خالد الحجار
مشرف
 عدد المساهمات : 272
نقاط : 5466
السٌّمعَة : 102
تاريخ التسجيل : 12/09/2011
 |  موضوع: زهيريات خالد محمد مهدي الحجار  2013-07-27, 12:50 | |
|
((صوت الحقيقه))
عالدهر عاين وصد بظهري نِبَت مَنجِله
والحيل منّي كسر ضعن الصبر منجله
وخدري بگه بلا خدر بعد الوفي منجله
ردَّوا عليَّــــــــه بعد مالي الحقد سلّهُم
منظر الدم والخيـــــم لهل البغض سلَّهم(سلآهم)
وصوت الحقيقه يظل بسهم المرض سلّهم
عيد النواصب صفه ضعن الحرم منجله
((معاناة النواصب))
أتعاني النواصب مرض حالة حقد سلهه
أنحب علي وتكره علي بسهامنه سلهه
لشيوخه خل يعتنــــــــي وين الحقيقه سلهه
أيرد بجواب العقل الرافضـــــــــــه باسله
واليحب حيدر صَلِب سيف الفخـــر باسله
موعود فوز ورضا وجنَّة علــــــي باسله
وأهل البغض والحسد من البخت فارغ سلهه
((محبت الموالي))
ياعلــــــي للمعتني بابك حفظ وجهه
كبلك أمحيره النشد يكصد أليا وجهه
دلآّه مـــــاي العرك لمحبتك وجهه
الفطره يابوالحسن عنَك فلا جاهله
المنذور كلبه ألك عز وفخر جاهله
اعله أمودتك علَّمه شب وكبر جاهله
عالناصبه شب غضب نار الصبر وجهه
**********
**(( بحق الامام علي عليه السلام))**
مزروع حب الوصي وي طينتي وصلبي
وجذوري عرك بعرك سدَّت أله وصلبي
أقسم لون أنعدم وعلــــــه الجذع صلبي
ماخون عهدي أبـــــــــــد مابدِّله ولنحاز
روح وكّلب من ملك كلَّي العلـــي لنحاز
ماخاف غدر الزمن ورگبتـــــــي لنحاز
الجنته آمن وطب من الرجه وصلبي
*************
**((بحق العباس عليه السلام))**
رايه وجوده أنتظـــــر ماأجبلن ماجن
وأفكاري لتزاحمت عالمشــرعه ماجن
ونهاري أظلم صفه ليلـــــي بعد ماجن
الغيره زَرِعهه العلـــــي عبّاسنه جناهه
أويه كماطه متكّمطه وبمهجته جناهه
وجفوفه الياذنب هوَّه الوفــــــه جناهه
ولبليس ياهو ربع الماله أصل ماجن
*************
(( راحت الموت))
غلطان من يعتقد مات وخلص راحله
وآخر نفس لوطلع وياه النفس راحله
مايعرف ألياوجه وألمن گصد راحله
يحسب عليه العمر لحظاتـــه ويعِدّله
بلچن يلحّگ بعد والاعـــــوج يعدِّله
والگبر ناطر ألهأتغابه ونسه يعِدّله
لامال فاده أو ولِد بوصلة جفن راحله
**((بحق العباس عليه السلام))**
عباسنه بيمنتــــــــــــه تتعدل المايلــــــه
عالمشرعــــــه بفَـــزعته الجيشهم مايله
أطَّاشــــــرت كالغنــــــم أمناطره مايله
الزمن للغـــــــادره عالمشرعـــه وَدَّهُم
لكلوب متحجّـــــــــــــره ومعانده وِدّهُم
لجفوفه من أكصدوا جود العِطش وِدَّهم
ألهم تصدَّه النهر بجفَّه صفه مايله
**((بحق العباس عليه السلام))**
بجفّينه شــد الجرف ألحــد الضعن ساحله
شاهد أله كربلـــــــــــه والمشرعه ساحله
طلَّك جروفه النهر لجــــل العطش ساحله
طاوعـــــــــه ويّاه كصد خلَّه الخيم منزله
وجفوفه جود وعلــــــم أيات ألـــه منزله
عباس من يوصفه من يحضــه هل منزله
غيرته زود البحر صار الوفه ساحله
بحق امير المؤمنين
علي بن ابي طالب عليه السلام
*****
عُمر أبن وِد أمتِحَن يدري علـــــي كافله
جدمينــــــه صارن ثمن لغروره والكافله
صاعقه لمح البصـــــــر ماثنَّلــــــه كافله
ضربة علــي عادله سيفه شطـرمرحبه
ويَ الباب من جندلــه فَـرالنَفَس مرحبه
صورأنفخ صولتــــــه المَلك رد مرحبه
سيفه ختم عالجسد وأعله العنگ كافلـــه
**((بحق الامام علي عليه لسلام))**
حيدر علــــــــــي بمهجتي كَلبي يظل دارله
وبشتلتــــــــــــي والجذر وِد أو وِفَه دارلـه
ورتوت روحي عشك صدر أمي من دارله
أحساسي وجوارحــــــــــــي بعيونها شاهده
شبَّيت لمَّن شبت طـــــــــــول العمر شاهده
أحمل أنـــواع الألـــم ومحبتــــــــــه شاهده
والمبغض شما حقد عقلــــــــي فلا دارله
**((للندامـــــــــــــــه))
أديانه رب العرش للجن ونس مُرسله
بعهود خيــر وأمل من رحمته مَرسَله
الماتايب بدنيته عليه بالحشـــرمرسله
خلَّه العقل غايته وألزم عليه حاجتـــــــه
ومن رحمته الواسعه سد خلّته وحاجتــه
السبب يسكت خجل لو بالحجر حاجتـــه
والعذره ماينقبـــــــــل دمع الندم مرسله
** ((بحق الامام الحسين عليه السلام)) **
صحــــــــن أبو اليمه يلـــــــم لعيون وي نهار
والزار صحنـــــــه حضه بالبخت ليلـــــــه نهار
المبغض أساســــــــه خُوَه بسرعه تشوفه نهار
وياحاقد الِّي قصد بكَــــــــــول وفعل سائله
شيخينه جانوا كّبل أباب النبـــــــــــي سائله
يعرِف مِن أمَّــــــه النّسَب ويعرِّفَه ال سائله
بعماه خلَّه يظل ولو عقل عنده نهار
**((لسان حال العقيله))**
طعم العسل مُر صُفه نِعتب على مَنحَله
داير زمنَّه عَكِس علـــــه حسينه مَنحله
أيامه كلهن صَبُــــر ماضِكّنَه أبد مَنحَله
خلَّه دمعتـــي تِكِت ألايــــــد بيد شباج
الدمع ناشد دمع يعقوب كَلّــــــي شباج
رد يوسفه والنظر ولحزنـي طَر شباج
وحسين من أنذبح درب العدل مَنحَله
(( بحق الحسين ))
نوَّر بأرض وسمه وبكّـــــــــــوانه شاعله
بكّلب الموالـــــــــي وهج ماتنطفي شاعله
لحسين حَقنَــــــــه نِحب والناصبي شاعله
ألوِد أله والعلـــــــــي اللِّب الكَلب شاغله
وأسمع صراخ الحقد من الحَشَــه شاغله
خلّلي مَحَبتَه العُمَر وحُبنَه يظَـــل شاغله
وللنار مثله حطب ربعه يدز شاعله
**((بحق العقيله والعليل عليهما السلام))**ٍ
----------
بظيم الطفوف أمتحن وبمصايب تسلسل
گلب العقيله أنهظم من شافتــــه تسلسل
عليل ونحيل الجسم حسراتــــها تسلسل
يجاوبنه جرح الكَلب من باطنه وظاهره
أم الحـــــزن للصبر صارت أله ظاهره
بلا حامي ظل الخدر دونه الوكت ظاهره
والمرهه مُر الامر أبجدها النبي تسلسل
-------------
**((بحق الامام الحسين عليه السلام))**
**************
عله حسين يوم الوفه ألتمت عليه چمله
وفراگ راعـــي الشيَم عباس هَم چمله
عالگوم چم حجّه أله ومنهم عهد چمله
حَفنَت تراب وچفن لاحگها وي منكره
ياچفَّه منّــــه تخف معروفه لو منكــره
ويّاه حضر حب علي للوادده ومنكــره
ميازيـــــــــن تنحط أله ماينعرف چمله
**((بحق فاطة الزهراء))**
**----------**
شجره وثمرهـــــا دُرر للمرتضى نحلهه
أم وأخت للنبـــــي دورب الوفـــــه نحلهه
ومن الالم والهظم حتــه الحـــــزن نحلهه
يادهــــــربمصايبك مامّر دهــــر شاكلك
ألأيد الطويله ألك وي صحبتــــــه شاكلك
عالزهره آني أعتمد ألهه أشكي ما شاكلك
وصحبتك للناصبه مو مشكله ونحلهه
**((بحق زينب عليها السلام))**
**-----------------**
((مودة الصديق))
شهد الكــلام أستحه من شهدكم ونمر
بالكلب الكم وصل بأعلـــــه قيَم ونمر
من غيــــر خطكم أحس أبودِّكم ونمر
بالمعنه منّي العقــــــل والله ظل شارد
شكتب ورد للورد حيـران أنه شارد
تتعثر عالورق كلمـــــــه وقلم شارد
والبال ســارح صفه أيَّس بعد ونمر
*****************
وصل الصديق
اليكَطع بلا وصل أبدي الوصل بادره
والزين منَّك بده مقبوله هــــــل بادره
كلبك اعرف ذهب ومن النجف بادره
الاخـــو ويَّه الاخــو يعذر بلا ماشهد
وتشوفه للموزمه حافـــــي أله ماشِهد
ويَّه العواذل فلا ضدَّه ابــــــد ماشهد
ماحاج يوصف الك يدري الكَلب بادره
((الفكَر وظيم الفكر))
طيـــــــــــــر السعد لو جفه البوم يمَّك تحط
والحظ صفه منجرح شتداوي جرحه وتحط
منزلــــــــــه مامش أله كل يوم درجه تحط
مايــــوم كلبـــــي خلـــــه من ضوجته منهم
وين أشـــرد من الفكّـــركاصد عَلَـــي منهم
ماكول لا بس هَلــــــــي نص السبب منهم
وعيــــن الشماته بفــــــرح كلسا تدور وتحط
(( زهيريات خالد محمد مهدي الحجار))
((صوت الحقيقه))
عالدهر عاين وصد بظهري نِبَت مَنجِله
والحيل منّي كسر ضعن الصبر منجله
وخدري بگه بلا خدر بعد الوفي منجله
ردَّوا عليَّــــــــه بعد مالي الحقد سلّهُم
منظر الدم والخيـــــم لهل البغض سلَّهم(سلآهم)
وصوت الحقيقه يظل بسهم المرض سلّهم
عيد النواصب صفه ضعن الحرم منجله
((معاناة النواصب))
أتعاني النواصب مرض حالة حقد سلهه
أنحب علي وتكره علي بسهامنه سلهه
لشيوخه خل يعتنــــــــي وين الحقيقه سلهه
أيرد بجواب العقل الرافضـــــــــــه باسله
واليحب حيدر صَلِب سيف الفخـــر باسله
موعود فوز ورضا وجنَّة علــــــي باسله
وأهل البغض والحسد من البخت فارغ سلهه
((محبت الموالي))
ياعلــــــي للمعتني بابك حفظ وجهه
كبلك أمحيره النشد يكصد أليا وجهه
دلآّه مـــــاي العرك لمحبتك وجهه
الفطره يابوالحسن عنَك فلا جاهله
المنذور كلبه ألك عز وفخر جاهله
اعله أمودتك علَّمه شب وكبر جاهله
عالناصبه شب غضب نار الصبر وجهه
**********
**(( بحق الامام علي عليه السلام))**
مزروع حب الوصي وي طينتي وصلبي
وجذوري عرك بعرك سدَّت أله وصلبي
أقسم لون أنعدم وعلــــــه الجذع صلبي
ماخون عهدي أبـــــــــــد مابدِّله ولنحاز
روح وكّلب من ملك كلَّي العلـــي لنحاز
ماخاف غدر الزمن ورگبتـــــــي لنحاز
الجنته آمن وطب من الرجه وصلبي
*************
**((بحق العباس عليه السلام))**
رايه وجوده أنتظـــــر ماأجبلن ماجن
وأفكاري لتزاحمت عالمشــرعه ماجن
ونهاري أظلم صفه ليلـــــي بعد ماجن
الغيره زَرِعهه العلـــــي عبّاسنه جناهه
أويه كماطه متكّمطه وبمهجته جناهه
وجفوفه الياذنب هوَّه الوفــــــه جناهه
ولبليس ياهو ربع الماله أصل ماجن
*************
(( راحت الموت))
غلطان من يعتقد مات وخلص راحله
وآخر نفس لوطلع وياه النفس راحله
مايعرف ألياوجه وألمن گصد راحله
يحسب عليه العمر لحظاتـــه ويعِدّله
بلچن يلحّگ بعد والاعـــــوج يعدِّله
والگبر ناطر ألهأتغابه ونسه يعِدّله
لامال فاده أو ولِد بوصلة جفن راحله
**((بحق العباس عليه السلام))**
عباسنه بيمنتــــــــــــه تتعدل المايلــــــه
عالمشرعــــــه بفَـــزعته الجيشهم مايله
أطَّاشــــــرت كالغنــــــم أمناطره مايله
الزمن للغـــــــادره عالمشرعـــه وَدَّهُم
لكلوب متحجّـــــــــــــره ومعانده وِدّهُم
لجفوفه من أكصدوا جود العِطش وِدَّهم
ألهم تصدَّه النهر بجفَّه صفه مايله
**((بحق العباس عليه السلام))**
بجفّينه شــد الجرف ألحــد الضعن ساحله
شاهد أله كربلـــــــــــه والمشرعه ساحله
طلَّك جروفه النهر لجــــل العطش ساحله
طاوعـــــــــه ويّاه كصد خلَّه الخيم منزله
وجفوفه جود وعلــــــم أيات ألـــه منزله
عباس من يوصفه من يحضــه هل منزله
غيرته زود البحر صار الوفه ساحله
بحق امير المؤمنين
علي بن ابي طالب عليه السلام
*****
عُمر أبن وِد أمتِحَن يدري علـــــي كافله
جدمينــــــه صارن ثمن لغروره والكافله
صاعقه لمح البصـــــــر ماثنَّلــــــه كافله
ضربة علــي عادله سيفه شطـرمرحبه
ويَ الباب من جندلــه فَـرالنَفَس مرحبه
صورأنفخ صولتــــــه المَلك رد مرحبه
سيفه ختم عالجسد وأعله العنگ كافلـــه
**((بحق الامام علي عليه لسلام))**
حيدر علــــــــــي بمهجتي كَلبي يظل دارله
وبشتلتــــــــــــي والجذر وِد أو وِفَه دارلـه
ورتوت روحي عشك صدر أمي من دارله
أحساسي وجوارحــــــــــــي بعيونها شاهده
شبَّيت لمَّن شبت طـــــــــــول العمر شاهده
أحمل أنـــواع الألـــم ومحبتــــــــــه شاهده
والمبغض شما حقد عقلــــــــي فلا دارله
**((للندامـــــــــــــــه))
أديانه رب العرش للجن ونس مُرسله
بعهود خيــر وأمل من رحمته مَرسَله
الماتايب بدنيته عليه بالحشـــرمرسله
خلَّه العقل غايته وألزم عليه حاجتـــــــه
ومن رحمته الواسعه سد خلّته وحاجتــه
السبب يسكت خجل لو بالحجر حاجتـــه
والعذره ماينقبـــــــــل دمع الندم مرسله
** ((بحق الامام الحسين عليه السلام)) **
صحــــــــن أبو اليمه يلـــــــم لعيون وي نهار
والزار صحنـــــــه حضه بالبخت ليلـــــــه نهار
المبغض أساســــــــه خُوَه بسرعه تشوفه نهار
وياحاقد الِّي قصد بكَــــــــــول وفعل سائله
شيخينه جانوا كّبل أباب النبـــــــــــي سائله
يعرِف مِن أمَّــــــه النّسَب ويعرِّفَه ال سائله
بعماه خلَّه يظل ولو عقل عنده نهار
**((لسان حال العقيله))**
طعم العسل مُر صُفه نِعتب على مَنحَله
داير زمنَّه عَكِس علـــــه حسينه مَنحله
أيامه كلهن صَبُــــر ماضِكّنَه أبد مَنحَله
خلَّه دمعتـــي تِكِت ألايــــــد بيد شباج
الدمع ناشد دمع يعقوب كَلّــــــي شباج
رد يوسفه والنظر ولحزنـي طَر شباج
وحسين من أنذبح درب العدل مَنحَله
(( بحق الحسين ))
نوَّر بأرض وسمه وبكّـــــــــــوانه شاعله
بكّلب الموالـــــــــي وهج ماتنطفي شاعله
لحسين حَقنَــــــــه نِحب والناصبي شاعله
ألوِد أله والعلـــــــــي اللِّب الكَلب شاغله
وأسمع صراخ الحقد من الحَشَــه شاغله
خلّلي مَحَبتَه العُمَر وحُبنَه يظَـــل شاغله
وللنار مثله حطب ربعه يدز شاعله
**((بحق العقيله والعليل عليهما السلام))**ٍ
----------
بظيم الطفوف أمتحن وبمصايب تسلسل
گلب العقيله أنهظم من شافتــــه تسلسل
عليل ونحيل الجسم حسراتــــها تسلسل
يجاوبنه جرح الكَلب من باطنه وظاهره
أم الحـــــزن للصبر صارت أله ظاهره
بلا حامي ظل الخدر دونه الوكت ظاهره
والمرهه مُر الامر أبجدها النبي تسلسل
-------------
**((بحق الامام الحسين عليه السلام))**
**************
عله حسين يوم الوفه ألتمت عليه چمله
وفراگ راعـــي الشيَم عباس هَم چمله
عالگوم چم حجّه أله ومنهم عهد چمله
حَفنَت تراب وچفن لاحگها وي منكره
ياچفَّه منّــــه تخف معروفه لو منكــره
ويّاه حضر حب علي للوادده ومنكــره
ميازيـــــــــن تنحط أله ماينعرف چمله
**((بحق فاطة الزهراء))**
**----------**
شجره وثمرهـــــا دُرر للمرتضى نحلهه
أم وأخت للنبـــــي دورب الوفـــــه نحلهه
ومن الالم والهظم حتــه الحـــــزن نحلهه
يادهــــــربمصايبك مامّر دهــــر شاكلك
ألأيد الطويله ألك وي صحبتــــــه شاكلك
عالزهره آني أعتمد ألهه أشكي ما شاكلك
وصحبتك للناصبه مو مشكله ونحلهه
**((بحق زينب عليها السلام))**
**-----------------**
((مودة الصديق))
شهد الكــلام أستحه من شهدكم ونمر
بالكلب الكم وصل بأعلـــــه قيَم ونمر
من غيــــر خطكم أحس أبودِّكم ونمر
بالمعنه منّي العقــــــل والله ظل شارد
شكتب ورد للورد حيـران أنه شارد
تتعثر عالورق كلمـــــــه وقلم شارد
والبال ســارح صفه أيَّس بعد ونمر
*****************
وصل الصديق
اليكَطع بلا وصل أبدي الوصل بادره
والزين منَّك بده مقبوله هــــــل بادره
كلبك اعرف ذهب ومن النجف بادره
الاخـــو ويَّه الاخــو يعذر بلا ماشهد
وتشوفه للموزمه حافـــــي أله ماشِهد
ويَّه العواذل فلا ضدَّه ابــــــد ماشهد
ماحاج يوصف الك يدري الكَلب بادره
((الفكَر وظيم الفكر))
طيـــــــــــــر السعد لو جفه البوم يمَّك تحط
والحظ صفه منجرح شتداوي جرحه وتحط
منزلــــــــــه مامش أله كل يوم درجه تحط
مايــــوم كلبـــــي خلـــــه من ضوجته منهم
وين أشـــرد من الفكّـــركاصد عَلَـــي منهم
ماكول لا بس هَلــــــــي نص السبب منهم
وعيــــن الشماته بفــــــرح كلسا تدور وتحط
((راحله))
أتلـــــــــــم السقيفه دغش من صفوفهه راحله
والزمن كّلب الحزن ماخلَّـــــــه أبــــــد راحله
محراب جبد وضلــــع للطف كصــــــد راحله
أشباه خسَّت زلــــــــــــــــم أتشوفه بس نصبه
أتعنــــــــوا عليهه بسهم ماخــــــذ كَلبهه نصبه
شامخ المرقــــد يظــــل فوكَـ المعالــــي نصبه
ردألها يابــــوالفضــل تحمـــــي ضعن راحلهه
| |
|
