خالد الحجار
مشرف
 عدد المساهمات : 272
نقاط : 5481
السٌّمعَة : 102
تاريخ التسجيل : 12/09/2011
 |  موضوع: خالد محمد مهدي الحجار\قصيده بعنوان علي ودمعة اليتيم  2013-07-27, 13:30 | |
| علي و دمعة اليتيم
******************
الدمعه صعبه نشوفها بعين اليتيم ** وينه ابو كلب الحنين ألها كفل
وين جفّه يسمح الدمعه وعطوف** ومن يدك بابه ولعد بيته وصل
من رسم بسمه عله وجها بيوم عيد** وفرحَّه وبسمته عليه مابخــــل
وطه جفوفه وغطه بس هوَّ اكيد ** علي بيده يوكِّل يتامه عســـــل
---------------
طحنه بين الصخر وسنان الرحه** شفنه غير الموت ماعدنـــــــــه بدل
والمشاكل حدّث بلايه حـــــــرج ** السهل عدهم صعب جا شنهو سِهل
للسياسي بالله سألــــــــه شقدّمت** مرَّه مرتين ويكلّـــــــــــك جبدي مل
وين حـــــــلال المشاكل والشدد** علي المامعضله تمرَّه بلايـــــــه حل
---------------
أنتجه عالكرسي اخونـــه ولتها **ناسي عنده حساب باجــر وأجل
الدربه أعوج مثل ذيـــله لاتظن** بألف قالب لو تثبته ما عـــــــدل
عود جم واحد نظن عنده ضمي** شويه عنده مستحه وعنده خجـل
لجن صوته وين نايم ياكبــــــر**جلسه جلسه ومات بالناس الامل
ياقرار أنتفـــع من عدَّه الشعب**مجلس النواب سفرات وعطـل
انتخبنه والصــــعد كلهم دغش**والبقيَّه مشكّله وياهم جطـــــــــل
ماعرفها الجربه اصلا لنتخب **والصحيحه ساعدتها بالفشـــــــل
اكلوا الكعكعه ونسونه بلا ذكر** الشعب عريان وغطاه الوحـــــل
المعده نصها هوَ والثاني فراغ** وعلي 3 أيام لكمه ماأكـــــــــــل
********************
الضمير شبيه ميِّت ماصحــــه ** عيب ولكم أستحوا كافي دجـــل
وين بالجمله السياسي اعرابه** الفاعل أمريكي ونعرفه بيامحل
صار مفعولا به حد النخـــــاع** بس علينه فاعل وزده بطـــــــل
نريد منك ياأمير المؤمنيـــــن
نريد منك ياعلي فحل الفحول
نريد منك ياأمير عالگلــوب
تدعي للموعود أبنك العجـــل
| |
|
