=================
ياارهاب عيفونه ياارهاب عيفونه
******************
ياارهاب ويه حسين خلونه خلو الشيعي تتجاره دمه عيونه
كل ذره ابجسمنه أله ممنونه عند حسين درب العدل تلكونه
*******************
علا منهجك ظل يلي تعادينه حب الي تحبه ونحب والينه
منو الماذيك حته انته تاذينه ليش ابحب ابو اليمه تبغضونه
******************
عندك من تحبه ومن تطيع امره وحنه انطيع ونواليهه للعتره
الحسن وحسي والمرتضى والزهره وجدهم النبي والشيعه مجنونه
******************
علي السجاد والباقر وصادقهم الكاظم والرضا ومحمد انودهم
علي والحسن والموعود غايبهم اّّل المصطفى ابفيضم يرحمونه
******************
الدين الله ورسوله واّّله تتنكر ابيوم الندامه هناك تتحسر
انصحك ارجع العقلك وتتفكر ارهابي الخسر دينه يلعنونه
******************
انته الباع جنته واشراهه النار ومن مثلك سلب حك بضعة المختار
وخوك الي جرح حيدر علي الكرار عفنه اجسادكم بيهه تفجرونه
******************
صغار اكبار نتسابك عله الموكب جيب ابقنبلك فخخ علينه وذب
غير الله ورسوله واله اب منحب ماينفعكم اشكد ما تعادونه
*****************
اللطم فوك الصدر والدمعه والتطبير منغيرهه انتع ابحاجه للتغيير
نوالي حسي لوصار المطر تفجير متمنعون خدامه اليزورونه
*****************
الشعائر والمواكب تظل منصوبه ماخالف دمعنه اّيه مكتوبه
حبيب الله بجه من عرف محبوبه سليب اعله الثره دامي يذبحونه
*****************
البراءة منكم ومن ابن تيميه وغضب الله عليكم ياوهابيه
وشمس الصبح تطلع عالحراميه فجرونه ابشراذمكم وغدرونه
*****************
الخادم انشاء الله خالد الحجار
اسم القصيده( حسين بعيون العقيله(35)(أ)
===========================
بعيوني صورة جثتك/ وجفوني ذبلانه
الايام احسبهن وعد/ والروح ولهانه
يحسين تصرخ دمعتي / ونوحي عله امصابك
البلهفت امفارك يالولي/جينه عله اعتابك
**********
مالحظه مرت يبواليمه عليه ونسيت بيهه مرار الغاضريه
سهم المثلث يوالي اشعمل بيّه ياريته للبين اخذني ابهل المنيه
ابكل خطوه يحسين اتحمل اذيه وياهه ظليت احزان الرزيه
يانور لعيون بعد اشظل اليه من بعد ماجنه بالدنيه سويه
ياوكت اوصل كربله/ وجعه على كبرك
ومن طيب اترابك اشم/جني اشم نحرك
ماصدكت ارجع الك / ابلمت احبابك
ابلهفة امفارك ياولي/ جينه عله اعتابك
**********
ينشدني صبري الصبر وياي عانه ياوكت نوصل ونندل مجانه
والكلب يسئل محتاج الحنانه والضعن ينشد وينه اوين امانه
أعليه ندور اهنانه وهنانه لدموع كالت خل ننصب عزانه
لمن وصلنه ياهو التلكانه انهض يمظلوم خويه اكعه ويانه
منهو اليواسي للدمع /جاوب يامنحور
كلهن على كبرك هون/كل فاكده شعور
سجاجين تذبح بالكلب/ ياحسين بغيابك
ابلهفت امفارك ياولي/جينه عله اعتابك
***********
صعبه علينه وعليك اتنه ياغالي حالك اشوفه وشوف اتنه حالي
الدهر ذبني خوي وشده بالي دارت الايام ابسود اليالي
من شفت نحرك فوك الثره كبالي العمر مني ضاع وماتت امالي
مخضب ومسلوب بعدك اشجرالي اصبح وامسي وحسرتي ابدلالي
اسمع سلامك من ترد/ يلاخو عليه
يوصلني بأنسام الوفه/ من الغاضريه
بأرض المدينه شراح أكول/ المعتني بابك
ابلهفت امفارك ياولي / جينه عله أعتابك
***********
باليسرشفنه العجب من اَ ل اميه كادوني بحبال امجتفين اديه
بخرابه بتــــــــــنه وبنيتك رقيه حلمانه تصرخ مايرجع عليه
الوالي وينه اريده بين اديه أبحضنه انامن لون اغفه اشويه
اّمر الملعون المابيه حميه أخذ الراس الهه وسكتوهه لبنيه
طفله يتيمه تنتظر / شوفتك ملهوفه
اخر نفس فوك الطشت / مقدر من اشوف
اتمنيت ويانه اجت / ودفنهه بترابــــــك
ابلهفت امفارك ياولي / جينه عله أعتابك
*********
الحال اشكي وتشكيلك دمعتي روحي تنادي اّ ياروحي ضعتي
النوح سلوه ودمعج يامهجتي جبدي التفتت ابصرخات ونتي
دليلي هاليوم ياكربله طعنتي بسيوفج الساعه النحري ذبحتي
ماظلي والي مني كلشي اخذتي هم واذيه وخدري ابظيم عفتي
مالي كلب لموادعك// ارد ابقه يمك
اهو عله اتراب الكبر/وبروحي احضن
ما ارضه اهضمك انهضم/اعرفه لجوابك الخادم انشاء الله
ابلهفة امفارك ياولي/ جينه عله اعتابك خالد محمد مهدى
************************