الوداع الاخير

(( موادع حزين))
******
جف دمع عيني يغالي // اليوم ماظل عندي والي
مابقه لختك معين
وداعك وداع الحزين
عالثره جثتك رميَّه // من الخدر لليسر تالي
*************************
ماجنت احسب حسابي عمري حدَّه الغاضريه
تاه فكري احتار كلبي أتحملت هاي الرزيه
عنّي راح حسين ظامي عالشريعه ظل أخيَّه
والخيام رماد صارن كربله عمَّت عليــــــــه
بدمعتي نوح الونين
وداعك وداع الحزين
عالثره جثتك رميَّه // من الخدر لليسر تالي
*************************
عيني تنظر جسد ظامي أمخضب بحد السيوف
كصدت يم جسمك أيكه بكلبي متحمله الخوف
كلت هل قربان ربي أتقبله من أرض الطفوف
يازماني أبقه أعاني والكفلني بلا جفوف
خدري بجفوفه امين
وداعك وداع الحزين
عالثره جثتك رميَّه // من الخدر لليسر تالي
*************************
نهاري بن أمي العزيزه صار أظلم لون ليلي
خيل عشره أدوس صدرك جنهه سحكت عله دليلي
واست ضلوعك ضلعهه وآني أصرخ آه يولي
أمشي أتعثر بدمعي اندبك وندب كفيلي
وين اطي الوجه وين
وداعك وداع الحزين
عالثره جثتك رميَّه // من الخدر لليسر تالي
*************************
بالحبال أمكيّديني وكلبي مملي بجروح يدن
راح أروح بغير روحي والمصايب علي يلفن
أتوسدت دمعي وهمومي دمه فوك خدودي يجرين
ياليالي هل المصيبه عله سنين العمر عدَّن
ياحبيبي ياحسين
وداعك وداع الحزين
عالثره جثتك رميَّه // من الخدر لليسر تالي
*************************
حرمه طحت بغربه صعبه وحرت مابين الحراير
أطفال تصرخ نار تلهب عالكلب مر المصاير
هذا أسكته ذاك يبجي والضعن باليسر ساير
حيريتي ياخويه بعدك شلون ميظل بالي حاير
وياك أوفي اليوم دين
وداعك وداع الحزين
عالثره جثتك رميَّه // من الخدر لليسر تالي
****************