قصائد حسينيه اسم القصيده ( صرخة مهظومه ) خالد الحجار(8)

اسعه سعيــك **********صرخة مهظومه اتناديك
أوكــد كـيدك***********ياملعون الــــــدم يرضيك
بأيدك حسين ذبحته
للنبي كلبـــه اطعنته
***********
ذبحت الدين واركانه واصوله ******ويلك من عذاب الله التنوله
الموقف هذا خالي من الرجوله******ياعذر اليقبله الله ورسولــه
رد لصلابك ***سفيان وهند ابماضيـــك
شجره خبيثه***وحسين اشلون ايواليك
ياوكت حسين عرفته
للنبي كلبه اطعنتــــه
************
كل عقلك يبن اّكلت الاكبــاد ******ائيده ابذله ينطيهه ابو السجاد
اهل البيت احنه للارض اوتاد ******مثل حسين بالدنيه فلا ينعــاد
باشرف موقف*** وبدمه وروحه ايعاليك
يهدم عرشــــك***بيمن تتنخه وحميـــــك
اترجع حق النه اسلبته
للنبي كلبه اطعنتــــــه
*************
احنه ارواحنه وي روحه متعلكه******نوصل كربله وياه للفركـــه
عاهدناه كلنـه انطالب ابحكــــــه******انواجهه المنيه ابفرحة الملكه
ياذنب اذنب***غرورك هوّ الغرر بيـــك
يوم المحشر***وين اتروح من انلاكيك
ياظالم انته اغدرته
للنبي كلبه اطعنتـــــه
************
عـيش ايام عمرك عيشهه الفرحه******على ذل عرشك حسيني بنه صرحه
كلي ابياشرع ابـــكربله اتـذبحه*******ليلك ماغشه نوره ولاصبحـــــــــه
نام واحلــم***اباحلامك شيلاكيـــــك
دنيه الظالم***ادور وتالي اتذل عاليك
بحقادك كلشي خسرته
للنبي كلبه اطعنتـــــــه
*************
يظل مرفوع والله ابمجلسك راسي******قليل ابحقه ماعانيت ماقاســــــي
بمواني الحزن ظل مركبي راسي******صبري ايعيني من اشـهك انفاسي
ملكك ظلمك ***يوم الثارات ايجافيك
تعله الرايه***وتالي ادور الدنيه اعليك
هيهات اتظل كلمتنه
للنبي كلبه اطعنتـــه
*********
ابوذيه ( لسان حال العقيله )
طشار الجثث بالطف ظلمن
اليراعيهه اليتامه بعد ظلمن
بعد حسين والعباس ظــلمن ليالي الفركه بعد الغاضرية.....