الوطن الذبيح

((الوطن الذبيح))
شفت شيخ ومحني ظهره وكسر بي مَحّد يجبره
وعاينت دمعات يجرن دمعه آه ودمعه جمره
ثكّيله خطواته أعله باجريخاف لايوصل الكَبره
بوجه ماشوفن ملامح وحيله يتوجَّه أعله صبره
عِثر مرَّه وكَام مرَّه بهمّته يعــــبر العثره
نخله أشوفه بظل سعفهه والسعف كَوَّه يستره
بي عثك لسنين ذابل وشتهيت آكلّي تمره
طبعه مد جفَّه وخذتهه ومن ضكتهه التمره مٌرّه
وصار يحجي وياي حاله أستمع منَّي ولاتخبره
هذا لكَبالك تشوفه أتعرفه ياهو وشنو قدره
جان هيبه الكل تهابه تخاف من طاريه وذكره
والشمس عالدنيه تظهر تاخذ من أنوار فجره
يلم حمائم تحت جنحه والعصافير أعله نهره
تالي أجاه النسر هجَّت وللنسر عافت السفره
خيمة الجنحين ذلَّت وبيهه لهبت نار كبره
وظل وحيد ويبجي حاله المنَّه بي كَامت تغدره
والبقه من أهله عثَّه وصلت العظمه تنخره
لاتعينه عله ظيمه من وكَع كالوا نهجره
وآني أسمع حجي حاله أتصوَّرت بالبال فكره
قررت لازم أذبحه حتَّه أريحه بتالي عمره
لن أفز من حلمي وأصرخ الوطن ضاع أنتهه أمره