هاي الليليه ّ ياخوى اظل وياك**********تشوف العين باجر عالثره دماك
يبن امي تخيليني ** وحدي بدمعي وونيني
****************
ياليل الفراك الصبح ماريــــــــــــده*****طول ليلك اليوم
حسين الموت باجر ياخذ ابئيــــــده****ويفاركني للدوم
حزني اعله الزجـــيه وحيدر يزيده****والحسن المسموم
الكلبه منطعن او فحرته بعيـــــــده****ماتجليهه لهموم
بحسرات والم واهات
ومرارة فرحة الشمات**ياليل الحجي ماينفع اشجاك
**************
اصبح والدمع مافارك عيونــــــــي****دمعه اباثر دمعه
وسفه اعله الزمان الخان بضنوني****ولكلبي صدعه
حمل فوك الحمل انهدمت امتونـــي****ياهم الاجرعه
عله ايساري يميني اصفك تخلوني****واحزاني التودعه
يحسين العمر انته
يريت اليوم ماعشته**بعد عزي وحيده وصرخ حماك
**************
تحملني الامانه وتدري باحزاني****من يوم الزجيه
تخليني وحيده بين عدوا نــــــي****بارض الغاضريه
بعد اليوم دهري وياي شمتاني****مصباح الرزيه
أنه لمدلله مابين خوانــــــــــــي****الطف ايعم عليه
كلكم عالثر نيام
نار اتشب بالخيام**ماتسمر صريخ ايتامك التنخاك
**************
ياعين التشوف الاكبر ابهل الــيوم**وماتنطفي هل عين
شيصبر ليله بفراكه وشيجبه النوم**حيره بين لثنين
تصد بعيونه للحمومه يامظلــــــوم**ابجاهك تدعي يحسين
تريده ايرد علي يمهه ويظل للدوم**يصرعه لاكن البين
ليله شافت المنظر
من الاكـــبر اتوذر**وي ونهه اون من اسمع ابجاك
*************
العريش جاسم حنته امحضــــره **ياشمة شبابه
بالجن للحسن انفرحه والزهــره**ابلمة احبابه
رمله حايره ومختنكه بالعبـــــره**اشو طول غيابع
تريد اتحني ائيده وبالكلب حسره**ماتبدي ابعتابه
لاحنته لافرحــــــــت
يمهه فرحته انذبحت**عله صدرك تجيبه ويعثر امشاك
*************
رباب امين ماي اتجيبه لليرضع**الماي اشيجيبه
طفل عشان يصرخ ابد مايهجع**وبكلبي نحيبه
ابغير حليب امه ابد مايقنــــــع**وهاى موغريبه
الغريبه والعجيبه حرمله يطلع **وبسهمه يصيبه
دليلك انطعن ودمه
مالك حيل لاهمـــه**ونبلة حرمله بمنحرك وحشاك
*************
باجر لو لفانه الظيم وى البــــين**بالنار وبالسيوف
اصيحن وين عباس الكفلني وين**خله ايعاين ايشوف
مايبقالي غيرك من توفي الدين**اشمطلوبات لجفوف
فوك المشرعه نايم طفيه العين**من مصايبهه لطفوف
ابعمود الراس ويلي انصاب
علـــــه جوده الدمع سجاب**صحنه الرجه بيمن بعد يمناكك
**************
الرئيسية 
البوابة* 
أحدث الصور 
التسجيل 
دخول 
