جاوينه الكفلني لسان حال العقيله زينب عليها السلام

((جاوينه الكفلني ))
***----------------------***
جاوينه الكفلني \\ شجاوب للسألني
أخبره عالشريعه نام
محنِّي بحرم وأيتام
---------------------------------
جوابي للسألني دمعت عيوني
السبب كربله خلتهم يعيفوني
شلت هم وحمل وحدي عله أمتوني
أسمي أم الحزن صاروا يسمُّوني
المصيبه هدِّته للحيل \\ ونهاري صبح جن ليل
ولونه وليه هل الظلآم
-----------------------
بيدي رايته سلمته ويَّه الجود
كلبي حس بعد لخته أبد ميعود
درب العلكمي متحصِّ ومرصود
لجن شبل الحميه ماتردَّه سدود
عزم محَّد تصداله \\ ومنهو يوكف كباله
جف بي رايه جف صمصام
-------------------
موبيده لون يسمع صريخ الكوم
عليَّه سنين مرَّت وحسب الهليوم
مالومه الكفلني مايرد مالوم
جفّينه كطيعه الفارس الجيدوم
الرايه تبجي جفّينه \\ مطفيّه أبسهم عينه
بعيني أسودَّة الايام
-----------------------
طاحت خيمتي عكبه أنكسر ظهري
لفتني الحيره لاكن ماحرت بآمري
ادري بكربله والجمره لبصدري
أظل ويَّه اليتامه وينسلب خدري
جاوز صبري صبر أيوب \\ دمعي جاوزه اليعقوب
عزيزة حيدر وأنظام
-----------------------
لازلم للكفيل أيوفي للمكفول
ماينقبل عذره أشما يريد أيكول
ابو فاضل اعذره والعذر مقبول
عامود براسه لاجفين بيها أيصول
مايجّازه لمشكَّر \\ يردني بيده مايكدر
وأشد بحزامه ألف حزام
--------------------