(( حلم الخادم))// خدمة المنبر مبرئين الذمه
قلبي حسينــي** ودمع عينـــــي
بخدمة المظلوم ** من الصغر لليوم
******************
أشرف خلق الله حبيتـــــــه ** بروحي عاش وجدانــــــي
الحاء وسين بنصّه الكلبي **وياء ونون بنصّه الثانــــــــي
للباري اسجد وتشكَـــــــــر **لحسين موالي خلانـــــــــي
وخل يعرف كلمـــن عادانه** شيعي وارض الطف عنوان
هذا حقّي ** وهذا عشقي
ابقه الموالي دوم ** من الصغر لليوم
**********************
وتعلمت شفتيني حروفــــــــــــه **شلون تلملمها وتحجيها
من صغري الصدري تلوح أيدي ** تلطم بمصيبة واليهــــا
وصوت الخدّام بآذانــــــــــــــي **للحره تواسي بواجيهــا
بمحلتنه تشوف عيونــــــــــــــي **رايات الحزن ترف بيها
صوت الشعائر **في قلبي حاضر
دمع وحزن وهموم ** من الصغر لليوم
*********************
صرت اكبر واعرف وتمعّن **وجدامي تمشي بخطواتي
وأمي تعلمني ماأنســــــــــه **أصبر لو زادت آهاتـــــي
والوالد مايقبل أرخـــــــص **أتفكّر دوم بكلماتــــــــــي
علموني شلون احفظ ديني**وحسين بروحي وبذاتــــــي
أفهموني **علّموني
حب الصلا والصوم** من الصغر للدوم
*********************
أرض الطف آنه الاعشكها**وتنفس طيبة تربتهــــــا
بيها التنزيل وآياتــــــــــه **ورجال الحفظت كلمتها
ضحًت للرمز وتتفاخر **أتعلّت هامات بوكفتهــــــا
ثبتت دين الله وأركانــه **هاي الثوّار بنهضتهــــــــا
صدق اليقيني ** قد أحيا ديني
الطف درس مفهوم ** من الصغر لليوم
***********************
شفت الزوار التتعنّه **صحت أخذوني يالمّشايـــــــه
طلكت الدنيه ومابيها**صرت أركض وبأيدي الرايه
بدمّي مابخل وبروحي **لو وكفوا سد دوني عدايــه
بسجل الزوار اليتسجل **مايتاج بدربه حمايـــــــــه
هذا شعاري** أريد ثاري
للمهدي خط مرسوم ** من الصغر للدوم
الرئيسية 
البوابة* 
أحدث الصور 
التسجيل 
دخول 
