خالد محم مهدي \ديوان ياليتنا كنا معك خدمة المنبر مبرئين الذمه

(1)

((الكاظم والسجون))
زوار / للكاظم نزوره الليلـــــه
زوار / من جور الظالم نشكيله
بدموع نطوف بصحنه
نتصوَّر ذيج المحنـــــه
**----------------**
كاظم غيظه وهمومه وسجانـــــه عليــه آمر
امام الياذنب مذبوح يصعب حاله عالكافــر
لاشمس التمر عليه ولا بليله الگمرحاضـر
طوه آلآمه وهمومه عله قيود السجن صابر
مسجون / گاظي الايام بآلآمه
مسجون/ حرّاس تقيّد احلامـه
مامر بيها اليفرحنه ** نتصوّر ذيج المحنه
**-----------------**
نزوره وصبره ويَانه ونشدنه سنينه لگظّاهـــــا
بليالي الظلمه والوحده بس روحه حݘه وياهـا
قيود السجن تشهدلــــه والحيطان بݘّاهــــــــــا
بشوگ الشيعه للملگـه شوَكت هالساعه تلگاها
موعود / أحزانــــه وياه نعانيها
موعود/ جثته عله الجسرنتانيها
حاضرنه وغايب عنَّه** نتصوّر ذيج المحنه
------------------
امام الرافضه صاحوا اليوم يحقق آمالـــــــه
والســــــم نايم بجسمه مصفر وجها وشحاله
تفـــــرح عينها الشيعه دمـــــــع الفرح همّاله
شافوا ســـاعة الموعد نعشــه تشيلــه حمّالـه
لفراگ / أصعب من السجن علينه
لفراگ / بدمع واحزان يخلّينــــــه
بالموت يوادع سجنه** نصوّر ذيج المحنه
**-----------------**

الصبر لونصف ألامــه مانوصف ألم همَّـــــه
لو عينك تصد وتشوف من قيده نزف دمَّـــــه
وليالـــــي السجن ونّت على حاله أنحنت يمَّه
هذي حالـــــة المظلوم شتوصف حاله ياكلمه
أيـــام / مرَّت بسواد لياليها
أيـــام / أوّلها جروح وتاليها
بجراح قيوده جرحنه ** نتصوَّر ذيح المحنه
**----------------------**
لحظة لوعه بسجونــــــه مانوصفها ما نگـــــــــدر
شنكتب عنَّه بالاقــــــلام دمع عالورق يتطشَّـــــــر
الشاهد صبر أيمانـــــــه منَّه الصبــــــــر يتعـــذّر
وسع صدره جبال هموم لقيود الظلم كسَّــــــــــــر
حرمان / ماشافت النور عيونه
حرمان / مظلوم وبݘّاها سجونه
من صبره أحنه تسلّحنه ** نتصوَّر ذيج المحنه
**-------------------**
يابو الرضـــــــا نشكيلك حالت جدَّك المظلـــــــوم
ثلاث ليالي ظل مطروح كسـرت صدره ألعن گوم
سهم لمثلث بگلبــــــــــه من شرب العذب محروم
نشوف حسين بيك اليوم نايم عالجســــــر مسموم
هارون / مثل يزيد أنشلّت أيده
هارون / ظالم والظالم منريده
صيحة حق لجلك صحنه ** نتصوّر ذيح المحنه

((2))
(( دمع الدمه )) للامام موسى الكاظم عليه السلام
خلّي تصب عالمسجون
من دم دمعهـــــا لعييون
**------------------**
شيعتك تربي العين طوَّل لبعــاد مقيَّد من البصره وسجنها البغداد
تجرّعت من هارون ظيم واحقاد القدوه صبرك صار لليبصرون
**--------------------**
بالامل والبهجه يوالي نتنــــــاك صرنه نعاني الظيم من ظيم جفاك
ياسجن نكصدله عله بابه نلكاك العين تربي تناشــــــــــد اليمرّون
**--------------------**
ظلمت ليالي السجن ما تحملها لاوالله تحملها الليالي تذلهـــــــا
ألنه رسالت صبرك توصِّلها والصبر خادم ألك كال وممنون
**--------------------**
بطاموره ياريت الگلبنه نظمّه ونعوِّده عله الظيم وعله الهظمه
خلّي يحس بقيودك وباللجمه ويوصف الظيم ومُره لليسمعون
**---------------------**
نبجيك ياصبرالوسع كل لگلوب نشوف بيك حسين من ظل مسلوب
والله عنَّه لو يســــــدون دروب ما تفلح الشمّات دوم يخســـــــرون

(3)
(( وينك يمسجون)) كعده للامام الكاظم علي السلام
**------------------------------**
عنَّك تناشد شيعتـــك // وينك يمسجون
يمته وعدنه الشوفتك // وينك يمسجون
باجر يهل بينه فجر صبحك علينه
يابو الجوادين التمنّي أيـــدك بدينه
**----------------------------**


نحسب حساب الليالي بيها صبرك فرض قوته
والكلب يبجي الهمومك والضمير يصيح صوته
ياأمامي الكاظم أحضر شدّته الشيــــــعي بموته
باب الحوايـــج ماترد
حتّه النخاك من البعد
دمعاته صبهن الوجد من يقصِّر بخطوته
شمعت أملنه والصبر // مرسومه صورتها
والبسمه بخيوط الفجر // للملكه علكتهــــــا
والعين تربـي للوعـد يمته تجينـــه
يابو الجوادين التمنّي أيـــدك بدينه
**---------------------------**




الكلب والروح تفرح لو عرفنه بحالك أحسن
وشوك لعيون برسائل عله باب السجن ودَّن
وصفن احزان المشاعر وبدموع الحزن كتبن
بيها يخطن الالم
عالبجي علمن القلم
ختمنها بدموع الندم يا ليالي السود ولَّن
من سلسلك رب العرش // ثامن أأمتنه
غايته نتعلم الصبر // ويجازي دمعتنه
موعدنه من ظنَّه الجسرلمَّن أجينه
يابو الجوادين التمنّي أيـــدك بدينه
**-------------------------**


تسمع أصوات الضمائر تلَّبي وتحج بسجونك
راد ويّانه هظمنـــــــــه يفرح بشوفت عيونك
بالفرج وصلت أخبارك ماحسبناها بظنونـــك
تانينه طلعت الفجر
ظمّينه حسرات الصدر
ماجان عالبال الجسر مثل جدَّك يغدرونك
يضحك فرحنه ودمعته // تانيها لبشـــاره
لموالي يبذل مهجتــــه // مرهون بأشاره
تاخذنه لهفة شوكنه عليك عتنينــه
يابو الجوادين التمنّي أيـــدك بدينه
**--------------------------**

وانته بقيودك يهابـــــك حاكـم وجائـر وظـــــالم
والغضب للله دليلـــــك عله حقوقه ماتســــــاوم
يعفي عن الناس طبعك ماغضبت الغيض كاظم
حسن الخلق بيكم سمه
للناس قدوه وغانمـــه
ويل الايادي المجرمه تذبح أتسم ولد فاطـــــــم
مايظل مُستَضعف أبد // الرايه منصوره
كلنه نتانـــــــي للوعد // يمتــه يهل نوره
عجِّل ألاهي الفرج للدمعه الحزينه
يابو الجوادين التمنّي أيـــدك بدينه
**-------------------------**
قُدره مكنونــــه بمينك طوَّع الايات صبرك
صبرك أعجاز بقدرته بقوَّه ذليتــــه اليضرّك
بآيـــــة دموع ومراره شيعتك منتظره فجرك
ذليته هارون الرشيـــد
نصرك يبو القاسم أكيد
نورك نودعـــه ياشهيد والصبر أعلنه النصرك
رايتك رفَّت بالمجــــد // أدلّـــــي زوّارك
تهلّي تمرحب بالكصد // ماخاب خطّارك
الارهاب والتفجير ماينعنه جينــه
يابو الجوادين التمنّي أيـــدك بدينه



(4))
((بسجن السندي)) للامام موسى الكاظم عليه السلام
**---------------------------------**
بسجن السندي
مقيَّد بهومه وآلامه بسجن السندي
**-------------------------**

ظلمه بظلمه وماشافت نور عيونـه مظلوم ومحني ظهره ومصفر لونه
أبسط حق من حقوقه ما يطُّونــــــه لاشمس يشوف ولاسجنه يوسعونــه
وبحرمانه ** ياهو العانه**ماحس بالراحه ولالحظه مارد جبدي
**-----------------------**

وذَّ رلحمه وسيَّل دمَّه هالظالـــــــم قاصدها يبّجيها عيونج يافاطــــــــم
مايعرف اصله أمّين العاده الكاظم كلمن ظن يمنعنه نزوره ظل واهــم
جمرة كلبي **توصف حبّي ** غير العتره وحبها بدمي لاماعندي
**---------------------**

دمعت آه من سجونه وصرخت لوعه جن مثل حسين الداست خيل ضلوعه
بكلب الظالم أحقاد تظل مزروعــــــه والشيعه التانت فجره بهم مفجوعــــه
زاير كبره **سلاحي صبره ** خل ظلآّم الدنيه كلها توكف ضدّي
**-----------------------**


يل تسأل عن دمعت عيني الاجريهـا من كلبي ونار الحركه بدمّي أزكيها
بحب الكاظم عمري وسنيني أكظيها أبقه المجنون وروحي الحبه أفديهــا
يصيح دليلي ** أندب ويلي ** حب الِّي تحبه ولاتوصل يمِّي وحدّي
**----------------------**

ما يرهبنه أرهابك فجره علينـــــه كد كيدك ماتمنعنه عن والينـــــــه
بصبره عله الظيم بكل يوم يتانينه فجّرنه وتحضرنه العتره تلم بينـــه
ماتثنيني ** عن ضي عيني **بوجهك وبوجها الكل ظالم هذا ردّي
**---------------------**




((5))
((دمع الدمه)) للامام موسى الكاظم عليه السلام
**سسسسسسسسسسسسسسسسسسسسسسسسـ**
دمع الدمه من لعيــــون
خلّي يصب عالمسجون
**------------------**
شيعتك تربي العين طوَّل لبعاد مقيّد من البصره وسجنها البغداد
تجرَّعت من هارون ظيم وأحقاد القدوه صبرك صار لليصبرون
**------------------**
بالامل والبهجه يوالي نتنـــــاك صرنه نعاني الظيم من ظيم جفاك
ياسجن نكصدله عله بابه نلكاك العيـن تربـي تناشـــــــــد اليمرون
**-----------------**
ظَلمت ليالي السجن ما تحملها لا والله تحملها الليالي تذلهــــــــا
ألنه رســــالة صبرك توصِّلها والصبر خادم الك كال وممنون
**------------------**
بطاموره ياريت الكلب نظمَّه ونعوِّده عله الظيم وعله الهظمه
خلَّي يحس بقيودك وباللجمه ويوصفه المر عليـــك لليسمعون
**------------------**
يامن تحمّلت المرار بسجنك غيَّبك هارون وبعدنه عنَــــــّك
لكن بقه خيرك علينـه ومَنَّك لكوب ماليها الحقد شيبصرون
**------------------**
نبجيك ياصبر الوسع كل لكلوب نشوف بيك حسين من ظل مسلوب
والله عنَّـــــــه لو يسدّون دروب ماتفلح الشمّات دوم يخســـــــــرون


اسم القصيده( صرخة الضعن) ((6))
====================
رد الحزن والنوح**يصرخ أيا مذبوح
بعد اليسر **وين الگبر **زينب تنادي حسين
******************
بالحزن ردت زينب امگبعه ابهم**ودموعه اتسيل اعله خدها من دم
طبع الجرح بالگوه ايطيب او يلتم**وتراب گبرك الجرحها بلســــــــم
كل العلل بيها**انته التداويها
ادگ عالصدر** وين الگبر**زينب تنادي حسين
*****************
اتريد تجعه اعله الگبر وتحضنك**ملهوفـــه ردت گوَه راحت عنَّك
اتگلك يخوي انسيتك اّنــــي ظنك**بخرابه وسط الشام وسمع ونَّك
نهاري صاير ليل**والحمل هد الحيل
مل الصبر**وين الكبر** زينب تنادي حسين
******************
وصلت لعد جثّتك المذبوحــــــــه**لتلث ليالي عالثره مطروحه
اسمع ونين الكلب منها ونوحه**اتمنت ابطفك باقيه ومذبوحه
من الجره والصار**المهجه شبت نار
دمعه جمر**وين الگبر**زينب تنادي حسين
*****************
اتحاجيك من گبرك تريد جوابــــك**جيتك يغالي والضعن لعتابك
كل وحده عدها جرح من أمصابك**يابو علي اثر علينه غيابــك
اسمع بجي الايتام**يشكي سبي الظلآم
من اّهل الغدر**وين الگبر **زينب تنادي حسين
*****************
الجدي تگلّه أرد وأمّـــــــــي الزهره**وسݘب عله الگبرين دمعه أوعبره
ودموعي تندب ظامي گطعوا نحــــره**وݘمالــه عشر خيول داست صدره
ييمه مفجوعه**متكسِّره ضلوعه
ضاع العمر**وين الگبر**زينب تنادي حسين
*****************






((7))
اسم القصيده( مانه امك)
==================
علي الاكبر **علي الاكبر
ييمه احضر **ييمه احضر
تودعك دمعت عيوني **ليش الناس لاموني
****************
ارجع يبني هاي الساعه وادعني** اگعدت بالخيمه ادعي الله يسمعني
بعد متشوفك عيوني تضيّعنــــــي**وذا ماترجع الگلبي تلوَعنــــــــــي
دليلي انصاب**دليلي انصاب
علـــه الغياب**علــــه الغياب
يبني خابت ظنوني**
***************
بالحومه اشوفك فارس الفرسـان** وبسيفك يغالـــــي اتگوطر الشجعان
موبيدي الگلب ظل لايج وفرحان**مثل طير وخذت عشه سرب غربان
تــــرد يمي**تــــرد يمي
يبعد اسمي** يبعد اسمي
انوح الحالي خلوني**
****************
سلام الله علـــــى يمناك وشمالك**يبو اخصال المحنَّه والدفه اوصالك
اعاين وجه ابوك واعرف ابحالك** علــــــــى بالي نزل للحومه جتّالك
اّيا غالـــــــي**أياغالـــــي
انشدهه بالي**انشده بالي
يلاكبر ونخطف لوني
***************
اّلاهي بجاه جدَه لاتدولبنــــــي**ابلوعت يوسف ويعقوب رد ابني
أبمصيبة لوعت الغياب لتذبني**ابعاده ايشيب الراس ويعذبنـــــي
اظل احتــــار**اظل احتــــار
مهجتي ابنار**مهجتي ابنار
الروح اتصيح رحموني
***************
بخلاقك شبيه المصطفـــى ورسمك **روحك تصعد ومتخضِّبه ابدمَـــــــــــك
صحت يابوي ادركني او وصل يمَّك ** انكسر ظهره وتحدَّب من حمل جسمك
خلها الروح**خلها الروح
بيهااجروح **بيها اجروح
بني سفيان ظلموني

اسم القصيده(بعد الرزيه) (()
=========================
بعد الرزيـه **من الغاضريه
امشي سبيه**يبن الزجيـــــه
*********************
بين الزجيه اخذونـي**عگب الوداع الصار
ابحقد الخيم حرگوها**وبگلبي شبت نـــار
اسمع صريــخ اطفال**كلهم غدوا طشّـــار
دمعي يبو السجـــــاد**دم يجري ليـل نهار
عفتك اموذر**بالشمس والحر
امشي سبيه **يبن الزجيه
************
تبقه الصــــــور عالبال**متجسده بالـــــــي
كل حسره كل دمعــــــه**انرسمت بالـــــــي
اتلاوه ويه الظـيـــــــــم**ماغير بحالــــــــي
كل لحظه يطفي شموع**من عمري واّمالي
واعجب عجيبه**جثتك تريبه
امشي سبيه**يبن الزجيه
*****************
عيني تصــــد وتشوف**ݘم منظرايروّع
صوت الضمير ايصيح**للعاقل ايسمــــّع
دم منحره لرضيـــــــع**لايروي ليشــبّع
الاقسه گلب هالحــــال**للعاينــه ايصدِّع
اخذوني لارض الشام** أبحالة ألمودِّع
امشي سبيه **يبن الزجيه
**************
شيريد الزمن منَــــــه**بعد ياثمن مادفــــــــــــوع
ݘف وعين منحر راس**گلب مطعون كسـر ضلوع
ابدرب اظلم يمشونـــــه**وسوط عله المتن مرفوع
شيجيب النــوم للمظلوم**حر اوعطش طفــل اليوع
ضعن المفاخر**ابلوعة الصابر
امشي سبيه**يبن الزجيه
*********************** ******
جراح وحــــــزن واّلام**أبقساها وأشد ســـاعات
والمر بينــــــه والادها**نظرت فرحـــــة الشمات
اّنه حسيــــــــن ماأنذل**وانه ݘفوفه الرايــــــات
صبري من صبر ايوب**اوراس عالي عالݘلمات
بت حيدر اّني**الوي زماني
امشي سبيه **يبن الزجيه
*********************** *****
صح عاده النَّه الموت**اعلينه انكتب للديــــن
نحيي الشريعــــه ابدم**دم حيدره وحسيــــــن
وهذا الوســــام ايدوم**بالرايــــــــــه والݘفين
صوت المنابـــــر ظل**أبصرخه ودموع العين
ويرف علمنه**من جروح ألمنه
امشي سبيه**يبن الزجيه
*************************

اسم القصيده( صادق القول والفعل) ((9))
==============
صادق بقواله وأفعالــه**ومصايب هل الدنيه اگبالــه
يوم الطف يذكرأمصابه**وگلبه اعله احزانه سد بابه
*******************
تعاليم الرساله والشرع حكمه**مِله التاريخ بدروسه وحفظ علمه
بني العباس غيروا صورة الامه**نسوا حتَّه الضمير وماوفوا ذمَّه
والصادق من وضّج دوره
يرسم للحق اجمل صوره**وللدين ايحقق اّماله
***************************
كلمن حاججه رد خايب وخســران**الصديق احتار بي والعدو ظل حيران
هوّ النور امامي وصاحب العرفان**من سنة نبينه وعلـــــــــــمه بالقران
الانسانيه علّمهه شنو الانســـــان**او بيَّن الفتن لأباّخر الازمـــــــــــــان
باطن كل آيه وظاهرها
ابعلمه واّدابه امفسرها**للحق دوم اتظل ارجاله
**************************
العمر أيمر عليَـــه اهظمة المجروح**يون ويَّه العقيلــــه من ونين الروح
ابد ماينسه جده الظامـــي والمذبوح**وأيامـــــــــــه ملاها بالدمع والنوح
عايش بالمصيبه اشلون عنه اتروح**ودمعت عينه تبني للمصيبه صروح
وزينب بالطف اميسريها**بأصعب شده اتمر وحاله
*************************
يوم الطف صور ماينسه ذكراها**ليل انهار حزنه وصبره وياهـــــــــــا
ابدور السمه فوك الكاع مثواها**ويبجي امصاب عمته وصعبه ينساها
يواسهه ويدري اشعظم بلواهــا**عله ابدور السمه اتنوح خــــــــــلاها
گوم ابلا خوف اولاذمه
وگلوب المابيه رحمه**يذكر يوم الطف وهواله
************************
ابو عبد الله ظل نوره يشع للكون**ابصبره وبعزيمه دين طه ايصون
وطلاب العلم ابمجلسه ايدرسون**علم معصوم مامثله علوم اتكـــون
مناهل للحقيقه واثقه المضمون**الني وآله الامانتهم ابـــــــد متخون
عدهم دين الله واسراره
ابواب الرحمه المختاره**حبل المودَّه ووصاله
ا
سم القصيده( ورد فتح) ((10))
******************
ورد فتَّــــح**عليّ صبَّح **عطش لوعه
صدر يبݘي**كلب يشݘي**مفجوعـــــه
عله ابني حگي لوجنّيت**اّنه الوالده الربيت**مفجوعه/ مفجوعه
****************
نجمة ليلي عبد الله ي يضويلــــــي**زماني من بعدعينه شيخليلي
خذوا اّمالي من عندي وسهر ليلي**الخياله ابقه اناغيله ويناغيلي
بسهامه الدهر طعناته بدليــــــــلي** ونبلة حرمله طعنتي واولـــي
حليبـــي حن**زاد الــون**واّلامي
خذوا روحي**كثر نوحي**أبايامي
وياك الموت يبني ريت**اّنه الوالده الربيت
****************
مالي عين اشوفن الصبـــــح يصبَح**وخيوط الفجر وسط المهد تمرح
اگبالي صورته من يضحك ويفـــرح**وصدري من غيابه اعليه يتجرَّح
وخيالي ايعيش يم عيونه من يسرح**بعد من دنيتي شتمنّه لو اطمـــح
غيابه صار**حـــق اقدار**بعد عنّـــــي
صدر امره **على نحره **سبب حزني
بين اضلوعي حزني طويت**اّنه الواله الربيت
****************
ابشوگ وخوف من عين الحسد احميه**وفزكل ساعه اجس اشبيه مابيه
من اثداي لو عطشان ݘبده ارويـــــــه**لولابردان ليله اضلوعي لتغطيــه
ولمّه ابحضني خاف من الهوه ياذيـــه**شيب سنين عمري وكبرتي اتانيه
صرخ مهده**علــــى فگده**صفه خالي
مراري ناح ** دمعي صاح**عله الغالي
يعبد الله رحت ماجيت**اّنه الواله الربيت
**************
خذاك حسين من عندي ومشه خطوات**يا يمه عليك ازدات الحســرات
ظن دلالي ماترجع بعــــــــد هيهات**گطع گلبي سهم نحرك يغالي أومات
ضاع الامل منّــي وفرحت الشمات**ولفت أيــــــام سوده بالحزن أوآهات
نهار اظلـــم**عليّ خيَّــم**بدمع عيني
شكه مهدك ** فگد ودَّك**يواسينــــي
حگي من الك حنيت**اّنه الوالده الربيت
***************
على خد الورد گطــــرة الندى تالم **اليظن انسه ملامح بسمتك واهم
ياعمري وحبيبي ماترد ســـــــــالم**مذبوح ابسهم من ائيد كل ظالــم
يظل شوگي وحناني ابشوفتك حالم**ستر الليل وحده ابمعتي عالـــــم
طال الليل**نوح أو ويل **وهمومي
رحت لبعيد **يفرحت عيد**من يومي
يبني بالدمه اترويت**اّنه الوالده الربيت**مفجوعه/ مغجوعه
اسم القصيده(يطير الطار) ((11))
=====================
يطير الطار جيب الماي لشفافه**صدري ناشف وغصبن عليه عافه
ذبل ورده**على مهده**الدمع هلّه
****************
العطش والظيم والحرمان واللوعه**اخاف امسه وصبح ببني مفجوعه
گطرة ماي عــن ارضيعي ممنوعه**بعـد ماريـد يـوم جديـد وطلوعــــه
يفرفح حاله بگماطه ويعاينلّي
ونظرة عينه والله ادري شتگلّي
الحر حشاي **اريد الماي**الگلب سلَّه
*************** *
من حر العطش صار الوجه اصفر**كل لحظه عليّه لونه يتغيَـَّـــــــــــــــــر
اريد ازگيه اخافن جبده يتفسَّـــــــر**منو بعمره اعله جوع وهظمه يتصبّر
صحت ياحره لحگيلي رضيعي ضاع
اخاف ايروح من حضني وتلمه الگاع
أنه شبيدي **عله اوليدي**ابهل العله
****************
ابو اليمه على صدره حضن گلبي**وخذ للگوم ربايه اوياه أوكل تعبـــــي
منتظره عيوني الرجعته تربــــــي**بدمعته وفحطته يصرخ شنو ذنبـــــي
لن ابنبلة المنحر گطـــع رجواي
انطع ورده تروّه من دماه الماي
ياأســلام**ياأرحـــام **ياملّــــــه
****************
بشجرة روحي هاي الورده تتربّع**من اعروگي جانت ترتوي وتشبـــــع
اخاف اعليها من نسمة هو تفزع**ماتحمل رقيقه وخايفه توگـــــــــــــــع
مد ائيـــــــــده الخريف عليها روعها
ابرمشت عين حرمني ربايه وگطعها
انـــــه او ليلي**انهدم حيلي**الي اشخلَّه
****************
لكظّي عمري بانوح والم فرگــــاه**نون اعليه اّنه ومهده أبصرخـــــة اّه
يدر صدري على حضني ولاينساه**يدنيَّه ليش حرمتيني نظــــــــر عيناه
طول الليل الوليله المهد خالي
دللّول وتسيل ادموعه دلالي
ادك عالراح **عله أ لي راح**العمر كلَّه
****************


اسم القصيده( بمحبتك اباهي) ((12))
======================
خلقني ألاهي **بمحبتك اباهي**يافخري وجاهي
امامي الذبيح
********
عساه الساني يخرس لونسه ذكرك**واعمي العيــــن اذامارادت اتنظرك
أنه ابدنياي عايش سيدي ابفخــرك**جندي الغاضريه اوريت تحت امرك
ايماني ابثباتي**او كل امنياتي**اضحي ابحياتي
امامي الذبيح
********
ابعشرة الاصابع نبصم الحبك**ويقر گلبي وضميري تابع الدربك
كوّن الك كعبه ابكربله ربَّــــك**علّه شانك وهل المنزله ايوّهــــبك
ياقبلة الاحرار**يامعقل الثوار**يامنهج الاحرار
اماي الذبيح
********
الك بالذَّر أمان أنخيت أله الشيعه**وخذت منّه العهد هل العهد منبيعه
عندك صار ليوم الاخره اوديعـــه**يوم المهدي يطلب ثارك انطيعــــه
انلبي نداءه **ونوفّي وفاءه**ابساعة لقائه
امامي الذبيح
********
مشينالك سݘݘ ظلمه جزينه الخوف**أمانينه الگبرك نوصلـــــــه ونطوف
يازاير تنشده گلبه رد ملهـــــــــوف**اضحَي بأغله ماعندي وأطِّي اݘفوف
لو تمنع الظلام**ماننمنع اوهام**ياروحه للاسلام
امامي الذبيح
********
موكل المنايا ادروبها الجنَّــــــــه**ولاحصَّل مراده الراد وتمنَّـــــــه
ربح بس الموالي الأحسن ابظنَّه**تظل يامن حييت الدين امل النَّــه
أيدك أبدينه **أتصعدنه السفينه**الحصنك توَّدينه
امامي الذبيح
********

اسم القصيده(راح ارباي) ((13))
***********************
من ايدي راح سهر الليل ورباي **والعطشان يتروَّه الدمه ماي
تظل ضلوعي عالمفطوم محنيّــــات
سهم ابگلبي صارت نظرت الشمات
*******************
ردته يكبر وينطر سنينــي **وشوفن صورته تحله ابعيني
يوم فراگه ماظنن يجينــي **وݘف يسراي اصفگه بيميني
غاب وغابت اّمالي اعله فرگاه
وتمنيت عمري ينكظي ويّــــاه
**عشت بحزانـــي بالآلآم والحسرات
**سهم ابكلبي صارت نظرت الشمات
********************
مُناي اگبال عيني ايصيح يُمّه**واجيله ابلهفه وبصدري اضمه
شگله للوكت الجاب همَّـــــــه**ريته عن رضيعي اليوم يعمــه
ينساه ويظل عايش يعوفـــه
ويگّر العين من يكبر وشوفه
**وعاين ضحكته مرسومه عالوجنات
**سهم ابگلبي صارت نظرت الشمات
********************
ملك الموت اجاني واخذ منِّي**عمري وفرحته وضحكته السنِّي
اشمالك يادهر تفرح ابونِّـــي**من ورد الربيع انگطع ظنِّــــــــي
بݘه صدري وعبد الله أشيجيبه
ثداي اتصّب دمع ناشف حليبـه
**ظلتلك يصدري اللوعه والونـــــات
**سهم ابگلبي صارت نظرت الشمات
*******************
ياسهم النَّحر ويّاك عتبــــــــه**تتعنَّه علــى نحر الاحبَّــــــــه
الهوَ لعذيبي عن شمّه تحجبه**طفل ماگلت يرضع شنو ذنبه
صاحبت المنيَّه وصبت نحره
وليلي ماطلع لليوم فجــــــره
**عله مهده تلولي ظلَّــــــت الدمعات
**سهم ابگلبي صارت نظرت الشمات
********************
فرفح أونشغ من لوعته صاح**لمَّن السهم المنحـــــره لاح
دليلي انطعن وتگطَّـع السبّاح**يريت الليل مايطلعله مصباح
انصبغ وجه المنيه ابدم رضيعـــي
عله امر الله يروحي صبري طيعي
**وبخيمگه عم الحزن والآهــــــــات
**سهم ابگلبي صارت نظرت الشمات
********************


اسم القصيده(اّه يازينب اّه) ((15))
اّه يازينب اّه**اّه يم الحزن اّه
************
بخطوتݘ امشينه ونريد اللگـه**نريد شبّـاݘ ابواليمـــــه انشابگه
ياهضيمه ألي تحبه اتفارگــــه**عليج درب الشــام هموم وشگه
الگلب گبل الجدم گام ايسابگه**من الضلوع ايفر روحي تلحگه
اتلاوه ويه الدهر وبقوه لواه
************
وياݘ أجينه انزورمگطوع النحر**والله گلبگ لو جبل ݘان انفطـــــر
ݘم يتيم اوياݘ ياحره حضــــــــر**اشلون لملمتيهم ابدرب الخطــــــر
الهم ݘبير ايصير لوطال السفـــر**صعبه ندري اعليج لو شامت نظر
عله مودݘ غضب حته الله ابسماه
************
حسين انتي او زود ابو فاضل اكيد**هذا صبرݘ طود صامد أوعنيـد
ابو اليمه الصبر من عندݘ يريــــد**انتي عباس الحݘه ابمجلس يزيد
مو خوارج گلتي جيناك وعبيــــــد**ّحسينّه للذله أبد ماأطَّه ائيـــــــــد
وبأخس الناس هل الوكت ابتلاه
************
الظيم البگلبݘ ناره أموجــره**عالجبل لوطاح ذابه أو فّســــره
ابروحتݘ وبرجعتݘ متمرمره** يدري بيجݘ الصبر قوه ومقدره
يالعزيزه عالخدر ظيم الجــره**صرتي عنوان الحزن والمفخره
ابموقفݘ لحسين ظل عالي لواه
**************
الحرم وايتامݘ مشو درب المحن**اسياط اميَّه عله امتونݘ علمّن
والمصايب يبت حيدر أوجـــــــرن**اشحال كل اگلوبݘن لمَّن لفـــن
عله الراس وعالصدر يمَّه الطمن**بالدمع والبݘي تشكنله الزمـــن
تهوه فوگ الگبر كل فاگده أحماه
************
اشكي همِّݘ والجرالݘ عالگبر**مادخل گلبݘ يحره شي يـســــــــــــر
وين عباس أويحاميــه للخد ر**من بعد عينه أولوج ذوله اهل الغدر
اّه يازينب اّه من الفجــــــــــــر**تالي ايامݘ اوعزّݘ باليســـــــــــــــر
العمر لو نبݘي عليه ماكفَّاه




اسم القصيده(حبيبي ياحسين) [16]
======================
حبيبي ياحسين **جينه ابدموع العين
انلاي الضعن**ألّي امتحن** باليسر والالام
**********
طول الدرب تبݘي ونبݘي أوياها**ونتعثَّر ابخطواتهـــا أوممشاها
اشحال العزيزه اگعد اتلكاهــــــــا**صار الحزن عنوانها ولواهــا
نوصل ابلمتنه**عالگبر گعدتنه
لميسّره **تشكي الجره**من ولية الظلام
**********
من عافت الجثه غصب وبياحـــال**مذبوح ظامي والݘفن ذاري ارمال
مهظومه حگهه لو دمعها دم سـال**تشكيلك اّثار الضرب والحبــــــــال
تريدك تعاينها**انته التاّمنها
وكل النسه **حملن قسه**ويّاهن الايتام
**********
هذي عزيزة فاطمه غريبــــــه**عدهه الصبر ماينگحم عجيبه
اّهن على زينب ابهل المصيبه**الايمانها هذا القدر ضريبــــه
دفعته حزن أو ويل**شامخه قوّه وحيل
ثورة صبر**منها الفجر**وترفرف الاعلام
**********
ماگدر الطاغي يزيـــــــد أيذلها**وألله عليكم هاي مايقبلهــــــــا
الرحمات انتوا والموده اصلها**هاي المصيبه اشخلة من اهلها
اهل الكرم والجود**للدين روح اتجود
البيت الوفه**هاي الصفه**شما جارت الايام
**********
يسحين بسمك نادت وعضيدك**يابوالفضل هالساعه يمّي اريدك
ياظالم العتره بعــــــــد شفيدك**يوم الحشر دم الرســــول ابئيدك
اعلينه كد كيدك**لوتصب كل حقدك
من نهضته **ابدم ثورته**تتحقق الاحلام
*********







((17))
اسم القصيده( طفلة الطف فاطمه)
==================
فاطمه بعد الروح رحتي من ايدينه**يايمه هذا الليل حيم علينه
وينݘ **ليلݘ** طال أوبعدتي يمّه ماتجينه
************

عن عيني غبتي ليش **ماتعرفينـــــــــــي
وعليَّه زاد النــــــــوح**أوَّنّــــــي وحنيني
تدريني گلبـــــي أيلوج**لاتبَّݘينـــــــــــــي
ابهذا ظلام الليــــــــــل**من يدلِّينـــــــــــي
ضعتي**رحتي **احسب ابظني أمگابله ولينه
************
الليله هذا اليــــــــــوم**غايب گمرهــا
طفله يتيمه الســــــاع**خاص صبرها
أنشدك ياخيّــــــــــــال**عنها وخبرهـا
گلي دربها هنــــــــاك**تبعـــــي اثرها
نوحي **أو روحي**گصدي الجثث ومرادݘ اتلاگينه
************
بيدݘ أخذــــــتي الماي**المن فزعتـــي
اتگلـــــي لبوي حسين**أوسالت دمعتي
يافاطمــــــــــه ݘاليش**وحّدݘ رحتــــي
ومن لمَّت الايتــــــــام **عنها أبعدتـــــي
احݘي **أبݘي**وخلي لعيون اتصب دمعه حزينه
**********
ياحــــره خذت الماي**وگصدت جثته
وين التگي للمذبوح **تالــــي عرفته
ابئدي گلت ازگيـــه**ماشفت شفتـــه
من منحره الظامـي **كوّه شرّبتــــــه
عمَّه**ابدمَّه**جثَّه سليبه اموذره امخلينه
************
عوفوني أريد الموت**اتگلــي ولاعود
اشلون اّنــــــي وياݘ**هم نرجع اردود
بالسبي موعوديــــن**وونوفِّي لوعود
جمر الدمع يجــــري**ومطعونه لݘبود
وياݘ**بحماݘ**منتي البگيتي من بعد والينه
*************

للكوفه وأرض الشام**بالحزن انروح
بحبــــــــال متجتفين**انعوفـه ونروح
عالمتن سوط اعداه**لليبݘي وينــوح
ياريت اخذني الموت **أوياه للمذبوح
بحيره**ابديره**بيها لعيون الشامته تاذينه
************

((18))
اسم القصيد( صبر الوالد)
===================
نبي ومايحمل افراگ الابن عنَّه
وبو السجاد بجراحه حضن ابنـه
**يوسف بعد غيبه رد لعـــد يعقوب
**الاكبرجرحه خلّه گلب أبيَّه ايذوب
********************
من عادت الغايب لوعت الغربــــــه**وحال الينتظر رجعته اشگد صعبه
يظل بالشوگ عينه امناطره الدربه**لابد يجي يوم أيطمنَّه الگلبــــــــــه
بِنَه دار الحزن لوعه على لوعــــه
عيونه ابيضَّت او مانشفت أدموعه
**عله المهظوم يوم الطف يلم النوب
**الاكبر جرحه خله گلب ابيه ايذوب
*********************
بيَضَّت عينه تاليه البصر ردلــــــه**هذا فضل الله أعله النبي او عدله
وعله ابن حسين كلها قررت ݘتلـه**يتصَبر ألهذا اليوم ويعدلــــــــــــه
يدري بالنوايب ماجفت حالـه
كل ساع ابسهم ينصاب دلاله
**عله العطشان هذا امقدّر او مكتوب
**الاكبر جرحه خله گلب ابيَّه ايذوب
********************
يوسف غاب والله مكنّه أوردّه**ولتم الشمل لمفارگــــــــــــه مده
والمظلوم دنيَه وناسها ضــدّه**بسيف وسهم اخذت اعَز ماعنده
الله ايساعده الگلبك يبو اليمــه
ݘم واحد وگع وبحضنك أتلمــه
**گلب مايكفي لمصيبه تريـــد گلوب
**الاكبر جرحه خله گلب ابيَّه ايذوب
************
الابو حگه اعله ابنه تذبل عيونه**لكن كل هله يمَّه يواسونـــه
وعزيز حسين بالحومه يگطعونه**سابح بالدمه اگباله يخلونه
ابرحمته الباري ردله يوسف العافه
وتگدَّر وجه ابو السجاد من شافـــه
**طريح اعله الوطيه اموذرأومخضوب
**والاكبر جرحه خله گلب ابيـــّه ايذوب
**********************


هلاهل والتهاني ابردَّت الاحبــاب**وي يعقوب نفرح عـادوا الغياب
وبالمخيم يظل نوح ودمع سݘّاب**بعد شيفيد ويه الغاضريه اعتاب
هناك الفرحه دامت والشمل ملتم
وبكربله ننصب للحزن مأتـــــــم
**واّخرها الغريب اعله الثره مسلوب
**والاكبر جرحه خله گلب ابيّه ايذوب
*******************
ظلت دمعتي والروح ولهانـه**وظل الجرح ينزف عالخله امگانه
يناشدنه يشعيه نوحوا ويّانه**وبالك ياموالي لحظه تنسانـــــــــه
على كل نبي مـــثل امصبيتي مامر
وعله اوليدي تفسَّر ݘبدي وتمرمر
**من فاگد شبيهه للنبــــي المحبوب
**الاكبر جرحه خله گلب ابيه ايذوب
*******************

اسم القصيده(يجابر مادريت) ((19))
****************
يجابر مادريت اشصار بيّه
يعمي من لياليل الغاضريه
**عفت حسين دامي امسلب اليوم
**مظلومه خذوني اميسره الگـوم
********************
ماتطفه الحراره البينه حرَّاگه** تظل تلهب گلبنه لمن نتلاگــــــــه
موالينه تطل انصار مشتاگــه **تنوح ويانه من نبجي على فراگه
ابو اليمه العهد وقَّعه أبدمــــّـه
حفض دين ورسالة نبي الأمّـه
**بݘت حتى السمه دم عله المظلوم
**مضلومه خذوني اميسره الگــوم
****************
عفت نحره اگبال العين دامـي**راســــه ايرتل القران گدَّامي
من يتصوره هم گلبي والامي** عليّه بعده مرت سودَه ايّامي
ترض صدره يعمّي خيول عشره
عساهه عيني تعمه وماتنظــــره
**عطش ݘبده وشراب الماي محروم
**مظلومه خذوني اميسره الگــــــــوم
********************
اشلو ن انطاني گلبي اصبر عالبعاد**كل لحظه التمر وحزاني تزداد
وصاني الحسين الصبر ينـــــــــراد**عليّه الذكرى بالآلام تنعـــــــاد
يخوي اگعد وعاين عله امتوني
ماشاهدت عينك يضربونـــــــي
**عفاها الروح متحملــــه لهموم
**مظلومه خذوني اميسره الگوم
************
سمعت عباس ݘفّينه رميه**ابسهم عينه عسه عيني طفيه
عمود البين هّو العم عليّه**بعد ݘف الشهامه أمشي سبيه
راح الگالّي ادلليلي ابجالـــي
غاب وصار حال الظيم حالي
**طــــاح البيت لمن هوَ الجيدوم
**مظلومه خذوني اميسره الگوم
******************


شحجيلك يجابر عن الاكـــبر**أوعن جاسم العريس التوَّذر
ونبلة حرمله الصابت المنحر**ݘبده من دمه اتروه وتفسَّر
بالبر هجت اطفال أوحرمنه
شبَّت نار واخذت كل خيمنه
**مهظومه تعاين وجــــه مهظوم
**مظلومه خذوني اميسره الگوم
******************

اسم القصيه(مااّن الاوان) ((20))
===================
صاحب الزمان **ما ان الاوان
ملتنا الجراح**والقتل المباح**مااّن الاوان
*************
ما ملنه الصبر لاملينه منّه**ياصاحب الامر ألنه تعنـــــــــــــــــه
ابد ماخاب والله بيك ظنــــه**ننتظرك جنود وعهدك املنــــــــــــه
كلنا نصيـــــــح**ثارات الذبيح
قد طال الصباح**ملتنا اجراح**مااّن الاوان
************
من تقدم علينه وتجيب الفرحـــه **اوجهك يشع النه ابنوره و صبحـه
غميكه آلّامه الموالي من جرحه**تتعنه اعليه النواصب وتذبحـــــــه
نحن الثائريـــن**للحق ناصرين
والطبع السماح**ملتنا الجراج**مااّن الاوان
************
ابيا ثارتبدي ومن تطفي نــــــاره**ابگوم الهجمت علــــى حيدر داره
كسروا ضلعها اليدِّعون انصاره **وݘبد الحسن الزكــــي يطلب ثاره
ان قلنا متى**الغد قد اتي
الدم مستباح**ملتنا الجراح** ما اّن الاوان
************
العتب ويّاك منريده يجرحـــــــك**أبهم وحزن امناطر نـــدري صبحك
ربي يعجّل الفرج الفرحــــــــــك**متانيك يامهدينه سيوف اعلـه الحك
توفي بالوعود**صادق العهود
حيا للفلاح**ملتنا الجراح**مااّن الاوان
************
اظهر أو رد علينه كلمت هيهات**لبيّك انادي ونعلـّــــــــيها الرايات
يوم الغاضريه ايطالب بالثــارات**صرخات دم حسين ولوعه واهات
ان حان الرجوع**تفرح الدموع
الان الكفاح**ملتنا الجراح**مااّن الاوان
************

((21))
قصيده بحق الطفل الرضيع لسان حال ليلى عليهما السلام
*************
عبد الله يبني ** الدهر دولبني
أشوفك يغالي ** وحزني عذبني
تروح من أديّه ** بسهم المنيّه ** عبد الله يبني
***************
ݘنت مانام ليلي وأفزع من بݘاك **وضحّي بروحي وبگلبي علمود رباك
خذاك الموت منّي ريت اخذني وياك ** ولاعيش بمرارة عيشيتي بليــــاك
تبݘــــي اسمعك ** ومسح ابدمعك
بضلوعي اداري ** يوليدي شمعك
انكتب عليّه ** تروح من أديه ** عبد الله يبني
*****************
تنام عيونك أتظل عيني سهرانه ** اداري ورود غصنك خاف ذبلانه
تعب رباك راحه وبيها فرحانــه ** لفاني العاشر أبآلامه وحزانـــــــه
ياورد لغصون ** يانــــــور لعيون
ياذنب منـــــك ** الوردك يگطعون
ظلم آل أميه ** تروح من اديّه ** عبد الله يبني
**************
سهم الموت اخذ روحك وخذ عمري ** عليك دموع حزني غرگّن صدري
ليلي بليل انوح وماطلع فجـــــــــري ** ياظلم الليالي ألّي حنت ظهــــــري
مانت ليلــــي ** هدّمت حيلي
سهم لبنحرك **صوّب دليلي
يبن الحميّه ** تروح من اديه ** عبد الله يبني
*************
ياطفل انذبح عالماي من نحره **ياطفل انفطم بالموت من صــــدره
يطير الجنه يامفطوم من صغره ** روح اشكي همومك لمّك الزهره
من يرّف جنحك** من ألم جرحك
للله ورسولـــه ** أشتكــي ذبحك
من هل الرزيه ** تروح من اديه ** عبد الله يبني
*************
ݘنت آنه أحضنك ونته تحضنّـــي ** برباك الليالي خيّبت ظنّنــــــــي
خذت يبني فرحتي من غبت عنّي **ثداي من الحزن يتباݘن وحضني
انظــــر المهدك **يتلالــــه خّدك
وسمع صرختك ** يمه آنه عندك
دموعي شجيّه ** تروح من اديه ** عبد الله يبني
((22))
(ظلعيـــــــــــــــن)
************* *
ضلعين /عليّه بالحزن لايــــــــــــــام
ضلعين /الحمه ضعني وحرس لخيام
منو بعده الرحمنه ** وبيمنا علمنه
*********************
شله ويانه الزمان المارحمنه // بسهامه ولانـــه
من جور السقفه ماسلمنـــــه //بدت منها الخيانه
سبب بلوانه همّه وكل المنـه //خانونها الامانـــه
بس احزان وآهات التلمنه // عاليخله مكانــــــه
أنتباها//انريد الدرس سيرتنه
أنتباها//وكلمن صار شيعتنه
ورگ شجرة ثمرنه ** وبيمنا علمنه
*****************
حده بضعن الحراير من گصدنه// وبگلبــي مراره
صُبح عباس حادينه وعمدنـــــه // حاضر للأشاره
المنايا سارت ويانه العهدنـــــــه// حكم الله اختياره
ادري بكربله نوفــــــــــي وعدنه//بيناه ويســـــاره
وعدنه//نوفي للدين بدمانـــــــه
وعدنه// برحمته الباري وجنانه
من يدخل الجنه**وبيمنا علمنه
******************
گمر هاشم سطع بالنور وزهر //زهت نجمة سمانه
أبد ماشاف راحه وعينه تسهر//ابو فاضل حمانـــه
عله بختج يكلّي وما تعـــــــذّر //يحرّه هذا آنــــــــه
ادير الكون بيميني انه أگـــــدر// وغيّرلج زمانــــه
وجوده//اخـــــذ رايته بيمنه
وجوده//رفعت راس حادينه
ولله ماخذلنه ** وبيمناه علمنه
*************************

گصد للعلگمي عالمــاي همّه // يرد بالفرحه أنـه
صار الجود گلبه بصدره ظمّه //وناطرنه املنــــه
تبدّه المــــــــاي لاݘف اليلمّه //وبي يوصل لهلنه
تربـــــــــي عيونّه ونريد يمّه //يرد يلتم شملنــــه
مارد//من صابه العامود وطـــــاح
مارد// حضن جود العطاشه وراح
منو اليحدي بضعنّه ** وبيمنا علمنه
*******************
ماترضاها يابـــو الفضل انشاف //مثل همّي تعانـــــي
بعد عــــــزّي يسيره وبيّه ينطاف // خلآني زمانــــــي
يزيد وگومه لارحمن وله انصاف // تتبادل تهانـــــــي
ياأطهر نسب من نســـل الاشراف // من غيرك حماني
وضعنه//تحيّرنه عگب عينه
وضعنه//ظل بعازة يمينــــــه
وݘف يمسح دمعنه** وبيمنا علمنه

((23))
ويلي عا لمطعون بݘبده
***************
للتاريخ يمناه خطّت الآمال ** موقف منتصر عهده عهد أبطال
لكن الرذيل اعتمد هذا الحال **تحت ݘدمه العهد خلاّه من حقده
**************
سفير الموت دك أباب أيمانـــــــه **بعنگود العنب هل اليوم احزانه
دخل جسمه ويدري ݘبده عنوانه **أصفر الوجه منّه ونحل جسده
************
ويّه الالم يتلاوه ومرار السّــــم **ثلاث ايام بعدها فرگ يتحتّـــــــــــــم
لاطب اليفيده من سره وي الدم **الحسن هل اليوم راح أيروح لو بعده
**************
عله يساره ويمينه دارة العيله ** مثل العاجز المابيده أي حيله
هذا اليسنده وهــــــــذا اليتݘّيله **الخوف يغيب عنهم ماأله ردّه
************
تعايوم ياوجه مخطوف بدموعه ** وتحس بياكلب من فزعت اللوعه
وبصبح المصيبه عليه مفجوعه ** يريته لاطلــــــــــــع أوطوّل المدّه
****************
شاف حسين لايج حاله مو حاله ** ودمعات الوداع دموم همّالــــه
حزينه زينب بألآمه گبالــــــــــه **تكله أمين اجتنه سمومها الجعده
*****************
يگول اگبالي انتوا اليوم تبݘوني**ويّاي بمصابي وما تعيفونـــــــي
وياكم اخذوا للطف دمعت عيوني **دنيه وآخره منتظرتـــــه المجده
***********
يمّي خوي شابج أيدك أبأيــــدي **ويوم الطف وحدك لاكن شبيدي
أخذ وياك ݘبدي أوديعتي وليدي **وخلّه نجمه بين أنجومك وعدّه
***************
عن زينب جــــروح الݘبد يخفيها**يظم طشت المصيبه خالف ياذيها
تصّد عيونها وتشوف تاليــــــــه **والوذرات گلب الغاليــــــه أتمرده
***************
ودعنه وأبــــــــد ماننساها ايامه ** يظل فركاه جمره وتسعر آلامــه
خلّه النايحه بگلوب أيتامـــــــــه **بدموع الهظم تصبر علــــى بعده
**************

(( حبك في قبلوبنا ياحسين)) ((24))
***********************
حبك في قلوبنـــــــا ياحسين ** والنصر في دروبنــا ياحسين
أن المنايا خلدّت ذكراكـــــــم **في قلب من والاكموا ياحسين
صوتك دوّى للملا صارخــــا **وصرخـــة الدم علت ياحسين
من مثلك جاد لاجـــــل الدين **عزّا علــــــــى جبينك ياحسين
كنت امينـــا اذ وفيت العهود **ماخنت عهدا سيـــدي ياحسين
الجود من طبــع الكرام انهرا** جدت وانت المنعــــم ياحسين
بالنصرظنوارفعواالصوارما **دمُك ذل سيفهم ياحســــــــــين
دما طهورا سال فوق الثرى **فصار للـــــــداء شفى ياحسين
اكثر من الف اذا عدّوهــــــا ** هذي الجراح علمــــا ياحسين
ياسيد الجنة والاخــــــــلاق **الروح والقلب فدا ياحســــــــين
وروضك الرحمات طافت بها **مستيقنين عفوك ياحســــــين
وقبلة الاحـــــــــرارانت لها ** رمزا وعزا للعلا ياحســــــين
قد عانق الضعن المنايا ولها**فخلّدته كربـــــــــــــلا ياحسيـن
الدهر لم يبقي لنا اعوانــــــا**واستأمر الشمر بنا ياحســــــين
عانقنا الموت وعانقنـــــــاه **ماان تركنا يثرب ياحســــــــين
ياأخي قف لي وانتظر لحظة **حتى اقبل صدرك ياحســـــين
وصيّة الزهراء أوفي بهـــــا **قد لا ألاقيك غدا ياحســــــين
ها قد اتانا الغد بالاحزانـــــي **أثقل همّي بعدك ياحســـــــين
بصرخة الثكالا والايتـــــــــام**سرت وصرت انظـر ياحسيـن
الراسيات نورها ســــــــــاطع** والنجم يهوي باكيــا ياحسين
مانفذ الصبر وعينــــــي ترى** دماك تجري عالثرى ياحسـين
بنبلة الحقد رضيعـــــا فطموا** من نحــره يسقى دما ياحسين
هذا علي الاكبر مخضبــــــــا**يشكوا الضما لجــــــدّه ياحسين
هوالشبيه لاشبيه غيـــــــــره**خلقا واخلاق النبـــــي ياحسين -
عرسا بأرض الطف والحناء**دما لكف القاســــــــــم ياحسين
عزّوا علينا فرحتــــا نحياها ** وأوقدوا الدمــع شجا ياحسين
كــان قريب الماء لم يرتوي ** عباس بــدريّ الضما ياحسين
لاجلــــــه الجود بكا اعتذارا **عينا وكيفيه لــــــــــك ياحسين
قد قطـــع الوصل بك مرغما **عباس ذو المرؤة ياحســــــين
واخوة كانـــــــوا لنا انصارا **أيمانهم عونا لنا ياحســـــــين
مالذّة العيش وعينا تـــــرى **تجري الدماء عالثرى ياحسين
اجسادكـــم تقطّعت او صالا **للدين قربانا اخي ياحســــــــين


وين ابو الغيره ((25))
*****************
وين ابو الغيره ** لوما مصيره
ماريضه لخته** تنگاد اسيره
للوفه الذمه = حگي من احشمه **وين ابو الغيره
****************************
ݘنت لؤلحظه بيها اغتاض يسالني** ولامل گلبي منه ولايمل منّـــــــــي
اخوي المانخيته وخاب بي ضنّــي ** اريده الساع يحضر شدتي او وني
بعد عينه الزمان بظيمه محنّــــــي ** بالامي فرح او شدتي او ونّــــــــي
اجينه سويّــــــه ** للغاضريــه
ايدي اعله ائيده ** من يرد بيّه
يمن فدوه لسمه = حگي من احشمه** وين ابو الغيره
*************************
طلعت من المدينه وخوفي من باجر** يحط طير الشؤم ابدرب المسافر
سفرتك ياضعنه طير ومهاجـــــــــر** لو نيتك ترد او تجبر الخاطـــــــر
بعد لمن تواسي والمن اتجابــــــــر** غاب الجان يمنه للشدد حاضــــر
حادي الضعينه ** ايمر علينـــه
ويداري ضعنه ** ورايه ابيمينه
ماهجع همه = حگي من احشمه ** وين ابو الغيره
*************************
انه ادري ابروحي ماانظام بوجوده** لوشمسي تغيب ودنيتي سوده
كفاغني الهيبه منه حارسه حدوده ** ليمينه تظل لرگـــــاب ممدوده
كل وصف اليلوك اعليه من زوده ** آنه وخــدري بالعباس موعوده
وصلت اخبار ** يمينه ويساره
گالوا گطيعه ** مايّــــــرد داره
اعذر وفهمه = حگي من احشمه ** وين ابو الغيره
************************
حياته الجود صار وهمه يروينه ** كل لحظه مصيبه وظيم يلفينــــــه
يدري بالعطش نـــــــاره تݘّوِينه ** وگوم ابلا حميه دارو اعلينــــــــه
واولاه من صاب السهم عينــــه ** ومن كطعوا يساره وكطعوا ايمينه
ابعامود الراس ** من هو العباس
انطفه شمعي ** مني شاب الراس
بالگلب لݘمه = حگي من احشمه ** وين ابو الغيره
**************************
بو فاضل ولولنه اعداك وسبونه ** عگب عينك يخوي ابحبل ݘتفونه
وبدرب الشماته اليـــــوم اخذونه ** لهل الكوفه وهل الشام ودّونــــــه
يابو الغيره ترضمه من يشتمونه ** وحق المعرفه كلهم يعرفونــــــــه
المن انادي ** ابحرگة افادي
وانه ابغربتي ** اندب يحادي
وبروحي هظمه= حگي من احشمه ** وين ابو الغيره
*****************************************

((26))
قلبي حسينـــــي** ودمع عينـــــي
بخدمة المظلوم ** من الصغر لليوم
******************
أشرف خلــــــق الله حبيته ** بروحي عاش وجدانــــــــــي
الحاء وسين بنصّه الگلبي **وياء ونون أبنصّه الثانـــــــي
للبــــــــاري اسجد وتشكَر **لحسين موالي خلانـــــــــــــي
وخل يعرف كلمن عادانـــه** شيعي وارض الطف عنواني
هذا حقّي ** وهذا عشقي
ابقه الموالي دوم ** من الصغر لليوم
**********************
وتعلمت شفتيني حروفـــــــــــــه **شلون تلملمها وتحجيها
من صغري الصدري تلوح أيدي ** تلطم بمصيبة واليهـــــا
وصوت الخدّام بآذانــــــــــــــــي **للحره تواسي بواجيهـــا
بمحلتنه تشوف عيونـــــــــــــي **رايات الحزن ترف بيهــا
صوت الشعائر **في قلبي حاضر
دمع وحزن وهموم ** من الصغر لليوم
*********************
صرت اكبر واعرف وتمعّن **وجدامي تمشي بخطواتي
وأمي تعلمني ماأنســـــــــه **أصبر لو زادت آهاتـــــــي
والوالد مايقبــــــل أرخص **أتفكّر دوم بكلماتـــــــــــــي
علموني شلون احفظ ديني**وحسين بروحي وبذاتـــــي
أفهموني **علّموني
حب الصلا والصوم** من الصغر للدوم
************
أرض الطف آنه الاعشگها**وتنفس طيبة تربتهــــــا
بيها التنزيل وآياتـــــــــــه **ورجال الحفظت كلمتهـا
ضحًت للرمز وتتفاخـــــــر **أتعلّت هامات بوگفتهــا
ثبتت دين الله وأركانــــــــه **هاي الثوّار بنهضتهـــا
صدق اليقيني ** قد أحيا ديني
الطف درس مفهوم ** من الصغر لليوم
***********************


شفت الزوار التتعنّه **صحت أخذوني يالمّشايه
طلگت الدنيه ومابيها**صرت أركض وبأيدي الرلاايه
بدمّي مابخل وبروحي **لو وگفوا سد دوني عدايه
بسجل الزوار اليتسجل **مايتاج بدربه حمايه
هذا شعاري** أريد ثاري
للحق درب مرسوم**
من الصغر لليــــوم

((27))
حب حسين عنواني ** يظل عايش بوجداني
أزورن صحنه مشّايه **وبدمي اخط رايه
**************************
أطلگ الدنيه وهجرهــا ** ومنها اصرخ التوبه
عاشگ والگلب ولهان ** يتيه بزحمة دروبـــه
يدوّر عاليگر العيــــــن **بالطف شاف م