كل نبضه بكلبنه تنادى يحسين ********** وكل دمعت حزن صبت من العين
وسط كلوبنه مجانه
المايعرف ابعنوانه
***************
كولب الحبته عطشانه ولهه ****سفينة رحمته للناس كــــــــلهه
عله درب الكرامه حسين دلهه**وسوف النصر عالعده سلـــــهه
ياويله الذى خانه
المايعرف بعنوانه
***************
شعائرنه عناوين الموده*******عرش كل ظــالم وطـــاغي تهده
خسران التصداله وتعده******ومن حبـــــــــل الموده انطع وده
ماغيرنه ولـــهانه
المايعرف بعنوانه
**************
نبع كل طيب منه وهو اساسه***طبت كربله حكمه وفراســـــه
لا رايد حكم كرسي وسياسه***فخره اعله الرمح انشال راسـه
التخلف عنه ماعانه
المايعرف بعنوانـه
**************
الصادق يوصي بينه احيوا امرنه** وباجر يظهر عليكم فجرنـــــــــــه
من ولد الحسين الكـــــــم ذخرنه **ولارض الطف ترد رايت نصرنه
خسران الي عادانه
المايعرف بعنوانــه
كل نبضه بكلبنه اتنادى يحسين
الخادم انشاء الله
خالد محمد مهد ى الحجار
------------------------------------------------------
موضوع: سم القصيده (نبض القلب) (14) 
2011-09-24, 07:26