جف للسيف ** وجف الرايه ** حاضن كلبه الجود
وفه الذمه ** اتعنه ابهمه ** لـلعهــــــد المعهود
بطل عباس ---- فلاينقاس ----- للعهد المعهود
******************
ابمادين الشهاده رجـــال ************لجل الموت وكفت صــــف
وعلمهه يعله فوك اجبال***********وبزهو انتــــــــــــصاره رف
صارو عبــــره للأجيال **********والمقياس عين وجـــــــــــــف
هذا موقف الابطـــــــال**********والعباس وحده الــــــــــــــطف
ابطف حسينه ** من جفيــــــنه ** ذب الماى وصاح
ها يجروحي ** هوني يروحي ** للنور الضـــــــاح
كطع يمناي ----- ؤبتر يسراي ----- للعهد المعهود
*******************
صال بغيرة الفرســـان *********وكلب يمناهه عاليســـــــــــــره
يجــــدح سيفه بالنيران********** نــاره موجـــره امسّــــــــعره
ربات العدل والميزان**********اشــحده اليوكف ابصـــــــــدره
ابكلبه القوه والايمــان**********جبـــــــــــــل من طاح عالغبره
يساره يمينه ** سهم بعينه ** والهيبه حدوده
جن ابحربه ** طعنوا كلبه ** من صابوا جوده
مشه الوفاى ----- يريه الماي----- للعهد المعهود
*******************
العهد ويه الشريعه ايتم*********من ضربة عمود البـــــــــــــين
صاح اخر نفس ماشــم**********نــــــــــــاده عضيدى عني وين
اريده جروحي بيده ايلم**********ويحضني اعله صدره حـــسيـن
وعليـــــــــه المنيه اتهم **********السكينه الماى اجيبــــــــه أمين
اطلب عذرك ** خويه ابأمرك ** لترجعني وياك
لو سألنك ** رادن منــــك ** كلهن عفته هناك
على صدره------انتهه امره ------- للعهد المعهود
******************
شافت زينب الـــمظلوم*********يتعثر ابدمعاتــــــــــــــــــــــه
ضنونه امحملات هموم*********وصعبه عليه جلماتـــــــــــــه
تكله غاب عنــــي اليوم ******** ابو فاضل او كفاتـــــــــــــه
يرد يختي جــــزاه اللوم********عضــــــــــــيدج الوفه ذاتـــه
من تواسيني ** دمعي بعيني ** ونبجي اّنه وياج
ابحيرة امرج **ماظل عندج** عنج راح حماج
كسر ظهري ------ فخر عمرى------ للعهد المعهود
********************
عله صرحه عله جرف الماى**********علامــــــــة زود ومروّه
هذا بن الوفه الحمــــــــــــاى **********بليالينـــــــــه كمر ضوّه
الساقي الحادى والوفاــــــــي *********ومعاني الصــبر والنخوه
من يكصـــــد اله عنـــــــــاي ********ويحلفه ابموقف الخـــــوه
مارد ائيده ** بطبعه يزيده ** من جود الجفـــين
يرجع داره ** اتسر اخباره ** وفرحة كرة عين
مضيفه صار ----- كرم خطار ----- للعهد المعهود
*******************
الخادم انشاء الله/ خالد محمد مهدي
موضوع: قصيده حسينيه ( وفه العباس)(13) 
2011-09-24, 07:19