يشرفني نشر ديوان ياحبيبي ياحسين في هذا المنتدى من!+27

((خدمة المنبر مبرئين الذمه وعدم ادخال الموسيقى المحرمَّه))
(1)
(( لسان حال رمله عليها السلام مع ولدها القاسم عليهما السلام))
*************
فرحة عرس جسّــام صوره بخيالي
صارت سراب أوهام مأتم صفالـــي
نوحي روحي طفَّو شموعك والحزن يبرالي
**-----------------**
تتنومس بيك الروح وأنت أملهـا
لو عنِّي غبت اليوم من بكه ألها
سنين العمرماريـــد بعدك أمِلهـا
أ ويّاك أخـــذها أمَّك غيابك جتلها
دموعي شموعي نجوم الليالي أينوحن أعله حالي
**-----------------**
دكَّت أطبول الظيم تعلن حربهــــا
والزود يبني البيك راكب أصعبها
حيدر علـى يمناك فنَّـــــه الكربها
بالضربــه ماثنّيت الجفَّك ضربها
فارس ودارس أبيت الكرامات ومجدها العالي
**-----------------**
دمع العيون أيصيح ياسامع الصوت
سيوف المنيَّه أعليه أمّين ميفـــــوت
خميه الشباب الطف صارت التابوت
زفَّة عرس حاضـــر بيها ملك الموت
جفَّــه وفَّـــه أتحنَّت جفوفك بالدمه يالغالـي
*******************
ذاب الكلب يبنـــي جن شمعه ذايب
شماله الدهر وياي أيلِّــم بالمصايب
للخيمــه يمته تعود أتفــرح الحبايب
طال السهر بالنوح والكمـــر غايب
حنتك بجنتك شوفيلك يمَّه جاسم وتوفيلــــــي
**----------------**
الدمع واجب صار وتتصافح الآه
ويلي عله العرّيس ويلي واويـلآه
ظيــم الوكت لليوم للكلب خــاواه
شلِّي بلذيــذ العيش ماخذنـي ويَّاه
سهر الفجري أمسي وأصبّح ورسومك أكبالي
**----------------**
شنهو العمـــــرلولاك ماريده عمري
ريت الشمس ماشوف ولاطلع فجري
جبدي بكــــه مطعون ونحنه ظهري
صبَّن عيونـــي دموم مارحم دهري
الراح بالراح أصفكهن وأدري الدهر جتّالــي
*****************************************************

((2)) ((يصرخ كلبي لسان حال رمله مع ولدها القاسم عليهما السلام))
طفُّوها هل الليله شموعـي
يصبر كلبي أبين ضلوعي
وأعلك شمعتاك بدموعــي
**--------------------**
دهري بآلآمه أمتانينـــي وسهمه المسموم
متعوِّد عالكلب أيشـــوفه دومـــــــه مالوم
أيخيِّب آمالي وظنونـــي يخيّـــــــم بهموم
والفرحة عمري يحسبها جابــه بهل اليوم
علِّمها عيوني أعله الدمعه
يوديعه تروح بـــلا رجعه
وأعلك شمعتاك بدموعـي
**-------------------**
أحسب يايوم الفرح أيتم وحسب لسنيـــــن
روحي وعيوني وآمالي العرســـــك تانين
ياأجمل حلم بأحلآمـــي لتظـــــن ناســـين
حلمي يرسم صورة زفَّه بطف عمَّه حسين
أسألنـــــي وطلب وتمنّه
وعيونـــي بدمعي تتحنه
وأعلك شمعتاك بدموعـي
***********************
عهدك ماخته وجافيته وفّاه دمـــــــاك
طفَّوا شمعاتـــك يايُمّه شيحمله جفـاك
وجفّيني أتلاكي جفّينك والكــــل يتناك
وجفوفك يبني أنحنّيها والدم حَنّـــــاك
منتظرين الكل الشوفك
ياهيبه أرجـع لضيوفك
وأعلك شمعتاك بدموعي
----------------------
يومــك أســعد يوم أترجَّه بكــــــل أيامي
تلبس ثوب العرس وأفرح هاي أحــلآمي
كلبـــــــي ماجان أيحسِّبها ترجــــع دامي
تطعنّي وتعميها عيونـــي شتحجي آلآمي
أرجع يوليدي وباصرني
عنّي لتغيب أتحّرنــــــي
وأعلك شمعتاك بدموعـي
**-------------------**
ظل نجم الليل مرافكنـي يبجـــي الونّي
ياجرح اليشفه ببعــــادك الكـــل يالمني
خلّيت أعله الغبره أموذّر كلبي وأبنـــي
جن أسمع صوتك يندهلي بصبرج منّــي
ضحّيت أوّفيت الذمـــــــه
أمودَّع يالقاســــــــم يايُمه
وأعلك شمعتاك بدموعـي
**-------------------**
هاي الزفَّه الجنت أتناهـــــا بجف واليهــا
وصواني شموع أنحضرها وحنتـــك بيها
ونجمه أعله الخيمــه تتهاده وتضوّيهــــــا
ترجـــــع منصور بأذن الله وطّب ليهـــــا
وفّيــت وكفّيــت اليومك
والخيمه أتحنّت بدمومك
وأعلك شمعتاك بدموعـي
****************************
((3))
((لسان حال العقيله مع الحسين عليهما السلام))

شلون ما أحسبها بفراكه أتيه **بعد ما أكدر أشوفه ولاأجيـه
بالدمع يوميــــه أسلِّم
وأني بجروحي ألملِم
**----------------**
جانت عيونه صباحي ألبِي أشوف
صرت يوميه بخيالــي يَمَّه أطوف
عفته جثَّـه مسلَّبه بأرض الطفوف
جرح يشكـي الجرح آلآم السيوف
وصار حال الظيم حالي** بدور فوك الثره كبالــي
عالصبر كلبــي أعلِّم**وأني بجروحي ألملِم
**----------------**
سال بالحومـه الدمه فيض النهر
أنهدم حيلـــي ونحنه منّي الظهر
كربلـــــــه راوتني لوعات الأمَر
وذاب جبدي ويَّه دمعي من القهر
حسين من شـــابك الغبره **داست الخيل أعله صدره
كامت بصدره تهشِّم**وأني بجروحي ألملِم
**----------------**
ياشمس هم ألج رغبــه بالطلوع
طولي ياأيام ليلـــــــــي بالدموع
الغاب عنِّـــــي ماأله نيَّة رجوع
ينوح كلبي وتبجي ويَّاه الدموع
تذوب روحي من ألمها **خيمكه حركـــوا خيمها
عله أطفالي كمت أخيِّم**وأني بجروحــي ألملِم
*******************
بالدهرلوعشت يـــــــوم من الفرح
عله راســـي أيدور بالهم لو صبح
ناســــي أيامه الكلبــي أشكد جرح
أخذ جف عازتـــي والروحي ذِبح
بعد ظيم الغاضريه **منَّه أخذونــي سبيَّه
دنيـــــه مهمومه تغيِّم**وأني بجروحي ألملِم
**----------------**
عالجروح أمشينه مو فــوك الهزل
وصلنه لأرض الذلَّـــه والآمر نذل
هذا من أمِّتـــــــك ياجدّي الوصــل
من حقدهـــم ماخلص نحــر الطفل
ظامـــي روّاه السهم **رضيع من أمَّه أنفطم
والأمر لله أســــــــلَّم**وأني بجروحي ألملِم
**---------------**
*****************************************************
((4))
ثورة
**--------------------**
ثورة / بيها يضحّـــــــي بمهجتهه / ثورة
ثورة / للدين ينصر غايتـــــــــــه / ثورة
بروحه وبنينه جـــــاد
بالدم يخط أمجــــــــاد
******************
يعرف بيــوم المنيِــّـــه ** من كصــدها وعاني ألها
بعالـــم الذر ثبت عهده ** حسين وحده هوَّ أهلهـــــا
رفع راية فخـــــر بيده ** بعنفوانـــــــه ماخذلهـــــا
حِيَه الناس بكل وجوده ** والشـــــرائع رد أملهــــا
نوره / بكلوبنه باقــــــــــي يشع / نوره
نوره / الأيامنــــه سيف ودرع / نوره
يتجدد وينعــــــــــــــاد**بالدم يخط أمجــــــــاد
**------------------------------------**
الجسد قربان دامــــي ** أنقبـــــل منَّه وتضحياته
بكربله كل المعانــــي ** بيهــــا ذابت روحه ذاته
موقف شموخ وبطوله ** صوَّرالنّــــه كـل صفاتهَّ
أطّه أروع مثل واضح ** بروحه عشنه وبحياتــــه
زهوَه / للعالـــي بأعلآهه القمم / زهوَه
زهوَه / ضوَّه علـــى كل الامم / زهوَه
للوفـــــــــــه دك أوتاد*بالدم يخط أمجــــــــاد
**-------------------------------**
جمع بالطف المبادىء ** من بداهــــه بكل عزيمه
قدَّم أصحابه وورجاله ** الكل ربحهه بلا هزيمه
أنتصر دمَّه عله ذلهم ** ظل فجـرهه الحب يديمه
جور هالدنيه وظلمها ** صِوَربيهــه للجــــريمه
قَدرَه / بيها المعانـــــي جسِّدت / قدره
قَدرَه / منها الليالـــــــي نوّرت / قدره
أتحقق الميعـــــــــــاد**بالدم يخط أمجـــــــاد
****************
كمر ونجوم الليالــــــــــي** غيِّبتهـــــه الغاضـريه
حسين شمس الكــون نوره** فجره يعمي الناصـــبيِّه
الظـــــلآم جنوده خسرت ** بده نصـــره أبن الزجيَّه
ســجّل التــــــاريخ مجده** مروَّه غِيره أونفس أبِيَّــه
فِدوَه / الاعمار كلها تروح أله / فدوه
فِدوَه / زوار دربج كربلـــــــه / فدوه
ياكعبة العُبّــــــــــــــاد**بالدم يخط أمجــــــــاد
******************
درب واضــــــــــح للموَدّه **بدمه يسري وحبّه واجب
صرنه نتنفّس أنفاســـــــــه **صارألنـــــه آغله الحبايب
بغيضكـم موتوا وبغضكم **وحقــد اعمه يالنواصــــب
بكل يقينــــــــي من أموتن **يمي يحضـر وأله ذاهـــب
سوره / أتفجَّر وأنَــــذَر وطُب / سوره
سوره / قلعه أله صـــار الكلب/ سوره
هذا الفخــــــــر ينراد**بالدم يخط أمجــــــــاد
********************************************
((5))

كعده ((مايكفي الدمع)) لسان حال العقيله عليها السلام))
*------------------------*
مايكفي الدمع من عيني ظل جاري
النبي يعقوب مايحمل مثل نـــــاري
نجوم الليل دمعاتـي
الحمام ينوح بآهاتي
***************
يصعب الشوف عله عيني ريت بعد حسين تعمــه
جان ظَل جفِّه سمايــــــــه وأستمد من فجره همِّه
صاح ديــــــن الله حسيناه أنتخـــــــــه وحياه دمَّه
بدماه لعهوده وفـــــه
ثورة عقيده وعاطفه
والله بجلآلــه أنصفه **الكربله من كصد عزمه
الشفه صار بتربته مقصد أسراري
ياجف يدك بابـــــه صار خطّاري
بعتابه أحط عازاتي
الحمام ينوح بآهاتي
***************
كلبــــي ون من المصيبه والدهـــرأيامــــــــه جارن
بمهجتي نوحي من ألمهِن بوسط كلبي وكلبي صارن
والمصايب والدواهــــــي بكربلـــه عله حسين دارن
والسمه عليَّـــــه مظلمه
وتسيل دمعاتــــــي دمه
ولضعونه لاجف الحِمه** باليســـر ودروبـــه سارن
غطّتني الهموم بليلي ونهاري
أمسّي وأصبح وعيناه تذكاري
يعيد الصدى ونّاتي
الحمام ينوح بآهاتي
***************
أسمَعَه أيحشــم صحبته وينكــــــــــم يهل الحميَّه
صاح وينك يبني الاكبر جثّته كبالــــــــــــه رميَّه
وقاســــــــم الحنتّه دمَّه وزفته سيوف المنيّــــــه
وعباس جفّينـــه فَده
بعامود صابوه العده
عالنهرجثــــَّه أمدده وجوده ظل يبجي عله ميَّه
بعد ياجف يخويــــــه ياخذ بثاري**بعد ياجف أسلمه الرايه والساري
بدت بعدك معاناتي
الحمام ينوح بآهاتي
***************
شأرد أجازي ابو اليمه يافضــــــل منَّه أشـــكره
غاب عنّي سر وجوده والكلب بعــــده شيصبره
بين ليلــــه ويوم أفكده ريت روحي عله الغبره
والخيل صدري هشِّمت
وخيــامي شبت ونطفت
وعيالـــــي كلها أتيتمت طال ليلــي أمتاني فجره
سد أوكف أله عن شمس الظهاري **آخـرنـورأخـذ طف كربله بداري
بعد ما تهده حسراتي
الحمام ينوح بآهاتي
***************
عله تراب الطف كتبها كلمه تحوي أجمل معاني
حروفها من دم نقطهــا حققت كل الامانــــــــــي
صار للكعبـــه الضحيَّه وصاير اسماعيل ثانــــي
كلمة وفه ألنــــــــه كتب
روحه الأجل دينه وهب
أبن الذهب صار العجب بتضحياتي والتفانــــــــي
حفظ دين الكرامه وكعبة البار ي **صيحت ثار ويَّه المهدي أنصاري
عاش بروحي وبذاتي
الحمام ينوح بآهاتـــي
***************************************************
((6))
نداء للموالي ((من مولاتي زينب عليها السلام))
هل شهر الحزن بآلآمه / أيجدد لمصاب
كل يوم بدهر من أيّامه / دمعـي سجّاب
عهد مكتوب بالكلب وحفظناه
أبد والله ماننسه حسيناه
********
طول عمري بحزني عايش والله ماأنسه المصيبه
صِوَر لمخيَّم أبّالـــــــــــــي والحقد نـــاره ولهيبه
للجثث خلاّها نومـــــــــــه سـابحه بدمها وسليبه
وأطفال شـــرَّدها الفزع
عطشانه والمــاي أنمنع
ونسوان خاواها الجزع شوصف الحاله عجيبه
موقف مر أصعب من موقف / والكـــل مذبوح
أمجـــاد وغـايــات أتشـــرِّف / بالطف صروح
ثبَّت دِينَه بتضحيته ودماه**أبد والله ماننسه حسيناه
********
سجدت الاجساد كلها الكل قرابيــــــــن المودَّه
حسين ألنه صار قبله بكلشي ضحّه لجل عهده
شابك تراب الوطيَّــه وطيَّب التربـــــان خــدَّه
خلآنه بسمه نفتخـــــــر
كل كطره من دمّه فجر
من بعد كـل شدَّه اليسر دمَّـــــه ذل كلمن يضدَّه
للعالم شامخ عنوانـــــــــه / وهج الانوار
للظالم هدَّم أركانـــــــــــه/ قبلــــــة ثوّار
بجف عباس عالي للسمه لواه**أبد والله ماننسه حسيناه
*****************
دمعتي ولوعة عذابـــــــــي تبقه صرخــة سيف قادر
حسين من صاح أكصدوني يريد زود المحب حاضر
وزينب الذلّت الطاغــــــــي تصيحنه هل من مُناصر
حكم السقيفه ألنه رجـع
وأهل البدع أهل الطمع
السفياني أمره لو وقـع يهدم القَبر ويكابـــــــــر
حائر لحسين أيحاميها / ورايــة عباس
بالروح ومهجه نفديهــا / نوكـف حرّاس
لآخر نفس بينه أنلبي دعواه**أبد والله ماننسه حسيناه
********
السيف والكلمه خَطَرها أشـــــد من وقعة الدمعه
الباطل أتسكته المواقف وصوتنه غصبـاً يسمعه
يمين ابو فاضل ويانــه الناصبـــي جفَّه نكطعه
بسم الله نشحذها الهمم
صرح المباديء والقيم
نوصله لو بأعله القمم ونبني للأمجاد قلعـــــه
أعلنها ثورة أيمانـــــك / بوجه الظلاّم
علَّيها صرخة احزانـــك / داوي الآلآم
العمر بأحزانه عشنه الدمع والآه**ابد والله ماننسه حسيناه
********
اليوم تتجند عناصـــــر والحقد والشــــر عماها
تريد شيعة علي تركع وبيد ابو صــــالح لواهـــا
تفجَّر وتسلب وتذبـــح العكربه عدنـــــــه دواها
وين الموالــي وكلمته
يدرك زمانه وغايتـــــه
لحسين رافــع هامته والجدم تثبت خطاهــــــا
من الشام الحرَّه أتنادينه / حب عابس وين
وين اهل الغيره أتانينـه / ونـــــوفّي الدين
دنيَه وآخره ماتسوه لولآه**أبد والله ماننسه حسيناه
*******************************************************
(7) ((عهدك مكتوب))
************
عهدك مكتوب أعلـــه جبينك/ بيني وبينك
خدري معصوب أوي يمينك/ بيني وبينك
يمعاهد حيدر تحميني
بأيدك للطف أتودّينـي عهدك متكوب
****************
ماتنســــــه عهد جفَّك ولاأنســـــــه
الخدر بحماك يمشي وانته لتحرسه
بيَّه وبيك لو دار الزمن وقســــــــه
يخـــوي بيمنتك تلويــــه وتفرســـه
بعيونك مرسومه الصور / بيني وبينك
والرايــه بجفَّك منصوره / بيني وبينك
بيك أتنومس ياضي عيني
بأيدك للطف أتودّينـــــــي عهدك متكوب
*******************
يبو فاضل عيوني أمناطره أعله البــاب
مكانك بالكلب وانتـــــــــه أعــز احباب
الزمن طبعه الغدره مايسوه كلمه عتاب
مامَريــوم ما حمَّــل الروح مصــــــاب
نظرات عيونــــك أعرفها / بيني وبينك
حرصك والغيره توصفها / بيني وبينك
كل لحظه أتمر أتباريني
بأيدك للطف أتودّينــــــــي عهدك متكوب
******************
من مثلك العدهــا أخـــو مبخوتـــــــــه
شهامه وعزم عالحق ماسكت صوتــه
بيمينــك أشــوفن حيــدره وقوتـــــــــه
واليكرب علــه خمينــه دِنــه موتــــــه
من يعرف سر هاي الخوَّه / بيني وبينــك
متحضِّر الأمري والنخـوه / بيني وبينـــك
ويمينك دوم أعله يميني
بأيدك للطف أتودّينــــي عهدك متكوب
******************
من سار الضعن للطف وصل بحماك
شمحتاجين تنشــد كبل ماننخــــــــاك
ينور العيــن يشــرح الكلب ملكــــاك
بأمــان وجودك أنحس ورفيف ألواك
مايجف لمروَّه اليبقالي / بيني وبينك
ما يتصوَّر غيرك بالي / بيني وبينــك
منذوره سنينك لسنيني
بأيدك للطف أتودّينــي عهدك متكوب
****************
أدري الحومه رحَّه بسيفك أتفرهـــا
تخبطها ويتـيــه أولها وآخرهــــــــا
آيات الشجاعــــــــــه انته التفسِّرها
وعيون الفواطم تِســر خاطرهـــــا
بسيفك ياخويه لبشــــــــــاره / بيني وبينك
وشحدها توصــــــــل غدّاره / بيني وبينك
شلِّي بحالي من تجافيني
بأيدك للطف أتودّينــــــي عهدك متكوب
******************************************************
(() ((مشاهد كربله)) (( قصيده بحق الامام محمد الباقرعليه السلام))
***** ************************* ******
مشاهد كربله مصيبه بكل سهامها تصيبه
أمامي محمد الباقر
كلبه عالهظم صابر
*----------------*
غرايب مرَّة بكربلــــــــه شاهدها
ودمعت نار من زينب على خدها
ظلّت عايشه بوجدانــــــــه خلّدها
بأحـــــــزان وألم ودموع جسّدها
من سهام النوايب عليه جرَّت مصايب
وعينه تراقب أتناطر
كلبه عالهظم صابــر بكل سهامها تصيبه
**************
بوقع الخيل حس ونتبه من زغره
جســـوم فيض دمها موسّده الغبره
دمعه يوصف الحســـرات والعبره
والآهـــــــــات ظلت نايمه بصدره
هجمت خيلها العدوان عاين شبت النيران
وينه اليجبر الخاطر
كلبه عالهظم صابـر بكل سهامها تصيبه
*******************
شافت عينه لاكبـــــــرمن كصد للكوم
والعريس جاســــــــم مأتمه بهل اليوم
الكمر طاح وهوت بالغاضريه نجموم
جفّين الوفه منها الخـــــــــدر محروم
وجدَّه حسين بجروحه سليب وجثّه مذبوحه
آ يازمن ياغــــــادر
كلبه عالهظم صابر بكل سهامها تصيبه
**************
جثث فوك الوطيَّه عله الثره نيّــام
ونار الغدر ماخلّت ستر وخيـــــام
مشه وي ضعون جدَّه بلمة الايتـام
واليبجي وينوح أتسكته الظــــــلآّم
دموم تسيل عالخد ماظللهـــــــــم أحّد
سوط عله المتن جاير
كلبه عالهظم صابـر بكل سهامها تصيبه
****************
ليل أيطول درب طويل هم وغم
والمصايب على أم الحــزن تلتم
عافوا كربلـــه غرّكها فيض الدم
تشع بنـــــــور كلما الزمن يتقدَّم
سمع زينب تذلهم ردتهــــم لصلهم
باجر الفرج حاضر
كلبه عالهظم صابر بكل سهامها تصيبه
*****************************************************
((9)) عبد الله الرضيع)) لسان حال رباب عليهما السلام((((خذتها الروح))
**---------------------------**
ماظنّي ترد مذبوح ماظنّي
يالمني سهم حرمله يالمني
على مهدك تلولي دمعت عيوني
يطير الجنّه من شوفك يحرموني
**************
وينك يانجــــــم ليلــــــــي ** ذايب كلبــــــــي ببعادك
بعدك مشبعت منّـــــــــــي** وكطعوا زهـــرة ودادك
بين ضلوعــــــــي داريتك **تالــــــي الموت ميعادك
بهظم فطموك من صدري** ومن سهم العطش زادك
حضني وسادتك يالفاركت حضني
ونّـــــي زاد مايهجع بعد ونّـــــــي
ليل نهار أنوحن خل يلومونــــي **يطير الجنّه من شوفك يحرموني
**************
عله شهو الضنه يبنـــي ** حـن الصـــــــدر يايمه
حيـــل الكلب مايحمـــل ** ويصبر علـــــه اللجمه
ذبل غصنك يماي العين ** بهذا القــــــدر والقسمه
حكموا عالورد بالموت ** بعد ماحضنــــه لاشمّه
أمكابلني رسم وجهك أمكابلني
أمحيرني المهد خالي أمحيرني
وحس أتصيح من صدري أمي فطموني**يطير الجنَّه من شوفك يحرمونــــــــــي

******************
أول غيبتـــــك عنّــــــــي ** روحـــــي رادتك ترجع
أخاف أيطوِّل غيابـــــــك ** وجدانــــــــــي بقه يدمع
صدري يصيح رد أردود ** ياغصـن الورد ورضـع
وكلبي يمّه يدعيلـــــــــك *-*- بالله وبالنبـــــــي أمودّع
ظامنّي بدموعي الزمن ظامنّي
حاملني أعله جمر ونار حاملني
يالمدلل اظل أمرافكه ظنونــــي **يطير الجنّه من شوفك يحرموني
***********************
اعاين غوركن عينــــاك ** من العطش من الحـــــر
وشوفك تذبل كبالــــــــي ** وجبدي بحركــه يتصبّر
خذاك حسين من عنــدي ** لكلوب العــــــــده المرر
رجعت مرتوي من دمّك ** حـــــــــــالك للكلب فسَّر
واصلني الزمن بالغدر واصلني
صبّرني ومرنــي بطفه صبّرني
ودمع الحزن ورسومك يواسوني**يطير الجنّه من شوفك يحرموني
**************
اكظّـــــــي الليل سهرانــه ** عله مهدك يبعد جلآي
تفاركن وتخلـــــــي النوح ** يصبّرني علـــه بلواي
عفت صدري يدر دمعات ** مونَّك ييمه هـــــــــاي
شتروّيت يوليـــــــــــــدي ** دمع لو دم بدال الماي
محّني مرار همومي محّني
آ يبني العمر مايسوه آيبني
تمنيت بسهم نحرك يصوبونــــي**يطير الجنّه من شوفك يحرموني
******************************************************
(10)
((شمعه ودمعه))
****************
رمله العرسه منتظره ** ألها ياوكت يعود
يرجــع تتباها بنصره ** ألها ياوكت يعود
بالخيمه تعلك شمعه
الحنّه تعجنها بدمعه ** ألها ياوكت يعود
*-----------------*
ودّعها بكلب مفارك مليان هموم
وخلَّــه كلبها ينوح صبره ملجوم
روحي أخذها ويــــاك يمّه للكوم
كلنه فدايه الابـــواليمه بهل اليوم
ما أحمل صدعه ولوعه ماظن أترد ردود
وحدي أبقه مفجوعــــه ماظن أترد ردود
يبني أنته كلبي وضلعه
الحنه تعجنها بدمعــــه
*------------------*
منتظره يردلها وتفرح بيــــــه العين
تدري بولدها ناذرروحــــــه لحسين
مابين جفوفـــــه العمَّه امناطر للبين
والدمع صب مثل الدمه عله الخدين
راح وخلآّها بمحنه درب الرجعه مسدود
ياجاسم لاتذبحنــــه درب الرجعه مسدود
كلبي مايحمل صدعه
الحنه تعجنها بدمعـه
*****************
بالوَن خلــــآّها وحسره وحيره وآلآم
من عين الفرحه خطفوا حلم الاحلآم
والحسبات أتمر تحمـــــــل هم الأيام
صرخة مهظومه تهدم عرش الظلآّم
مجبوره تفارك رسمه نارتصب عالخدود
الزين الشـباب وأسمه نارتصب عالخدود
الصبر متاني الفجعه
الجنه تعجنها بدمعه
****************
عرّيس ويتنومس بوسط حروبــه
عاشك ويضحّي من أجل محبوبه
من يكدر يدّناله ويوصل صوبـــه
حيدر صال وخلَّــــه الدنيه مكلوبه
سيفه يوصف أخباره بالشهاده موعود
طاح بروس الغدّاره بالشهاده موعود
زوده الاقدارتصرعه
الحنـه تعجنها بدمعه
*--------------*
ماخلَّت الأيــــــــام فرحه الرمله
جثّت أبنهـــــــــا موذرّه ومرمله
بــــدم الشهاده نـص الدين مكمله
عازم بسيفه يفني الهجمه وحمله
قدَّم أغلــه ماعنده بدمه وفَّه لعهود
أتعنّه الكوثر جدّه بدمه وفّه لعهود
مالك يبن الحر رجعه
الحنـــه تعجنها بدمعه
*************************************************************

((11)) ((آنه الوديعه))
****************
ييمه آنه الوديعه **عهدي ماأبيعه
يلاوي يميني للرجال **طريقي درب الآمـال
*-------------------*
عهد من الحسن هل اليوم أرد أوفيه **يعلِّمها المراجــــل أبنج أتشوفيه
شمع العرس أدري كربلـــــه تطفيه **الحزن بعيونج أمبيِّن شما تخفيه
ماخيِّب أحساسج == راسي بعلو راسج
يمينـــي أيعدل المال **طريقي درب الآمال
*----------------*
ودَّعنــــــــي أبويه وحفض الذمّه ** أنه منذور من زغري الابو اليمه
من صبرج العونه وعزمج الهمّه ** بدمعات الفرح ودعينــي والبسمه
بس أرضي عليَّه == من آرد حنّي أديّه
أجندلها للأنـــــــذال **طريقي درب الآمال
*-----------------*
أبنج آنه جسّـــام التعرفينــــــي ** مارد بعـد يمّج من تودعينــــــي
كومي يمّه أحضنج وتحضنيني ** من أرجع ألج بدمّي حنّينــــــــي
ييُمه وداعت الله == بكلبج هالله هالله
أمقدَّره الآجـــــــــال **طريقي درب الآمال
*----------------*
آنه بن الحسن يلماتعرفونــــي **حسين بكلبي ساكن نور لعيوني
صادق بيقيني وثابته ظنونــي **وين أهل الكفــرخلَّــي يلاوُنـــي
محـــلات المنيَّه == ويــَّه بن الزجيّه
وعيش بحبه رحّــال **طريقي درب الآمال
***********
هنيّالج يروحي حسين لملمنــي ** علآ صدره الشريف يضمني ويشمني
يعمّي الموت أكلّه وياك ماهمني ** دمع عينــه عليّــه حيــل يالمنــــــــــي
تعالوا للسفينه ** نمد ألكم أدينه
يامحلآت لوصــــال**طريقي درب ألآمال
******************************************************
((12) ((هم الفاكده))
**-----------------------**
علي علي علي ياعلي

دمع العين أدري مايرد الراح شبابك يمّه كدامي مسه ومصباح
هم الفاكده أيمر يوم بي ترتاح ** واويلاه عالاكبـــــر كليبي صاح
--------------------
ماتهجع الونّه ونوحي حن يمّه ** حزن يومك عنّي دهري ماضمَّه
وعدي بكربله لجمه بأثر لجمه ** غاب الكمر عن ليلي وأخذ نجمه
-------------------
عيني ماتنام ورسمك كبالي ** حال الظيم من بعدك صفه حالي
ظني تروح يبني اول وتالي ** الحزن والهم ظل بجفاك يبرالي
-------------------
نامت دمعتي والحزن لوله ألها ** بلجن تصحــه وتشوفك تكالبلها
ييُمّه الروح بعدك الألـــم سلها ** ترد للخيمـــــه وجفوفك تظللها
-------------------
دعيت الرد نظــر يعقوب بالبشره ** ورد يوسف أله وجازا على صبره
ردلي وليدي لأكبرروحي تنتظره ** عيونـــــي عليك مشتاكه ولو نظره
------------------
عنّــــــي تغيب يالب الكلب متعود ** وجداني وضميري بالبجي موعود
راسي بيك ظل عالي يعالي الزود ** ياشبه النبـي دمَّـك وفـــــــه لوعود
--------------------
ظلَّت حيرتي أدوِّر عله عيونــك ** وأحـــــــــلامي تدوِّر وين يلكونك
ضاع الامل من دامي يشوفونك ** روحـــي وكلبي ماكدرن يودعونك
*******************************************************
(13)) (( ياأم الكمر ))
ضحّتي يا أم الكمر ضحّتي الضلع الزجيَّه المنكسر وفّيتي
للجبد والمحراب**ظل الدمع سجّاب
---------------
عالراحو الله يعين صبره الكلبج
سهام الزمن الصاب بيهن جبدج
هذي علامـــات الوفه من طبعج
الجبـــل لاوالله ميضبر صبرج
مهظومه ظل كلبج يتانيه يعود**وفّاها بالطف كل هذيج لوعود
ما ترجع الغيّاب
----------------
ناعي المصيبه من وصل بأخباره
من عنده ردّتي تسمعين بشـــــاره
عن البطـــــــــــل سولفلج وبتَّاره
صوبين خلآها الزلم طشّـــــــاره
جازوارباج بروح وبجف وعين** هذا الوفه ألأم الحسن ولحسين
ولعلي داحي الباب
----------------
جان الكمر خــــــدر وستر للحره
غايته كلب أخته يفرحـــــه أيسرَّه
حاضر يكلها ألأمرج وتحت أمره
تلوذ الحراير وألأيتــــــــام بستره
شمَّر يمنته من وصل جرف الماي **الجفين تشهد أله اليوم الوفاي
ياجرح منَّه طاب
***************
ويَّه المنيَّــــــه تــــــلآوه عباس اليوم
وصولة يمينــــــه من يردها الجيدوم
بجفوفــه كف عن زينب هواي هموم
لمَّن هوَ أتلكاه حضن الزهره **دمعت فرح خليها تجري العبره
بالعمد راسه أنصاب
-----------
لعيون ظلَّت ناطــــــــــــره دربه يعود
شابك على صدره الضمه وماي الجود
كلب العطاشـــــــــــه أمأمله يرد ردود
روحــــه نذرها الاقصى غايات الجود
الربه ماضـــــــاع وسهر أيامج **يم البنين أتحققت أحلامج **حكه الكلب لو ذاب
**********************************************************
(14) صرخة الدمعات
*********************
دمعات العين من الحــره دمعات العين
تصرخ يحيين من الحره دمعات العين
من بعد عيونك يسبوني
بسوط الظلآم يضربوني
*****************
تصرخ دمعاتي المالومه عالجثّه الظّلت بالحومــــــه
متخضبه بدمها مهظومه من الماي وشربه محرومه
بسهام جروحه ملجومه يايوم الاصعب من يومــــه
من عالتل نادت جاوبني
دهري ياخوي محاربني
جمرات ودم تجري عيوني
-------------------------
تنادي يابو اليمه أنخيتك من كلبي وروحي حاجيتك
ترجــــــع للخيمه تانيتك أعذرني ياوالــــــــي جيتك
دوّرت عليك ولكيتـــــك مطعون بكلبــــــــك خلّيتك
أرجع بهمومي وحسراتي
أعثر من أمشي بدمعاتي
وي ليل أحزاني خلوني
---------------------
ماشفت الراحه بأيّامي أكبالـــــي ذبحوا أحلامي
زادن يابواليمه آلآمــي آخرهن توكــــــع كدّامي
مسلوب وعالغبره دامي ذبحوك بلا رحمه ظامي
وظلمَّت هالدنيه بعيني
وين اليم جدّي يودّيني
وشكيله أعداكم ظلموني
--------------------------
عله يساري أتلفّت ويمينـي جاوينه الحادي ويحميني
أسمع جفّينه أتحاجينـــــــي ياحرَّه خويه عذرينـــــي
براسي وبعيني أمصوبيني يازينب كطعوا حفّينــــي
أعذر جفّه وأعذر جوده
آنه أعرف عباس وزوده
كدروا هل الساع يسبوني
----------------------
حركــــــــوها خيامي الغدّاره أبقه بضعونك محتـــاره
ظل كلبي مستعره نـــــــــاره ودموعي عالخد تتجاره
هذا خدري هذا وهاي أخباره وي دهري ماترهم جاره
أبعينه الشامت عاينّــــــي
يضرب بشفاك ويهظمني
أتمنَّه وياكم ذبحوني
********************************************************

((15)) ((زينب الحوراء (( كعده))
**--------------------**
سيف الحسين ألّي أنتصر/ زينب الحوراء
هذا عهدها من النبــــــــي/ من يوم غرّاء
التاريخ بأسفاره كتب
الحرّه راوتهـم عجب
****************
زينب بكــل المعانــــي الصبر والقوَّه وشجاعه
عدهه من حيدر كرامه جذر يحمل من طباعـه
الكربله درست وضعهه عن يقين وعن قناعـــه
صبر الزجيَّه أتعلمته
تعرف بجيها وغايته
لحسين صارت كلته والمحاميَّه ودفاعه
شامخه بهيبتها تظل / مرفوعة الراس
هيهاتـــه فوك القمم / رايــــة العباس
لاجل صبرها ولاتعب **الحرّه راوتهـم عجب
****************
الكلب بركــــان غاضب والحمم جمرات ســـالت
عيونهه شمس الحقيقــــه بمنطق المنتصـر صالت
رددت صوت الرسالـــه عالظلــــــــم قُدرَه تعالت
آنـــــه بنت خير العمل
استصغره القدرك أجل
شتجاوبه للّي ســـــــأل جنودك عله حسين طالت
سلبوهه منَّه عمامته/ ذبحوه عطشان
وتلث ليالي بلا دفن / وغطاه تربــان
من حسين للدين أندب**الحرّه راوتهـم عجب
**-------------------------------***
اتعجّبت منها المصايب والنوايــــــــب عجّبتهن
ينفتح جــــرح وتخيطه وبكلبهـــــــــــا لملمتهن
أداوي لجروح بدمعها بالضلوع ألّــــي حنتهن
لحسين وصّاهه الصبر
بآخـــر نفس من العمر
وعليها ماطر الفجــــر والدواهي أحتاطت ألهن
كاصدها بسهامه الدر / لمّن رماهه
بمثلث وحرك الخيـم / تالي سباهه
بدموعها صرخة غضب**الحرّه راوتهـم عجب
****************
بكارثــه صبَّح فجرهه بدت بعده صور ترهب
كل ضمير وأله سعره أجتهد وأخطـــأ المذنب
جنــــود مِغبرّه شكلها بالضعن تنهب وتسـلب
عهدم عقيــده زائفه
للعتره أبد مامنصفه
للديــن رادت تنسفه منهو يسوه عليه نعتب
التمت أضغان الحقــــد / كافر وفاجر
التنزيل ذبحوا والوحي / باطن وظاهر
والدين بالطف أنسلب**الحرّه راوتهـم عجب
*************
عالعرش اسماء خطهن فرض طاعتهم علينه
أنبائيه وكــــــــل كُبتها بعلي بشــرت وبنبينه
أبتده الكون بكمالــــــه وهمَّه رُبـــان السفينه
سهم الحقد صاب الضلع / أبعصرت الباب
أتهدمت أركــــان الهدى / بطبرة المحراب
حته الحسن جبده وهب ** الحــرّه راوتهـم عجب
***************************************************

(16)) ((طاح اسقاي))
*************
طاح السقّاي وتبده الماي
من ضربة عمود الراس **جودك يـصــرخ ياعباس
*------------*
كفلتني يانظر عيني تراعينــــي اخوي الزود بيك أمأمنه يميني
ضعني والخدر عاهدت تحميني منهو الكال منهو الظن تجافيني
دومك وياي بأيدك يمناي
خدري أمأمن بجفوفك ** كلبــي ينادي ماعوفــك
طاح السقاي وتبدّه الماي
*------------*
أخذت وياك لوعة كلب وسط الجود وأطفالك تناشـــد عمنه يمته يعود
بنوا بين العطش والنهر خوي سدود شوكت بالماي لخيامي ترد أردود
أنته الحمّاي كافل ممشاي
بحساباتي الغيبه أطول **أعذرك والعذر مقبول
طاح السقاي وتبدّه الماي
*------------*
بجفوفك تلم الماي وتجيبــــــــــــه وتسكّت كلب مجروح ونحيبــــه
الجروح أمتانيه من جفوفك الطيبه لون مترد عليَّه مصيبتي مصيبه
انته رجواي لجروحي دواي
أرجع فرحّهه ظنوني ** وتذل كلمن لامونـــي
طاح السقاي وتبدّه الماي
*---------------*
تانينه ترد تطفّي اللهب تزكينه وعلى ردّتك تربي عيونهه سكينه
شنهو الاخّرَك عنّه يساقينــــه فراكك والعطش ياخوي ماذينــــه
ناري البحشاي دمعه بعيناي
جفوفك عالثره خلّيت ** مــاأعتب يالما رديت
طاح السقاي وتبدّه الماي
*********************
اعاين عالشــــريعه لواك ماشوفه ضميري وروحي صاحن طاحن جفوفه
جودك ماوصل للخيامي معروفه وفّيــت وكفيــت حســين بطفوفــــــــــــــه
ظلمَّت دناي ماشفت لواي
خويه يمينك تانيتـــه **خدري أيتاني خليته
طاح السقاي وتبدّه الماي

************************************************************
(17)
((ماتهده لوعاتي)
لجروح ماتشفه والدمع ماكفَّه من فكد الاحباب
ليل الحزن مرني بفراكه مرمرني عنَّي الكمر غاب
ماتهده لوعاتي ** وونين حسراتي عنّي الكمر غاب
**---------------------------**
يون كلبي أيحاجي روحي وروحي بالحسره تونله
والحنين دموعـــــه سالن ونظرت عيونــي تحنله
غاب عنّي وما رجعلـــي من أبـــــــــواليمه أذنله
بجود العطش لمّن كصد
لسكينه يوفــــــي بالوعد
زمجر عله أعداه ورعد خط نواميسه يســـــنله
ماتسكن اللوعات ماتبرد الحسرات منهه الكلب ذاب
مايرد ياروحي ويداوي لجروحي جرحي فلا طاب
من نار حسراتي ** وونين حسراتي
**---------------------------**
تربي لعيــون اعله شوفه وجوده شايلهن متونه
يرســــــم البسمه بوجهنه ونفرح وتفرح ظنونـه
نرتوي من العطش نشهد لو نظرناهه عيونـــــه
هيبه وأمان من الدهر
لوحاطنـــــه مُرالاَمَر
مانحس لحظه بالخطر عهد عنده ومايخونه
لو طوَّل غيابه ننتظر بعتابـه شنتلكـــه الباب
الصبر ينتظره أيفرِّحه بالبشره منكصده بعتاب
ماسمع صرخاتي ** وونين حسراتي
**---------------------------**
ها يزينب كال كلبــي وين أخوج الساعه وينه
وناشدتني الروح عنَّه خل نعذره مايجينـــــــه
مانظن عباس ينسه ومانظنّــــــــه خله بينه
جاوبت عينـه ألّي أنطفت
أعتذرت الرايه من هوت
جفّينه منّــــــه أتكطّعت الوفـــــي رباته العلينه
رايه بعد مترف وتصوَّر الموقف داروعلينه ذياب
لايسرته ويمناه بدمعاتنه نتنـــاه أندبك يبو تراب
أحضر معاناتي** وونين حسراتي
*--------------------------------*
يمنته أتهم أعلــــه سيفه وعالعلم يســراه تنشد
وجود يبجي عله مايـــه عن خيمنه ليش مبعد
وعينـه لنصابت عمتني ياعمود الخيمـه يسند
كصدوني بعنون الخجل
من رجعته ماكو أمـــل
خدري صرخ آ يالكفل تروح عنّي وبعد مترد
ياحيرتي بحالي والحرم وطفالي عباس من أنصاب
نار الخيم شبّت والرايه ماردَّت حتـــه الكلب شاب
وتمرني حسباتي ** وونين حسراتي
**--------------------------------**
عالشريعه ظــــــل مناره باب حاجه ألمن كصدهه
يرد حافـــــظ ماي وجهه بحاجتـــه جفّـــــــه يمدهه
صحنه جنّه وبيها حاضر بكيفه يكطـــع من وردهه
درب المودّه واصلـــــه
بحبه حظه بهل المنزله
جفّينــــــــــه تتلكاه هله يعيش بالجنَّه وســــعدهه
واليدخل الجنَّه أبكيفه يتمنَّــــــــه ويرتقي بالاسباب
معناة قر العين عباس ويَّه حسين وِد عترة الاطياب
ردّدوا هيهاتي** وونين حسراتي
******************************************************
((18)) ((يمته ترجعون))
*************
أبقه أنا والدار أنتانـــــــي اليمرّون** بليلي ونهاري أحتار تتصبّه لعيون
يمته ترجعون ** يمته ترجعون
**--------------------------**
غيبتك ماي العين طالت عليَّــــه ** أنتظر يوم بيوم أترجّـــه جيَّـــــه
داري ينوح وياي يبن الزجيــــه ** ودموعي صبَّن نار صُح ومسيَّه
يمته ترجعون ** يمته ترجعون
**----------------------**
أرجعلي خليها تفرح سنيني ** تمسحها للدمعات ويهجع ونينــــي
الكلب ماينساك يمته تجيني ** أسأل وكولن ياوكت تنظرك عيني
يمته ترجعون ** يمته ترجعون
**------------------------**
فركاك مامر لاخطر يوم أعله بالي ** ظلّيت أتاني طيوفك أتمر بخيالـــــي
يالرحتوا عفتوني بس همّي صفالي ** من وجهك المهيوب ظل الدار خالي
يمته ترجعون** يمته ترجعون
**------------------------**
شحسب وعد أيام عمري ألّي عدّن ** مصايبـــــي بغيابك فوك الراس هلَّن
والفرح والاحـــلام من عندي ولَّن ** من كربله وطفها خاف عيوني يعمن
يمته ترجعون ** يمته ترجعون
**---------------------------**
تبقه تنوح وياي يانجمه أعدهه ** ويّاك أخذت الروح بأيدك تردهــــه
قسمتي هذا اليوم ,أيامي حدها ** فوك الجبين أنكتبت وأسمك وعدهه
يمته ترجون** يمته ترجعون
**--------------------------**
أرجع ونزرع دربك ورود وريــاحين ** يحسين تدري بينه بمحبتك مجانيـن
كاصد بيومك للقمم ترفعه للديــــــــن ** نبض الكلب أنته تظل والشوف بالعين
يمته ترجعون ** يمته ترجعون
****************************************************************

((19)) (( مصايب كربله))
*********************
مصايب كربله لمَّت مصايب** حبايب بيها وادعنه حبايب
كلبي باقي مفجوع** ليلي ونين ودموع
حبايب بيها وادعنه حبايب
*********************
دنيه بالفواجـــع تلم وتجيب ** ذبح حرك الخيم تسليب ترهيب
بليلي والنهار أكظيه بنحيب ** وجروحـــي أبد ماتشف وطّيب
ذايب الكلب بفراكه ذايب ** تايب مايعاتب دمعي تايب
حسره أبين لضلوعه** ليلي ونين ودموع
حبايب بيها وادعنه حبايب
*********************
ادير العين وحدي مالي والي ** غريبه صرت ظيمي بجه الحالي
صفه دار الامامه اليوم خالي ** صباحي جفه ومخيمه الليالــــــي
شايب راسي حتّه الكلب شايب ** لايب يظل من احزاني لايب
الفجر ماشوفله طلوع** ليلي ونين ودموع
حبايب بيها وادعنه حبايب
*********************
عليل البقه من علته يعانــي ** بهمَّه مانسيته ولانسانـــــــــي
حِمَل ويّاي ظيم ألّي لفانوني ** لوعباس حاضـــــر جاكفاني
غايب ياكمر عن ليلي غايب ** عجايب مرّت عليَّه عجايب
شبكهه الغبره بخشوع** ليلي ونين ودموع
حبايب بيها وادعنه حبايب
********************
محرَّم ماجزتنه أيام عشـــــره ** كل لحظه التعدّي نــار كبره
بنيني وخوتي أمشابكه الغبره ** وعيونــــي دمعهه دمه وجمره
الغرايب حنّه دم من الغرايب **الكتايب طفوا شموعه الكتايب
وبالاكبر كلبي مفجوع** ليلي ونين ودموع
حبايب بيها وادعنه حبايب
*********************
خذوني بحيرة ضعوني والآلآم ** سبوني بصرخة ودعات الأيتام
بدرب مابيه نجمة ليل لانـــــام ** وي عين الشماته وصلنه للشام
النوايب دولبن حالي النوايب **خايب يادهر وياي خايب
صبري مفصله دروع ** ليلي ونين ودموع
حبايب بيها وادعنه حبايب

**********************************************
((20))
((مالومه مالومه))
******************
مالومه مالومه ** يوليدي مالومه
والكلب يعجن حنتك
بدمعتـــــــي مالومه
*************
تدري بالكلب صـــــابر**عيني تعاين الطولك
رحت عني يماي العين**عني شراح يحجولك
خلـي اتسولف الدمعات**وآهاتــــي شيكولولك
عفتهه هامَــــــك ألياهم**وعن حالتي يشكولك
مهضومه مهضومه ** راح ابقىه مهضومه
لاعيني شافت زفتك ** راح ابقىه مهضومه
**************
اعاين وجهـــــك بنوره **واتنومس بهذا الشـــــاب
ماحسّب يجـــــي فد يوم**كلبــــي بين اديـــــه ذاب
يكبر الجـــــــرح بعدك **لاطب ينفعـــــــه ولا طاب
واشوف كبالي صولاتك**واكول ايمين داحي الباب
محرومه محرومه ** وعيوني محرومه
مشتاقه تبقىه الشوفتك ** وعيوني محرومه
**************
الك يبن الحســــن زفه**وهودج عرسك احزاني
خيلي صور المنظـــر**شموع وحنه بصوانـــي
تشع بنورهـــه الوهاج**كصدهه القصي والداني
لن ذبحو فرح عمري**ييمه وبده حرمانــــــــي
بالحومه بالحومه ** العرس بالحومه
سيوف المنيه وعدتك ** العرس بالحومه
************
بعد ياأمل يبقالـــــــي**حسره ونوح ضل المك
اشوفن نحرك الدامي**وصارت حنِّتك دمـــــــك
مااكدر اتعنـــــه عليك**ولااحضنـــــــك لاشمك
اطفي شموعك بدمعي**وأضل بلوعتي بهمك
ملجومه ملجومه ** فرحتي ملجومه
من المنيه اخذتك ** فرحتي ملجومه
************
على كل فاكده يصعب**منهه يــروح من ربت
سهر تعب الربه تتنــاه**منه شحصلت وجنت
رمش العيـن جان دفاه**حقهه بيومه لوفرحت
ياأم بالعرس مثلــــــي**بدم وليدهه اتحنـــت
من يومه من يومه ** واعدته من يومه
يبني اتضحي بمهجتك ** واعدته من يومه
*************************************************

((21)) (كعده) ((شيوخ الناصبيه))
*********************
شيوخ الناصبيه**عقيدتهم الاجرام
منهجهم الكفير**عقول بلايه تدبير
عقيدتهم الاجرام
****************
غيرو نهج الرســــــاله ** والسنن الاحمديــــه
الله ماكال ورســـــــوله ** وبالشرع ماسن اذيه
اسسو حقد السقيفـــــــه ** تبعوا ارذال آل أميَّه
زرعو الشوك بكل درب
واعلنو عالعتره الحرب
بالسيف والسم الرعب**حاربوا هل الحميــــه
جرم الوهابيه **حرف دين الاسلام
ذبح تسليب تفجير** عقول بلايه تدبير
عقيدتهم الاجرام
****************
للامم تاريخ شــــــــاهد ** ومنهم وبيهــم اليشهد
ذاك يعبد صنم بـــــوذا ** وهذا يعبد شاب امرد
واحنه شيعت علي نبقه ** عالعهد شـــــــماتجدد
ارباب عد بلاحصر
عين الضلاله والكفر
بعقله يلاكاله عذر **ابمحشر الواحد الاحد
ليل الحراميه**يشوف الصبح اوهام
عدنه هاي مصير** عقول بلايه تدبير
عقيدتهم الاجرام
**************
جنّد الشيطــــان ربعه ** عله عقول البشر سيطر
فسَّــــد الآمـــــال بيهم ** والضغينه وحقد فجــــر
بالاشاره تجي تركض ** وضيع عليهم المعبــــر
حضّر شياطينه وخسر
حاول ويانـــــه ماكدر
حب علي عدنه المستقر**ويانه بالاشدات يحضر
بليس وال اميه**تتباجه عالأصنام
امعطله التفكير** عقول بلايه تدبير عقيدتهم الاجرام
****************
من البدع والفتن احذر ** بيهه لا تعثــــر و تهوه
ابقى ثابت يا موالـــي ** واعرف الدنيه متسوه
التزم درب الحقيقـــه ** والعهد عنــــــدك بقوَّه
اليحب روحه مو أله
والراد بيهه منزلـــه
يتبع طه وكـــل هله**وللموده انروح فدوه
شيعه حســـــــــينيه**لاماهبنــــه ظلاّم
خلي الناصبه تحير** عقول بلايه تدبير عقيدتهم الاجرام
****************
عدنه حب العتره واجب ** وكلمه الهيهات مبدء
دنيه بيهه الضيم حاكــم ** يـوم يوم وبعد اسوء
والنواصب طغت بيهه ** علـى دين الله تجرء
ذبحون ياخير العمل
فجرونه ذبحو للأمل
ياعلـــــي بيهم الخلل**واحنه منك فلا نبرء
شعاتبهه الايــــــــــام **أبدمعات الايتـــــام
عله الكل غصبن امير** عقول بلايه تدبير عقيدتهم الاجرام
**********************************************
(22) ((وين الرايه))
**************

وين الر ايه وين الرايه ** زينب تندب وين الرايه
وين العباس وجفينــــه ** والرايه أترفرف بيمينه زينب تندب وبن الرايه
*********************
من يوم العاشر هل صبحه ** وعيوني اتعاين لخيامي
أترقب كــــل موقف مرني ** وبكلبي ألتمت آلآمـــــي
ضعني بحيره وحالت دهشه**وبعيني أسودت أيامـــي
وجيوش الكفـــــــر الملعونه**بأحقاد اصطفت كدامـي
من يحميها من يحميها ** هاي ضعونه من يحميها
أيكعبنه زوده ويحمينه ** والرايــه أترفرف بيمينه
زينب تندب وين الرايه
******************
خدري عن حالك ناشدنــي ** ماأمّن بالدهـــــــــــر أيخافه
نتحامه بكـــــــل ذرّة طيبه ** عباس أعرف طبعه أنصافه
من حيدر ماخـذها دروسه ** ومتجمل من كــــل أوصافه
تراعيـــك جفوفه وترعاني ** من فضل البـــاري وألطافه
ماجافيهه ماجافيهه ** ضعن الخدر ماجافيهه
يرجع يسترنه ويروينه ** والرايه أترفرف بيمينه
زينب تندب وين الرايه
******************
جيش مسلح غيــره ونخوه**مملـــي بالايمــان صدوره
وجيش بلارحمــه ولا ذمه**يرسم يوم الطف اصدوره
ماحاربناهــــــــــم وبدينـه**سعد البادينــــــــه بغروره
ارسل سهمة واعلن حربه**وبانت اضغانه المستوره
من باديهه من باديهه ** بأرض الحومه من باديهه
اتحزم بتاره حادينه ** والرايه أترفرف بيمينه
زينب تندب وين الرايه
*****************************
من هم والفرحه بعيونه **عباس الهل الفرحه اتحضر
عن شــــماله وعنايمينه **من صولاته اتفر ماتكـــــدر
عباس الطب بيده الرايه**لو كرار برايــــــــــــة خيبر
تتلابد من ضــربة سيفه**يمينه ماثنه لو كبَّــــــــــــــر
رد ماضيهه ردماضيهه ** بالطف خيبر رد ماضيهه
حاضرنه زوده وماضينه ** والرايـــــه أترفرف بيمينه
زينب تندب وين الرايه
******************
رد بالماي اتعنه اخيامــــي**والخطوه بخطـوه يســـــابكهه
حاضن جوده بين ارموشه**بالماي أحلامـــــــه ايلاحكهه
كطعو جف منه وضل عزمه**وكطعو جف ثاني ايشابكهه
وبعامود الراس اتهشــــــــــم**والراس القمـــــــه ايعانكهه
هم ساقيهه هم ساقيهه ** دمع اعطاشه هم ساقيهه
مارد معذور ايرد بينه ** والرايه أترفرف بيمينه
زينب تندب وين الرايه
**********************************************
((23)) (( احقاد السقيفه))
**----------------------**
أجت عالدار احقاد السقيفه ** جابت نار بجفوف الخليفه
بعد بالاول وثاني ** بيهم يارجه أنتاني
*---------------------------------------*
المنافق من تأمنــــــــه ** طبعه خوّان الأمانــه
اذا واعد وعـــد أخلف ** عُمره ماوفّه بزمانــه
والجذب عنده ســـجيّه ** وشيمته غدر وخيانه
بطن السقيفه جابتــــــــه
بصدر الضغينه رضعته
للغدر يصلح شافتـــــــه ** أتسلّط بكرسي المهانه
نسه أسم النبي ودينه وشرعه ** ألأصله رجع من حارب البضعه
تنادي هاي أحزاني** بيهم يارجه أنتاني
*---------------------------------------*
افته ألأول بدعه صارت ** خنجر بظهــــــــر النبوَّه
أخذ منها فــــــدك حقده ** بكلب خالي من المروَّه
شلون منّه هبل يوكـــع ** والمناة كبالـــــــه تهوه
الراد السياسه مو شرع
بالله أســـــــلك هم ورع
وبتدت تضحكله الربــع ** واللزجيه الدمع سلوه
على أم الحسن يحسب الدمعات ** بدمعهه والحزن فرحت الشمّات
حرامي الشيخ علماني ** بيهم يارجه أنتاني
************************************
للحقيقه وجـــه واحــــد ** مثل عيـــن الشمس وضحه
أشتروا أقــــــــلام كتبت ** من اليريد الذل