مسلم سفير الاسلام ********** شخصيه مو هينه
عالم فقيــــه وفارس
ابجامعة حيدر دارس********** شخصيه موهينه
************
من مدرسة حيدر تعلم درســــــه *****صاق يقينه وعين الله اتحرسه
ومن رادت ذياب اّل اميه اتفرسه*****ماكدروا ايلاون سيفه وبأسه
دارو عليه من كل صوب***اهل الغدربالكوفه
ماتصبر الهجماته
شده وعزم صولاته ********** شخصيه موهينه
************
ماكاصد وياهم حرب طب رحمه*******ياخذ عهود اومثقات الكلمــــــه
ومنهم اخذ لوعود يوفوا الذمه********** صاروا عليه بالجامع الكل لمـه
ظن كلهم وياصاروا *** بالعزم وبالموقف
اتأمل يوصله لحسين
وبروحه يوفي الدين**********شخصيه موهينه
************
ياوسفه من اهل الغدر خانوا بيه**********الجانت امس بس بالسان اتواليه
تالي ابحقد والخوف كامت تاذيه**********ومن السطوح جار كامت ترميـه
سيفه شهر بيمينه ***وكف وكفات الابطال
بيهم لعب ميدان
جنه حيدره من جان********** شخصيه موهينه
************
زياد ابن ابيه وحده هوّه المسؤول********كلهم اريد اليوم مســــــــــلم مجتول
من دار طوعه طلــــع ابن الفحول*******سيفه بيمنه فارس ايصول ايجول
هذا الثقه والهيبه****بالموت امره اتحتم
حفروا حفيره الكوم
مسلم وكع هل اليوم**********شخصيه موهينه
************
الكثره حته لون تغلب شجعان********** والسمه لوغطته سرب الغربان
هذا ابو طاهر اسد ثائر غضبان *********لاجن الحيله والغدر منهم جان
القصر الاماره اخذوا*** وللسجج ارموا جثته
وهاني ابن عروه وياه
وحــده ابد ماخـــــــــــلاّه **********شخصيه موهينه
**************
اكصد زيارة حضرته ومنه ريد**********كلبك اتحسه انولد والله جديد
هذا ابو طاهر ايكرب كل بعــــد**********وبالبجي خلي مدمعك يمه يزيد
يلتطلب منه الحاجات ****مسلم كفو يكظيهه
ماخاب كلمن ينخاه
ايرد ابطلبته وياه**********شخصيه مو هينه
الخادم انشاء الله
خالد محمد مهديالحجار
___________________________________________________
موضوع: قصيده حسينيه (اسم القصيدة ) السفير ( 9) 
2011-09-24, 05:18