده اسم القصيده ( التجاره الرابحه)
=========================
حبك يبو اليمه أعظم تجاره********* مضمون الربح مامش خساره
بيه العمل مقبول
انرددهه ونكول **********حبك يبو اليمه اعظم تجاره
**********
أخدم واحيي الشعائر*** ولاتخلي الخوف حاجز
ونصب الذكره ماّتم *** دنيه والاخره فايز
يحضرك يوم المنيه *** وعينك اتشوف المعاجز
جـد ياموالي وجتهد
لتقصّر أو أبذل جهد
اتوكل علع الله وعتمد *** ولاتمل اتصير عاجز
كطره من بحر ابخدمت حسين********** يوم الحشر بيهه كرة العين
صك المغفره اتنول
انرددهه ونكول********** حبك يبو اليمه اعظم تجاره
**********
ألكل عمل ينراد نيّــــه*** والله بيهه ايجازي فعلك
وتلمس المعروف منـّه*** واليحب ايصير مثلك
وذاك من يخسر جلمته*** أو نيّته ايغيرهه يهلك
التزم وثبت عالـــــــدرب
مروّه العمل ماهو غصب
الباري يعينك عالصعب*** واخذ درب حسين مسلك
ابدنياك اقتدي بي وبطريقه**********تصعدهه السفينه وياه حقيقه
وشما دربك ايطول
انرددهه ونكول********** حبك يبوم اليمه اعظم تجاره
**********
ماتمس النار شيعــــــي**** شايل ابكلبه محبتك
ابكل خطايانه وذنبنــــه**** أندنّك أنقبل عتبتك
ابأمس حاجه تدري بينه**** عليك ضلع امك او اختك
أتهونهه عصرات الكبر
نعبر سراط الله أو نمر
يابو علي انته الذخـــر**** لشدد هايه وكفتك
يافخر الزمان او عزّة الكون********* حقه اشيعي بمحبتك مجنون
ومحيرهه لعقول
انرددهه ونكول*********حبك يبو اليمه اعظم تجاره
**********
اثنعش نعرف عددكـــم *** سلسلة انوار وحده
واليعادي حسين يعرف*** الخصيم أوياه جدّه
وبالقيامه اهناك يخسـر*** ماربح من وكف ضدّه
والوجه اسود بالحشـــر
ماينقبل منّه العـــــــــذر
واهل الكفر وأهل الغدر*** خلّي تنفعهم الردّه
مالت جفت الميزان بيهم********** كل اعمالهم حسره عليهم
ذنب واحدهم اتلول
انرددهه ونكول********** حبك يبو اليمه اعظم تجاره
**********
ابكربله ظهرت مدارس*** وملحمه اتعلّم معاني
مرجله وصبر وعزيمه*** وتضحيه وغيره وتفاني
ومدرسة حزن العقيله*** والالم ألّي تعاني
والظامي اسس مدرسه
التعلم الدين وتغرســـه
بنيان رمزه اسســـــــه*** وبيهه تحقيق الاماني
شجرة دينه من دمّه رواهه********** ظيم ابن ظيغم ابن طه
فحل من ظهر الفحول
انرددهه ونكول********** حبك يبو اليمه اعظم تجاره
**********
ابوذيه
88888888
خلّي اكبال عينك حاله منظار
لبو اليمه الذبيح اليوم منضار
شوف العين ما تحتاج منضار
سليب وظامي ظل بن الزجيه
===============================
اسم القصيده( يلي تعادينه) [ كعده]
===========================
حسين بضمايرنه ********** وكربله العنوان
بأسمه شعائرنــه*********** هاك اخذ البرهان
يلي تعادينه --- وتعادي والينه هاك اخذ البرهان -- هاك
******************
إنظرالعام وناســــــــــه ** تعرف انواع العقائـــــد
سحر منهه ومنهه لعنه ** وفطنه عندك إلهه لابد
وراعي هل فتنه البدعه ** ابجهله يبقه إلهه عابــد
وبعد ناس هواي عميه** غافله عن الله واحـــــد
واحد يّصيخ البطـــــن --- يّاكل نارّ
واحـــــد ابعقله منفتن --- يعبد فار
واحدعلى ماضي يحن --- للاحجار
ناس بعبادتهه ** للبوذه وابقار
والجثث شالته **وحركته بالنار
متوحد بن علينه --- وتعادي والينه -- هاك اخذ البرهان-- هاك
*********************
احنه عدنه الغاضريه ** جسد روح وكلب طاهر
كربلــــه ام المدارس ** حكنه من بيه نفاخر
يالتناشد اسمع اعرف ** ليش نييحهه الشعائر
خامس العترة نذكره ** ابصوت خدام المنابر
خيمكه نوصفه الك--- ذاك اليوم
كله خيم تحيي الذكر--- ماكو نوم
بيه المشاعر نورت--- درب الكوم
وسوف اّل اميه ***********اتناطر حقدهه
من اهل الحميه*********** تتشفه ودهـــه
والصبح امتانينه --- وتعادى والينه---هاك احذ البرهان --- هاك
*********************
انتـــــــــه يلـــــي تنتقدني*** هذا راسي ليش اطبره
ليش عجبه ايسيل دمـــــي*** لأن دمه مله الغبره
وليش ابجي اعله ابو اليمه*** ألطم اوى اللطم صدره
لأن احيا ابروحه دينـــــه*** حسين علّه الباري قدره
ننصب مواكب مأتمه --- بنص لكلوب
ورواحنه مثل الشمر--- لجله اتذوب
ننشر تشابيه الحزن----- ابكل دروب
اتوشح ثيابــــــــــي********** سوده ابلون الليل
من حزني ومصابي**********اصرخ صرخة ويل
ابدينك شعلينه ---- وتعادي والينه--- هاك اخذ البرهان --- هاك
********************
يوم تاسع من محــــــــرم*** حين وجه الصبح اسفر
خيمكه ابـــــــكل بيت النه*** هل نقدمه وريته اكثر
ندرى بمصيبة العاـشـــــر*** صبر زينب اله يكدر
نواسي حزن ام المصايب*** مثل ماواست الخدر
ومن الفجر للدائــــــرة--- فد لمه
نريد ابو اليمه اناصره--- بكل همه
نشوف الخيام اموجـره--- ابلا رحمه
ونساعد ه الحره********* ابلم كل الايتام
ظيم المر اعليهه******* من جور الظلام
الساعه اعرفت اشبينه ---- وتعادي والينه---هاك اخذ البرهان --- هاك
اسم القصيده ( راعي المرجله) ( كعده]
=======================
من يمنتك يابو الفضل طاح العلم****والجود يابو المرجله نصاب ابسهم
صابك عمود البين – من كطعوا الجفين
*********************
من نعد الصور كلهــــه*** الوصف شحصك والمعاني
كل ابحور الشعر جفت*** والقوافي اتظل تعانــــــــي
غيرتك محد دركهــــه*** وتضحياتك والتفانــــــــــي
دون الحراير وكفتك
من اصل طيبة منبتك
عباس تســــلم يمنتك *** وسيفك البهه حمانــــــــــي
ياكمر هاشم يا وفي اشمر عالبال******نعجز وصف لحظة وفه وهذا الحال
لمّن وفيت الدين---من كطعوا الجفين
**********************
ونته يابو الفضل تدري**** ابحالة حسين وغربته
رايته بيمناك تحلــــــه**** منته يسراه ويمنته
ياشهم حادي الضـعينه**** كل وكت حاضر الشدته
عالنهر شديت العزم
ماهبت اشباه الزلـــــم
وعداك يرعبهه الاسم *** ابجيش اميه اوعّدته
للعلكمي من اكصدت تملي الجود **** وبعينك انشوف الفرح من اتعود
صّوبني سهم العين--- من كطعوا الجفين
************************
يوادعك كلبي يخوي*** اوياك الله يل عفتني
يازمان عليك اعتب *** ابأعز من روحي غدرتني
صارن جفوفه رميّه *** وخنجر ابكلبي اطعنتني
ظليت اندب يخوتي
ياحادي ظل الدمعتي
طاحت عليّه خيمتي *** وعالعتب ادري اعذرتني
انهض يخوي وللوطن رجعني**** وياك اجيت الكربله وكل ضعني
انطي الوجه لاوين--- من كطعوا الجفين
************************
كســر كلب حسين حالك*** وللمصاب انحنه ظهره
اشلون ساعة هظم عسره*** ماجزت من حيل صبره
عزيز من يوصي عزيزه*** عبره سالت باثر عبره
وحدّه راجع للخيـــــــم
والظهر محني من الالم
ناديته ماظنـــــــــه سلم *** كافلي اتوسد الغبره
عالدنيه من بعده العفه خلهه الروح ****انعيش باحزان الالم ون ونوح
باصرني خوي حسين--- من كطعوا الجفين
**************************
مابقه الخدر الحرايــــــر *** راح كافلهن يوالي
المجلس الطاغي خذوهن**** ودولبتهن الليالي
عالهزل من ركبوهــــــن*** من بدع طيحت الغالي
وبمجلي يزيد اوكفت
ياكمر بسمك حشمت
والراسي ابد مادنكت *** شامخه ومرفوعه عالي
اندب يبو الغيره الشهر ماتكدر ****تحضر تهّون شدتي يمشكر
مصابي صفه مصابين --- من كطعوا الجفين
===============================
اسم القصيده(الدموع الحزينه)
ياسامعينه الصوت ~ وحدي عل افراش الموت
دموعي حزينه --- وموادعينه
*****************
ريت الموت واجهتــــه*** دون حسين بالحومه
وشيل السيف بيمينــــي*** ما تحلالي هالنومه
الصبر ماريده يرحمني*** خلهه روحي مالومه
الف ا ّه اصرخ واندب*** الحسره بكلبي مهظومه
الزمن مايرحم ابحالي *------*طعن يحسين دلالي
وندب وليته --- وموادعينه
****************
اعله صدره من شفتهه الخيل ** متجاسره اعله ضلوعه
يلوب من الهظم كلبــــــــــي ** ومني ا لروح مفجوعه
شفت سرج المهر خاليــــــي ** الظليمه اتصيحه دموعه
أمة جـــــــــــــــده مارحمت ** ريحانته مكطوعه
اتحرم عليّه الماي*-----* شصبر عله بلواي
والهم يجينه --- وموادعينه
****************
عله خيمتي ايمر يسأل**وعرفه شبيه من وجهه
المصاب كلهه لاونــه**لجن لمصايب احرجهه
لاكبر جاســم العباس**واحدهم لارض رجهه
وخيول المنايا اتجول ** ابعزم ويغيره يسرجهه
مااهده ولااهجع *----* فوك افراشي اتلوع
وسمع ونينه--- وموادعينه
****************
حال الحره حيرنـــــي*** صبرهه جبال متحمله
تمر بخيمتي وتكعـــــد*** وطيّب الف علّــــــــــه
وعلى كل الخيام ادور*** ازغير اجبيرنه اتسئله
كلبه اشكبره وشوسعه*** حاشه ترضه بالذله
لوتسمعهه من اتنوح *-----* جن الروح منهه اتروح
امفاركينه --- وموادعينه
**************
لحظات الوداع اتظل *** صورهه امعايشه الوجدان
انملت كربله بدم ونار*** من احقاد ابن ســـــــــفيان
مايرحم طفل يرضع *** لانسوان لاشباــــــــــــــن
مشاعل الظلم حركت*** خيمنه وشبت النيــــــــران
وحيده ابين عدواني *----* راحوا عني خواني
اميسرينه --- وموادعينه
*****************************
كعده اسم القصيده( مسلم وكفات البساله)
=============================
مسلم /عاف الدنيه طلّكه وهجرهه
مسلم/ماهمته الكوفه وكل غدرهه
من حسين ورجاله
بوكفات البساله***** ماهمته الكوفه وكل غدرهه
*********
من زمان الجاهليـــــــــه****وكل عصر ناسه وزمانه
كل رسول او كل محدّث*****اتكون أله هيبه وحصانه
غاية المضمون جهـــــده*****أيوّصل اشعنده أمانه
لاكن الكوفه مارضت
خانت عهدهه أومارعت
كلهه اعله مسلم صممت*****جتله هذا اليوم أوانه
وحده/ظل بالكوفه ايدور ابسججهه
وحده/والعدوان ابسيفه حرجهـــــه
أتصوّر هذا حاله
ابوكفات البساله
*********
ادرس التاريخ واعرف*****جم عهد واصله اموقع
زلم تتعاهد تنصـــــــره*****بوجه ظالم سيف ترفع
ياأبن يا خير البريّـــــه***** وياك حد الموت نطلع
كلنه اعله حر من الجمر
يحسين وبرهن الامــــــر
خانوا ماعهدم عـــــــــذر*****للطمع والذله تركـــــع
وياك /ائيد ابائيد ضـد حكم اّل أميّه
وياك/الموت ألنه نصر يبن الزجيه
لجن محّد وفاله
ابوكفات البساله
*********
طبع بيت الرحمه عدهم***** مايخونون المقابل
وصار واضح لبو اليمه***** من قره جمع الرسايل
ودّه ابن عمهــــ سفيره***** ثقه من بيت الاصايل
اتقدم يمسلم ابعزم
بيدك اخذ عهد الزلم
هل الموقف ايريد الحزم**** مانخلي الحال مايل
الكوفه/مسلم من وصلهه اليوم فرحــــه
الكوفه/صارت سبب موته وسبب ذبحه
الموقف من براله
ابوكفات البساله
*********
مثل كــــورة نحل دارت****وحاطته ابكل الجوانب
صار وحده ابلايه ناصر****سيفه بيمينه ويحارب
من عقيل الشبل هــــــذا****وحده شتتهه الكتايب
لملم جروحــــــه ومافزع
من الموت ماهابه وجزع
وسط الحفيره من وكــــع****صنعوا ابجثته عجايب
اخذوه /القصر الاماره امجتف الائيد
اخذوه/الكوم الخانته من عنـده شتريد
زود وهذا حاله
ابوكفات البساله
***********
من دخل قصر الامارة **** عرضوا اعليه الاطاعه
اسد مجروح ويعانــي**** وترعد ابكلبه الشجاعه
المثلي كلهــــم مايبايع**** اّنه ابن عمي وطباعه
حسين علمني الوفــــــــه
ابمدرسة طيب او معرفه
الاخبار حالي توصــــفه****لموت دونه عن قناعه
اخبار/ ابكلب حسين تدخل حزن وسرور
اخبار/ لازم علـــــــــ ه الظالم دنيته ادور
وتشع الرساله\
ابوكفات البساله
***********
ابوذيه
8888888
ابو طاهر وحيـــــد النظر داره
بس طوعه وكلبهه صـــار داره
حميده الخبر عنهه حسين داره
ياعمي اليتيم انته ابيّه
اسم القصيده( انتصار الدم))
========================
حسين للأسلام ابيوم الفجيعه ********* ابروح واشرف ناس ضحّه وبرضيعه
الدم عله السيف انتصر
ابموقف العزّه والفخر ****** جدد الدين ابدما وحيا الشريعه
************
ارسم الصوره ابخيالك*** للعقيده جيش صــــــابر
وجيشراقزام اّل اميه *** عله حسين وضعنه داير
والمنايا طيور حطّت *** تاخذ ارواح وتســــــافر
المولى وصحابه ابعزم
عالموت شـــدوا الحزم
من الشــــــــدد ماتنهزم*** بكربله رسموا مفاخر
هجمت الانصار عالموت ابساله******** خطوّا ابدم الشهاده النه رساله
لابد بسير اعله الاثر
ابموقف العزّه والفخر ****** جدد الدين ابدما وحيا الشريعه
************
الفجر لابــــــــــد يبيّن*** ويكشف الظلمه ابنوره
شيعته ترفــــــع اديهه *** تندعي ايعخّل ظهوره
تنتنظر تفرج شـــددهه*** والزمن يطوي عصوره
متعلكه ابحبل الصــــبر
يابو الوفه اشظل بالعمر
كلنه امل يطلــــــع فجر*** عفه احبابه اشكد صبوره
الكربله الرايات تحملهه الايادي******** ريت كلنه اوياه وبثاره ننادي
ياوكت يفرجهه القدر
ابموقف العزه والفخر***** جدد الدين ابدما واحيا الشريعه
************
امحبته واجب علينـــــه*** من حليب امنه رضعنه
حسين من دونه ابظليمه*** صحح ابدمه وضعنه
كربله نـــــــور وهدايه*** البيهه وحّدنه او جمعنه
بأعظم درس جد او نجح
فوك الوطيه من انذبــح
بالغاضريه الدم ربـــــح*** والله لوما نوره ضعنه
هذا برهانه ابو اليمه ودليله ******** اشما نقدّم تضحيه لجله قليله
تضحيته للحق والظفر
ابموقف العزه والفخر****-*** جدد الدين ابدما وحيا الشريعه
************
يل تريد اتعيش يومك ***ابراحه محفوظ الكرامه
أبدي بسم الله ورسوله***وذكر اهوال القيامه
اتبع العتره ابدربهـــه ***تعبر الدنيه ابسلامه
احسب احسابك بالعمل
اياك يموالي الفشـــــل
ساعه او يوافيك الاجل***وبعد ماتنفع ندامه
احسب ايام العمر ساعه ابساعه**********الفائز الماخذ اوياه احسن بضاعه
ابجنات عدن المستقر
ابموقف العزه والفخر*********جدد الدين ابدما وحيا الشريعه
***********
اليوالي ابكلبه يعنـــــي***واكف ابوجه المدافع
كل عمل ربح وخساره***والضريبه الزوم دافع
علّي صوتك لاتخرسه***كل نداء اوأله سامع
من عالمنابر جلمتـــــك
اشرحهه وضّــح غايتك
المعروف ذمّه ابكربتك***او ثواب العمل نافع
الك يتضاعف اجر كل عمل بسمه********ويانه وبيوم الحشر يحضر القسمه
نعبرهه مرحلة الخطر
ابموقف العزه والفخر********* جدد الدين ابدما وحيا الشريعه
************************************
( كعده) اسم القصيده (( حب الجنون))
============================
خلي ايشوف العالم** ونعلّي بالصوت
جب الجنون انحب** والينه للموت
سيد شباب الجنه
صرخة ثاره تجمعنه --ونعلي بالصوت
************
حسين لجل الناس كلهه ** رفض حكم العبوديّه
مركز الدين او وجوده** قبله اّسمهه الغاضريه
ثبّت اركان العقيده ** ابموقفه ابن الزجيه
علّم الاحرار تنهض ** ابوجه ابيض للمنيه
للدين من دمه وهب
اروع مثل النه ضرب
بحروف من نور انكتب** اسمه بكلوب البريه
ذكره بالتورات--- واسمه بالانجيل
سر من الاسرار--- يحتاج التأويل
والقران ابكل معنه
صرخة ثاره تجمعنه ونعلي بالصوت
***********
رحلة الاخلاق تمت ** وتمت النعمه علينه
اكبر او اسرع سفيته ** تعبر الصعبات بينه
للصعد بيهه نجاــــته ** وجف ابو فاضل تعينه
اسرع من البرق تصعد** وترسي يم جنة نبينه
لمحبته الله هده
انقّدسه مانعبده
الفضل من عند بده ** من اجل حبه سعينه
باب الرجه بابـــــــه---- اوسع الابواب
من دبعه او من ذاته--- ماخيّب طلاّب
من ظاهرنه او باطنه
صرخة ثاره تجمعنه ---ونعلي بالصوت
************
عرضوا الدنيه وملكهه** رادوا العهده يخونه
مثل طه جده جاوب ** اظهره لو موت دونه
كصد مكه من المدينه ** راد دين الله يصونه
ماطلع يطلب مناصب ** ابكربله ناخت ضعونه
رافض يبايع كل نذل
نفسه ابيّه مايـــــــذل
قربانه يرجه ينقبــــل ** ويرنجي من الله المعونه
قدّم تضحياته---او عّرفهه الاجيال
معناة السعاده\---ابتحقيق الاّما ل
هل اليوم وكل يو النه
صرخة ثاره تجمعنه ---ونعلي بالصوت
************
عبد صالح من عبيــــده** بالعمل اثبت الطاعه
ثابت ابكـــــل المواقف** بالاراده والشجاعه
باع لللّه روحه واهــله** عن يقين وعن قانعه
كرمّه البــاري ابخلوده** من اشتره من البضاعه
جن او انس زوار أله
مايرد حاجة سائلــــه
بسمه العمل يتقبلـــــه ** ومنّه مقبوله الشفاعه
اتررف الاعــــلام---غصبن الظلاّم
ابروحه احيا الدين--- نورهه الايام
لبينه امره وبايعنه
صرخة ثاره تجمعنه--ونعلي بالصوت
***********
اعتذر سيدي من اذكر** يزيد اسمه بالقصيده
لاكن التذكره تنفــــــع** وباللعن الله يزيده
وتعرف الناس الحقيقه** ذابح الريحانه بيده
انته نور من الجلاله** يشع بأنوار العقيده
وذاك ابن حرب وهند
تتفاخر ابأكل الجبد
والثار من بدر او احد**احذوا من ابن الصميده
يوم السقيفه جان--- عهدأوي الشيطان
وتشويه الحقيقه--- بالزور وبهتان
شارينه احنه ومابعنه
صرخة ثاره تجمعنه -- ونعلي بالصوت
************
[كعده] اسم القصيده, سفير الرحمه
====================
من الكوفه الرسايل للمدينه***اتحشم بالحسين اعتني علينه
وعدهه أتوفي لعهود ـــــ خط واضح المقصود
*************************
الكوفه كتبت لبو اليمه *** ياأبن خير البريــــــــه
اقدم علينه وتلاكـــــي *** مشرعه سيوف اعربيه
ترفض الباطل واهله *** اماصره العدهم حميّــه
هذا عهدنه والعــــــــزم
والخانه موش من الزلم
امرك نطيعـــــه ونلتزم***وياك نتاحده المنيّـــــه
ماخيب الظن وارسل سفسيره
باب الحاجه مسلم ابو الغيره
متأمل أله ايعود------ خط واضح المقصود
*****************
وصل مسلم وبيقينه**العاهدوا فد كلمه وحده
تاخذايمينه وتبايـــع**اتصير ويّه حسين جنده
يوم واثنسين وثلاثه**صلّه بالجامع ابوحده
خانوا عهود اموثقــــــه
طاعوا امير الزندقـــــه
صعبه اعله مسلم لوبقه*** وناس صارت كلهه ضدّه
مسلم صفهابغربه او بين عدوان
ظل بالسجج حاير ماله عنوان
ودرب الرجعه مسدود------خط واضح المقصود
******************
بالشوارع بقه ابروحه ***انسدت البيبان كلهه
جنهه ماودّت رسايل *** وحنّت الناس الاصلهه
من سنين ابعمه غدرت ***هذاللعتره وصلهه
وحدّهه طوعـــــــه اّوته
وبحب علـــي ماي اطت
نذرت عمرهه او حامته***هاي طوعه وطبع اهلهه
ابمصباح الفجر غاره اعله غاره
ومسلـم البـطل ثاـبت قـــــــراره
ابرو ه الوفي ايجود----خط واضح المقصود
******************
ابروحه هل المعركه احياهه *** لجل دين الله ورسوله
عن يقين او عن درايـــــــه *** ورسم بيمينه البطوله
ماثنه عزمه وتــــــــــــعذّر *** وصف معناة الرجوله
من أول خيوط الفجر
بينّت نيّات الـــــّــغدر
شتريد تلكه الهم عذر ***الباعو الدين وأصوله
ينفي ابسيفه هجمه ابأثر هجمه
سفير الرحمه منّك يبو اليمـــه
ابد ماخان لعهود--------خط واضح المقصود
*********************
اجتمعت الوادم الجتلـــــه***وحفرت ابوسط الشوارع
ومن سطوحتالدور ترمي***حجاره الجانت تبايع
من قطام وغـــــدر جعده*** ابينهم دين الله ضايع
مسلم لبن عمه وفه
نال الشهاده ابموقفه
بالكوفه نوره منطفه ***صحنه شاهد صحنه واقع
سفير حسين من نال الشهاده
ابصبره واجه الموت ابسعاده
مايحتاج لشهود-------خط واضح المقصود
************************************
*********************************
كعده اسم القصيده (عزّة كربلاْ المقّسه)
====================
كل يوم /لابد كربله نحيي ذكرهه
كل يوم / ويرفرف علم عزهه وفخرهه
ونردد شعاره ونطالب ابثاره --- ويرفرف علم عزهه وفخرهه
******************
هذا درب حسين واضح** للذي رايد يتبعـــــــــــــه
موحجي وجهين يحجي** وللحجي الطيّب يسمعـــه
يدرس التاريخ يعرف ** شلون جان حسين وضعه
سبعين الف اتحاوطـه
مادنّك الراس أو وطه
للذلـــــــه ائيده مانطه ** راسه عالي او زاد رفعه
للموت/واجه جيش أميّه ابكل صلابه
للموت/ ضحّت دونه هاشم والصحابه
حر ماخذ قراره--- ونطالب ابثاره --- ويرفرف علم عزهه وفخرهه
******************
ليله لا كل الليالــــي ** من الخيــم تسمع دويهه
مثل كورة نحل تعمل ** القدر باجر يجيهــــــــه
اترتل القران تسجد ** كلمه وحده الكل حجيهه
ابكل خيمه تسمعلك خبر
وتشوف انواع الصـــور
امناطره العز والفخـــــر** وجنّه بالدم تشتريهه
وي حسين/ كلهه امعاهده اليوم المنيه
وي حسين/لو صاروا جثث فوك الوطيه
منتظرين اشاره--- ونطالب ابثاره
******************
كـل امـر لابـد رجالـه** ابحيلهم قّـــــوة اراده
يوم طف كربله اصعب** ايريد تخطيط أو قياده
ابصبره وابئيمانه حقق** نصره من نال الشهاده
للدين ردّت هيبتــــه
خلّد وجوده ابثورته
عالظلم رافع هامتـه** وعله حفظ الله اعتماده
هيهات / منّه الذلّه ابو اليمه نطقهه
هيهات / كلمه موقفه وانطاهه حقهه
ثبتّهه ابصراره--- ونطالب ابثاره
******************
اتجسّدت كل المواقف**من بطولات وبساله
وملحمة طفّه حيتهــه **كل تعاليم الرساله
ثوره نقذت حاـل امّه**من الجهل ومن الضلاله
اهل الكرامه والشيم
ثبتت معناة القيــــــم
رغـــم المعانا والألم **ابزوده وبموقف رجاله
انصار/ من دم الكلب كتبت شعارات
انصار/ كلهه اتصيح منّه الذله هيهات
الدرب الحق مناره-- ونطالب ابثاره
**********************
حسين نوح حسين عيسى** حسين روح النبي جـــدّه
حسي حيدر علي ابعزمه** حسين قدره من الله وحده
حسين للدين ابأمانــــــــه**شيّده ابموقفه وجهـــــــده
عقلو كلب عنده اتحد
ضحّه او وفهـه للعهد
ماغيّر الموقف ابـــد **خسران من عناده او ضدّّه
اسلام/دم حسين بالطف حيا اركانه
اسلام/ثورة كربله هيّه الضمانه
ثبتهه ابجداره ---ونطالب ابثاره
*******************************
كعده اسم القصيده ( دين ورسالة امل)
======================
دين ورسالة امـــل ***** هذا يوم الطف
شموح وباسه وعزم***** والعلم رفرف
احيا فروع وأركان
يبقه العاشر عنوان--- والعلم رفرف
**********
باجر ايصبّج علينه ** يوم عاشر من محّرم
تجتمع بيه المصايب ** وخيط فجره ايلوح اظلم
وخيمكه نجمه وحيده ** اعليهه كل الشهب تلتم
جيش ابن سعه النكره
احاقده تعمي بصـره
كلهه اعل موته امقرره** حسين ابن النبي الاعظم
اتوسط ميدان الكوم--- ناده ابعالي الصوت
جدي طــــه المختار---- وتريدولي الموت
اّنه ابن القران
يبقه العاشر عنوان--- والعلم رفرف
********
النصــــــح مافاد بيهم ** كلوب مابيهه بصيره
عمر قسّم جيشه واّمر** والسهـــــم اول سفيره
اليوم راس حسين اريده** ينذبح هـــــــذا مصيره
هاي الذئاب الجاهزه
من يزيد تاخذ جائزه
اتظن وي نفسهه الفائزه** للحقد صارت اسيره
من رمه حقده السهم ---شنّو الغاره
ظلم السقيفه رجــــع--- ابغدره وبعاره
والطاغي ظل خسران
يوم العاشر عنوان
***********
أشتبك جيش الهواشم **ابجيش هند وكل ربعهه
ابخيمكه للله ورسوله **حب ابو اليمـــه جمعهه
عقول بيهه يزيد حاكم **اجت ويّــــــاه الطمعهه
غايبة حسين وثورته
للدين يرفـــــع رايته
هيهات دوّت كلمتــه **الأمته يصلح وضعهه
تبقه المواقف درس---- اتعلّم الاجيال
والشهاده اعظم هدف --- ابنيّة الابطال
ثورة حق عالطغيان
يبقه العاشر عنوان -- والعلم رفرف
***************************
شوف ربع حسين كلهه**اتعمن ابموقف صبرهم
وكفه وحده اعله المنيه**اتلكوّا الموت ابصدرهم
ماشهد واحد مثلهـــــم**ابو اليمه من خبرهم
اصحابه منهم النعـــم
للتضحيه اشرف زلم
للجنه باصرار وعزم **كربله صارت فخرهم
عابس والحر وجون --- وابن مظاهر
جننهم حب حســين -- والعشك ظاهر
وجوه اتشع بالايمان
يبقه العاشر عنوان
***********
ندري معنه شنو اتضحي** ابربعك او اهلك سويه
وليش اخر واحد اتظل** للرساله انته الضحيه
يعني انته حسين وحدك ** بطل يوم الغاظريه
للدين دمك جدده
بالتظحيات الخالده
يبقى الشعار انردده **والمواكب حسينيه
اسمك علم باقي --- تبقى املنه
موقفك ماننساه --- حبك بدمنه
انته ثورة احزان
يبقى العاشر عنوان
***************************************
كعده (اسم القصيده صوت الظليمه)
صوت الظليمه سمعته-- تلكت الميمون -- بياحال يالون
بلهفته عنّة سألتـــــــه -- دم تجري لعيون--دم تجري لعيون
==================
شــــلون يلميمون صاحت** للمخيم ترد خالــــــي
شوفتك مرمرت كلبــــــي **وحالتك غيرت حالي
دمعك يصب عالحوافـــــر**وتاه فكري وشده بالي
خبرني بحسين اشجره
بياحاله عفته عالثــــره
خليتــــــه جثه اموذره**عافني اوراح ابله والي
صاحت يجدي ندبته ---ياسيد الكون---الصبر والعون
ياشدتي وياغربتي--- عنّي يبعدون---عنّي يبعدون
ابلهفته عنّه سألته / دم تجري لعيون
*********************
شبجت اعله الراس عشره**هامت اعله الوجه بالبر
وكفت اعلـــــه التل تنظره**عاينة لوعة المنظر
شافته اينازع ابروحـــــــه*وصلته وشمت المنحر
وصاهه رجعي الخيمتج
جمعي يزينب عيلتـــــج
ياخوي هـــــذى محنتج**انتي ألهه وانتي الاقدر
لطمت عالراس وبجت---والكلب مطعون ---للطاعه ممنون
ردت للمخيـــــــم تون--- ويّه اليونّـــــون--- ويّه اليونّــــون
ابلهفته عنه سألته / دم تجري لعيون
********************
بمصرعه عافته او ردت** بالدمع تعثــــــــــر وتنحب
وصلت الخيمكه ابهمهــه** خلته اعــله الثره امخصب
فزعن اعليهه الحرايــــر** مصيبه من امصيبه اصعب
مشدوهه متعوبة فكر
اتلكنهه ربّات الخدر
ياريت ناهل الفجر **والهظم للراس شيّب
هجمت الخيل ابـــلا رحم--- وين اليفزعون ---وعنهن يردّون
ابخوف وهظيمه وبارعب --- بعد اليظلّون ---بعد اليظلّون
ابلهفته عنه سألته / دم تجري لعيون
*********************
نـــــــار شبّت بالمخيم**من وكع ابن الزجيه
الحرم واطفاله هرعت**خايفه من خيول اميّه
وزينب احتارت ابلمهم**من بعد هاي الرزيه
محني ظهرهه من الالم
تبجي دمعـــه يجري دم
صاحت يشيال العلـــــم**أوين ابن حامي الحميه
جاوينه عني ابو الفضل--الكلي ممنون-+- ياكافلي اشلون
حيرتهه باطفال وحـرم--- بالحال تدرون --- بالحال تدرون
ابلهفته عنه سالته / دم تجري لعيون
*********************
من المدينه الكبر جدهه**اتوجهت نادت يجدي
هذا جسم حسين دامي**ابكربله عافوني وحدي
وعالنهر طايح كفيلي **عكب اخوتي اشبكه عندي
الاكبر توذرت جثته
وجسّام ظفّو شمعته
والطف نبله فطمته **أمين اسولفلك وأبدي
ظليت بالهم والحـــزن---ابجي ويبجون---كل اليوالون
وعله المصيبه الفاجعه---ظلّوا ينوحون--- ظلّوا ينوحون
ابلهفته عنه سألته / دم تجري لعيون
*********************
كعده اسم القصيدة الزهره والجفين)
=============================
الزهره ابدمــع العين** حضنت الجفين
الضحت دون حسين** الضحت دون حسين
ليمينه ويساره
اتنادي ابثاره ------الزهره ابدمع العين
*********
شالت جفوفه الكريمــــه**بالحشر وتنادي ربهـــه
عيون كل الناس شـــافت** أتريد تسأل عن ذنبهه
جفوفه لجل حسين دنكت** حته لجفوفه تحبهـــه
تكريم هـــــــــــــذا ألخوّته
من شبك خـــــــــــدّه تربته
عيننه اعله جوده ورايته**هاي روحه وهيج ادبهه
اتواسي ام العباس--- ابفكد الفرّاس
بالحزن وونيــــــن--- بالحزن وونين
أتحشم بأ نصاره
اتنادي ابـــــثاره--- الزهره ابدمع العين
*********
ام حسن وحسين امّه ** تدري بيه اشلون ضحّه
طشف عن حسين ليله** وجابت الجفين صبحه
صارت الرايه أو جوده** ابكربله شامخ ابصرحه
لعهوده جفينـــــــه وفن
وكت الشدد عند المحن
غاب الكمر عن الضعن** وعين ماشافت الفرحه
نسل الهواشم--- زود الضياغم
قدّم ملاحم --- قدّم ملاحم
فخر اقتداره
اتنادي ابثاره --- الزهره ابدمع العين
*******
كل نبي وكل وصي امّه**أيوّضح اعله الناس حجته
وعنده اهل الثقه التنشر**كل تعاليمه ورحمته
حسين عنده ابو فاضـل**تحت امره وبخدمته
عبــــــــاس ينده سيدي
ابروحي روحك افتدي
ارخصـــلي حته ابتدي** وبذل دونه مهجته
لابد هـــــذا اليوم---ينصر المظلوم
يكشف عنّه هموم--- يكشف عنّه هموم
عهده اختياره
اتناــدي ابثاره --- الزهره ابدمع العين
*********
خدم مولاه وعضيده **طبع اخلاق ابو فاضل
ينهض الامره ابسعاده**ايضحي روحه بالمقابل
هذا عهده من وصينه **طاعته حد الموت قابل
الهليوم سبع الكنطره
رباّه حيدر حضّـــره
الكربله حيله يذخره**ويكف وكفات البواسل
الرايه بيمينه---ايدافع عن دينه
بصدقه ويقينه ---بصدقه ويقينه
بيمناه بتـــاره
اتنادي ابثاره---الزهره ابدمع العين
*********
اليزور حســـين زاره**وبابه دكهه كبل بابه
اليطلب الحاجات منّه **عند ابو فاضل جوابه
هوّ يتلكه اليضيفـــــه **عن ابو اليمه النيابه
للحاجه بابــــه مايسد
عالنيه ينطي والقصد
ببشارته الزاير يرد**وكل اسامينه بكتابه
اشمهما الدنيه ادور---بالظلم وبالجور
مايطفــه هالنــــور---مايطفه هالنور
انردد شعاره
تنادي ابثاره---الزهره ابدمع العين
*********
تنشب حروب ومعارك**الكل حرب غايه ومبداء
كربله ام المبـــــــاديء**تنتهيله ومنّه تبـــــــــداء
جيش جند الله ورسوله**وجيش بيه الاذل وارداء
بالغاضـــريه من التقن
فيض المبـــاديء البقن
ابدرب الشهاده أورقن**والردي من العمل يصداء
كلمة جك تنكال--- ابوكفات الابطال
أروع الامثــال--- أروع الامثال
اهل الصداره
اتنادي ابثاره --- الزهره ابدمع العين
********************************* ********
كعده اسم القصيده( ناده عضيده)
======================
ناده عضيده ابطيحته
مسرع حضر يم جثّته
****صابه السهم والعامود
***والرايه طاحت والجود *** مسرع حضر يم جثته
************
من سمر صوته كصدلـــــه**لاكن بياحاله شافـــــه
هامته من الدمــــــــه تنضخ**والعطش يبّس شفافه
صار عمره أويه ابو الغيره** مثل طيف ابليل طافه
مثل الصكر لجله اعتبنه
ولمن وصل يمه أو دنه
لوعة اخيّه ادوهــــــنه** وكلبه يم الجسد عافه
من شافه سابح بالدمه
وشفافه فسرهه الظمه
***مايكدر أوياه أيعود
***والرايه طاحت والجود ** مسرع حضر يم جثته
************
خوي عباس أرد اســــئلك** ياجرح يالمك اكثر
ضواب راسك لو جفوفك** عله جوده ابعينه أشّر
حيلي يعضيدي هدمتــــه**ونحنه ظهري وتكّسر
فراكك عليّه مو سهل
شتحمّل ثكيل الحمل
حيث اعله مثلك ينجتل**كلبي بصوابك تأثر
متشمته ابحالي العده
مصابك لصار ولاسده
**ابجفين وفيت عهود
**طاحت الرايه والجود-----مسرع حضر يم دثته
************
ابقـــه وي اّلامي صابر**الشوفتك ملهوفه عينــي
اتشوف دمي ألي نزفته**وكطعت ايساري ويميني
ابعينك صوابي تنظـره**وكبل ماوعدك تجينـــــي
زينب يخوي اوداعتك
لو ترد يمهه او لاكتك
أوعني لونــــه سألتك ** كلهه وصه تعذريني
فاضت الروح أو وادعه
عافه ابمكانه ومصرعه
***من عنده راح ابن العود
***والرايه طاحت والجود-----مسرع حضر يم جثته
***********
ابدم ابو الغيره او دمـــه** رجع بهمومه وحسرته
يوصف اشلون المصيبه** ابهل الخبر لو سمعت اخته
شافته من رجع محني** حسّت اعله الشاطي جثته
صكت عله الوجه اوبجت
شبكت ابو اليمه وبجت
عكب الكفلهه اتصدعت** واست حسين ودمعته
اليوم مانشف الدمع
كلبي وكلبك منفجع
**لاغايب انكول ايعود
**الرايه طاحت والجود
************
اتحزمي ابصبرج يزينب** مانه مثل الكــــــــمر غايب
أرد اوّصيج ابوصــــــيّه** عودي صبرج عـــــالنوايب
مصاب حادينه عمانــــي** ابروحي اشد كل المصايب
لاخيمه تبق او ولاولي
راح ألي كال ادللــــي
ياحره بت حيدر علي ** عليج راح اتمر عجايب
نادته خوي ابو علي
اتروح عني او كافلي
***باليسر خدري موعود
**الرايه طاحت والجود
************
==============================
كعده اسم القصيده ( ليله واخر وداع للاكبر)
=========================
يبني يلاكبر----- هذا اّخر وداع وياك
نادته ليليه------ يبني لاتظن انساك
**هاي اّخرساعه بيهه أودعنّك
ارحم دليلي **من تجي افرح ابملكاك
**************
روح يبني وكلبي اخذه** وساده خله تحت خدك
وسمع او نينه ودعاءه ** بلجن الباري يردّك
ياعلي هل اليوم اريدك** بيه لازم توفي عهدك
يبني وترد الخيمتي
وطّفي جمرة لهفتي
وتواسي يمّه دمعتي ** وعني لانكطع ودّك
من جف نبينه ------ ترتوي ماي الحــــياة
هاذا وعدنــه ------انعيشه من يوم الممات
**سيوف اّل أميّه مايرحمنّك
ارحم دليلي**من تجي افرح ابملكاك
*************
اخذ درعه وشـــــال سيفــه**اوادع امــه والعقيله
ابكل عزيمه مشه النصــره**وحب ابو اليمه دليله
وسيفه كص اركاب جانت** طايعه يزيــــد وذليله
شبه النبي لمن هجم
منسيفه ماواح سلم
جندلهم او رد للخيم**ايناشد حسين الوسيله
من شابك حسين------من دمه صب الدموع
روح ابو اليمه ------وكلبه مابين الضلوع
**غصبن عليّه كوّه ابعدنّك
ارحم دليلي-----من تجي افرح ابملكاك
**************
هجم مثل الشطر مرحب** هاي يمناه وغضــبهه
اتوسط الميدان فــــارس** كلوب عدوانه رهبهه
الموت منّه ابضربه وحده** مايثنّي لوضــــربهه
وبكر ابن غانم من ظهــر
وحسين شاف ابنه ابخطر
لحظة وداعاويه الخـــطر** روح ابو اليمه شعبهه
يم علــــــي ناده--------سالم ادعيله يرد
وألي رد يوسف-------أيرجعه علينه نود
**سالم ياريته ربي ايرنّك
ارحم دليلي -------- من تجي افرح ابملكاك
*************
من رجع والنصـــر بيده** راس ابن غانم وذلّه
ناده ابوه الماي اريـــــده** جائزه والدمع هلّـــه
هاك اخذ محبسي اتروه** عله ألسانك يبني خله
ثكل الحديد الاتعبه
والعطش جبده ذوبه
من وصل هاي المرتبه ** خوفي لاينكطع وصله
ناده ابو السجاد--------الجائزه منط اريد
يابوي اجهدني -------العطش وثكل الحديد
**من دمع عيني يبني اشربنّك
ارحم دليلي--------- من تجي افرح ابملكاك
**************
نار تلهب وسط كلبــــه**وتعب هـــــد الحيل منّه
اتولته سيوف المنايــــا**سيف طبره ورمح طعنه
كبر جرح حسين ودمه**من توّذر علـــــــي ابنه
اعتنه الامه وعمتّــــه
والدمع دم من مهجته
نيران تســــعر جبدته **شنشده للولـــــــــي عنّه
هاذا اخر عهدي-------منكسر كلبي وحزين
شيّبت كلبـــــي-------وشيّبت راسي السنين
**يبني هم أنسه من صدك ظنّك
ارحم دليلي------- من تجثي افرح ابملكاك
==================================
كعده اسم القصيده( ثورة نور وامل)
=======================
حيا على خير العمل
ثوره تشعه نور وأمل
**هاي الجموع القادره
**دمهه حسيني ثائــره
**************
ياسيدي يابو الوفــــــــه**لجلك بقينه عللعهد
ثوره وعقيده وعاطفـــه**مثلك ابد لامنوجد
انته صرت قدوه وفخر**للدين والحق العمد
كوم الرذيله من ولت
رايتك بالعــــزه علت
أبعين كلمن حر حلت **وصارة مناره للابد
نبقه نعاهــــــد ثورتك
ونظل يوالي ابخدمتك
**مهما يبو اليمه جره
**دمهه حسيني ثائره
*************
كل كطره من دمك علــــم** أيرف أبأراضي كربله
يا فخر عترة النبــــــــــي** موقف شهامه ومرجله
منهو ألي ضحّه ابضونته** وعضيده وصحابه وهله
حته الطفل عانه الظمه
والمنحر ابنبله انرمه
وزكوه من فيض الدمه**وهنانه اصل المسأله
اتخضّر سنابل للعدل
انته جذرهه والاصل
** دمك رواهه وصابره
** دمهه حسيني ثائـــره
******************
لو يوم عنك ننســــئل**اشمعناته هل الحب بس الك
انردّه ونسمعه الخبر**انته الحقيقه وكــــــــــل هلك
رحمه الاهيه صرت **والحارس المهدك ملــــــك
للشدد يحسين الذخـر
والشافع ابيوم الحشر
بالعشره نبصم أونقر**والعانـــــــــــــدك ذل وهلك
اسرع سفينه ابحضرتك
تصعدهه كوم الحبتك
**البر الامان اتعبره
**دمهه حسيني ثائره
**********************************
ننصب مواكب للذكر **غصبن على اهل الحقد
روح وجسد لمحبتك **تسعه علمرضاك وتجـد
كل نبي وناسه ودعوته**بيكم عله الكوثر تـــرد
ياأوسع ابواب الفرج
ابجاه ببراكه ســـرج
وللسمه باّماله عرج **انموت اعله دربك نستوّد
تحيينه من حالة عدم
ياأوفه وأجمل القيّم
**وعالكلب اميره واّمره
**دمه حسيني ثائـــــــره
(( الى خدمةالحسين))الرواديد((مبرئين الذمه))
[ندعوك للتسجيل في المنتدى أو التعريف بنفسك لمعاينة هذا الرابط]
الرئيسية 
البوابة* 
أحدث الصور 
التسجيل 
دخول 
