خالد محم مهدي الحجار \\ يشرفني نشر ديواني الجديد ديوان (( نور الهواشم)) من (1 - 25))

(1)
قصيده لسان حال العقيله زينب مع أخيها العباس عليهما السلام
((اجيت أبأمانك))
************
أجيت أبأمانك // زماني زمانك
ألمن عفتنـــي // خالــي مكانك
من الغاضريه ** أمشي سبيَّه // خالي مكانك
***********
أجيت وياك خويـه وبالگلب فرحه
وظن أتغيب عنَّه وسهمك أيجرحه
طواهه للشمس ليلــــي فلآ تصحه
بعد ما ينعرف لنهاري لاصُبحـــه
بَعَدني بفَرحتي// نزلت دمعتــي
أبقه غريبــــه // وحدي بغربتي
ترضاهه أليَّه** أمشي سبيَّه // خالي مكانك
************
نصبت خيامي وچفوفك تبارينـــي
على رهن الاشاره حاضر ألعيني
حته الوكت ماترضه يبچِّينـــــــي
من غصبن عفتني ومن يراعيني
ألحرم وأطفال // مرَّت بيال حال
مچتوفه أديهه // والصبر رحّـال
بدمعت رقيَّه ** أمشي سبيَّه // خالي مكانك
***********
گصدنه أنروح ويَّه النوح مو للعيد
ولاعدنه أمل أنعيش يــــــوم جديد
مَنسينَه وذِكرنَــــــه والدموع تزيد
يبو فاضــــــــل دمعنه للچفو يريد
صبري أنتظاره // بدرب المراره
ماخلص صبري// أنتـــــه أقتداره
صُبح ومسيّه** أمشي سبيَّه // خالي مكانك
***********
على رسمك وطولك عوّدة روحــي
وحس بلسم جفوفك دوه لجروحــــي
سدَّك چان يحمي خدري وصروحي
منو أيجاوبني عنَّك لو نشد نوحــــي
تجاوب چفوفك // شرحت ظروفك
وأعذرك يغالي // عفتنــي وعوفك
يَمَن وافه أخيَّه ** أمشي سبيَّه // خالي مكانك
***********
عجيبه الدهر لمَّن طحت ضيّعنـــي
وصار الشمر حادي بعدك بضعني
يخويه ونظرت الشمّات تفجعنــــي
يصيح الگلب وينك گوم رجّعنــــي
برايتك أرجع // نشّفه المدمع
وأرد للمدينه // والفجر يطلع
بنفسي الابيَّه ** أمشي سبيَّه // خالي مكانك
*********************************************
(2)
((قصيده ضد الارهاب والناصبيَّه))
((كافــــــــــــي))
*************
كافي / مو وصلت ألحَد العظم
كافي / شــلكم علينه بهل الظلم
اعداء مو أخوه
ما تنّصح گوَّه
**********
بالنواصب أنتو أعاجم ** عن عقيدتنــه وفكرنـــه
أبــــــــد ما حبّيتوا الله ** ولانبينــــه ولاذخرنـــه
شيعه سمّانه نبينــــــه **أنحب علي حيدر فخرنه
أحذر أحذر ياأرهابي ** أبد لاتامن صبرنــــــــه
كفره / نهج السقيفه علمَّك
كفره / سچّين بيـده سلمَّك
تتبع يافتوه
ما تنّصح گوَّه
**********
انته يلّــــي أتحب شيوخك **حبهم وأبتعد عنَّـــه
ما ألك مِنَّه عليَّــــــــــــــه ** وآنه أليَّه عليك منَّه
دربي واضح مثل شمسي ** دربي بنهايته الجنَّه
وأنته ياناصبي أتعب ** بمحنه أوگع بعد محنــه
منهم / گلّي أشتحصل ياأجر منهم
منهم / عيّشوك ليــــــــل بلا فجر
شيوخك به مروَّه
ما تنّصح گوَّه
**********
اسمع أضحك لاتبالــــي **هل الحچـــــي لاماينفعك
شوف باچر منو يضحك** ياربع ربعــــي لو ربعك
العمر تگضي سنينـــــه **لحَّگ أو حسِّنه ألوضعك
أنت ماتعرف ألاهــــك ** الله باچـــــــــر مايسمعك
تحتار/ ألمن تگابل ياوجه
تحتار/ ياشيخ منهم تتّجـه
ومن يسمع النخوه**ما تنّصح گوَّه
**********
كلبك أسود مثــل وجهك** هـــاي اعمالك تفضحك
تدري ليش وياك أتعب ** تعرف آنه ليش انصحك
گلبـــــي مملي بالمروَّه ** وديني مايسمحلي أذبحك
هاي مو نقطة ضعفنه ** ولاتظـــــن أبهاي ربحك
فجري /المهدي يومه من يهل
فجري / ورگابكـــم لسمه تذل
الاياته والقوّه**ما تنّصح گوَّه
**********
اليحب نوره بجبينــــه ** وهاي من الله علآمه
ساعة المحشر عسيره **بيهه ماتنفــــــع ندامه
نار لو جنَّــــه جزائك **صعبه وگفات القيامـه
يوم يدعي الناس كلهه** وكلمن أيرافگ أمامه
حاضر / أبروحس وبگلبي الاسم
حاضر / وبالمهجه بسمه تنرسـم
وشوف انته ياهوَّه**ما تنّصح گوَّه
********** ************************************
((3))
عن حال العقيله زينب عليها السلام
((يل تعرفون المصيبه))
*********
يل تعرفون المصيبه ** شفتوا بيها ياعجيبه
العجب زينب تيسرت
والمصيبه دمعه صبَّت**والاشد تمشي غريبه
**---------**
من زغرها الدمعه صبَّت أتبات تصحه الهم غطاهه
وأبد ماشافت الحــــــــــــــرَّه عيونهه شمس بسماهه
النوح عايشهه وحزنهه من أنسبت أنسبه ويـــــــاهه
مانصح ويّاهه الدهر
خلآّهه بمصايب أمر
مشّاهه بدروب الخطر // من زغر سنهه بلآهه
الراح من عدهه أشيجيبه **ياجرح شافتله طيبه
كربله آخر نور أخذت
والمصيبه دمعه صبَّت**والاشد تمشي غريبه
**---------**
بكربله بياحال صارت عيونهه شافت صورهه
ساعه من يوم القيامه ريتَـــــــه لاصبَّح فجرهه
دهــــــر سيف الموت بيده سنينهه كلها نحرهه
منهه اخــــذ مهجه وگلب
ذبهن أبكل موقف صعب
حسباله زينب تنغلب // المعركه وياهه خسرهه
من ضلع أمهه الحبيبه **عانت وعاشت النيبه
أمصايبك يادهر ردَّت
والمصيبه دمعه صبَّت**والاشد تمشي غريبه
أنشوفهه بقوَّه وصلابه والحنين العدهه آيــــه
والصبر صبر الزچيَّه وياهه ظل حتّه النهايه
لسان حيدر أبنطقهه عدهه نور من الوصايه
بكل خيمه زرعت الصبر
يعرفوهه للشده ذخــــــــر
يمشي بخطاويهه الفجر //يضوّي بدروب السبايه
هيَّه أم وخت وطبيبه** الخايف أتسكت نحيبه
بالصبر لاطفال روَّت
والمصيبه دمعه صبَّت**والاشد تمشي غريبه
**---------**
مشت ليل أظلم تعاني أعله الهزل آه يالفجيعه
تشكف الصوط بدمعهه جفوفهه فوك الشريعه
أويه العليـــــل أمقيّديهه وديعته وهوَّه الوديعه
بس نـــــار خلَّت بالخيم
چم نوع مرهه من الألم
لباري گالتله نعــــــم// أجسام عافتهه صريعه
سابحه بدمهه تريبه **غصب عافتهه سليبه
راحت وبالهظم رجعت
والمصيبه دمعه صبَّت**والاشد تمشي غريبه
**---------**
وگفت بوجه المصايب جبل ضد كل طاغي ظالم
حالهه للصخر بچَّه بحالهه بس الله عالــــــــــــم
أبــــــــــد ماذلَّت عزيزه شامخه مثل أمهه فاطم
لحسين أخوهه نصرته
وبصوتهه أترف رايته
والطاغي ذلَّت هامته //والصبر عزم الهواشم
والگلب يسعر لهيبه ** والگمر أثَّر مغيبه
چفَّــه يامه هموم ذلَّت
والمصيبه دمعه صبَّت**والاشد تمشي غريبه
**---**********************************------**

((4)) ((بعد جم آيه ))
*************
بعد جم آيه // تظهر الرايه
أختلَّت الاوزان** ياوكت أعلان
***********
أنتظرنـــاك وحسبنه ومانوفّيلك ** ضحّينه وصبرنه كلَّه من أجلك
وينك يالوفي يل ماكو من مثلك **بعد الصار عجَّل مو علا مهلك
ننسبي سبايه // نريد لحمايه
ننطر من زمان** ياوكت اعلان
*****************
الكَبلنه جان ناطر بالجفن يظهر ** ولسيف بيمينه حاضر أمحضَّر
وحته بهل الزمان الفرج نتنطَّر **وصبر الشوفتك يزداد بعد اكثر
الصبر للغايه // الدرب مشّايه
نورك الايمان ** ياوكت أعلان
*****************
عله أركَاب الخلك متسلّط الحاكم ** من ظالم اذا نخلص يجي ظالم
مانخفه عليك بحالنه عالــــــــــم **والناكــــــر حقيقة طلعتتك واهم
وياك لبدايه // وياك لنهايه
السُنَّه والقران ** ياوكت أعلان
*****************
يشتمون القلم لوجان حبره الحك** فاضحهه النواصب والظهرهم طك
وبرهن الاشاره أنطيح بيهم دك **خلهه الناصبــــه أطنطن طنين البك
كلمن برايه // يفتي بحجايه
أبيقضة الحلمان ** ياوكت اعلآن
*****************
طلكَه الدنيه وحده الها نطرناهه **لأن يوميه جنَّه نطلك وياهـــــــه
بعد هذا الصبر من حقنه نتباهه ** أجاهه ألِّي يصفّي الخابط أبجاهه
الكل على مايه // الزينب حمايه
ندحر العدوان** ياوكت اعلآن
((راية الرسول صلى الله عليه وآله))
موشح لصاحب الزمان
***********
ولله لوطالت سنينه للدهـــــر
نبقه ننطر يوم جَيت المنتظر
وبقدومه تعلـــه رايات الظفر
راية الثارات أله أمسلميهه
******
أمسلميه الرايه من جدَّه الرسول
عله أعداء أمة محمد من يصول
يــــــــاخذ بثارات حيدر والبتول
وثار جثَّه اعله الثره أمسلبيهه
*******

**********************************************
((5))
((لمن فاركتني ))
*************
خويه لمّن فاركّتني ** من بقه الخدري بلاك
صرت أدوّر عله نجمك ** أبد ملكّيته بسماك
حرت ياسيف الحرايب
ياكمر عن عيني غايب
لايمينك لايسارك ** العطش يبجي وراك
**-------------------**
كّمت أدّور عله عيونـــــــــك غاب عن عيني نظرها
روحي ياخويه وحبيبـــــــــــي الشوك عذّبها بهجرها
صرت أصيحن وين غابت أتروح روحي ويَّه أثرها
الحــــرم وأطفال وخِيَمنـــــــــــه تفرح أبجيّت ذخرها
ننتظر ترجع علينه ** ياصبر يحمل جفاك
شوفتك ماي العطاشه ** والسكينه بعلوا لواك
الماي جايب لوماجايب
ياكمر عن عيني غايب
لايمينك لايسارك ** العطش يبجي وراك
**-------------------**
الغيمه لو صبَّت مطرها كّطره كّطره على جودك
والنهرجرفينـــــــه طكّهن أيريد يوفي وي وعودك
والسمه صاير نجمهه خويـــــــــه دمعات بخدودك
أبد لاتأسف يغالــــــــــــــــــي والله وفيَّت بعهودك
ياعتب بلساني أحجي ** يادمع يوصف بجاك
وآنه من حيدر وصيتك ** من طلع خدري بحماك
كّلبي آنه عليك ذايب
ياكمر عن عيني غايب
لايمينك لايسارك ** العطش يبجي وراك
**-------------------**
بالفخر كتبت جروحك عله أرمال الطف روايه
هنانه ضحّيت الخدرنه وجف بطل شايل الرايه
أبين سد النخل ضربه هشمَّت عقد الوريــــــــه
جسد حاضن جوده نايم رمز خـــــــالد للسقايه
أنته باب حسين جفَّك ** للطلب حاجه أجاك
ياوفه بكل المعاني **يرد فرحان برجاك
مايعود الداره خايب
ياكمر عن عيني غايب
لايمينك لايسارك ** العطش يبجي وراك
**-------------------**
صاح هظمي وين نورك يوم أظلـــــــم علّي يومي
أمساهره دمعت عيونـــــي واست آلآمي وهمومي
صورة الغيره تمرنـــــي عايشه بصَحوِتي ونومي
وروحي طير أيون رفيفه عليك كل لحظه يحومي
خويه يابو الفضل شحجي ** أعتذر وطلب رضاك
مستحي منّي تردلـــــــــي ** وأنتــــه غطّاني وفاك
أتحمّلت لجلي المصايب
ياكمر عن عيني غايب
لايمينك لايسارك ** العطش يبجي وراك
**-------------------**
أنتخت لخيـــــــــــــام بيمينك وماي جودك يطفّيها
وفرحة الاطفال تنظـــــر تالــــــــي عدوانك تجيها
سوط لليبجــي أعلــــــــــه متنه وبالحبال أمجتفّيها
جثث فوك الغبره تشهد أشكد صعب موقف سبيها
بليل نمشي الليل ثاني ** والغدر منَّه خذاك
وراسك اليحرس ضَعنَّه **ماخذت روحي فداك
بكربله شفنه العجايب
ياكمر عن عيني غايب
لايمينك لايسارك ** العطش يبجي وراك
************************************************
((6)) (( جفّينه آيه ))
**********
عباس جفّه آيه ** عباس علّه الرايه
ياجود أمروّي أطفاله
محروسه خيام بجاله
************
أعرف يمن تنشد وتقره وتشوف
الخوَّه مو بس كلمه مكتوبه حروف
جسَّدها عباس ونِغَــــــــر لملهوف
ضحّه العضيده عين وهامه وجفوف
عباس جيش بوَحدَه **ياجيش يوكف ضدَّه
كلها أتخاف من خياله
محروسه خيام بجاله
**--------------**
عنده عهد وفّــــــــــــاه بدم الجفّين
شاهده الجود وشاهــــده سهم العين
والشط أله شاهد وصوب الجرفين
وآخر نفس ودّعه بأحظـان حسين
عباس صادق أيمانه **مابدّل وعده ولاخانه
حقق غايــــــــة آماله
محروسه خيام بجاله
**--------------**
منذوره جفّينــــــه العلآمات الود
بكــــل موزمه تلكاها كفّايه أتسِد
عن الحُسين أيمينه لكروب أترد
ويّـــــاه ملك الموت للموته أيعد
عباس من صال وجال **سيفه أيجندل أبطال
كلها أتفر من كبالــه
محروسه خيام بجاله
**---------------**
عُمره كظــاه خادم السيد الجنَّه
برهن الاشاره شـــرايد ويتمنّه
فخـــرالزلم بالخوَّه نبراس ألنه
المحنه توصّي الشدَّه بالج منَّه
عباس غيره ومروَّه** منبع للناس وقدوَه
متشوف العين أمثاله
محروسه خيام بجاله
**--------------**
أشرف مواقف أسمه حاضر بيها
حيدراذا طب معركــــه أيصفّيها
وجفوف صلبـــه للركّب يلويها
بــــذل الهزيمه سيوفهه تطويها
عباس بالطف طف وَحدَه
يـــافيض من يكحــم مدَّه
والسد ينهار الحاله
محروسه خيام بجاله

*******************************************

(7)

((موشــــــــح))
*******
آه يازينب أيا مظلومه
-***********-
زينب أشكد حملت مصايب وهم
والكّلب منهه تعوَّد عالألــــــــــم
أبـــــــــد ماحسّبت لحظه بالندم
عالثره عافت ألأخوه نومه
**-------------------**
عيـــن شافت هظم وسهام ورماح
أو سِمَه عنهه غاب نوره للصباح
بس عليل وياهه ودموع وصراخ
وسهم وسط الجبد بي ملجومه
**----------------------**
من الزغر فطنت على ون أو دمع
بفجعه يوميـــــــــــه كّلبها ينصدع
ياموالــــــي شأرد أكول شينجرع
الهل وكت زينب بكّت محرومه
**----------------------**
الحاقد المبغض أبــــــد مايستجِن
شيوخه تقره براسه وتخلّي يجِن
بألف بدعــه وبدعه منهم نمتحن
وين أبو الغيره العرفنه أعلومه
**----------------------**
منو اليرضه كبـــر زينب ينهدم
ليش بالشيعه بعد ماكوا زلـــــم
أضعف ألايمان مو وكته أفتهم
والموالي تره هذا يومه
*********************
جديد هـــذا الحقد حسبالك جديد
بينَّه ألأيــــــــــــام تاريخه تعيد
جابت ألنه اليوم سفياني ويزيد
أتلبَّه أبعقله العفن مفهومه
**----------------**
فاصــــــل المابينَّه برزخ قديــم
أو مايهُم يمايشفي أبد علَّة سقيم
موبعيد الحَشِـــــرلبعيده الجحيم
واليريد النار ياهو يلومه

*****************************************************

( Cool

((وين حماك))
***********
أبد ماجانت أبالي ** أفتّـــــح عيني ماألكاك
وحس بصوت يندهلي** وصيحن خويه وين حماك
خدري أعصبته بالرايه
بجف الوفـــه أمغطايه
ودّعتك والله وياك
**--------------**
ودّعتك وبيدك كَلبــــــــــــــــي سلّمته
من غيرك يخويـــــــــــــــه بعد ماردته
أحس بعمري هــــــــــــذا اليوم ضيَّعته
صوت من الضمير أسمعت من صحته
تهت يبن الشطر مرحب ** من حسّيت طاح ألواك
ضعنك للسَبي أتحضَّر ** أيتــــام وحرم تنخاك
بغربه رايده حمايه
بجف الوفه أمغطايه
ودّعتك والله وياك
**--------------**
أعاين رايتـــــــــك بالافق خفّاكّه
ومنّي بروحي ترجع ألي ونتلآكه
زاحمني النهـــروجروف مشتاكه
علـــه جفوفك يخط أبمايه أشواكه
شالت ماي جفّينـــك ** لاكن ماوصل لشفاك
عيون من الخيم تِنغّر** شوكت تجبل ونتلكَّاك
أصَّر بموقفه ورايه
بجف الوفه أمغطايه
ودّعتك والله وياك
**--------------**

ورودك بالنده تتوضـــــه يوميه
أتحـــــــــرَّم عليها الماي منسيَّه
شوكت يرويها بردك تنتظر جيَّه
من أتفسَّـــرصبرها مشت مسبيَّه
التوت فوك الغصن ذبلت ** ظلَّت بالدمــع تتناك
ياكلَّك فضل أرجـــــــــع **ظلمه الدنيه بعد جفاك
ستر يمناك وحمايه
بجف الوفه أمغطايه
ودّعتك والله وياك
**--------------**
سهم العين بجَّه الضلع بجَّـــــــــه الباب
والعامود ضربـــــــــة سيف بالمحراب
الكّلب يابو الفضل بين الضلوع أنصاب
على يســـــــــراك ويمينك بجه لحجاب
الخدر يحوم بخيامي ** يدَور عليــك مايلكاك
بليلـــي لاكمرونجوم ** بجه ويايه عله فركاك
أنته للوفه آيـــــــــه
بجف الوفه أمغطايه
ودّعتك والله وياك
**--------------**
أدري بيك خويه من توَدعنـــــي
وياي الغيره تبقه ما تضيّعنـــــي
وأعرف زين من أنخاك تسمعني
عغدر بيَّه البعاد ودهري لوّعنــي
مشيت وهظمي يجينــي ** وتدري بخدري ما ينساك
جنت عايشه بأنفاسك ** ماريده العمـــــرلولاك
ولاني دهري وعدايه
أبجف الوفه أمغطّايه
ودعتك والله ويـــاك
****************************************************

(9)
(( مذنب ))

*************
كل ذنب الجنيته بتيه ضيّعنــــي**وبنص الحضيض بجفّي يدفعني
احب غدره ** تحت أمره
**-------------**
ياوكت أستحي من الله ** وهجر كل ذنب سوّيت
أصَم وبكم جنت تايـــه ** عيوني أمفتّحه وعميت
ذنب فوك الذنب يمنع من التوبــــــه
وحيل أبتعد عن حيدر علي وصوبه
كل تقصير ** ذنب جبير
**-------------------**
نفس أمّاره بس بالسؤ ** غيرت طبعي وأخلآقي
أتندّم توالـــــــي الليل ** وأصبّح عالذنب باقـــي
حته البسمه صارت دمعه بعيوني
حته الحلم فارك أجمل ظنونـــــي
بمطامعهه** أطاوعهه
**-----------------**
المشاعر جنت أوصفهه ** كلهه أتعانـــــــــــد الاحساس
ماي الوجه منّي ضــاع ** وجنت بس استحي من الناس
لاعين التشوف ولاكلب يحــــزن
وضربة الله ماخافن وله أتوطَّـــن
بكلب أسوَد** جزيت الحد
*****************
تايب ربّي ماأرجــــع ** بصفحه بيضه سجّلني
بجاه الرحمه والنعمه ** لاتخزينـــي وتذلنــــي
صرت أكره حياتي وأكره ذنوبي
أصيح التوبه ياخالقي ومحبوبــي
ندم ودموع ** وَجِد مفجوع
**--------------------**
ألاهي أدعــــــي بأسمائك ** بجاه الخمسه أهديني
ذنوبي أغفرهه وأرحمني ** يم العتــره ودّينـــــي
النفس المطمئنه ويـاي مظلومه
أريد أبدي حياة جديده مرحومه
تسامحني ** تفرّحني
**************************************************************

((10))
(( عله وداعك))
**************
عله وداعك تصب عيني
جمر يسعر ** وأنه أتصبّر
**-------------------**
جمر يسعر دليلي وينخطف لوني
آخر يوم باجر بي تعيفونـــــــــي
آمالـــي تنوح عليك وظنونــــــي
شتشوف العين ** بعد يحسين
راح ألمن تخلّيني
**--------------------------**
روح أوداعت الله ماأكلّـــــك ليش
أدري عليك ملتم هالكفر والجيش
لله أتبيـــع دمَّــــــك واليقدّر بيش
بنواميسه ** بقواميسه
يبقه الحزن يعميني
**------------------------**
مرار بكلبي أتحمَّل أشد وأكثر
ياأيمــــان روح أو وفّـي لمقدَّر
خلّـــي أنصاب بمثلثك والمنحر
ونار خيام ** ونوح أيتام
أعله جدّي من يودّيني
**-----------------------**
عفاهه العين تكـــدربعد متشوفك
عفاهه الروح خويه تكدرأتعوفك
أظل أمساهره وماشوفهه طيوفك
عليَّه النوم ** تحرّم دوم
طول أيامي وسنيني
**---------------------**
وي عباس متعاهــــده عالكــلفات
عهد ويَّه أبونه ويـــاك للصعبات
تغيب أوي الكفلني وأبقه للشمات
بكلب مجروح ** نظل أنّوح
عليكم من يواسيني
***********************************************************
((11)
((عيوني والدموع))
*****************
عيوني حضري دمعتج حضريهه
وبمجالس أبــــــــــــواليمه أبجيهه
بجّي ويّاج الجروح**خلّـي دمعاتج تنوح
**------------**
حضري دمعت دمه أتصب من العيون ** هذا شان الرجه أيحضره بالمنون
الغيـــرابـــــــــــوالسجاد دمعج لايهون ** ألبجـــــــي بخت ويكحّلهه العيون
كل رجه أتشوفين منهه وبيهه
أمسجله وأم الحسن تحصيهه
ورده ومعطّره تفوح**خلّــــي دمعاتج تنوح
**------------**
لاترخصيهه ألغَيره أو أي سبب **راح يعيونـــي تشوفين العجب
الدمـــــع للناس ربنه من وهب ** سورور تتجسدله لالوم وعتب
دمعه يم دمعه تجي أتحاجيهه
مثلي مكتوبــــه بسجل واليهه
حسين أبو الوجه الصبوح**خلّــــي دمعاتج تنـــــــوح
**------------**
الجفون أتلاكن ولمّن دمــــــــع ** مايلمهه الكون هـــــل الرحب الوسع
جمر صارن والجمر ماينجرع ** بروحي يجوي ويجوي كلب المنفجع
دموع آه وحزن لجله أجريهه
علـــه الطايح ظامي لتعزّيهه
دمعه تعله أعله الصروح**خلّــــــــــي دمعاتج تنوح
**------------**
من صميم الكلب تنزل والضمير ** أتصير مابينج وآبو اليمه سفير
تروح يمّه وبمودتـــــــه تستجير ** لوقبلهه أتخمّد بجاهــــه السعير
للذبيح وجثّتــــــه أمسلبيهه
ويَّهم اي العين دم صبّيهه
يالله يمّه خل نروح**خلّـــي دمعاتج تنوح
**------------**
آنه منّي الدمع دم أعلتـــه الخدود **وأنتي يعيوني دموعج خل تزود
وياج أريد أعبر وأجزيهه الحدود** وبالسفينه نوصل الجنّــــة خلود
هناك نلكي الزهره ونواسيهه
أتسرّج أم حســــين وتسرّيهه
والدمع بالحب يبوح**خلّــــي دمعاتج تنوح
**************************************************************
((12))
((أعلنهه حرب))
**-----------**
حرب حرب أعلنهه ** شحدهه النواصب فنهه
حُب علي يسري بدمّي
جعفــــري شيعي أسمي
**-----------------**
شيعي ومبدأي ثابت وله أتغيّر **والصعبات ألاويهن بجف حيدر
علّمني علي عالأشد منهه اكدر** ومن ظلـم الطغاة شلون أتحرر
محبته ألروحي أمنهه **** أبقه أدافع عنهه
وَيلَه التدنّــــــــــــــه يمّي
جعفــــري شيعي أسمي
**-----------------**
صبري والتسامح منهو يتصوره ** غصب بركان صدري لو نفذ صبره
أخلّيهه قيامه وساعة الحســـــره ** ولخلـــي الناصبــــي بأيده حُفر كبره
قوانينـــــــي ألأسنهه ***** لَوين أيروح منهه
أصراري يوشفه وعزمي
جعفـــــــري شيعي أسمي
**-----------------**
بدموعي أشكثريامه أداوي جروح **ضميري صاح كافي والصبر والروح
لعلِّمهُم شلون أيصير سيف النــوح ** حسين أنتصر دمَّه من وكــــع مذبوح
السقيفه خــــــــاب ظنهه ***** يوم الطف لعنهه
كربلـــــه فخري وسمي
جعفــــري شيعي أسمي
**-----------------**
البايع ضميره النصــــــح أشفاده ** والكلبـــه قِســـــه عايش بأحقاده
أَشَر من الدواب التابــــــع عناده ** يترجّه الاصنـــــام الذلّت أجداده
من أحقـــــاده الدفنهه ******* عَلينه أيرد زمنهه
المذهبـــــــي منَّه أحمي
جعفــــري شيعي أسمي
**-----------------**
عليهم أدعي والله لايصبّرنــــي ** موالي العتره وأدري ما يحيّرني
ياصاحب الفَتوَه لو تخيّرنـــــي ** أفجر عشره لو واحد يفجّرنـــــي
بألم روحي وحزنهه **** أطعن من طعنهه
راسه أسحكه بجدمي
جعفــــري شيعي أسمي
***************************************************************
((13))
(( سباهه خامس اليمّه))
************
بكلب زينب الف وتسعميت صواب
بصدر زينب ماظل ضلع مامنصاب
سباها خامس اليمّه
مهظومه لفت يمه
**-------------**
حِنَتها شــــدّة الآلآم وتنكـــــــل بالجـــــدم كــــــــوَّه
من وصلت لعـــــــد جثتــــه دمعهــــا أيعاتب الخوَّه
ماتكعـــــد تحــــاجيهه يابـــــوالوفـــــــــــــه ومروَّه
الحزن والهم يشيب الراس بجفاك ألهه صرت سلوه
وجه الصبح غاب وياك أخذ صبحه
السرور يروح عنهه ومابقت فرحه
بكلبهه شلون وبهمه
مهظومه لفت يمه
**------------**
جبـــل ونقارنـــه بزينب يدنّــــك مستحي منها
صبرها ماتحمله جبـال قليل شما حجوا عنها
تنـــام بليـــل مملي احـــــزان تفز بكربله لنها
تشيل الدين المخضَّب يوم الطف صدك ظنها
صبر أيوب بدموع العقيلــه يذوب
وحزن الدنيه لورافك دمع يعقوب
المصايب كلهه ملتمه
مهظومه لفت يمه
**------------**
عافت رايــه مذبوحـــه وجود أيحن عله الجفين
جنزهه أيثكّل الممشه منصابه بعـــــــامود البين
تتوجه أعله صبر سنيني بعد الها بكت بس عين
أجت ويَّه عطشها أتلوب يرويهـا عطش لحسين
بنار الخيم كصدتله وكلب منحور
جسد متوسّد الغبره ودماه أتفــور
وتفسَّر بالدمه حلمه
مهظومه لفت يمه
*****************
بعيون البصيره تشوف أبوهه أوجدهه وي أمها
يبجـــون بدمــــع مثبـــــور عليهه وعالذي يمها
ياجَـــد نادتــــــه ذبحــــوه ريحانتـــــــك لتشمها
يبويه كبالـــــي كلَّه جروح ييمه جروحه شيلمها
دم جروحه غطّه الكاع روّاها
بقربان الرســـاله حكها تتباها
ألآهي شمحله هالرحمه
مهظومه لفت يمه
**------------**

خذوهه بهودج ألآلآم بيتامه وصرخــــه ماتنظم
تسّكت هذا يصرخ ذاك ضعن يمشي بنهار أظلم
وحراير كوَّه تتستّر كلب كل واحــــــــده محطَّم
والمحروم شوف حسين يكول الموت ألي أرحم
على سجّت فراك يطول ممشاها
الدهـــر للشــام والشامات ودّاها
وعيون من البجي تعمه
مهظومه لفت يمه
**-------------**
*************************************************************
((14))
(( يردني حنينك))
**------------------**
يبني يغالي // عذّبت حالي // من دامي ردّك
سهر الليالي // نشده يغالي // عيني عله مهدك
****---------------****
جنت احلم اشوفك يبني صرت جبير ** ودّاريني يمه وللربه أتوّفي
حرمني منّك بسهم الوريد البيــــــــن **والايام عنّي وعنَّك شتخفي
اكابل مهدك اشكيله الالـــــــــم والهم **طول الليل أحلم جنَّك بصفّي
خذوك من أدبَّه// كوم آال أميَّه // وياهم شعندك
بسهم المنيَّه // يصعب عليَّه // ينكطع وردك
****---------------****
بغير أيام بيَّه صبَّح العاشــــــــــر **شفت بكربلــــــــــه البكون ماموجود
أنذبح كلبـي مثل وريدك المذبوح **سهمك صابني وخابت طظنوني تعود
شرجه من الزمان الما رحم حالك**بحضن حسين ظامي وبالسهم موعود
ريت آانه يمك // بحضني أضمّك // بدمعي أزكي وردك
تبجي اسمعك // أمسح بدمعك // من على خدّك
****---------------------****
أفز من نومي ومشـــي للمهد بهداي **اخافن تكعد ومتنام ذاك الليـــــــــل
مهدك جان حضني والضلوع غطاك**يعبد الله غيابك بيَّه أثّر حيــــــــــل
بعدك يارضيعي عيونـــــــي ماتفرح**ولا بعد الذي داست بصدره الخيل
حايره بأمــري//ماريده عمري // يالورد بعدك
سهمك بنحري// ضيعلي فجري // بعد شيردّك
****-----------------****
تلوع من العطش والظيـــــــم ياسلوه**مصفَّر الوجــــــــــه متيبِّسه شفافك
من حرالعطش غصن الورد يذبــــل**كسرت كلبي أبوك شحاله من شفاك
من حضني خذا ك وكصد بيه الكوم**صدري در دمع من يرضع خلافك
الدهر من مَن // بالدمع والوَن // عنِّي يبعدك
الكلب خزّن // والصدر من حن // لاكيته سعدك
****----------------------****
يوم بيوم أحسِّب تكبر كبالــــي **علــــــى عد الاصابع ماجزه عمرك
صوّب حرمله ورماك ورماني **طفه حرس العطش يوليدي دم نحرك
جنت أنتظرك الشيبي تجازيني **الي أنحنه ظهري من نشف صدرك
ياريته يعمه // حرمله وسهمه // عالثره مدّك
ماعنده ذمَه // لبكلبه رحمـــه // من وكف ظدّك
**********************************************************
((15))
((رسمك مابين الشمع والحنَّه))
*********************
يمّه ياضَنوة سنينــي ** أنطـــر آمالك وحلمك
بين شمع العرس يمّه** وحنِّتك عاينت رسمك
ترجع وتفرح عيونـــــــي
حجت وي رسمك ظنوني
**------------------**
جنت أعيشن حلم عمري وتكبر ويايه فرحتـي
العين تتكحل بشوفك من الفرح تنزل دمعتـــي
تالي منّي تروح كوَّه ومرمرت كلبي ومهجتي
بعد ماأصحه بغيابك وما أفزّن من صدمتــــي

روحي تسألني يردلج ** لو أروحن آني يَمَّك
وشبك جروحك بديَّه ** وأيدي آحنيها بدمـك
ريت بعدك يذبحونـــــــي
حجت وي رسمك ظنوني
**------------------**
حالي كل فاكده أتعرفه التنعه كـل واحد أبنها
تريد منَّه رباها حكها تريـد منَّـه حـــك لبنها
الفجر ونجومه غابن بليل أظلــم خاب ظنها
وآني يالقاسم حبيبي روحي بيك الله أمتحنها

ليش يبني ماخذتنــــي **وياك للحومــــه ولِمَّك
وحضنك وحمل آلامك** بشوك لمفاركه أشمَّك
مايهمني اليلومونـــــــــي
حجت وي رسمك ظنوني
**------------------**
خيمــه بيهـا شموع تزهـي بنـارهن نزِّلـن دمعي
أحتار كلبـــــــي من طفاها الزمان ودار وضعي
صارت الهلهوله نوحي والضلوع أعلكها شمعي
وحجي ويَّه أيام دهري مصايبج عالراس جمعي

بالجبد وسهام نعشه ** الحسن يبني شال همَّك
يدري عرس الغاضريه ** ماتر منَّه عله أمَّك
تغيب عنّي و يهظمونــي
حجت وي رسمك ظنوني
**----------------------------**
ياشجاعه البيك أوصف ياهو أبوك ومنهو جدَّك
يالوديعه أجمل معانـــــــي تاهت ونلكاها عندك
وفي ومطاوع النيَّه الزفه وسط الجنَّــــه وعدك
ر وح يُمّه كلبــي راضي من جنت نايم بمهدك

بختك وبختي شحلآته ** السعد لليـــــوم ضمَّك
بأسم كل فاكده اسمي ** وجاسم العرِّيس أسمك
بفرحة الشامت عمونــــي
حجت وي رسمك ظنوني
**------------------**
حزني دمعاته يصُبّن بكــل صباح وكــــل مسيَّه
آنـــــي موعوده بغايبك يوم فجــــــر الغاضريه
ماكلت لمّي أعوفـــــــن ماكلت أمّــــــــي خطيّه
من غصنهاآكطع وردتي وغصباٌ أجرحها بأديَّه

مودّع بألله ورحمتـــه ** أدري موبيدك وحكمك
روح خلّي الحنّه دمعه** يبني من عيــون عمَّك
دهري وأيامه ولونـــــــي
حجت وي رسمك ظنوني
*****************************************************************
((16))
((ياضنوتي يالاكبر))
*************
وياك أخذ روحي وِرِد ** ماأحمل وماأكــــدر
ولو بيدي للحومه اعتني ** ياضنوتي يالاكبر
شيصَبره كلبــي عله البعد
وياك أخذ روحي وِرِد
**----------------**

للزمن ويّانـــه عهد ماينكـــره ولاخانـــــه
لملم بأيامه وكصد وكلمن وصل لمجانـــه
لن يومك أبين النجم وأرض الفخرعنوانه
ينساها أيـــام الفرح بس بالحـــزن خلآّنه
تفراكنـي ودموعي تهل ** من مهجتي أتحسّر
وبكــــــل موادع أختنك ** منّــي الكلب يتفسَّر
يسعه على موتك يجد
وياك أخذ روحي وِرِد
**----------------**

لحظــة وداعك تكترب ماريد أحسّب بيها
وجروحي غطّاها الجمر تنتظرك أدّاويها
يانور ياوجه النبـــــــي حك أمك أداريها
لتعوفها أبين الهظــــم ودموعها أتواسيها
يابعد روحي والنفس ** حاجيني ياماي العين
أبجاه يعقوب الفرح ** أيرجعك وبجاه حسين
منتظـــره بالخيمه ترد
وياك أخذ روحي وِرِد
**----------------**
عطشان ردّيت بأمل يابختـــي أشوفك مرتين
لسانك جفا كطر النده ولسان أبو اليمه حسين
من أول وداع أندعي وياك ياخذنـــــــي البين
ردّيت شامخ بالنصــــر يايمه كرَّيت العيــــن
ودّعتك وعنّي غبت **وآخر نفس من خذته
روحي تحاجي للكلب **مايرد لمّه عرفته
ياونّـــي يادمعي أستعد
وياك أخذ روحي وِرِد
**----------------**
ماريدك تشوف الدمـع ماريد أهبّط عزمك
والروح منذوره ألـك ولحسين نـــاذر دمَّك
توسّط ميادين الحرب وأرحم بنصرك أمّك
رد سابح بدم الوفه وأبقــه اعانـــــي بهمَّك
لسيوف يافخر ألتِوَن ** عله جروحك ويلوَنّي
ادري المنيَّه كصدتك** وتروح يبنـــــي منّي
وأبقه عله نوحي أستند
وياك أخذ روحي وِرِد
**----------------**
سهر الليالي والربــــه يا أم مترضه أبردَّه
يكبر أملها وي الزمن تجني الثمر من ودَّه
لو يبعد يغيب الكمــــــر يادنيَه تهنه بعده
رايح وسد باب الامل أطّول بسفرته المدَّه
خليني بهمومي أظل ** وأبقه أعـــــد بالنجمات
بالوَن أصبّح والدمع ** عيوني أبعيون الشمات
يمُه أعله حلمك أعتمد
ويّاك أخذ روحي وِرِد
******************************************************************
((17))
((ولادة الحزن والنوح))
********************
نوِلد هاليوم ويّاها الفــــرح مذبوح
ألم وهموم وبواجــي وحنين ونوح
لون أسود أملها ** الدمعه سِمَه ألها
**-----------------**
دمع يعقوب عند الناس عِجبَه صـــار
والدمع استحه من بت علــــي الكرار
صبر أيوب تحجي الخَلك عنّه اسرار
من صبر العقيله الصبر ظـــل محتار
عدَّت بالالـــــــــــــــم أيوب وآلآمه
الصبر يعقوب يوسف حقق احلامه
لجن منهو مثلها ** فكدت كل اهلها
**-----------------**
عَزيزة أُمها أبوها أعِزيزة الخوّان
نحيي يومها ونبجيها بالوجـــــدان
نرسم عالشفايف بسمة الاحـــزان
للعاشت سنين العمر بس حرمـان
فرح بيها الحزن من شاف دمعتها
الدهـــــر كثَّـرالمصايب راد ذلّتها
من شتت شملها ** كل قصده يذلها
**----------------**
يامه سنين ثغر النبــــــــــي غذّاهــا
فاركها وأخـــــــــذ منها آمها بجّـاها
علي وبعده الحسن فركــاهم أعماها
ومصاب حسين كفَّه وطيحت ألواها
ياأيام هم عندج سهم مظموم
موكافي لمثلث صابها لليوم
يامصعب حملها ** لهموم شثكلها
**---------------**
من يــــــــوم الولادة بجَّت الفرحه
بجرح الديـن عاشت لملمت جرحه
بليل طويــل مولوده ونست صبحه
اذا منَّه صحت وسط الهظم تصحه
ولادة نورها حَي بضميــــــــر الناس
نشوفه بصحن أبـــــوالسجاد والعباس
ماخانت وصلها ** طف كربله سلها
**---------------**
ياأقلآم كِتبـــــــــــــي عن معانيها
كَلب ولســان حيدر ناطقــــه بيها
بكل موقف الحرَّه أتسل مواضيها
بعيون الشماته وعيــــــن أعاديها
أفرح ياموالـــــي بهل الفخر وشهد
زينب بت علي وفاطمه وبت أحمد
الاديان ورسلها ** تبجي من أجلها
******************************************************
((18))
((زينة الشباب))
**************
يازينة شباب الغاضريه**بيّض وجهي گدام الزجيه
بالجنه الحسن يتناك
بالك لاتذل يمنـــــاك
************
بيِّض وجهي هذا اليوم انتظـره**ياشبل الحسن يافخره يــــــــــاذخره
دون حسين خدك بالترب عفرَه**وأرفع راسـي يبني ابحضرة الزهره
عله صهوة العز اشمخ ابطولك
بيك الوفه من منبع اصولـــــك
**هاك الگلب اخذه وياك
**بالك لاتذل يمنــــــــــأك
************
نعجن حنتَّك رد النّه ونحنيــــــــك**وبزفّة عرس ياجاسم انوافــــــيك
ابجاه الحسن ربي ايعينك ويحميك**وعلى گد نيتك ربي الصبر يطيك
بزود رجال دافع عن حبيبـك
بلݘـــن الشهاده من نصيبك
**دافع يبني عن أحماك
**بالك لاتذل يمنـــــــاك
***************
عـد عينݘ يكلها يمَّه شوفينــي**ظنِّݘ ماأخيّبه ابنݘ تعرفينـــــــــــي
بدمعات الفرح لحسين ودعيني**مانه ارباݘ وتخبرݘ ميادينـــــــــي
تگله لو رحت وترِد عليَّه
سالم يبني ازفنَّك بديـــــه
**خل حنتك من دماك
**بالك لاتذل يمنــــاك
***********
اخذ راية علي بيمناك وتعنــــه**هيݘ الموت لجل الدين راده النَّـــه
هذا حسين منَّه الفضل والمنّه**اشيجره اعلينه لجله يبني ماهمنه
المثلك يبني مايحتاج اوصيه
الدرب الشهاده ابفخر ماشيه
**كاس الموت ازكي اعداك
**بالك لاتذل يمنـــــــــــــاك
*************
جندله الزلم شبل الحسن هــل اليوم**راواها المنايا جموع هاى الگـوم
ياخذ ثار ݘبده ألمنطـــعن مـسموم**عله العريس ماعنــدي عتاب اليوم
طفَوا شمعتي وباگوا فرحتــي
وانصب الدمع دم من مهجتي
**مُرّه عيشيتي ابلياك
**بالك لاتذل يمنـــــاك
*****************************************************
(19))
(( شمعاتك تحنن))
*****************
شمعاتك تحنن يبني من دمَّك
*********
دمع الفاكده يبنــي يصب جبو د
وعليها الليالــــي الغايبات أتعود
موجود الحزن ماكول ماموجود
كل لحظه التمرني أنده بأسمك
**********
عله نجوم الليالــــــي أنثر دموعي
وأنصب عالكمر خيمتك بضلوعي
وحسرة الكلب منها أعلك شموعي
وأتصور العروسه كاعده يمَّك
*********
نبض كلبي يصب من دمعت عيوني
يبيِّن حالتي ويوصفها لشجونــــــــي
لاواني زماني وخابت ظنونــــــــي
خلّيت الونين ونوح حال أمَّك
*********
حــــال أمَّك شحاله للصخر فسَّر
بلحظات الموادع صرت أتصبَّر
الصبرأمّين أجيبه وكلبي لمكدَّر
وشوف حسين محني أعله الصدر ضمَّك
**********
عله صواني الفرح أكتب بدمعاتي
وأعتب عله أيامي الخذت فرحاتي
ياعرّيس ونتــــي ونوحي وآهاتي
طيو تحوم بالحموه على جسمك
********
ترجّعلي الخبر عنَّك وتفجعنــي
والشمات من البجي تمنعنـــــي
شعتب عالزمان الجار ضيَّعني
وتظل تتمنه روحي أتحضنك أتشمَّك
*******
حكّـــي من أكَـــــــول أدُوّهنت بجفاك
ألي شخلّيت منّـــي شخذت حته أنساك
ماأفرح بعمــــــــــــــري يالولد لولاك
روح أمودع الله وعوفلي همَّك
*******
ياشبل الحسن حالك مرد حالــي
أظلَّن ويَّه حزني أمساهره ليالي
وصورة زفّتك مرسومه بخيالي
بثياب العرس يبني حلو رسمك
**********************************************
((20))
(جفين وعين)
***************
جفين جفين/ رايه على جرف النهر
العين العين /السهم حارمها البصـر
عباس عوف الماي
خويه يراعي لواي
**********
عمري وياك الكظيته ** منّه شحسب شرد أعـــدّن
يوم يومين وثلاثــــــه ** هالعمروسنينه عــــــــدّن
رافكت ظيم الليالـــــي **عيونــــــي ظلن دمه يدَّن
شيِّبت راسي المصايب ** مصيبه بعد مصيبه ودَّن
عانيـــت عانيــت / بعدك يبو الغيره الالم
وصفيت وصفيت / لاخدر لاخيمه وعلــم
أمّين أجتنــي هاي
خويه يراعي لواي
**********
روحك أتمر أعله روحي ** وكلبي عاش بنبض كلبك
صرت نخوه وحيل لختك ** وجنت أحس بثكـل تعبك
أتسابك الخطوه الاشـــاره ** واثـــــق بخطوات دربك
كلبــــــي مملي بالمشاعر ** خويه آنــــــي كلّي أحبك
عينك عينك / أمكابله عيوني وتهم
جبينك جبينك / طلسم الغيره للزلم
ياســــــــند ياحمّاي
خويه يراعي لواي
**********
أيدي تتوجه أعله أيدك ** يارجــه وستر ومودَّه
خويه كل الوفه عندك ** ماجزاه واحــد أو عدَّه
يمينك أيميني يغالـــي **خيـــر يامن وفه بعهده
فاركتنـــــي أبقه ألمن ** حيلي جا ياهو اليسنده
بلياك بلياك / الراح فوك الراح أدك
وحماك وحماك /مبتعد سوّاهه صدك
جاوبني أريد الراي
خويه يراعي لواي
**********
أشتاكت العيــن أعله شوفك ** والسمه تبجي كمرها
أتشمتت بيَّه الاعــــــــــادي ** حاربتني بكل خطرها
وروحي صارت كاع صبخه** حالها أيبجّي النظرها
والشمس عن صبحي غابت ** وعيني منتظره فجرها
لخيام لخيام / بيها بقه صوت الحزن
أيتام أيتام / وي دمعتي تبجي وتون
وزادن علي بلواي
خويه يراعي لواي
**********
للشماته صرت فرجــــــــه ** أمجتّفه أمشــــي سبيَّه
جسد أخذونـــــــي بهمومـه ** روحي ظلَّت عالوطيه
جنت أحسِّب وأستعدلـــــــه ** يوم مجد الغاضريــــه
صرخ هظمي من ضميري ** أظلمَّت الدنيـــــه عليَّه
خدري خدري / ينوح أعله حالي ونمرد
أمـري أمــري / محتـــــار أمري بالمَرد
محَّد مشه ويــــاي
خويه يراعي لواي
**********************************************
((21))
لسان حال أم البنين عليها السلام
(( غايب وين ))
*********************
غايب وين **ييُمه حسين
كلبــــي يلهج بأسمك
رد أعليَّه ما آنه أمَّك// ييمه حسين
**-------------------------**
عفتني أمكابله ظنونــي أبصارهــــا
وروحي أتلوج والدمعه تصبّرهــــا
أمّي ماكلت أجبـــــــر بخاطرهـــــا
الجوارح على دربك شبح خاطرها
من أتلاكَيك ** تفرح بيك
وحظنك يمّه وشتمّك
رد أعليَّه ما آنه أمَّك// ييمه حسين
**-------------------------**
بليل الهجر روحي أشتاكت الشوفك
تظــــــــل مساهره وتسامر طيوفك
تدري بيَّه أموتن لحظـــــه لوعوفك
بحنانك أشعــــــــروطيبتها لجفوفك
بعد عمري ** الدمع يجري
بحياتي شلّي مو يمَّك
رد أعليَّه ما آنه أمَّك// ييمه حسين
**-------------------------**
سوّاها صدك ويّاي دهــري وخان
أخذ منّــي حنانه وعافلي الحرمان
حالـــي مثل طير أمكسَّر الجنحان
من الطف ماترد ومشابك التربان
ابقه احتار ** أشبَّن نار
وسمع سابح أبدمَّك
رد أعليَّه ما آنه أمَّك// ييمه حسين
**-------------------------**
كلاده من الدمع لنجوم صاغتها
للآيــــــــــــام يابو اليمه لَبسَتها
بس عين العقيله وعيني عرفتها
دمعه بأثــــر دمعه دموم نزلتها
شحجيلك ** ششجيلك
عيني فاركت رسمك
رد أعليَّه ما آنه أمَّك// ييمه حسين
**-------------------------**
بعد عينــك ييُمه ســوده أيامـــــــــي
ماحب عيني تصحه أتفارك أحلامي
أصوّر بالاحـــــــلام أرسوم كدّامي
وأظل أبجـــي ونوح عليك ياظامي
شريعه وماي-- أسد وفّاي
شلت همَّه وحمل همَّك
رد أعليَّه ما آنه أمَّك// ييمه حسين
**-------------------------**
آنه أم البنين وحسرتـــي حسره
بدليلي نار أبد ماتنطفي الجمره
أولادي وروحــي فدوه للزهره
ولاأسمع خبر متوسّد الغبره
يظل النوح ** يامذبوح
عاري بلآدفن جسمك
رد أعليَّه ما آنه أمَّك// ييمه حسين
**-------------------------**
*****************************************************
((22))

((لسان حال أم البنين عليها السلام مع الحسين عليه السلام))
صوت الحنين
******
يمه يايمـــــــــه ** دمعاتي سريَّه
شيحمل فراكك ** من غصبا عليَّه
عليه الحزن خيَّـــــم**أبات وأصحه عالهم
**--------------------------**
أتوضّه بدموعي يبني ليل نهار
دمعات الحزن صبَّن دِمَه مدرار
دليل أمَّك يبعد الروح ظل محتار
ماتبرد حسرتي عليك تلهب نار
يمه يايمـــــه **شوفيها الزجيـــه
والدمع همال ** كل صبح ومسيه
دمعتي تجري من دم
أبات وأصحه عالهم
**--------------------------**
عفتنــــــــي ياأبو السجاد ماعوفك
يبني ماخذتنــــــــي وياك لطفوفك
اظل احلـــــــم تمر اعليه بطيوفك
تدري بروحي مشتاكه عله شوفك
يمه يامـــــــــه ** يبن حامي الحميّه
من رحت عنّي **ظـــل النوح أليَّه
جرحــــك لطاب ألتئم
أبات وأصحــه عالهم
**--------------------------**
شلون أعتب عليك وكل رجه منَّك
يبني وفرحتــــي كلها بحسن ظنَّك
أنه وأولادي فدوه خل نصــد عنَّك
أفتّح عيني وأرمش جن غبت لنَّك
يمه يامــــــــــه** شلوني بهل المسيه
اتعوفني وتروح ** لارض الغاضريـــه
حياتــــي بعدك عدم
أبات وأصحه عالهم
**---------------------**
شكل للزهره عنَّك لوتناشدنــــــي
وحدي أتعوفني وعنَّك تباعدنـــي
ترد أعليَّه لو تاخذني وتردنــــي
خلّي وياك اموت الموت يسعدني
يمه يايمـــــــه **ماخلّيت أليَّـــــــه
دمعتي أبخدي ** جمره أتجوّي بيَّه
شلون الحكم لو تم
ابات وأصحه عالهم
**--------------------------**
مهجتي تنوح سلوتها بكت دمعـــــه
الزمن بينه غدر من غدر بالبضعه
أدري حسين ناويها بلا رجعـــــــه
ويتشتت شملنـــــه خلافه شيجمعه
يمه يايمــــــه ** نويت وهاي هيَّه
ماخذت روحي **وي زينب سبيَّه
وآنه وياهه نلتـــــــم
أبات وأصحه عالهم
*********************************************************
((23))
(( أخذني لورحت ))
**--------------------**
يبني / ويـــاك أخذني لورحت
يبني / خادمه أصيرن لو ردت
عمري شلي بليّاك
يحسين أريد ويـاك
**--------------**
أمك آني أنذرت عمري ** الخدمتك يبن الزجيــه
تغيب عن عينـــــي ييمه** ألك نيَّـــــــه أترد عليَّه
هذا آخـــــــر يوم أحسّه ** تروح يحسين من أديَّه
وتظل نـــارالكَلب تلهب ** كل صباح وكل مسيَّه
تبقه / عيوني على درب السفر
تبقه / وتتكســــربصدري العبر
بلجن تجي أتلكَاك
يحسين أريد وياك
**--------------**
نذرت لعيونك بنينـــــي ** خدم وبـرهن الاشاره
جنت أوصّي ابو فاضل ** طيـــع ياشهم القراره
منَّك أسنمع من أخوتــك ** موقف العز وأقتداره
وفخر يســـراك ويمينك ** ومن بطولاتك بشاره
كلنه /فدوه نضحّي المهجتك
كلنه/ ساري نعلّــــــي رايتك
مانسوه أبد لولاك
يحسين أريد وياك
**--------------**
روح خلّينــــــي بمراي ** وخلّي حسراتي أونيني
دمعه من دم علــه خدّي** الك يجريها حنينـــــــي
أحسب نجوم الليالـــــي ** وأحلـــــم بنورك يجيني
شوكَي حسين الاوصفه ** يوصلك ياضوه عينـــي
مرسال / ويَّــه النسيم أللّي يهب
مرسال /يعرف بكَلبي أمن أحب
بكل حرف يمه أنخاك
يحسين أريد ويـــاك
**--------------**
يبو اليمه الغيبه طالت **سمعت صوت الناعي ينعه
خابت ظنوني وفرحها ** شنتظــــــــر ياأمل رجعه
عظَّم الله أجرج يكَلّــي ** وماتلمنــــــــي بعد وسعه
آني وأولادي فدايـــــه ** وأبد مانوفــــــــي البضعه
لجلك /دمعي دمه من عيني در
لجلك/ أنحنه ظهري ونكســـــر
شلون أحيا بعد جفاك
يحسين أريد ويـــــاك
**--------------**
للبقيع أكَصد بروحـــــــي ** مالــي سلوه بقت بعدك
أرسم كَبالـــــــــــي مراقد ** أربعه وكبر الك وحدك
أطّوف روحي عله أخوتك** وأرجع الكبـرك أنشدك
حسين يمه من عفتنــــــي ** بالكَلب ظل باقــي ودَّك
يمّه / من الزهره كلَي شعتذر
يمّه / ليلي بكَه بلايه فجــــــر
أشفعلي عدها هناك
يحسين أريد ويـــاك

((24)) (( تدرون بالطف أشصار )) عن حال زينب عليها السلام
//////////////////////

تدرون بالطف أشصار ** الخيل وسهام ونار
صرخات ياهو أيردهه
لدموع جمـــــر بخدهه
أحتارت لاماتحتار
***********

حيَّرهه الزمن من يوم ضلع امهه** مصيبه عله مصيبه يجيب ويلمهه
أخذ منها ابوهه وقصده يظلمهه ** حته من الحسين وحسين يحرمهه
بزينب الكون اندار ** تندب ياحامي الجار
ماظل والـــــــي عدهه
لدموع جمـــــر بخدهه
أحتارت لاماتحتار

***********
يالوعه ومصيبه الكَلب يتحمَّل **وعيون الشماته أتريدهه تنذل
عليمن بعد عزهه اليوم تدَّلل **وعليهه الليل بنجومه بحزن جلجل
صلبه لاماتنها ** أتلزم بزغار كبار
أتراعــــي الكل بودهه
لدموع جمـــــر بخدهه
أحتارت لاماتحتار

***********
بنت حيدر علي بت فاطه الزهره **كَلب عدهه رقيق وبالصبر صخره
وبالايمان قدوه وعاليــــــه القدره ** عزم حسين بيها وشيمته وصبره
مابين جيش الكفّار ** مابين خيل الاشرار
ياجف أيســــاعدهه
لدموع جمر بخدهه
أحتارت لاماتحتار
***********
فوك الهزل ركبت والنظر يشبح** يا منظر تشوفه للكَلب يذبح
زينب هاي هيَّه بعــــد ماتفرح **سجين الدمع فوك الوجن يجرح
أيساره بدريب الاخطار **وينه راعي البتّار
طايح عاشط سدهه
لدموع جمر بخدهه
أحتارت لاماتحتار

***********

نعرِّف زينب بقدرة قدر الامكان ** أيات الصبر وأحزانهه العنوان
العمر مملي بظيم أمحاوطه الايمان **وعلوم الرساله عدهه والقران
وكفت بين الظلآّم ** هيهات عالذل أتنام
شموخ وعز والدهه
لدموع جمـر بخدهه
أحتارت لاماتحتار
*************************************************
((25))

((أهل ياليتنا وين)) ((كعده))
**--------------------**
آيات / كلها أتجمعت والبقت آيات
آيات / أنطرنه يهل شايل الرايات
ننادي بثار الحسين
أهل ياليتنا ويـــــن
// تتوزّر جفنهه عله الصعبات
**-----------**
صوت من السمه أنسمعه حتَّه لبكبره يسمعه
وملك يهمس بأذانه تريد تطلــــــع ويَّه ربعه
جنت منتظره وأجاكم هذا يـــــوم البيه رجعه
أنفض ترابـــــه للكبر
هذا الفرج بعد الصبر
بعد العسر حان اليسر ** الفرج موعده الجمعه
خايف / يترقَّب مثل موسى الاشاره
خايف / ناس الصيحه تنكر والبشاره
هذا الفجر تانين
أهل ياليتنا ويـــــن
// تتوزّر جفنهه عله الصعبات
**-----------**
حرب يعلنها يمينه وعله الباطل سيفه غالب
الأنفس الأمّاره تسأل هذا سيل الدمه واجب
مايسئلون الوهابــــــي والمنافق والنواصب
يوميّه تفجيــــــــر وذبح
مثـــل الدمه لون الصبح
أيداوون بالموت الجرح ** ياهو بدماهُم يطالب
موالي / ذبحوه عالأسم وعله الهويَّه
موالي / بكلبه حب علي والغاضريه
النبي وآله موالين
أهل ياليتنا ويـــــن
// تتوزّر جفنهه عله الصعبات
**-----------**
كـــل مواريث النبوَّه والكتب عنده علمها
أمره تكويني وقدره أيريد ادراك الفهمها
الله يعرف وين يوضع الأمانات القسمها
بأشرف نسب وآطهر رحم
أتحملوا أنواع الالــــــــــم
ثـــــــــــورة مباديء وقيم ** والحقد حارب سلمها
أديان/ كلهـــــــــا بشّرت بأسمه وظهوره
أديان /خط ألها العرش بحروف نــــوره
يابخت الموالين
أهل ياليتنا ويـن
// تتوزّر جفنهه عله الصعبات
**-----------**
عِلت هل اليوم المزابل وأنبتت شوك وجرحنه
روس عفنه بلاضمائر أبـــد ما ترضه بفرحنه
من السقيفه عدها عاده عيونـه تعمي وصبحنه
لاتعتقد هـــــذا عجب
الذيب أشرف بالنسب
لاحجر لايوسف نهب ** ولانبش كبره وصحنه

دائماً مبدع ابو حسين الله يوفقك

ثائر الشمري كتب:: دائماً مبدع ابو حسين الله يوفقك

تسلم ياغالي لمرورك الكريم وأشكرك من قلبي
ولو الرد متأخر اغذرنه
شكرا \\ممنون

» خالد محمد مهدي الحجار\\يشرفني نقل ديوان الجديد دموع كربلآا نلتمسكم الدعاء
» خالد محمد مهدي الحجار قصيد رقم 6 من ديوان دموع الهواشم / خدمة المنبر مبرئين الذمه
» ديوان( دموع الاحزان) (16) خالد محمد مهدي الحجار