((28)) ((حمام الحزن))
**------------------**
طارن // راحن حمامات الوطن**ناحـن // بيــــــــن المراقد أمِنن
فوك البقيع تحوم ** وترد عله المظلوم
************************************
جنح يحمل سلام وجنح اشواك ** بحب كلوبنه ولوعــــة العشّاك
توصف بينهن احساس مشتاك ** ودمع يشكي حنينه وبُعد لفراك
ترفرف // وتزور صحن ابو الحسن
تنــزف // والدمعه دم اعله الوطــــن
الحيدر شكتله هموم** وترد عله المظلوم
************************************
تصف بجناحهه وتوصل خراسان ** تشوف الرضا وكبره واحة جنان
ياخذهه الحنون بشـــــوك حيران ** ألأرض بغداد وتناشـــــد السجّان
الظالم // بطاموره خلآّه امتحـــــــن
الكاظم // أنتصر صبره من انسجن
وتبجي الجواد دموم** وترد عله المظلوم
************************************
جزت بجناحهه أبعد مســــــافات ** بصحن الهادي وأبنه العسكري تبات
تشوف الناس عدها عيون شمّات ** وأهـل البيت متنطّره الرايـــــــــــات
وينه // عانوا أمرّين ومحن
يمينه // رايه يعلّيهه الزمن
بي تنجلي لهموم** وترد عله المظلوم
**********************************
وي وجه الصبح طارن عله الشام ** الله أيعين زينب عله الايتــام
العزيزه أم الخـــــدر تاليهه تنظام ** وعين مساهره ودموع متنام
بأحزان // متمحنه والكلب أنطعن
حيران // الفكــــرمنها ابهل الفتن
أتصب دمعت المالوم** وترد عله المظلوم
************************************
ردَّن بالحزن للغاضريـــــــه ** حسَّن بالجثث فوك الوطيَّــــــه
سليبه أمذبحّه بسيوف أميَّـــه ** وشمر يحدي بضعون الفاطميه
جمرات // بموكد ابـــــــــد ماينطفن
حسرات // عله جفوف عباس الوفن
من يسّروها الكوم ** وترد عله المظلوم
*******************************
(29) (( حاجيني))
**-------------**
اكعد يبن أمي وحاجيني ** ألمن يبن أمي مخليني
أتخليني الحرك لخيام
أتخليني بحيرة أيتــــام
**---------------------**
صح موعوده بظيم الدنيــه ** أتحمـــــل بالطف مصايب
بروحـــي وأولادي منذوره ** وكلبي أبين ضلوعي ذايب
وأتحمَّل رايه أتفاركنــــــي ** وسهم العين العيني صايب
وجفوفي المكطوعه وجودي** وتحمّـــــل كعدت لخرايب
أشكف بالسوط الياذيني **بيسلؤي خويه ويميني
وأتحمل كلشي وأنظام
والعين أتسـاهر متنام
**--------------------**
أتحمَّل كــــل مُر أيمُرني ** وكل مصيبه الاعظم ودهه
يبن أمي ولاعوفك لحظـه ** أوكع بالحيــــره وبالشدهه
ماريد ابعد عنَّك وأرجـــع ** بعـــدك زينب كلِّي شعدهه
الكافلنــــــي طايح كدّامي ** أكعد خويـــه الأختك ردهه
أتولّوني أنهض حاميني ** بمثلث خويه أتجافيني
جراحاتك بكليبي سهام
تتشمَّت بيَّه الظــــــلآّم
**--------------------------**
الاكبــــــرمن فاركها الليله **ماهان عالروح فراكه
وجسّــــــــام الما تمَّت زفته** شمعه وحنَّه ماتتلآكه
والصاحب ما مثله صاحب ** يم جدمك قدَّم أشواكه
وأولاد أعمامك وأخوانـــــك** للموت بحبك مشتاكه
حرّاس خيامي تراعيني ** من الخوف عليَّه تواسيني
من أجلك متحمله آلآم
وأتحمل جور الايـــام
**--------------------**
أوصفلك شدهت أطفـــــــــالك** ذاك المرعوب الفـــر بالبر
واحـــــد فر من خوفه أبهيمه **تلهب نـــــــار بثوبه وتسعر
ومو بس ضلوعك مرضوضه**جم ضلع من أطفالي أمكسَّر
ملعب خيــــل خيامي صارت ** رعبوهه يحسين الخــــــدَّر
محنه يم محنه توديني ** شيصبرج يادمعة عيني
لكـن ماأنذل أوهام
لابالواقع والاحــلآم
**-------------**
صوَّبنــــــــي العامود بهامي ** من صاب العبــاس بهامه
خلآهه دموعـــــــــــه تتجاره** فارغ جوده ويبجـي أيتامه
ضمّيت بجبدي آلآمــــــــــي ** وأتصبَّر وأقبـــــل منظامه
ماخلآّلي دهري الفرحـــــــه ** نفَّذ بيَّه كــــــــــــل أحكامه
بمصيبه وهم أمتانـــي ** حتَّه الأيـــام أينسيني
راد أيرجعهه الاصنام
ويغيِّر دين الاسلام
*******************************************************
((30)) ((كعده)) (( شعار بلايه اهداف))
*********************
اهداف اهداف شعار بلايه أهداف
وينه الخاف من ربَّه ** ياهو اليسوه ونعتبه
شعار بلايه أهداف
**---------------------------------------**
عهد نمشـيلك ونزحف ** حتَّه لو كطعوا أدينـــــه
وألنه شكوه اليوم يمَّك ** من السياسي اللعب بينه
أمّنت ناس بشـــعاره ** للبحــــــر خلآه طحينه
ننتظر نصعد مركبــه
ونفوت يابحر اصعبه
تالي السفينه أمسكربه ** مننتخبناه أبتلينـــــــــــــه
أسراف أسراف بمال الشعب اسراف
حقَّه لأن موتعبه ** وبينه الذنب موذنبه
شعار بلايه أهداف
**--------------------------------**
العهود البينـــــه مرَّت ** جورها حكَّم علينــــــــه
نعيش بيهه نهار أظلم ** بدمعه مهظومه وحزينه
وين بينه الحِكم مثلك ** والعدل بس عِـــد عَلينه
طالب الحاجه ألّي كصد
من بـــــــابكم جفِّه ورد
بماي الوجه رد بالسعد ** باب من باب المدينـــه
أنصاف أنصاف كلكم رجه وأنصاف
أهل بهل الوطن غربه ** كلفه العيشه بي صعبه
شعار بلايه أهداف
*******************
السياسي اليوم عينه ** عله الكعكه شكد كبرهه
والفقير الطاح بيهه ** أيعيش يوميَّه بخطرهه
بعد شتفيده الندامـه ** سمع بيهه وماحضرهه
راح أنتخب جنّه أبتله
مايدري شنهو المسأله
منهو العَليه ياهو ألأله ** وحده الله عليه سترهه
منخاف منخاف يهل الرجه منخاف
وينه العاين الشعبه ** منو أيصدِّكهه هل جذبه
شعار بلايه أهداف
**----------------------------------*
شوكت ندركهه الحقائق ** والدرب للعدل واضح
مانعارضهه السياســـه ** اذا مابيــــــهه فضايح
وأذا شبعت بطن جايع ** وعقدت أوياه المصالح
ومجلس نصابه يكتمـــــل
مو لعّبونه اعلـــــه الحبل
وكطعوهه لحبال الوصل ** حيره جا ألمن نصافح
ألطاف الطاف ألآهي منَّك ألطاف
الصحيحه أتصافح الجربه ** خياره نضوكه ونجربه
شعار بلايه أهداف
**-----------------------------------------**
راح منَّه الليل ومضه ** والصبح فسَّر حلمنه
درب حريَّه وســعاده ** كلنــه هذا ألِّي يهمنه
ماعرفنها الحقيقـــــه ** الحقيقه الشر حِكَمنَه
أبينهم ضـــــــاع اليحس
خانس أو مايطلعله حس
ولتهه بحيبـــــه والترس ** هسَّه عود أحنه أفتهمنه
أطياف أطياف صار الوطن أطياف
وبعد ماتنتهي اللعبه ** يقبلة شرف ياكعبه
شعار بلايه أهداف
*************************************************************
((31)) لسان حال الرباب مع طفلها الرضيع عبد الله بن الحسين عليهم السلام
((بسهم موعود))
**************************************
الصدر مهظوم من عافك ** حليبه ما لكه شفافك
**** يـــدر دمعات يايمّه ويتاني أتعود
**** من زغرك يعبد الله بسهم موعود
**------------------------**
الورد عظشان / من الحرمان /تفسَّر جبده ويناغي أريد الماي
تظمّه ضلــوع / يبجي يلوع / مُرد كلبي ودليلي ومرمره لجلآي
ألوليلـــــــــه / وناغيلـــــه / بألم وبنوح وبهظمه ودمع عيناي
الكلب فتّــــه / شيسكتـــه / عنَّه وينه راعـــي الجود والوفاي
كلب مملي بالمروَّه ** يجيب الماي تتروَّه
**** نحرك فاض دمَّه بسهم صاب الجود
**** ورد الغصن مات بضربة بالعامود
**------------------------**
رد يمّي / الدمع يدمي / برِموش العين أضمَّك والضلوع غطاك
أتصــبَّر / ما أكــــــدر / ريتـــه حرملـــه صوَّب دليلــــــــي وياك
أنطعن صدري/ صرخ مدري / يمفطوم الكلب دكاته ماتنســــاك
بهم لفــــراك /ألك اشـتاك / وبسهم العطش تالي زماني رماك
تلوج الحسره بضلوعي ** وأتاني تمسح دموعي
**** بيا شرع وحـــــكم يادين يامعبود
**** الامل ذبحــوا وريده مايرد أردود
**-----------------------**
الجسم أحتر / من المنحر / شهكت بآخر نفس لمَّن جره دمَّك
عنَّه تــــروح / يــــامذبوح / حقّــه ونينــــه ما يهجع صدر أمَّك
حضني صاح / عنّـــي راح / يظل مجروح ويعانـــي ألم همَّك
يـامفطــــوم/ يامحــــروم / ماأكـــــــدر أحضنك يمّه لاشمَّك
سهم نحرك روَّعني ** ودماك السال يفجعني
**** رد صدري ألك حِصِن وضلوعي سدود
**** ليل نهار عينـــــــــــي بالدموع أتجود
**-----------------------------**
أيا غالــي / المهد خالــي / وظـــل سهرانه بالدمعه ألوليلك
بونين وآه / واويـــــــلآه / دليلـــي أتسمعه بالعبره يناغيلك
ذبل وردك / على مهدك / أشوفه كبالي خالي عنَّه شحجيلك
علآ بلواي / يظل ويــاي / عله رســــومك أنوح وياي يبجيلك
يطول الليل بآلآمي ** ونوح عليك بأيّامي
****ألــي فراكــــك يبعد الروح عهد معهود
**** وشوف أيامي كلهه بعيني صارن سود
**----------------------------**
غايب وين / يبن حسـين / ألـي شخلّيت والشالك على صدره
فجر يومي / جله همومي / رد أظلم عليَّـــــه وماطالع فجره
آ يبنـــــــي / دولبنـــــــي / مصابك حيلي هدَّه وأبقه متكدره
مالومـــــه / محرومــــه / الاهدر خلآني باللوعات والعبره
بجاك الشيب عبد الله ** بكلب أمَّك هلَّه هلَّه
**** بحبـــل النايبـــه ألأيـــام بيَّه تكود
**** ماخلَّت امل عندي ودرب مسدود
******************************************************
((32)) (( نوايا الناصبيَّه))
*****************
أسمع وأعرف نوايا الناصبيَّه ** خدم يردونه ذليله الآل أميَّه
والشريعه أنعوفهه وننســه ذكرهه**وننسه ابو السجاد غايتنه وفخرهه
صرخة الهيهات تبقه ألنه هويَّه
**------------------------**
بظهر وبوجه الرســــاله ** الناصبيَّه جـــرح دامي
زيَّفوا كـــــــل الحقائق ** وحاربوا حيـــدر أمامي
بصرخة المحراب نهتف** وصرخة المنذبح ظامي
ثبَّت مدارس للقيـــم
كل مدرسه ألنه علم
شيفهمه للّي مافهـم ** الصُبح يطلع عالحرامي
حب علي فاروق بين الباطل وحق **والمنافق دوم عن أمحبته منشق
تابع الشيطانه والروحه خسرهه**بالاحقاد وبغض أعماله أسرهه
**------------------------**
حاذر وحصنهه نفســـك ** من عواقب فتن جمَّه
باجر السفيانــــي يظهر ** والذيابــــــه عليه لمَّه
حجر كلبه بوسط صدره ** بـــلا ضمير بلايه ذمَّـه
حكم آل أميَّه أيرجّعـــه
وتبتدي ردود الفاجعـــه
الأنفس القذره أتشجّعه**ألهل الوضع ينراد همّه
عيد عند الطلقاء المالهم دين ** بدوا بالزهره وعلي ونتهوا بحسين
لامحاله واقع علينـــــــه أمرهه**خلّي تتحزّم الشيعه من ذخرهه
**-------------------------**
عقولهم وَكـــر المهانه ** فجّـــر أذبــــــح ألك جنَّه
والسفيه شيوخه صدَّك ** هـــــــــــذا ماراده وتمنَّه
للذبح عشـــره ألأماره ** الحب عمر ماعنده فطنه
لكلوب مليانـــه حقد
حكم السقيفه تعتمد
الغبي هـذا شيعتقد** فاز بيها وهذا ظنَّه
حجر كلبه والضمير بلايه غيره **نور وجهه غايب وفاسد ضميره
الحقيقـه واضحه كلمن نظرهه **عيون مفتوحه لجن فكدت بصرها
**------------------------**
توارثوا حقد المشــايخ ** طبع صار وماتبدَّل
تشوفه يركض للرذيله ** بالظلام الدرب يندل
ذوله اولاد الغوانــــي ** من رذيله وبد أرذل
عثَّه تعيش اعله البدن
جرثومه ماعهه وطن
بالبدع تحيَــــه والفتن** فعالهم أنظر تأمَّل
ثمره عفنه من فرع شجره خبيثه ** والجذور النمت عم عرك السقيفه
من أبو عيشه وأبو حفصه عمرهه **لانبــــي وقــــرآن والسُنّه نكرهه
**------------------------**
أحنه يوم الذر عهدنـــــــــــــــــه ** وياه عشنه بــــلا تطرُّف
كلوبنه عليها كتبــــــــــــــــــــــه ** أجمــــل الاسماء وحرف
آخره ودنيــــــــــــــه من أجلهم ** بعد شرد أحجي وأوَصّف
نشتري حبهــم مشتره
حبـــل المودّه ومغفره
نياله الاخذهه التذكَره ** حبنه واضح مو تكلُّف
ننذبح ننذر نرد لو ألف مَرَّه** حُب علي وسط الكلب فنَّك تِغَيره
الدنيه والاخره أنظر من خسرهه **وحنـــه للآمال أنتانـي فجرهه
******************************************************
((33)) ((بالدم حنّيتك ))
*****************
بالدم يبني حنّيتك
**------------**
روح أمودّع الله وياك أخذ كلبي ** وخلّي عيوني بالدمعات الك تربي
ماضاع الربه يايُمّه لاتعبـــــــي ** بهم والحزن تانيتك
**-----------**
اشوف كبال عيني رسمك أتباهه ** وجفَّك ساري للرايـــــات علأّهه
بحياتي للكُبر والشيب رجواهـــا ** ذخر أيامي خلّيتك
**-----------**
طعن جبدي الوكت بسهامه ياغالي ** ومن بين الضلوع أنخمش دلالي
يافاكده المَر بيها مثــــل حالــــــــي** الوسط الحومه ودّيتك
**----------**
غصن من شجرة الايمان من خضّر ** وأميَّه سيوفهه الذبحته تتحضّر
عله فراكك يجاســـــــم كلبي يتصبَّر ** بدموع العين حاجيتك
**--------------*
ياشمع وصوانــــــــي بالدمه أتحنت **أيام الدهــــــر يبني ألي أشخلَّت
بياحالـــه شفت جثِّتــــــك من ردَّت **سيوف أتزفَّك البيتك
**------------**
وجهي أنتــــه يمه والكلب والروح **أرضاهه اكابـــــل خيمتك بالنوح
وكلهه أنحنــي أيده من يرد مذبوح ** بدمعي اليوم زفّيتك
**----------**
الدهر علّمني عالون والنياح ومُر ** خل بمصايبه أيفت جبدي ويمرمر
سيف بيمنتك وسط الوغه أنظر ** الهذا اليوم ربيتك
*****************************************************
((34)) ((كعده)) (( بصحنك الصُحبه))
*******************
آلآف آلآف أجت أتزورك آلآف
بصحنك صارت الصحبه **غيرك أبــــد منحبه
أجت أتزور ك ألآف
**--------------**
حاولوا ويّانـــــه خسروا ** لأن دربـــك نور واضح
فجّرونــــه وذبّحونــــــه ** وحنه غيــــرك مانصافح
يبقه شمس الكون نورك ** بكل صبح وجهك نصابح
ياحجة الله الدامغــــــه
ويّانه كلهه مراوغــــه
شبيهه العقول الفارغه ** أتريدنه للذل نصالح
أنصاف أنصاف عدهم ماكوا انصاف
وتبقه للشــرف كعبه** غيرك أبــــد منحبه
**--------------**
بطيب خاطــــرعن قناعه ** للضريبه بحب دفعنـــه
فرض واجبر صار عَينــي ** يبو اليمه الحب جمعنه
أبد ما نبخــــــل نضحّي ** وعن طريقك ما رجعنه
يابو علي قدوه ومثل
رايات يرفعها الامــل
عالعهد نبقه للأجــل** والله لوله دماك ضعنه
سيّاف سيّاف الحاكم بينه سيّاف
درب العدل مودربه **غيرك أبــــــد منحبه
**--------------**
وكفنه بصدور اليضدنه ** كلوبنـــه أنصبنه مواكب
علينه حُبك والشعائر ** بكل وكت يحسين واجب
بالعقيده وبالعواطف ** أتثبتت كــــــل المذاهب
وآنه مذهبــي جعفري
حيدري أثنا عشـــري
وحب ابو اليمه قدري ** أمشي بدروب المصاعب
أنصاف أنصاف ** ندري كلك أنصاف
تجازي الزاير وتعبه **غيرك أبــــد منحبه
**--------------**
يصعب عليهم دمعنه ** وهل المحبه وهل الشعائر
غيضهم ينكِرَه الوِدنَه **لابصيره ولاضمائــــــــــر
بس مجالسنه مدارس ** وصوت صرختنه المنابر
أيظل المنافق منبعـــه
من السقيفه مرضعــه
تزرع حقدهه أتوزعه ** نشوفه بأنواع المجازر
منخاف منخاف من الناصبه منخاف
خــل يتبع عمر ربَّه**غيرك أبـــــد منحبه
**--------------**
دنيَه مليانــه مصــــــــــالح ** وروس عفنه أدور بيهه
عدهه حد السيف حاكــــــم** وفاسـد الحاكم عليهه
أتصدر أرهاب الوطنــــــــه ** بالاقـــــزام التشتريهه
وعلينه بالشر ركّزت
حبــــك لأن بينه نبت
أمودَّه بكلبنه نوِّرت ** أنتــــه للأنفس وليهه
خنياب خنياب الدم لوجره خنياب
سهله علينه موصعبه **غيرك أبـــــد منحبه
*****************************************************
((35)) (( متصوَّرت ))
**********************
أبد متصوَّرت عينك تفاركني ** يخويه والزمن بالهم يلاحكني
أدور أبين ألأيام ** على نورك وألأحلآم
تاليهه الدمع والحزن شابَكني
**------------------------**
ردت ويّــاك / أظل بحماك/ ماظنّيت أرد وحــدي
شحمله جفاك / ماأنســاك / يخويـه من يظل عندي
العمر لولاك / أنتهه بليّاك / منو أيرجعني يم جدّي
من عأأأاداك / تعنَّه وجاك / صــابك ونمرد جبدي
روحي ريت راحت بعد لاردَّت **سهام جفاك ياعباس عيني أطفَت
الخدر ياحيلي منظام ** كلبي أتحمّل آلآم
**-----------------------**
والمعبود / نطرنه أتعود / وتفرح عينّه بشوفك
رد أردود/ عيفه الجــــود / آني أمقدّره ظروفك
يالموعود / أبعين تجود / وتضَحّي ألنه بجفوفك
يعالي الزود / بالعاـمود / تطيـح وننطر طيوفك
أعله جرف الماي شالت ماي جفّينك ** جم صرخة طفل بالخيم تانينك
تمنعك ضربت الهام ** فوك المشرعه تنام
**----------------------------------**
يحادينه / يساقينه / تعال الدمعت أطفالك
تحامينه / تراعينه / الضعن بعيونه يبرالك
منو يمينه / تواسينه / حتَّه أبمرَّت خيالك
ترد بينه / يوالينه /عرفنه الصاير بحالك
شجره الرايه يرويهه دمه لجفوف ** دلالة وفه وشموخ بأرض لطفوف
بعد لعيون متنام ** منو أيسكتهه ليتام
**------------------------------**
مننطرنــــه / أتأملنه / وألف حســـبه تُمُر بعدك
ماظنّـــــــه / تفاركنه / ولاظنّـــــه خلفت وعدك
رد ألنــــه / يكافلنــه / مشــــــــابك للترب خدَّك
بعد عزنه / بهظم عشنه / ولونه من أنهدم سدَّك
من نار الحقد لخيام حركوهه ** وضعونك سبايه اليوم أخذوهه
بحبل جتفونه ظلآّم ** سبايه الديرة الشام
**--------------------------------**
ليل أمشيه / دمعي أبجيه/ بلا دمعت عتب بالعين
الخدر تاليه / من يحميه / وآ عباس آ يحسين
كلبي شبيه / من يرضيه /وعنَّه أمباعده الجفين
الكل توليه / الكل تاذيه / عن خدري أخوتي وين
يعّز عليَّه اوكف بين شمّاتي **وعيوني دمعهه يوصف آهاتي
دمع العين هيّام ** تخط بالدمه الاقلام
**********************************************************
(36) (( لعيوني ماي))
**************
يبني ربيت وياي ** وانت لعيوني ماي
مني خذاك السهم ** حالتي صارت عدم** وانت لعيني ماي
****************
صدري ينوح عليك ** رد ورتوي منـَّـــه
يبنـــي بسهم مفطوم **انودعك للجنــَّـــــه
خليتنــــــــي بحيره ** جبدي صفه بمحنه
أرد أســـــأل العالم ** شنهو ذنب ســـــنّه
ضاعت شهور رباي **ترضاهه لمك هاي
وليدي منّي أنفطم ** حالتي صارت عدم
*****
سهرانــــــه وي مهدك ** أبجيلك بليلـــي
وفجر الصبحي يبجي **أعليك ياولـــــي
يارجــــه شيب الراس ** يالطاعن دليلـي
رحت وعفتهه أمَّــــك ** حته انهدم حيلي
صدري يون وجلآي ** فاكده يبني الراي
دمعي عليَّه أنهظم **حالتي صارت عدم
********
غصن الورد ذابل ** ياهو الســكه عوده
بجفـــــــــاك يايمه ** بالســـهم موعوده
حته العده ويــــاك ** بحقده جزه حدوده
الورد يبنــي عليك ** أمجرّحـــه خدوده
لادوه يشفي الداي ** من علتي وبلواي
بعدك اعاني الالم ** حالتي صارت عدم
********
ظلت الحسره وهم ** أترافــــك أيامي
ورسوم وجهك نور ** أتمرني بحلامي
مقسوم عنـّي تغيب ** بالنبلـــه ياظامي
أبجــــــــي ولوليك ** والمهد كــــدامي
رسمك مله عيناي ** عالمهد لوله بجاي
وناغي أظل للوهم ** حالتي صارت عدم
****************
در الحليب وصــــــاح ** وينك تعال أشبع
والحضن حن عليــــك ** يمفارك المرضع
لوصدري جف يرويك ** يامهجتي المدمع
بيـــــــن لكماط الروح ** ويّاك بالمصـرع
تنوح كبالهه أعداي ** وصار السهم روّاي
الكلب منّي أنلجم ** حالتي صارت عدم
*********
سلوتـــي دمعاتــــــي ** آهات فوك الخـــــد
من كصد بيك حسين ** ذراعينه صارن سد
لشفاك راد المـــــاي ** والنحـــــر دمَّه الرد
أنكطع ظنــــي أترد ** حرملـــــــه من سدد
كلبي نشدني هواي ** يرباب أبنج جاي
أبنج أتروَّه وسلم ** حالتي صارت عدم
**************
*****************************************************
((37 )) (كعده) ((زوارك))
********************
زوارك** زوارك** نجدد عهدنه وياك
خطّارك **خطّارك**جينـــاك بايعنــاك
انضّحيلك بدمانه ** حاشه ماتنسانه
*******************
مشينه وبدربك عرفنه **وجوه مامرن علينــــــه
غرب جنه بدرب واحد**وتحت كبتــــــك التقينه
حبك أوودّك جمعنــــه ** تصافحت بسمك ادينـه
ونفوسنه متعارفــــــه
والوجه مرني وشايفه
منه حجايه وســــالفه**صارت الصحبه متينه
تعارفنــه**تعارفنــه ** المرضات الله ورضاك
مخاوفنه **مخاوفنه** كلهه أنجلت بحمـــــاك
الموالي بأيمانه **ومحبتك عنوانه **حاشه ماتنسانه
*******************
دربك انته بلا نهايــــه ** النـه مبدأ النـه رايه
يبقى لاخر يوم حاضر**وكربله هيه البدايــه
العالم يشوف المعاجـز ** آيـــه تتفاخر بآيـــه
عندك الطِّب بـــلا دوه
انته النفس وانته الهوه
لعيونه ماي وضـــــوه**حُبّك أيشرف الغايه
مشيناهه** مشيناهه **بدروب الود ننخاك
وياهـــه** وياهـــه ** بآثارك نتعنــــــاك
بطيبك تتلكانه **دومك توكف ويانه** حاشه ماتنسانه
******************
بشوك نحسبهه الليالـــــــي**والجدم تطوي الخطوه
والايادي اتصير رايــــــه ** بدربك انوزِّعهه فدوه
احزامنه بدرب المصاعب **نخـوه والغيــره وخوَّه
كـــل الموائـــد تنّصب
يابو علــي وبكل درب
بمحبتك يهون الصعب**علنواصب حبنه بلوه
ارهابيه**ارهابيه**تحاربنه وتتحداك
يوميه **يوميه **بدمنه تفرحك ودماك
غصبن على اعدانه **نحبك يمولانه** حاشه ماتنسانه
*******************
الك منصوبه موائــــــــــد **بيهه خــــدّام الزجيـــــه
ترتجي بس رضه الزايــر**حتّه لو يشـــــــرب اميَّه
انشوفه بالخدمه مقاتــــــل **تكول بأرض الغاضريه
خدّامك أحنه للأبـــد
مانخلف وياك العهد
نتطَّرك يوم الوعـــد**ونصعد وياكم سويه
احبابــك **احبابـــك** كلنه نطلب ارجاك
انصافك ** انصافك ** يوم الحشر بحماك
يحسين يحمانه **من فضلك ارجانه** حاشه ماتنسانه
******************
العمــــر منذور لسمك**فطره وربينه عليهه
نزور نتحمل مصاعب**والكبلنه اطت اديهة
الشعاربدم كتبنــــــــــه**الشيعة خدام الوليهه
كل خطوه الك حبنه نصف
لجلـــــــك الاصعب موكلف
الدم دمعنـــــــــــــه لو يجف** الروح دمعه اتصير بيهه
الرايه **الرايه** كلب وعيـــون وجفوف
الغايه **الغايه ** نوصل صحنك انطوف
نأديهه الامانه**مانعرف خيانه ** حاشه ماتنسانه
*******************
الك لابد يوم تعلــــــه**رايه امجاد الامامه
ايطالب بثارات طفك**جنه يوم من القيامه
المايلحك بالسفينــــــه**بعد شنتفعه الندامـه
ونواره تظهر بالسمه
واليوم يومه وغانمـه
انصافحه ونسالمــــه**ويعلن الكون احترامه
ثاراته ** ثاراته ** جدمه يمشي بخطاك
هيهاته ** هيهاته** صرخه علَّت الواك
أنتاني زمانه ** ويتعلَّه لوانه ** حاشه متنسانه
*********************************************
((38)) (( اقدملك بنيني))
*****************
أقدملك بنينــــــــي ** الك فدوه يعينـــي
هــاي أربعة أولاد **تسطر وياك أمجاد
*************
أخذ عبد الله جعفر عون وياك **وأخــذ عباس يبنــي أيعلــــي بلواك
وذا ترخصلي يمَّه أمشي وياك** وصيرن خادمه وسعه عله رضاك
تروح وماتجيني **يظل نوحي أو ونيني
ماأكـــدر علبعاد **ييمّه الصبر ينـــــراد
***************
الروح شتسوه من غيـرك يلحسين ** شما ضحينه ألك مانوفـــي للدين
الكل وياك أخذه وأخذ شوف العين ** فدايـــــــــه ألك أولادي الميامين
تتانيكــــــــم سنيني ** يواددكم حنيني
وياك الفزعه تنراد ** ييمه يبو السجاد
*************
شكل للزهره عينــي اليوم جافيتك ** يموت الامـــل لوماترجع ألبيتك
وأموتن اذا لحظـــه يمَّه ناســـيتك ** آلامي تظــل وجروحـــي تانيتك
ألمن تخلينـــــــــي ** الظيمي ألَّي ياذيني
ذكره أتصير تنعاد ** تمرني بغير ميعاد
************
ماأكدر أودعك كلبي يلجمنـــــي **اعتب عالزمن الراح يحرمنــــي
يخليلي البجي والنوح يالمنــــي ** بس ذكراك وطيوفك الترحمنــي
أحلـم تواسيني ** أو يمَّك تودّينـــــــي
والآهات تزداد** وجروحي بله ضماد
***********
يابو علـــــــــــــي ياسيّدي ما أمَّك ** منـك صرت من دمَّـك ومن لحمك
أخاف عليك يبني من الهوه أيلجمك** أخذ كلبي لارض الطف يظل يمَّك
ياشوف لبعينــــي ** ماترحم ونينـــي
لبسنه ثوب لحداد ** للطف جينه وفّاد
*****************************************************
((39)) ((شسولف ياعلي الكرار)) لسان حال العقيله
**---------------------------------------**
عليمن الوجه يندار ** شسولف ياعلي الكرار
أشوفه أنذبح كدّامـــي**ونار الحركت خيامي **وهامت بالفه أيتامــي
شسولف ياعلي الكرار
******************
أحضرني يبويــه بطبرة المحراب **وجيب وياك بســــمار الهظم والباب
ولاتنسه جبد بسموم جعده أنصاب ** وحضِّر كلب الك العانه جم مصاب
يبويه تدري ما احتار == أعاين عالجثث طشار
بأشرف موقف وسامي ** عليَّه بجت أيامي ** وتداوي جروح آلآمي
شسولف ياعلي الكرار
**************
شسولفلك يحيدر وحجي عن ياهم **مصيبة أمي طبرة راس جبد أنسم
عليّ ردهن زمانـــي وراد يتحكّم ** وجرح حسين جمَّلهن وبيهن تـــم
تعال أحضرني شوف الصار== عطش خوف ومرار ونار
ماتت حتَّه أحلآمي **اخويه من وكع دامي** مسلَّب عالثره ظامي
شسولف ياعلي الكرار
******************
انشدك تحضر الشدّتي أتعايّني **يبويه عن أخُوتي وحالي باصرني
دمع عيني يجاوب لو تسائلني ** الدهر بمصايبه من هلي حارمنـي
من بعدك زماني دار == حتَّه مارحم لزغار
كاصد كلبي وأيلآمي ** سطرني وللنظر عامي **عنّي وينه ليحامي
شسولف ياعلي الكرار
******************
أمر بين الجثث وأعرف ملآمحهه ** وأعرف ياسهم ياسيف ذابحهه
هاي الملحمه عيوني تصابحهه** أنتصر لحسين بيهه ودمَّه رابحهه
بدور أعله الثره أنوار == حسين وصحبته الاطار
وآني ثابته أجدامي **بيقيني وديني وأسلامي ** أحصّل منَّك وسامي
شسولف ياعلي الكرار
******************
كل لظه الشماته تصد ضعن حسين **وكل دمعه حزينه أمتانيه الجفّين
كلهه أتصيح وينه أبو فاضل وين **بعد ياجف بكه أينشّق دموع العين
وينه سيفك الفقار == أحضرنه يحامي الجار
الصبر منَّك وأقدامي **ياكل هلي وأنسامي** عذابي نظرت الشامي
شسولف ياعلي الكرار
******************
*********************************************
((40)) (( أمشونه أمشونه)) (( أربعينيه ))
********************
أمشونه / أمشونه // الزينب نــعزّيهه // وبالحزن أنلآكيهه
وصلت من بعد غياب
تشكي هظـــم لمصاب** وبالحزن ألاكيهه
**************
للخطوه تحسبهه وتعــد الانفاس // والدمعه تهمي
وتصبّر الروح وتواعد لحساس // والكلب يدمي
الدهر ذب بمصايبه فوك الراس // بسهامه يرمي
دمعه تصيح حسين دمعه عباس // من بكه يمّي
ودعوهه / ودعوهه// مصيبه بلياليهه// من الجره عليهه
بصرخه ودمع سجّاب
تشكي هظم لمصاب ** وبالحزن أنلاكيهه
****************
تمشي ونعاين عالدرب والخطوه // وتسابك الخطوات
بالهظـــــم ردّت بعد فكـــد الخوَّه // من ولية الشــمّات
ياكلب مرّة بي مثـــل هــل البلوه // يتحمــــل الويلآت
منهه خذت كربلـــــه كل الأخوَّه // والظلّت الحسرات
بلواهه / بلواهه// من فكدت واليهه// شتعني بواجيهه
للضلع أتحن والباب
تشكي هظم لمصاب ** بالحزن أنلاكيهه
***************
تسابك الروح الريح حتّه أتشوفه // وتوصل أعله أعتابه
بشوك لمفارك روحــهه الملهوفه // تجعه فوك ترابـــــه
أتكلّه لون بيدي الجســد ماعوفه // خذوهه بنوح مصابه
راحت يسيره وبالحبـل مجتوفه // يامصعب غيابــــــــه
آذوهه /آذوهه//مايحجي بجيهه //بخرابه أمكعديهه
والدمــــع دم سجّاب
تشكي عظم لمصاب
**************
عانت أمّريــن ألأمَـــــرمن بعده // والعيله شيلمهه
الطفــــــل لويصرخ بعد شيهوده // هـذا قدر فهمه
لاعم بقاله ولا أبو ظــــــل عنده// تشكيله هظمهه
وظلت الدمعه سلوه تجري بخدَّه// من حركة المهه
أتلكاهه / أتلكاهه// تشكيلك شبيهه// والظيم المر بيهه
عاودت بالاحبــــاب
تشكي هظم لمصاب ** بالحزن أنلاكيهه
****************
منتسولف أويه حسين هيَّه أتسمعه // تعرف نوايـــاه
ذابت جفون العيـــــن من الدمعه // والحسره والآه
أتعاتب أملهه شلون راح أتودعه // مرتين وبليّـــــاه
وياهه دمعنه يبقه اليوم الرجعه// ونعلّــــــــي بلواه
لبجاهه / لبجاهه // يادمعه جاريهه// ياجرح أدّاويهه
ياجرح البيهه طاب**تشكي هظم لمصاب **بالحزن أنلاكيهه
**********************************************************
(41 ) ( يافرح عمري )
******************
يبني يجاسم ** ياوكت أحنّيك
أرجع للحنـــــــه شابكهه**شموعك بالخيمه أعلكهه
يافرح عمري ** وين أراضيك
**------------------------**
كلبــــي شيصبره أبعادك ** راح بفراكك تلجمه
دمع من عينــــــــي ييمه ** سال عالوجنات دمَّه
شال همّي وحنه ضلوعه ** همّي ياعريس همَّه
مليانه عيني بالبجي* همّ اعله همّي ينتجي * شيفيد وي دهري الحجي
عليك راح العين تعمه
ترجعلي سالم ** عيني تراعيك
ماكلت هاي أم وحكهه**شموعك بالخيمه أعلكهه
يافرح عمري ** وين أراضيك
**------------------------**
والــــــده شـيبقه بكلبهه ** ضناهه لوعافته لحظه
شحالني أمودّعه سنينك ** والهموم ونــوح أحضه
دون ابو اليمَّه نذرتــــه ** عمرك ويمَّه آنه أرضه
صح أبغيابك أنفجع *والسلوه يبقالي الدمع * أتعايش ويا هل الوضع
ذاب عمري شمعه ومضه
لوترد غانم **بالفرحه ألاكيك
راح أتموت أمَّك الحكهه **شموعك بالخيمه أعلكهه
يافرح عمري ** وين أراضيك
**------------------------**
الليــــل لو مرني بغيابك ** الكمر نوحي يسمعه
أيحن على نوحي وجايه ** ينزّل النجمات دمعه
يضيك صدري ونفس كوَّه ** كلبي يايمّه شيقنعه
الروح تبقه بخيمتك* بالأمل تنطر جيَّتك * قسمتي عنّي أخرتك
دمع عيني من يمنعه
يبن الفواطم ** روحي تحاميك
عنَّك لسيوف أتشابكهه**شموعك بالخيمه أعلكهه
يافرح عمري ** وين أراضيك
**------------------------**
أميَن ما لعيون صدَتّ ** يخطف كبالـــــــــــي خيالك
عليك اعتب مرَّه يبني ** ومرَّه يبنب أبجي أعله حالك
شيب راسي من بقالـه ** ربــــاي أريدنّــــــــه ودلالك
أتنومس بيوم الفرح *والكلب بالفرحه أنجرح**كدّامي بالطف أنذبح
هم يمُر هظمي أعله بالك
الباري عالم ** الكلب ماناسيك
لو تنساك الروح أتحكهه**شموعك بالخيمه أعلكهه
يافرح عمري ** وين أراضيك
**------------------------**
شــــمعه أعلكهه السنينك** وشمعه يمّه تذوب منّي
صـاح وجداني وضمير ** الك يوم تغيب عنّـــــــي
لاجــــــن الغيبه طويله ** يمَّه بالطف صدك ظنّي
ويَّه ابو اليمه الوعد *منذورتوفي للعهد *يبني الحسن كلبي أعتمد
للزجيَّه أتروح عنّي
خيالي حالم ** وطيفي يتانيك
ولأحلآمي الزفَّه أتسابكهه **شموعك بالخيمه أعلكهه
يافرح عمري ** وين أراضيك
**------------------------**
*************************************************************
((42))
وفه بوعده أبن حامي الحميَّه
سبع الكنطـــــــره ياهو سَمِيّه
**-----**
ياناعي المصيبه حالي وصفه **عله كلبي المصيبه حيل كلفه
شمعات العمر بسنيني تطفــــــه** من حسين ومصيبته بطفَّه
يسيره أخذوني وحبال أديَّه
**********************
يناعي أبديهه ويَّه دكت الباب ** وكف مستحي أيتاني أيريد لجواب
عليَّه شأخّره جا شنهو لسباب** ترف رايته الخدري ستر وحجاب
ومشينه وياه لارض الغاضريه
**------------------------**
وعـد عِد ابو اليمه نروح كلنه ** دك صدره أبو فاضل كفلنه
على رهن الاشاره حاضـرألنه **أخويه أعرف أيمانــه وظنَّه
حده بينه ورفع راية أخيَّه
**----------------------**
يتفدّانــــــــــي طول الدرب ويّاي ** وعيونـــــــــــه تناطر أمري والراي
يزينب عهدي أصونه وألج وفّاي ** بجف أحمي الضعن جف ثاني للماي
الج فدوه العمر أوفي الوصيَّه
**---------------------**
ضم جوده بيقينه وحاطه بضلوع ** كلبــــــــي ماهده لايسكن الروع
وعله باب الخيم امناطــره دموع ** وخدرنه أحتار من ظلَّه بلرجوع
تحاوطنه بنار وخيل أُميَّه
**------------------**
هيبة خدري بالرايه ويمينــــه ** رسم خيمة طفوف من المدينه
كصد للمشرعه وماظن يجينه ** تحضَّرنه بعد عينـــــه السبينه
وذا ماردلي ياهو اليرد بيَّه
**---------------------**
ملـه جوده بفرح رد الخيمنه ** العطاشه أتصيح أشأخّره عمنه
راح أو مايرد لو يرد يمنــــه** ويبرده للعطش ويزل همنـــــه
لو نكطع الظنّه وهاي هيَّه
**------------------**
تلكـــاه الغـــدر وطفاهأأأه للعيـــــــن ** كطعوا يســـــرته وكطعوهـــه ليمين
هِوَ من أنصاب اخوي بضربة البين ** سمعت صوته يصيح أدركني يحسين
أبين أديه تلكاهه المنيَّه
**-------------------**
حكّي من أصحين وآ عباس ** يناعي صدري ضاكت بيه أنفاس
حكّي من أنوح وألطم الراس ** غيــــــرالحادي ماريد أبد ياناس
أظل بعازت جفوفه الوفيَّه
********************************************************
((43)) ((كتب اسمي ))
***********
زوّاره أيتلكاهــــــم ** يعدني واحد وياهم ** كتب اسمي
حسبهم ماجزه واحد**حبيب بصفّه متواجد** كتب اسمي
اسم كل واحـــد يزور
بسجلّه انكتب من نور- كتب اسمي
***--------------***
بعد شطلب وأتمنّــه
قبلنــــــي سيد الجنّه
كل هذا الفضل منَّه
يفجروني ويذبحوني
عنّه ما يمنعونــــــي
ويَّه حسين خلّونـــي
لو أحتـــرك لو أنذر
الف مرَّه وبعد أكثر
ثابت حبَّــــــه متغيَّر // سره بدمّي
أمشـي دروب لمنايا ** يميني رافع الرايـه ** كتب اسمي
تسابك خطوتي جدامي ** وشوفن كلبي كدّامي ** كتب أسمي
بشــارة فرح وسرور
بسجله أنكتب من نور ** كتب اسمي
***--------------**
أنصب مأتمه بكلبـــــي
اوصف بالنبض حبّــي
يقيني يجازي كل تعبي
كل خطوه ألي أمشيهه
وكل دمعه ألي أبجيهه
ابو اليمــــــه يجازيهه
أحسَّن من بعدني بعيد
يرِد الحيـــل من حديد
بيقين وثقه من جديــد /// اشد عزمي
زايـــر زايـــــر أتخطَّه ** مثل السهم والطلقه // كتب اسمي
الدرب ماخاف أخطاره ** أعرف يمَّه كل جاره // كتب أسمي
بأيده الجنَّه منَّه الحور ** بسجله أنكتب من نور // كتب أسمي
*********************
مشقّه وتعب أتحمَّــــــل
بأيدي الرايه ماأنـــــذل
ابو الســـجاد مايقبــــل
عينه تنظر العينـــــــي
أدري لا مناسينــــــــي
يداريني ويراعينــــــي
رغم جهدي ومعاناتي
أوصل كربله ذاتـــــي
بغيره أتّيه غاياتــــــي // ألي يحمي
حيانه حسين من دمَّه ** فدوه نروح أله وأسمه // كتب اسمي
اهل ياليتنا جينـــــــه ** أنجدد عهد والينـــــــه // كتب اسمي
وحق ياسين والطور
بسجلّه أنكتب من نور // كتب اسمي
**--------------------**
تعنَّه حيــــدر اليومــــــه
زينب يدري مــــــالومه
بسهم فركــــاه ملجومه
للطف توصــــل الزهره
البضعه تواســـي للحره
وياهه الموقف أتحضره
وجاب الحسن جبده وياه
جبده الكلب أخو واســاه
يوم حسين من ينســـــاه // الدمع يهمي
جدَّه حاضــــر الملكه ** من يبجي عليه حكَّه ** كتب اسمي
الضلع بدموع لوعاته ** جبد محراب آهاتــه // كتب أسمي
صَبر عالظلم والجور
بسجله أنكتب من نور // كتب اسمي
**--------------------**
***************************************************************
((44)) (كعده) (( تبجي لمصابه )) حال رقيه عليها السلام
*******************
من كعّدوهــه ** بذيج الخرابــه //// مايهجع النوح ** تبجي المصابه
مرعوبه فزَّت من حلــم // طفله سبيَّه
متزاحمه آصوات البجي // لنهه رقيَّه
بذيج الخرابه *-*تبجي المصابه
**---------------**
نوح وآلآم وبواجــي** وتعب انهكهه بمراره
نامت يتيمه بهظمهه ** والكلب مستعره ناره
ماتصدك الحـال هذا ** ليــــل مايطلع نهاره
طبكت رمشهه أعله الجفن
وتغطَّت بدمع الحــــــــزن
من يعطف عليهه ويحـــن ** وياوضع ترهمله جاره
من غَمضَت العين ** لنهه بحـــــلمهـه //// ويّاهه كاعـــــــــد **أتحضنه ويشمهه
صاحت عيوني شافته // وكمشته أديَّه
غايب وماظنَّـــــه بعد // يرجـــع عليَّه
والكلب ذابه *-* تبجي المصابه
***------------***
بعينهه شــــــافت أبوهه** من أجلهه رد زمانه
كعدت بحظنه وتلآعب ** طيبته وكلبه وحنانه
أتكلّه بويه وياك أخذني ** لاتخلّينـــــــي هنانه
فتحت العيـــــــن بلآ أمل
عنهه ألأعز غاب ورحل
نبض الكلب عنَّـــــه سأل ** ليش أبويه مو ويانه
بحضنه يلمنــي ** يضمني أعله صدره //// لوعافني وراح ** رَد علـه الغبره
بالغالـــــــــي أدري منذبح // بأيد آل أميَّه
وخذوا الراس أعله الرمح // لبن الدعيّــه
تعذر اسبابه *-*تبجي المصابه
**---------------**
أجت يمهه بظهر محنـي ** دمعه وي دمعه تلاكـن
شبيح يُمّه أمردتي جبدي ** أختنكت العبره وتباجن
وآ حسين أتنادي زينب ** دموعه يابويه صاحن
تعرف الشافت بي حلم **تذكـــــر أبوهه وتنلجم
هل الطفله أدراك وعلم ** يامن أيصبّرهه يامن
أدوِّر حنانــــــــه ** مابين الاحلام //// تغفه أعله صدره ** وتسكن آلآلآم
بكل حلم شافت صورته // جثّـه رميَّه
ما رادت أتفّز وتظــــل // بالغاضريه
وتشبك ترابه *-*تبجي المصابه
**---------------**
هظم وبكل لحظه حيره ** طفلـــه مايسكت بجيهه
ومن يرضّيهه بغايبــــه ** ألَّه ابو اليمـــــه يجيهه
دارت أطفال وحرايــــر** أتذاكرن ماجره أعليهه
ذيج ألي فكدت الطفــــل
ياحال نعرف ينحمـــل
من البجي ماتجزع تمل **فاكدات الكـــــل وليهه
دمعت الاحزان** صرخــــة يتامه ///// تبجي رقيــــه ** أتضعضع منامه
ناشد عله الصوت النذل // من هل لبنيَّه
من طفلة حسين البجي // بهاي المسيَّه
تذكر غيابه*-*تبجي المصابه
**---------------**
أتريد أبوهه ودُّ راســه ** بالطشـت أخذوه ألهه
الخبيث اشجان قصده ** مو عطف رايد قتلهه
شافتـه وشبكت حلمهه ** تعاتبـــه بدمعة أجلهه
بشهكه عله الطشت أنحنت
بلوعــــــــــة يتيمه عاتبت
ناده علـــــــي عمَّه أنتهت ** أتحقق البنتج أملهه
قصّه حزينــــه ** ترويهه لدمـــــــوع //// أحتارت الحرّه ** سشتحجي بالرجوع
شتكل لخوهه أشجم جرح// يحسين بيَّــه
مايكفــــي باقـــي بلآدفن // فوك الوطيه
أتجمَّل عذابه *-*تبجي المصابه
**---------------**
(45) ((واويلآه عالكاظم))
**سسسسسسسسسسسـ**
ويلي واويلاه عالكاظم
**-------------------**
كظه بلوعات عمره بالسجون سنين ** ماشاف الشمس وتحاوطه حياطين
والشيعه بأملهه الشوفتــــــه أمتانين ** صار الدهر سيف بيمنة الظلآّم
**-------------------**
من سجن السجن يتنقَّل المظلوم ** صابر عالمحن والقيد لآخر يوم
تاليهه جسد فوك الجسر مسموم ** بيا طاموره جان المنسجن نايم
**--------------**
عله فراكه تنوح الشيعه من بعده ** ودمع العين دم سايل على خدَّه
نصبــرعالبعاد ونصبــر الوعده ** وخلّي يلومنه أعله الحزن كل لايم
**----------------**
لوغابت شمسنه والكمـــــــــر لوغاب ** يبقه الدمع عالكاظم جمر لهّاب
جرح من يومه ينزف هالجرح ماطاب** بصبر العتره دين الله بقه سالم
****************************************************
((46)) ((صرخة الدين))
**---------------**
دين الله حيا بدمـــــاه
بعرش الله يرف لــواه
أنبنه بكل كلب لسمه دار ** أنتصر بالدم ابو الاحرار
**----------------------**
بشهكت موت صاح الدين ** كبل ماينتهي وجوده
وترد تتحكَّـــــــم الاصنام ** تتجاوزعلـــه حدوده
عصرالجاهليـــــــه أيعود ** كلمن صنـع معبوده
كسوف خسوف يولينــــه ** الظلآم العالم أيسوده
ألآ من ناصــــرٍيظهر
صاح حسين آنه أكدر ** أنتصر بالدم ابو الاحرار
**-----------------**
لولــــــــه دماه ماجانت ** ديانه ولا ذكر اســــــــلآم
كصد كربلــه لاللجـــــاه ** ولا يتسيَّد الحكّـــــــــــــام
صنع امجاد بالتاريـــــخ ** عجزت عن وصفهه أقلام
صرخه أترددت بالكون ** شعار أتهد بنى الظِــــــلآّم
هيهاته منابــــر نور
على كل البقاع أدّور
تستنهض دمه الثوّار ** أنتصر بالدم ابو الاحرار
**-----------------**
الله راد من حســــــــين ** ينظــــره عالثـــــره مذبـــوح
ومشيئة اللـــــــه تتحقق ** سبيَّه اختـــه بضعنهه تــروح
خيَــــــم تحترك تتسلَّب ** وطفــل مرعوب طفلــه تنوح
لارض الغدر والشمات ** الوصلهه جسد خالــي الروح
طعنهاعله الجرح تطعن
جـــروح جروحهن يدَّن
وغيرة نخوة الانصار ** أنتصر بالدم ابو الاحرار
**----------------------**
صرخــــــــة غوث لبّاهه ** بجفين وعلم مرفـــــــــوع
وخدر ماشافوا خيالـــــــه ** ونبلة عطش رض ضلوع
ورسول الله أنذبح بالطف ** ودم عرّيس بجَّــــه شموع
ولهبت نـــــــــــارماتبرد ** تشب بكـــــل كلب مفجوع
عالم بسمه عله ورفرف
يوم الظفـــــريوم الطف
بثورة مبدأ وأصـــــــرار ** أنتصر بالدم ابو الاحرار
**----------------------**
عدد ألانبيـــــاء آلآف ** ألهم كربلـــــــه كعبه
ملك ينزل يزور حسين ** عنده الرخصه ربَّـــه
دمعه وخطوه وزيــاره ** أيتجازه يدمعنه وتعبه
وأذا أنطق ألآهي النار** تكول الزاره ماعذبــه
وتفتح بابهه الجنّه
يزاير فوت وتمنَّه
الوجه يتلآله بالانوار ** أنتصر بالدم ابو الاحرار
**********************************************************
((47))
((سلآم الله علأبو الغيره ))
**---------------**
سلام الله على عينك يبو الغيره أبسهمهه
سلام الله أعله جفّنيك يبو الغيره أبألمهه
على راسك وأنفاســك **على جودك وأحساسك
سلام الله يبو الغيره سلآم الله
**--------------------**
شوصف عن معاني الوفه وكتبها ** بيـــــك الوفه ياخصله ألمجرّبهه
كلشي بيك من أطباعــــك أنحبهه ** غيابك يبو اليمه الروحي عذّبهه
سلام الله علــــــــى يمناك من رفعت علمهه
سلام الله أعله كل خطوه مشت بيهه جدمهه
عله عيون التراعينه **عله الزود اليحامينه
سلام الله يبو الغيره سلآم الله
**--------------------**
أيد بأيد من بابـي خذتنـي ويـــاك ** كلبـــــــــــي أبين أيدك وأمّنت بحماك
تدري بحالي خويه شصاربعد جفاك**طاح حسين بعدك خدري صار ألواك
سلام الله عله جبينك نضح بالغيره حادينه
سلام الله عله عيونـــك نواسيهه وتواسينه
عله يمينك عله يســـارك **عله الهيبه الحمت دارك
سلام الله يبو الغيره سلآم الله
**------------------------**
أنبنت خيمة خدرنه بجفَّك الميمون** حرسهه رايه سيف وجف كلب وعيون
ويانه الدهر مايغدر وبينه يخـــون ** راوانــه العذاب بغيبتك جـــم لــــــــون
سلام الله يليث الطف عرينك من يوصلَّه
سلام الله أعله أيمانك ابد مايقبل الذلَّـــــه
عله جروحك وآلآمك **عله سيفك واقدامك
سلام الله يبو الغيره سلام الله
**-----------------------**
أنحنه شط الفرات الخطوَت جدامك ** يطا وع يمنتك او يمشــــــي كدّامك
لخيمنه بي ترد وتحقق أحلآمـــــــك **ياعباس ماأنســــــــــاهه آلآمـــــــك
سلام الله عله شفافك الماضاكت لذيذ الماي
سلام الله أعله طبع البيك حنيَّه وكلب وفّاي
عله ضعونك الحارسه
عله الكنطره وفارسهه
سلام الله يبو الغيره سلام الله
**----------------------**
مشيت بغير حادي دروب ماأندل **جور الدنيه سـاعه بســاعه يتبدَّل
عليمن بعــد ياحادينــــــــــه ندلل ** تعرف زينب أختك راسي ماينذل
سلام الله عله الخوَّه البقت مابينك وبينـــي
سلام الله عله مروتك ويايه مشت تحميني
على وكفاتك بسوحك
على تضحيتك بروحك
سلام الله يبو الغيره سلام الله
***********************************************
((48)) ((شرفنه خدمتك))
************
شرفنه خدمتك يبن الزجيّه ** هنياله الحضرته بالمنيَّه
يامحييهه للأركان ** نتفاخر بهل العنوان
**--------------**
خـــــــــــادم أسمه يتسجّل ** بكتاب حسين هنياله
شرف هل الخدمـــه يتجسَّد** ويَّه صورة اعمالــه
يشوف سرور ماموصوف ** خادم يوكف كبالـــه
يكلّـــــه حسين الك د زني ** يكلّي حقق آمالــــــه
خدم نكظي العمر مهما يمرنه
عله الصعبات عوّدنه صبرنه
بثبات وقوة أيمان** نتفاخر بهل العنوان
**--------------**
شكد ماطوّلت اعمار ** لابد ألهه ساعـــــه تحين
شــــما طالت لياليهه ** وشما تجمع من ســـنيني
ثواب الدمعه ماندرك ** حدهه مانعرفـــــــه وين
ياعقل الَّـــي يحسبهه ** شيطّي الله بمحبت حسين
ثواب المايمر عالبــــال مرَّه
مايكدر عقل يدركه أيصوره
مايخطر ألأنس والجان**محبتك ألنه عنـــــــوان
**--------------**
العمل بالنيَّـــــه والموقف ** زغير جبير يتسجّل
هاي الخدمـــــه مضمونه ** بجنّه وحور ماتنمل
وأذا منشوف بيهه حسين ** هذه الجنّــــه مانقبل
التعب هذا مج
موضوع: يشرفني نشر ديوان ياحبيبي ياحسين في هذا المنتدى (28+54)) 
2013-08-04, 05:07
