خالد الحجار مشرف
عدد المساهمات : 272 نقاط : 5466 السٌّمعَة : 102 تاريخ التسجيل : 12/09/2011
| موضوع: خالد محمد مهدي الحجار \قصيدة ((سار الضعن)) 2014-02-24, 09:35 | |
| ((سارالضعن)) ********************
سار الضعن ســــــــار \\ بدروب الاخطار
من حركو علينه الخيم \\ كلبي أشتعل نار
-----------------------------
من أرض جدّي الكربله لمن جبتني \\ مجبور ماتوفي الوعد يلّي أكفلتني
تاليها خويه بالمحن رحت أو عفتني \\ والكَوم من بعدك يبو فاضل ولتني
والكلب محتار \\ والدمع مدرار
من حركو علينه الخيم \\ كلبي أشتعل نار
----------------------------
غصبن عليَّه ياكمر أمشي وعوفك \\ ريت العمه بعيني يساقي ولاأشوفك
فوك الثره مطروح ومكطِّعه جفوفك \\ لاتعتذر حادي الضعن أدري بضروفك
والراس طشّار \\ والدمع مدرار
من حركوا علينه الخيم \\ كلبي اشتعل نار
-----------------------------
ياخيمتي سترج وكَع من هوه الحادي \\ ألمن أصيح أبشدتي وألمن أنادي
جني اشوف أبهامته سيف المرادي \\ ويَّه المصايب ياكفيلي اعلن جهادي
الوكت غدّار \\ والدمع مدرار
من حركوا علينه الخيم \\ كلبي اشتعل نار
----------------------------
أطفال ظلَّت بالعره لاوالي يمها \\ صار البواجي زادها والماي ألمها
شافت جثثكم عالثره سابحه أبدمها\\ محتاره بيها أشلون أسكتها ولمها
لاأهل ونصار \\ والدمع مدرار
من حركوا علينه الخيم \\ كلبي اشتعل نار
----------------------------
شفت الشماته أبعينهم لمَّه أنسبينه \\ لارعوا حرمة دين لاحرمة نبينه
أويه الروس أخذونه سبايه أمجتفينه\\ حته العليـــــــل بجامعه أمكيّدينه
من علَّته أنهار \\ والدمع مدرار
من حركوا أعلينه الخيم \\ كلبي اشتعل نار
---------------------------------------
| |
|