خالد الحجار
مشرف
 عدد المساهمات : 272
نقاط : 5481
السٌّمعَة : 102
تاريخ التسجيل : 12/09/2011
 |  موضوع: خالد محمد مهدي الحجار// ديوانواحسيناه من (20الى32))  2013-08-01, 03:07 | |
|
(20)) (( يارضيع)) **************
يارضيـع** من نحر سهمك صريع
عالبعـــاد**وني زاد** يارضيـــــع
**********************
يدري ابوك حسين ماضلي سواك **يبنيمن ابعدت عن عيني خذاك
حرمله ابسهم المنيه من رمــــــاك**خله دمالنحر من حـــره ݘواك
يارضيع **ياطفل مثلك وديــــــــــــع
لاأمــــان** ابهل الزمان ** يارضيع
--------------------------------
عذبت روحي والگلبــــــي خذت **راح تعبي وسهر ليلي ألي اسهرت
صواب نحرك يمه بعيوني شفت **دم سبح لگماط بيــــــــــه أتگّمطت
يارضيع ** يتعطر ورد الربيـــع
المتنـــي **وفجعتني **يارضيع
----------------------------
سالم حسبتك يعبد الله تـــــــــــــرد **بعد روحي جفاك ماردني مرد
ضلوعي ݘانت غطه تحميك البرد **بعد بطّلت الرجه وبطّلت أعــد
يارضيع **رحت خليت الجميــــع
بالالــــم ** الدمع دم ** يارضيع
-----------------------------
عله مهدك من الولي دمعتـي**دم تصب ياروحي دم من مهجتــي
يعبد الله من يّانس وحدتـــي ** ومن يواسيني عليك ابشدّ تــــــي
يارضيع **ابجفاكم انه اضيــع
لاربـــاي** لاحماي**يارضيع
-----------------------------
علمتهه العين عالنوح ودمــع**مصيبتك صعبه عليّ ماتنجـــــــرع
جنت افّـزالليل وحنيلك ضلـــع**وصدري يفرح وعلڰ العشره شمع
يارضيع **بيك جازوه الصنيـــع
دم نحر ** صّدر در ** يارضيع
***************************************************
((21))
اسم القصيده ( جيناك يامظلوم)
**********************
جيناك** جيناك يامظلوم
جيناك **جيناك يامهظوم
---------------------------
شيصبرنه على فرگاك ومصابك**يظل النوح سلوه الگلب بمصابك
تجيك الشيعه زوار وتدگ بابــك**تشيل همومه من توصل اعتابـك
بحماك ** بحماك يامظلوم
****************
علينه البدع يابو الوفه من ردَت**حــرگت أخضر ويابس أوماخلَت
فتاوي ابلا ضمير شيوخهم أفتت**مثل اللآت والعزى اشكثر ظلَــت
اعداك ** اعداك يامظلوم
*****************
حرب سنين علنوها علينه اردود**وصار ابليس الهم ربهم المعبود
حقنه وبين باطلهم بنو لســـــدود**يظل نورك يشع من كربله ياطود
ننخاك ** ننخاك يامظلوم
*****************
المصير وياك وبحبك فخر النــــه**لان يحسين انته الدين والجنــّه
بشعائر ثورتك تصدح حناجرنـــه**تنادي اگلوبنه حسين بضمايرنه
لولاك ** لولاك يامظلوم
*****************
عواصف ال اميّه والوهابيـــــــه**كلها سموم تنشرهه الفضائيــــه
وكل الناس اتشاهدهه يوميـــــه**وصبح يظهر علا ليل الحراميـــه
تنساك ** تنساك يامظلوم
******************
ايد ابايد حته الجدم لو يدمــــــه** بلا خوف الدرب نمشيه وبهمّــه
يبو السجادعِدنه زيارتك نعمـه **تعرفه للموالي الصادق الكلمـــــه
اتعناك **اتعناك يامظلوم
******************************************************
( وين الفرق) ((22))
********
نبي الاسلام والقران يجمعنـــــــه
الفرق جاوين بين الشيعه والسنه
يلّه نسعه للتغيير ***** خلنه نبعد التكفير
***********
تعني السنه ملتزمه ابدرب طه**وعله نهجه او وصيته يكون ممشاها
لكن اللّعب بالنـــــــار ووطاها**ابهايه فعلتـــــــــــــــه موسنّي معناها
نبيّ الله ابعترته الناس وصاها**سفينة نوح تــلم امّتـّه ومنجاهــــــــا
خل نصعدها آني وياك
وأنته حماي واّني حماك**واحقاد الاعادي لاتفرقنَّه
************
للحج ماخٍلق رب العرش بيتيــــن**ولاخله البني آدم اگلوب اثنين
خلق جنتين او من دونهن جنتين**وللعنده عقل جاعــل أله دربين
سراط الله ابد ماينفسم نصـــــــين**تعبره والله بس الامنت بحسين
ائيدي ابئيدك اعله الحگ
للسبقونه خـــــــل نلحگ**وحق الله ورسولهٍ هوَّ هل المعنه
**************
يريد الدين منه اليوم وحـدة صف**وعلي درب الشهاده ونصرته نصطف
مثل انصار ابو السجاد يوم الطف**گبـلك روحـي انصحـه لنتخـــــــــــلف
يامحله الاخوه ويـــاك ݘف ابݘف**تدري بالارهابــــــــــي عنّه ابد ماكف
يذبحوك ويذبحوني
يفجروك ويفجروني**گلب اعله گلب خل نعبر المحنه
************
كل هاي المذاهب كعبه وحـده اطوف**وأشياع الكفر ناكـــــره للمعروف
ريت العمه ابعينه الماعرف ويشوف**الراية عز اهلنه حسينه موصوف
دم ورگاب ضحَّينه ونطينـــه اݘفوف**تعال اويانه مشّايه رغــم لظروف
تواسي النبي ابخطواتك
ومشكور ابمواســـــاتك**ابعالم نور تحيه وجنّه تتهنّه
***************
حاݘيها النفس شتريـــد بالتحديد**واذا طوّعت نفسك هذا اجمل عيـــــــد
حته ألعنَّه ابو السجاد ݘان ابعيد**بده الخطوه أويه نفسه أوبده يوم جديد
سمع صوت الحقيقه وكلمت التوحيد**أبد والله ماننسه ومحبته أتزيــــــد
ابو اليمه حياة الدين
لشفاعته محتاجيــن**اخي كافي لفراگ اشگد تباعدنه
***********************************************************
((23)) (( لأي ذنب))
******
لأي ذنب قتلونا**وروعونا اسرونا
جسم مسلب**والنار تلهب**اسرونا
*******************
أرد أسأل الحاضر الطف عن حسين**هم عندك أويا مغرمه او عندك ديــن
وأرد انشد الحــــرم عباس الݘفين**والضرب راسه والطفه ابسهمه العين
الله اكبر انتوا ياملــــــــــــه أو دين**ألكربله اگصتوهم بسهام البيـــــــــــن
ابقيتموهم اجسادا**للّله صرتوا اندادا
قلب تعذَّب**والنار تلهب**اسرونا
**********************
ماقدملكم نصحه أو أبره ذمتــــــــه**ياشمر ياأبن سعد معرفتـــــــــــــــه
شربة أميه مانطيته اذبحتـــــــــــه**حبل الموده والرسول انكرتــــــــــه
حته الجليل ابقدرته ماهبتـــــــــــه**لاعهد راعيته أولا دين احفظتـــــــه
ماهذا قلبٌّ لايخشع**العين منك لاتدمع
اضحى مخضّب**والنار تلهب**اسرونا
***********************
بهومي امسه والگلب وســـط جراح**لاصبح بينه اليوم عاشر مصبـــاح
من اعزاهله وصحبته خذتوا ارواح**ايمر النسيم اعليها ابطيبـــه الفوَّاح
تبقه الحقيقه نور ساطع وضَّــــــاح**حيّا على خير العنمل والفــــــــــلاح
الحق عهد يتجدد**يصافح كفَّ محمد
ويبقى اصلب**والنار تلهب** اسرونا
*****************
ياشيعه من يراعيني ابوحدتي**ومن بعد عينه يگدر ايسِّد خلتي
تدرون ليش اّنـه جرت دمعتي**ولياسبب من دمه اتهل مهجتــي
بس الونين ايواسيني ابغربتي**وترضوها بخرابه صفت گعدتي
لارض غدر اخذونا**وبالحبال قادونا
وكل اصعب **والنار تلهب**اسرونا
*****************
النار ابخيمنه تسعر واطفاله**عالوجه بالبر شردوا ابياحالـــه
هذا الذي يتݘوّه اخيّه أگبالـه**أو واحد يموت ابهجمت الخيّاله
ونسوانّه اتلملم بگت بعيالــه**ولاݘف ينشّف دمعتي الهمّالـــه
وناظرالحال يشمت**والكبد حرّى تتفتت
الروح تنحب**والنار تلهب**اسرونا
*********************
أوديعه عفتها جثته للمظلــــــــــــــوم**يل اللايم أترجاك دمعــــي لتلوم
تلهب حرارة حسرتي ابروحـــي دوم**وعيوني ذبلانه أوجفاهــن النوم
اسمه بحروف النور ابعرشه مرسوم**ويوم اليظهر وعدنه ويّاه انگوم
لبَّك نادوا مهدينا**للطف جند سر فينا
هيا تأهب**والنار تلهب**اسرونا
**************************************************************
( الوداع الاخير) ((24))
=====
ابو اليمه واخوتي الليله ودعوني
باݘر بالمعاره تغمض عيونـــــــي
**************
انشدك بالله يامصباح لاتطلـــــــــع**احس ابكل اخوتي بيك تتصرع
وظل او حيده ويَّه العيله اتوجَّـــع**منِّي اتروح والعدوان يسبوني
**************************
اظل منك اعاني ياصبـــــــح اّلام**عليّه أنته ترد بأحزانها الايـــــام
كل يوم اليمرعيني ابدمعها اتنـام**يزيد وجيشه ملتمين ياذونــــــي
*************************
شلي بيك يامصباح وبطلتّــك**على راسي المصايب تصب من جيّتك
ظلمه هلّتك تگبل او اّخرتــك** وعگب الناراعدانه يسلبونـــــــــــي
***********************
من يوم الزݘيه ودمعت الهظـمه**أون للساعه وندب اّه يايمّـــــــــه
عله شفافي ابد مامرت البسمــه**أوأعز الناس من عدهم يحرموني
**********************
بسهام المنايه كل هلي تگظـــي**ولهيب افراگهم وسط الحشه يلظي
نصيبي وقسمتي ويَّاهم اوحظي**بعد عيونهم للشام ودّونـــــــــــــي
********************
مر يوم الفجيعه وضربة المحراب**ياجرح ألينام ابضلعي ابد ماطاب
هم افرح وگولن عادوا الغيّاب**يأيام الحزن لتمرَّن انسونـــــــــــــي
*********************
رجع سم الحسن أعلينــه بهمومه**وظلت ݘبتدتي اتعانــــي مالومه
اليالي اعله هلي جارت ومحرومه**شگل للراحوا من آئيدي يتانوني
******************************************************
اسم القصيده(العهد والوعد )) ((25))
===================*
اجاني أودگ عليّه الباب يوفينــي
ابݘفَّه أوياه كفيلي وديعه يحميني
الوصي وصّاه**اروح أوياه **حادينه
*****************
گبل سنين ماناسي الوعد عنــــده**يباريني ابرحلتي أبجاله وبسدَّه
حده ابضعن الحراير گاصد المجده**مثل حيدر تلين الݘفَّه كـل شدَّه
نصب لخيام بيده وكلي عد عيناݘ
مدام الروح بيّه امري واّنه حماݘ
بذل جهده**وفه ابعهده **حادينه
*****************
وجوده اگبال عيني هيبته وفخري **أورمشة عين مااحتارهـا ابامـــــري
أمان الخيمتي العباس ولخـــــدري**ابحنان ݘفوفه يمسح دمعتي التجري
ألأمان بسيفه ويمينه يبارينه
وله ابعازة كل حاجه يخلِّينـه
ماننظام **ابفيّه انام**حادينه
****************
يوم العاشر اعلينه صبح شـــرّه**وشوف اطفاله والنسوان متگدره
نشوف الينطعن والمنگطع نحره**ابصرخات العطش نادتني ياحرّه
يعمّه الماي ݘاوينه يعمّــــــــــــــــه
أوراعي الجود وينه أوين ابو اليمه
وين الماي**والسقاي**حادينه
****************
رخصله حسين جيب الماي لعيال**اطب المشرعه گلّه ولابالــــــي
واملي الجود بالفرحه ألاطفاــــلي**طاح وما رجعلي وحزنت امالي
عامود الخيمه طاح ابطيحة الرايه
حته الجود يبݘي من فرغ مايـــــه
نطه الݘفين**سهم بالعين**حادينه
*************
رجع محني الظهر من طيحت عضيده**وعاين صدره سابح بالدمه وأئيده
العمر من بعد ه ناداني فلاريـــــــــده**الحزن واّلامي للشامت صفت عيده
انكسر ظهري يزينب گلي لحگيلي
اتݘَي الهمݘ وانتي تتݘيــــــــــلي
حيلي راح**خدري صاح**حادينه
*****************
ماخلوا علينه خيام تسترنــــــــــــــه**ماقبلوا دمعنه اعليه يصبّرنـــــــه
صحت وينك يراعي الجود احضرنه**تعال الضعني والايتام دبُّرنـــــــــه
حرت ياهو الأرضِّيه أو اسكتنّه
كل لحظه ألي ويّه الضعن محنه
أسيره الروح **گلب مجروح* حادينه
****************************************************************** رجوع العقيله مع السبايه يوم الاربعين ((26))
*********
ردّت زينب اليوم ** مهظومه وحزينه
من جور آل أميّه والاحقاد الدفينه
************
ردت بگلبها *ونّه أبأثر ونّـــــه** مالومه مهمومه *تصرخ يلكفلنـــــــــــــــه
ݘاوينه تگلّه * گبرك بعد اهلنه**وعدك تريده وترد بيها للمدينــــــــــــــــــــه
**********
من عگبك خيّمنه *صارن يلولي أرماد**بالجامعه أمݘتّف *عليلك يبو السجاد
الخوف بضعنّـــه *من زمرة الاوغــاد**اتنادي عگب عباس ابو الغيره أنولينه
*******
من عااصبر يگدر *يصبـــــر عله مرّه**يتحمل مصايب ** بس زينب الحـره
للجثَّــــــه اشبگتها*وگامت تشم نحره * وشافت سَحگَت الخيل عالصدرك ياولينه
************
حگها لوشكتلــــه *هظمها من الجراله*من يسّروا ضعنه* ومن ذبحوا رجالــه
گلب أنمله بآهات *من گطعوا وصالــه*مايهجع دمعها وگلب مابطّل ونينــــــــه
*********
خذوها بظلمت الليل *بهل المحنه العصيبه *ماواحد رحمها*الله شمصيبــــــــه
والديـــــرة الشمّات *أخذوها غريبــــــــــه *عافت الجثث وتنادي ياخويه أنسبينه
*******
گوّه تعت بالروح *الحيل أنهدم يحسين*لاسكنت الونّات *أوݘل النظر بالعيـــن
وبمجلس الطاغي*عنها ابو الفضل وين*منّه الرايه طاحت لايساره ولايمينه
*********************************************************
(27)) (( من تلكّاهه))
************
كربله عليَّه يرد ماضيها عيني دمعات الحزن صبّيها
منها بدت أحزان** وبغربة الاوطان
*-------------------------------*
مثل هذا اليــــــوم ناخت ضعون أبو اليمّه بطفها
بدار غربه وليل موحش للخيـــــــم عباس صفها
نصاره وحبابه حرسنه وجـــوه مستبشر لطفها
كل واحد وعنده عمـــل
لامر ابو السجاد أمتثل
للرايه عيَّن والمحــــل ** هالأشاوس قل وصفها
الفجرحيطه بيَّن بأحزانه ومشه الموت بخطوته ويّانه
وبحالة الحيران ** وبغربة الاوطان
*-------------------------------*
الموت واكف حاد سيفه يعد كل لحظه طريقه
بالسهم لو نــــار تحرك وسيفه بالطف الحقيقه
بالحجر يرمي ورماحه بالدم أيصدق الوثيقــه
أنصار ابو اليمه علــــم
عدهم معاني أغله القيم
وحبهم مناعه من الألم ** الموت لاشدَّه وضيقه
بروحه كل أرواحهم مرهونه وبمحبته كلوبهم مجنونه
بالتقوى والايمان ** وبغربة الاوطان
*--------------------------------*
عيني تنظر حال ضعنه كلبي لايج كـــــــل مسيَّه
شلون باجر لو يصبّح وتكريب علينـــــه المنيَّه
ما يظل من هلي والي الخبر عندي من الزجيه
أدري بخوي ونهضته
للدين يبذل مهدتــــــه
أيثبّت أساس الامّتــه **ويروي من دمّه الوطيه
ياعفه كلبي شيحمله للألم جور دهري وسطوةه حيلي أنهدم
تاليها بالخسران ** وبغربة الاوطان
**************************
شلون باجر لو تخيَّـــــر الموت بسهامه ورماها
وعافني بالغربه وحدي والحزن عينــي عماها
وحدي بين الخيــم أفتر الخوف لعياله ولاهـــا
وآنه العزيزه مخدَّره
أصبح ومسّي أمكدَّره
وأخوتي كلهم عالثره ** ناري تسعر من طفاها
عليَّه حرَّم شوفته ووداعه النوح والون مانسيته ساعه
بوسط الكلب نيران ** وبغربة الاوطان
*---------------------------------*
الصبر منّــــــــــــــي تعلَّم وطاوع احزانـــي النوايب
صار ينعي ودمعي جاري دمه من فكــــــــد الحبايب
وذاك بيتي الجان عامـــر بكربلــــــــه خلوا خرايب
أخذونــــي مجتوفه بحبل
ظهري أنطوه من الحمل
وكفتي بمجلس النــــــذل** هاي من عُظم النوايب
بعد شلِّج كربله ويّايه منَّج اخذوني بلا حمّايه
أرجع بلا خوّان ** وبغربة الاوطان
************************************************
(28))
(( النبي محمد صلى الله عليه وآله وسلم ))
**-----------------------------------**
يانور الباري وآياتــــــه ياموعود بكل رحماته
ياكوكب درّي يشع نوره ورايات العز المنصوره
باموعود بكل رحماته
-----------------
رحمه وهدايه للبشر نورك عله الدنيه ظهر
صادق أمين بسيرتك ياوفي وبنهجك عِبر
بالدعوه لمَّن جاهرت بصبرك تواجه الخطر
والباري أيسدد خطواتك
عز الاسلام بصولاتك حافظ دين الله وحرماته
--------------------
بنورك زها وجه الارض ونفتحت ابواب السمه
من كلبك يفيض العطف والناس أجتّك مسلمه
للمسلم تحفظ حرمته قائده صرت وملهمه
نصعد سفينتك رحمتك
انت شفيع الامّتك بجاهك عطف الله ومرضاته
--------------------
سيف الباطل جان اليحكم والمتسلّط حرب وعتبه
وأصنام الشرك المعبوده تسلب كل ح من الكعبه
وها الارباب المصنوعه جانت بدعه أتقربه الربه
بدر وأحد هيّه الفصل
بصفين والطف تتصل والاسلام تحقق ذاته
-----------------------
ياأعظم خلق الله بطبعك ولسانك ينطق بالحكمه
للناس أتبلغها وصيتك تلقي الحجّه أتّم النعمه
حبل الله اليتمسك بيهم القران وحيدر نعمه
لاكن خانوها الغدّاره وناس تريد تعيش بظلمه
أول غدر بحق العتره
سلبو حق حيدر والزهره بالظالم تدري وغاياته
---------------
ياهادينه أشسوّت بعدك الامَّه البسمك مرحومه
طاعك حيدر يوم الغدروا بيه وبالزهره المظلومه
وجبد الحسن بالسم طعنوا من أيد الشر المسمومه
والريحانه حسين مخضَّب ومسبيّه عياله ومهظومه
نصبر رغم المر علينه
نترجاك أدعي المهدينه يظهر يومه ويطلب ثاره
*************************************************
((29))
(( موشح )) لسيدي ومولاي مسل بن عقيل عليه السلام
*-----------------------------------------------*
حسين دز للكوفه من أهلها الثقـــه هاي أعظم منزلــــه مسلم رقـــه
كلَّه أخذ منهم عهود أومثقــــــــــه ورد يبو طاهر عليَّــــه بالجواب
-------------
بالجواب تعود من أهـــــــل العهد ونتظر منَّــك توّفــي للوعــــــــد
ياأمامي كلَّـــــه وصّينــــــــي بعد وحزم أمره وعتنه للكوفــــــــــه
------------
الكوفه طبها الهيبه رافع رايتـــــه راد صوت حسين يوصل غايته
عرفت الناس بقدومه أتلكتــــــــــه اليوم أنته علينه كالولـــــــه أمير
-------------
الامير الناهي صار الكــــل وراه صلَّه وتلفت ولا واحـــــــد لكاه
وحدَّه بين السجج يومــه كظــــاه ظـــــل وحيــــــد بديرة الغدّاره
------------
بديرة الغدّاره ماله كل رحـــــــم رادوا الدنيــــه وجِفوا دار النعم
الآمر النهاي الذي من الله أنرجم وجثتّـــه بين السجج سحلوهـــا
**************************************************
((30)) بحق امامي مسلم بن عقيل (( باب حسين))
*----------------------------------------*
مسلم // شامخ بالكوفه عنوانه
مسلم // ماساوم بالعهد وخانه
باب باحسين التطّي بشاره** يالتنشد هاك أخذ أخباره
*-----------------*
أله من مدرســـة حيدر شهاده عاليه الرتبه
الوفه والتضحيه أطباعه بكل موقف أله وثبه
أخَذ منهج ابو اليمـــــــه بكل يقينه تبع دربه
معهود //يوصل أو كل عين أتشوفه
معهود // ياخذ ميثاق أهل الكوفــــه
ولارض الطف تكصد ثوّاره ** يالتنشد هاك أخذ اخباره
*----------------------*
حزم أمره وسرج صبره كصد والنيَّه عاقدهـا
منهم ياخذ الميثــــــــــاق وصار للكوفه وفدها
فرحة بي ناس ونـــاس وبينت كل مقاصدها
أعلن // بــالجامع موقف هالثـــوره
أعلن // نزحف لجل حسين أنصره
جفّه أيصافح جف أنصاره ** يالتنشد هاك أخذ أخباره
*---------------------*
ليلـــه ويـــــوم يترقّب كــــــــــل الناس ملتمه
أيـــد بأيـــد كـل ويّـــاه تضحّي دون ابو اليمه
لاجنّــــــه الكتب عهده خــان وأنكــر الجلمــه
غدّار // طبع حليبه وهيج أتربّه
غدّار // مايسوه الجلمه ولنعتبه
مسلم مايغدر خطّاره ** يالتنشد هاك أخذ اخباره
*---------------------* تخلّوا عنّه عن دينــــــه بطمع وبخوف وبرهبــــه
غريب الدار ظل وحده بسججها ولاعرف دربه
سفير الرحمه مارحموه ساعاته تمر صعبــــــــه
وحده // بالكوفه والموت يريده
وحده // بين الطايع أمر يزيده
وبسيفه يفني كل غاره ** يالتنشد هاك أخذ أخباره
**---------------------**
بس طوعه وفت لحسين باب من الكلب فتحت
وعنها أقلام بالتاريــــخ بحروف المجد كتبت
ماينّسه ذاك اليـــــــــوم أم ولـلأبن وكفـــــت
طوعه // تسأل يبني شنهو أخبارك
طوعه // يامسلم جاوين أنصــارك
أطلع للكوم الغدّاره ** يالتنشد هاك أخذ اخباره
*-----------------*
الماعنده مخافـــة دين ومخافة حشر ماعنده
كل شي يفعل بدنياه ياأخــــــــــلآق لتردَّه
هاي أطباع موروثه من سفيانــه من هنده
خانوه // لآخر لحظه من أنفاســـه
خانوه // أهل الذلَّه وكطوا راسه
بالغدر الانفس أمّاره ** بالتنشد هاك أخذ اخباره
************************************************************ ((31)) ((لوّعني الدهر))
**********
لوّعنـــي الدهر يبن امي
كلبي شك صبر يبن أمي
يامظلوم يامسموم
**************
يانور ويشع بكلوب فرحتنه بخيمة الكرم يحسين لمّتنــــه
سهام احقاد اميه البوم لمتنه مصيبة جبدك المطلوم آذتنه
من جف الحقد يبن أمي
أنصاب الجبد يبن أمي يامظلوم يامسموم
*-------------*
عله مصابك بجينه بدمعة المظلوم ودنيه أظلمت علينه يامعصوم
عله فراش المنيّه أتكيدّت هل اليوم ويظل عليك بحزان الكلب للدوم
ينيران الحزن يبن أمي
جبدي منطعمن يبن أمي بامظلوم يامسموم
*------------*
اعاين بالطشت وذرات من جبدك أخاف وياك أحجي وتتعب أبردَّك
يبو محمد تكابد علِّتك وحـــــــدك لله أشتكي ألمر بيـــــــــك والجدَّك
يانبع الوفـــــه يبن أمي
شيحمله الجفه يبن أمي يامظلوم يامسموم
*----------*
جمرات الدمع تنزل علـــه مصابك المنيّه تنتظر وتوادك أحبابـــــك
شيصبر الروح يبن الزهره بغيابك شكل للمعتني بحاجه ويدك بابك
يابحـــــر الكرم يبن أمي
المسكين أنحرم يبن أمي يامظلوم يامسموم
*---------*
بهل اليوم الحسن نعشه يشيعونه وكل الشيعه وحبابه يحضرونه
يوم جدَّه النبي النيَّه يدفنونـــــــه بني أميَّه بحقدها سهام يرمونـه
نعشك أنرمـــه يبن امي
سهام الظالمه يبن أمي يامظلوم يامسموم
*-----------*
لو فاض النهر من يسد خنيابه عله عتابه لفات شجّايه احبابه
تداوي جروحها من طيبة ترابه بعيد انته وكريب وللكلب بابـه
ياباب الرجه يبن أمي
هم أتفرجّه يبن أمي يامظلوم يامسموم
*****************************************************
((32))((مسوم ولى الحسن ))
**--------------------------------**
مظلوم ويلي الحسن
مسموم ويلي الحسن
**----------------**
هذا أبن ثقليــــــن أيمان الوجود فيض سبع بحور من جفَّه تجـــــود
الحسن معنه للوفه وتاج الخلود حفظ دم الشيعه من جور المحــــن
------------
كشف زيف كلوب وقناع الحقد حيــن وقَّــع بالوثيقــه والعقــــــــــد
خلَّه أبن سفيان لطباعـــــه يرد ورجَّعه الصفّين وأيـــــــــــام الفتن
-----------
الخبيبث أبن الدعيّه مارعــــــــه للأمام وخان عهده الوقغّـــــــــــــه
وصاب جبد الغامنه بهل الفاجعه عليه من جدَّه الرسول الحرب أذن
-------------
عانه ماعانه الامـــــام من الغدر للخيانـــــــــــــه أيدّورون عللغدر
تريد بيد النذل أتسلمه وتفــــــــر للخيانه دولــــــــــه صاروا أوّطن
------------
توسّد فراش المنيَّه بعلِّتـــــــــه من أثر سمِّج يجعده بجبدتــــــــه
اكرب الناس أله جانت غدرته بيد جعدخ جبده بالســــــم أنطعن
------------
حسين لجل الحسن صبَّت دمعته والحسن بيجي عله أخوه ومصيبته
يدري بي ينذبح وتظــــــل جثتّه ليالي فوك الثره ماواحد دفـــــــــن
----------------
شافته والدمعه ظلّت ساجبــــــه يروحها اختــــه العزيزه أتعاتبــه
تكله خويه أميَين أجت هالنايبه منها كلبي أنسل وعيوني عمن
----------------
اليوم من أعلامنه يهوه علم ينازع بروحه ويلوج من الألــــم
أيذوِّب السم جبدته خط القلم ويبقه دمع عيونـــــــه مثل المزن
--------------
شما تهيج علينه مصرَّه الرياح والسمه يغطّوها بسهام ورمتاح
لابد علينه يهل نور الصبــــاح نشوف أبو صالح ورايته علن
-------------
بالكلب جمرات حزني تلتهب مصايب علينــــه جديده تنكتب
والله غير اهل الرحم لامانحب لو سيول دموم من عدنه جرن
***********************************************************
| |
|
