خالد محمد مهدي((شوكت ترسي السفينه)) حول التفجيرات الاخيره
علن كلبي الحداد ودمَّه صار أسود
أيــــــــــــــام الفرح شو بعد ماتنعد
ترسي السفينه
**---------------------***
شوَكت ترسي السفينه من البحر للبــــر **روج الدمه عالي ماكو لنحشمـــــه
وين الغيره والانصار والخــــــــــــــوّه **صدك محَّد سمع ليش الاذن طرمه
ݘلاب السݘݘ تسرح تنبح عالنــــــــاس ** مثل نار بحطب لاغيره لاذمَّـــــه
والثور الضروره محمور عيونــــــــــه ** يلوك عليه خوش أوسام هالرشمه
سبب كل محنه هوَّهوكل مصيبه تصير **عكرب واليلغه أيموِّته أبسمَّــــــــه
مرض صاب العراق وصار مستعصي **صبر منَّه يريد وموعضه وحكمه
وين الكال للكلفات هذا آنـــــــــــــــــــه **يكطعه من العرك ويسيِّحه الدمــه
بع شيصير بعد ألِّي جره والصـــــــار **كلشي راح بس باقي الهوَه أنشمَّــه
يوميه مجازر موت بالجملـــــــــــــــه **الك نشكي الامر يارحمة الامَّــــــه
حكومه أمقيدّه لاحول لاقــــــــــــــــوَّه **والشيطان بالارهاب شد حزمـــــه
ماكو خوف أمَّن نفسه لرهابـــــــــــي **گلبه ميِّ وعنده ضمير أعمــــــــــه
بشرع الله البده بالظلم هوَّه أظلــــــــم **لظالم ماتفيد وياه أي رحمــــــــــــه
مات الديـــــــــــن وحسين الحيا دمَّه **ماماتت حقيقه صادقه الكلمـــــــــــه
خلي جروحنـــــــه تزف أبد مطّيب ** جرح يحضن جرح مانعرف البسمه
نزِّف يوميه بالآلآف للجنَـــــــــــــّه **كلنه الهل درب فد فزعه فد همَّـــــــه
قرينه الفاتحه وصلّينـــــــه عالموته **رجينه بالدعاء تزول هل غمَّــــــــــه
لابد يوم لدموع الحــــــــزن تنشف **ويعله الشيعه حظها فوك للقمــــــــــه
ونرد نتنفس براحة صــدر لاخوف **نعيش بغير حال ونشكر النعمــــــــه
ونرد جــــــدم بجدم يترادم الممشه ** زاير سبك زاير لجل ابو اليمَّــــــــه
********************
(( التوقيع))
أحنه من فطنّه أعرفنه لحسين
وغّذانه الرحم من فطرة الروح
بشراييني نمت لحروف نبضات
تنبض بالورد وعطورهه تفوح
مايمنعني عنَّه وكلبـــــــي ويَّاه
من يوم الطفوف بصفَّه مذبوح
الرئيسية 
البوابة* 
أحدث الصور 
التسجيل 
دخول 
