خالد محمد مهدي الحجار \\ قصيده بعنوان(( الكَلب مهظوم))

اسم القصيده ( الكلب مهظوم) @@ ==================

بوداعك **الگلب مهظم بوداعك

اصفَّن روحي يم جسمك // وموت ابحسرتي يمَّك

الگلب مهظوم بوداعك

**************

صحيح اعرف منايانـه**الخبر من جدي عـــن امي

وبويه البيه وصانــــي** يزينب دمعتݘ تهمـــــــــي

گلت اتصّبر ابشوفــــك** يبو اليمه يبعد اسمــــــــي

لݘن حان الوعد هاليوم** وغابت روحي عن جسمي

بغيابك ** بغيابك**العمر ماريده بغيابك

عيني فارگت رسمك

وموت ابحسرتي يمّك

*************

كل لحظه انلݘم وصــرخ **وصيــــح آه أبعدد لسهام

وبعد آهات ماتنعــــــــــــد**ظمها دهرى للايـــــــــام

احس بمنازع اوي الروح**منشوفك اشكثر منظــــام

ابثورة الصبر والــــــــــدم**عهدنه انواجه الظــــلّام

بالامك**بالامك**اصبح وامسه بالامك

بوسط گلبي شلت همّك

وموت احســـرتي يمّك

*************

عله العريس گلبي ذاب**وعلاكبرجبدى اتفسَّر

وشفت طفلك يروونــــه**يخوي ابنبلة المنحــر

عله ياظيم يالوعــــــــه**المرت بيه اتصّـــــــبر

بعد منهو اليدك بابــــي**بعدك او عليّــــــــه مر

بحزانك**بحزانك**اظل عايشه بحزانك

وحزاني حزن امــــّـك

وموت ابحسرتي يمّك

*************

موتدري غريبه ابقــــــــه**وحيده بين هل الشمـــات

وعوفك بالدمه سابــــــح**وبعيوني الدمه دمعـــــات

مصابك ياولي مصابـــي**ابوسط ضلوعي گلب مات

ابزغري الحزن خاواني**واصحه اعله الهظم وبات

ايامك **ايامك**غابت عني ايامك

امسلَّب سابــــح بدمك

وموت ابحسرتي يمّك

************

شتحمّل بعد أيـــــــــــام**تدري راح يسبونـــــــي

لاعباس ظـــــــــل يمّي**ويشيل احمالها امتوني

لبن زياد وارض الشام**غصبن عليّ اخذونــــي

مالوم الضعن مهظــوم**يسبّونه ويضربونـــــي

احبابك **احبابك**ابحبل اليسر احبابك

امسجل فضلّك ومنّك

وموت ابحسرتي يمّك

****************************************************

» خالد محمد مهدي الحجار\\قصيده بعنوان علي ودمعة اليتيم
» خالد محمد مهدي الحجار\\قصيده بعنوان ((ظل موحش الكون))((كعده)) بحق الامام علي عليه ال
» خالد محمد مهدي الحجار\\ قصيده ((عشـق الزوار))