قصيدة كعده (( زينب الابيَّه)) مبرئين الذمَّه

زينب الابيَّه \\ اخذوهه سبيَّه

حُرَّه ولا متحتار

بين الخيم والنار

وجثث فوك الوطيَّه \\ أخذوهه سبيَّه

***************

من يعاين حال حُرمه ومن يصوّر حال همهه

ياكَلب يحمل صبرهه ياجبــــــــــل شايل ألمهه

ودّعت آخــــررجاهـــــه وبتده بالطف هظمهه

صابره الحرّه أعله الوعد

وي حسين من أمهه العهد

قربـــــــــــان أتقدم الجسد

حَيرَت عقــــــول بفَهمهه

اليوم الفاطميّه \\ ألزمت بالوصيَّه

ساعه أتشوفه حسين

ساعه رايـــــه جفّين

ترعب المنيَّه \\ أخذوهه سبيَّه

***************

ظيم كل موقف يمرهه يوكَف أستعداد ألهه

يشوف بيهه صبر أمهه بعين ماعافت أملهه

حُـرّه مثبوره وحزينه والوعد شتت شملهه

عالغبره أخوَه أتذّبخت

وخيام بالنــــــارأنولت

بعد الخدر تالي أنسبت

بس علي الظل من أهلهه

بدموع الزجيَّه \\ تنوح من الرزيه

عليل وحيله مالوم

ونهار اظلم اليوم

بغياب أهل الحميَّه \\ أخذوهه سبيَّه

**************

الصبرغمّض عيونـــه خايف أيعاين المنظر

دمه وناروحال يفزِع من صبـــــرزينب تعذَّر

شلون جَلده وكَلب عدهه جم جسم شافت أموذر

عدهه صبر ماينكســر

ودموعهه دم تنحــــــــدر

والصبريبجي أعله الخدِر

لجن بت حيدره الاقـــدَر

يوم الغاضريهّ \\ ما يحصَل سَميَّه

أخذ منهه اليواسي

وأظن الدهر ناسي

بصَباحَه وهل المسيَّه \\ أخذوهه سبيَّه

***************

آه يادمعة حزنهه منهه شنوَضَف معاني

أنرسم ليل اطلم حلمهه بين لحظات وثواني

والكَلب ذوَّب ضلوعه بعد من دهرَه شيتاني

عرّيس طفّوا شمعته

لاكبرموذّر شافتـــه

سهم الرضيع أتلكّته

من زمنهه شكد تعاني

ناس بلآ حميَّه \\ منعوهه لميَّه

ذبح الدين يردون

كل ظنهم يربحون

عساكر آل أُميَّه \\ أخذوهه سبيَّه

***************

عاينت وين الكفلهه وين راعي الوعد وينه

شاهدت عين ابو اليمّه راجعه بدمعه حزينه

يعثر بخطوة أجدامه ودم عله أيساره ويمينه

أيكلهه أستعدي للخطر

عالمشرعه عفت الكمر

وبدربج يطول السفر

راح حمّاي الضعينه

هاي أعظم بليَّه \\ يختي أتمر عليَّه

ظهري أنكسر ولواي

من طيحت الحماي

ودموعه هميَّه \\ أخذوهه سبيَّه

*************

دروب ماعرفت قصدهه مشت والسوط بمتنهه

سالت النجمات دمعه والكمــــــر ون أويه ونهه

فصّــــلت من الليالـــــي ثيـــاب خيَّطهن حزنهه

ياليـــل مايطلــــع فجر

الدمعه خاوتــــــه عمر

والصبر مل من الصبر

والزمن حــاربزمنهه

عقيله هاشميَّه \\ لبوه حيدريه

بكَت مرفوعة الراس

اخت النفـــــل عباس

تتحمَّل أذيَّه \\ أخذوهه سبيَّه

***************

بعد رحلة صبروصلت وطبَّت الشام بمراره

وكفت بصيوان ظالم شامخه وبكــــــل جداره

كيد كيدك بينه وأفرح باجر أحنه أهل البشاره

سطّرنه يوم الطف قيم

دم الحسين أيظل علم

نوره بعــــاليهه القمم

ترف رايات أنتصاره

قدّمنه الهديَّه \\ للدين الضحيَّه

يظل معقل الثوار

قبله وكعبة احرار

الكل تاخذ تحيَّه \\ أخذوهه سبيَّه

*************