قصيده بعنوان (( أبويــــــــــــــــــــــــــــــــــــــــه))

(( أبويـــــــــــــــــــــــه))

//////////////////

أبويه جنت أزعله وأعتذر منَّه

أدري بكَلبه مايحمل زعل ساعه

جنت امدلل بزغري وأشَّبك بيه

يناغيني حبيبي يابو دلآّعـــــــه

أشوف بعينه فرحه من أبوس أيده

والاخطاء عمري جان شمّاعه

يلمني بدفه كّلبه وطيب حنّيته

هوَّه ذاك هوَّه صافيه طباعه

طعم ماي الفرات ودجله بشفافه

ربيت بطهر صلبه وجذري من كّاعه

حُـــرالطين ما يقبلهه للعــــــازه

يغيض المُرَّه من تتدّولب أوضاعه

أصير وياه جف يمناه ويساره

شيامر خلَّي يامر وآني ألي الطاعه

سمعنه هواي عن أولاد ماتسوه

مظاهرهه جميله لجن خدّاعه

ماجازه رباه وتعب ذاك الحيل

بتعب الحيل والشيب النذل باعه

مادري السنين حساب تحسبله

ضاع وضيَّعه ومالحَّك أوداعه