ديوان(( في حب الحسين ))الخادم خالد محمد مهدي الحجار2012

اللهم صل على محمد وآل محمد ))
اربعينيه ((كعده))
***************************
نار الباب ونار خيمنه**ضلعݘ وضلوعه تالمنه
يايمّه بعدنه أوردّينه
يايّمه حسين أمتانينه**ضلعݘ وضلوعه تالمنه
*****************

يمه اسولفلݘ ودمعـــــــــي **مانشف للساعه يمّـــــــــه
عيني شافت ضلع دامـــي**وبالگلب خلالي لجمــــــه
وصار صبري وياي يكبر**رافگ اسمي وصاراسمه
حيدره محرابـــــه بݘـــه
ݘبد الحســــن سمَّه شݘه
الگلب سولفلــــي أشحݘه **عن ضلوعه أوفيض دمه
ليل موسَّد ناطـــر دفنه
اخذونه الظلاّم أورحنه**يايمّه ظل حاير بينه**يايمّه حسين أمتانينه
****************

يمه اخذوني يسيــــــره ** بردني اتستر الحالـــــــــي
وصرت الوذ بين همّي**وصرت الوذن أبخيالـــــي
سوط فوگ المتن يشـهد** وراس فوگ الرمح عالـي
خلَّيته ابن عقد الــولــه
جثه سليبه مرمـلـــــــه
من ݘفنّه من غســــله**وصار حال الظيم حالــــــــي
وأيتامي شردت مرعوبه
ادَّورعن واليها وصوبـه
يمه ماظل ݘف يحمينه**يايمه حسين متانينه
****************
اشوكت طف كربله اوصل**وتحݘي دمعاتي أويّ گبره
عالوجه مگلوب عفتـــــــــه** شرّف الطف دمه نحـــره
ريتها لضّلوعي رضَّــــت **الخيل من داست ابصـدره
نار الِّي بابݘ حرگتـــــــه
حتَّه المخيـــــــــم لهـــبته
حقد السقيفه جابتــــــــــه ** اصلاب من اصلاب قذرة
شوكت اوصل واشتم من طيبه
وجروحي ما إلهن طيــــــــــبه
يايمّه فراگه ماذينـــــــــــــــــــه**يايمّه حسين متانينه
****************
يمه امشي أوياي أَگعــــــده**احݘي ماريدن عتابــه
جرحي ادري جِرَح كَلبـه **فوگ لوعاته أوعذابــه
جرح الاكبر جرح جاســم**جرح عباس أومصابه
ظهر المنيـَّــــــه من سرج
اتشوفــــــه بالموت ابتهـج
وصحبته الضَحت بالمهج**بالدمه وافت اصحابــه
وعباس العامــود بهامه
طاح وخلاني منـــظامه
يايمّه أبݘفينه أوعـــينه**يا يمّه حسين متانينه
***************
طفل گمطنّه زهوره **طري غصنه وبعده مايل
والعطش يبَّس شفافه **شأخذ منهم بالمقابـــــــــل
السهم ينحَر وريـــده **نزف دمَّـه أو ورده ذابـل
عطشان وبنحره انرمه
وگماطه سابح بالدمـــه
بعيوني دنيه مظلمـــــه**هم لزم سيف ويقاتـــــل
رقيه بأرض الشام إدفنّه
طيرين اترفرف بالجنـه
يتيمه ومفطوم أمأذينــــه**يايمه حسين متانينه
*****************
يُمّه ياليل اليمرنــــــي**أتهيج روحي ونـار تسعر
اظلم اليــوم الاصّبحه**گلت اصبّر گلبي واگــدر
ابقه بجروحي اداوي**وݘبدي يــابضعه تفسّـــر
ضل اليتيم بدمعتــــــــه
بالغربه صارت سلوته
تصعب عليَّه شوفتــــه **وانتي اعرف بعد اكثر
نبݘي دم تبݘين علينه
هَــم امصّبحنه امسّينه
يايمّه للطف ماشينـــه**يايمّه حسين متانينه
**********************************************************

أربعينية
************
بهظم والم ردت المهظومه
*****************
ردت ام الحزن والدمعــــه عبر**وحمل فوگ إمتونها أيهِّد الظهر
راحت أورجعت بدروب الخطر**دمعه دمعه من تصب مالومــه
****************
نمشي وياها عله آثـــــــــــــــــــارالݘدم **من المصايب حيلها نـــدري انهدم
أوياها خلِّي أنواسي دمعات الألــــــــــــم**محنـــي ظهرام الحـــزن مهمومه
***************
خطوه خطوه نوصــل الارض الطفوف **أنزور گبـر حسين بالدمعه نطوف
عالشريعــــــــه انروح يم راعي الجفوف**نســــــــــأله عـــن العمد وعلومه
**************
وصلــت بياحال طفها ام الحـــــــــــزن **تلطم أعلـــه الراس أتنوح وتـــون
تگله عمه وين اخويـــــــــــه منــدفـــــن**سمع بيها ردت المظلومــــــــــــه
***************
المواسي ألها بالغربـــــــــه الصبـــــــر**غصب عنها صار بالطف الهجـــر
تگله يابـــو اليمـــه المصايب تمـــــــــر**والاشـــد منَّك صـــــرت محرومه
*****************
جبـــل عدها شايلـــه بين الضلـــــــــوع** شلون تصبر على اطفالــه التلوع
من عله گبر ݘعت يـــوم الرجـــــــــوع**من ثدايـــــــــــــه النّايبه مفطومه
****************
تگله خوي الك اشكـي أمصيبتي**والله حال الضيم حالي بغربتــــــي
آه يا مذبوح زادت علِّتــــــــــي **الدمعتي يبݘي الگمر وانجومـــه
**************
تريد تحݘي وياه عن كل المصاب**موقصدها ويّ ابو الضيم العتاب
تگله راح الاكبر وزيـــــن الشباب**خيمته آضلمّت وتبجي همومه
**************
غاب عني الحمه ظعني من الخطـــر** ومن يبـــاريني برحلتــــــــي والسفر
راح ابو فاضل العباس الكــــــــــمر **الوفه بطبعه وغيرته من يومــــــــــه
**************
تشكي حــــــــــال اليسر من شتموها**وعالمتن بالسوط من ضربوهـــــــــا
حتى من البݘي هم منوعـــــــها**جروح ماطابت تظل ملݘومــــــه

---------------------------------------------------------------------------------

((كعده))
الامام الحسن عليه السلام
********************
وداعك يابو محمــد** هل الليله *هل الليله
تغيب بجبد مسموم ** هل الليله * هل الليله
عهدك الحافظ دمنــــه
أعبرنه وياك المحنـــه ** هل الليله* هل الليله
***********
شيعتك تدري بمرارك ** شلون لوعاتك عشتها
أمرّوك وبيك خانــــوا **هاي ماأنته ردتهـــــــا
وقًعت عهد التقيّـــــــه ** دماء شيعتنه حفظتها
سفيان صلبه مارضـــه
هل العهد حجّه داحظـه
طينته وطبعه أتوضِّحه **عهودك انته ماخنتها
حكم السقيفه أنعاد **أعلينـه * أعلينه
ذلَّتنه بيهــــــا راد **أعلينـه * أعلينه
ثبتت مواقفنــــــــــه
أعبرنه وياك المحنه
*************
نعاني من لوعة غيابك ** نوگف عله جروف منّك
يصب دمع الگلب جمره ** بالݘبود أينام حزنـــــك
يتامه نوصل عله اعتابك **وننشد مضايفك عنّـــك
ياجود يافيض الكــرم
من ݘفّك اعرفنه النعم
ياسيدي من الالـــــــم ** نلوذ نتستّر بحصنــــــــك
الدمعه حزينه أتصيح ** واويلي * واويلي
رابع الخمسه أيطيــح ** واويلي *واويلي
بآهاتنه أتجرّحنـــــه
أعبرنه وياك المحنه
**************
جعده سمها سره أبجسمك ** يعرف ويندل مكانه
والعنب مستحي منّــــــك **هذي يحسبها خيانــه
واليخون العهــــــــد مرّه **سهله مايحفظ أمانــه
ݘبدك يدًور عالصعب
يدريك أبـــــد ماتنغلب
سيف التقيّه اعلن حرب ** عالحقد ذلّه أوهانـــــه
هيهات الف هيهات ** رددنه * رددنه
منبالــــــي بالشمات** رددنه * رددنه
اتظل انته ربحنــــه
أعبرنه وياك المحنه
**************
سيرتك كلها مفاخــــر ** وفضلك البادي علينــه
والله صعبه يبو القاسم **تروح ياغالي من أدينه
وعيلتك تصبـر الفگدك**إلهم يواسي بݘينـــــــه
حسين دمعاتـــــــه دمه
دنيه عله زينب مظلمه
تغيب يابن فاطمـــــــه ** المشتكى لله ونبينــــه
يطبك سمه عله الگاع ** أمصابك * أمصابك
نوح ودمع سݘّـــــاب ** أمصابك * أمصابك
سم ݘبدك اليهظمنه
أعبرنَه وياك المحنه
************
عين شافت ݘبد دامي**وطشت بيه جروح ݘبدك
تدري بختك والنوايب **اشراح يجره أعليها بعـدك
يعينها الله عله المصيبه** ينگطع يالحســــــن ودّك
الموت لو يمّك حضر
ݘبدتها تتكطّــــع وذر
مابعد رجعه من السفر**لو رحت عنها شيـــــردًك
نعشك تصيبه سهام ** غدّاره *غدّاره
وبكربله الظــــــلآّم ** غدّاره *غدّاره
عنّك مانكطع ودنّه
أعبرنه وياك المحنه* هل الليله * هل الليله
*************************************************************
(( حوار مع ناصبي))
آنه المجنون بحب حسين ** وانته الملعون أبغض حسين
آنه اتحمّل مّنك وصبــــر ** وانته بكل اعرافك تكفــــــر
والله الشاهد بين اثنين
**************
ارجع باصر روحك وسأل **حاول تدرك درب المعبــر
حب الاول حب الثانــــــي ** حب الثالث شنهو تغيـــــر
خليلي بس حب الرابــــــع ** أوّل لوعدّينه يظهــــــــــر
أقره وطالع منهو بسيفــــه **حز روس الشرك وما أدبر
أگعد نحسبها آنه وياك //من واليته أتظن والاك
حبيت أوّاليت العترة //وبكل شوك اتنطَر فجره
ياهو الاسود وجها بينه
لوگابل واحدنه نبينــــه ** دورعالحبيتَه وين
** الله الشاهد بين اثنين
***************
نرجع للاصل وللمنبـــع ** متأكدين ابحـق من يشفع
هم يشفع للآذوا بنتــــــه ** الخلو عين الزهره تدمـع
منها فدك أخذوها عنوه ** صاحت مهظومه لليسمع
تالي بين البــاب وحايط ** محسن يوگع ضلع أتوجع
ترضاها لوعندك غيره ///يتنصّب عالمؤمن اميـــره
يحرگ باب البضعه بجفه /// وݘفه عله الخد آياوسفه
حكم الشورى حكم الباطل
كل بحݘاية حق أيماطـل* هذا أول حكم الشيخين
** والله الشاهد بين ثنين
***************
احݘيلك من عندي وعندك ** بكتبي موضوعه وبكتبك
ألحب نفسه أوحب الكرسي **تتوقع هم يوم أيحبــــــــك
خالف تعرف هذا المبـــداء ** اخسر دينك خالف ربــك
هذا المنعندك يردونــــــــه ** أتظل تايه ماتندل دربـــك
أبيا أيمان أحلف وتصدك //// ولحيمه العقلك بيدك طـــك
سراط الباري بيش اتعبره /// باݘر يم حسين العبـــــره
سفينة رحمه حسيني ألعدها
أيدي أبئيدك خل نصعدهـــا**ونذّكر كل الناسين
** الله الشاهد بين اثنين
**************
صح النور الخامس بيهــــــم ** لاكنَه الاوَل والاخــــــــر
الدين اتعطلت احكامـــــــــــه**حكم الغابه وحاكم فاجـــــر
شد عزمه أبئيمانه وصبــره ** ناده بصوته هل من ناصر
واجب شرعي اليسمع صوته ** لايتأخر ماظل باجـــــــــر
جدمي بجدمك خل نعگرها /// والزود الروح أنصبُّرهــا
ونلبس لامت حرب ونگصد ///لارض الطف العهد أنجدد
شيل السيف اصرخ وتقدم
شينفعك تالـــــــي من تندم ** ونّادي لبيَك حسين
** الله الشاهد بين ثنين
************
عوف الغرَك ماله وجاها **ما يوگفلك باݘـــــــر احّد
بنفسك اعلن ثورة مجدك ** عالباطل تگــــــدر تتمرد
بستانك لو ماتت گاعــــه ** بحب حسيـن أتنظره ورّد
عوّدها النفسك عالطاعـه **طيــــــع العتره ولا تتردد
خلي احساباتك أجّلها /// والنفس الامّاره ذلها
بالك لاتخسر ميزانك /// بالك لايضعف أيمانك
آنه ويـــاك انصمم نبدي
ماترغب لاتوگف ضدّي ** جنّه دربه وقرة عين
** والله الشاهد بين اثني
******************************************************

((لوحه حسينيه)
*******************
كتبها ألنه القصيده ** للثوره المجيده
مله ابياتها دمـــوع
كتبها فوگ لضلوع
**********
شاعرها وصف اغله معاني وخط **عله رماح وسيوف وخيَم وعلــه الشط
نقًطها الحروف نقاط دمّــــــه حط **حروف الذلّه ماشفناها بيهــــــــــا قط
قرتها نجوم وجبال
قرتها رياح ورمال
قراها ليل وطلوع ** كتبها فوگ لضلوع
*********
خياله للحقيقه واســـــع الصوره ** دخلت بالگلب ونخطَّت أسطوره
لاخر يوم بالدنيّه يشّــــــــع نوره **خلّدها الزمــــان وبقت منصوره
آلامه حرم وايتــــام
وطفله بالسهم ينظام
وصورة طفلته لتلوع ** كتبها فوگ لضلوع
************
رسم بيها جيوش اعليــه تتقدم **ورسم خيمات سمّاهن ألمخيّــم
غطّه صورته لون السواد ودم**والله بنور عرشـــه اللّوحته قيّم
قيّمها النبي بدمعــــــه
وبنته الزاجيه البضعه
وحيدر دمعته شموع ** كتبها فوگ لضلوع
***********
حط فوك الرمال أجساد مطعونه **أو وصف ليل المسافه السارت ضعونه
يصبّر دمعه ماينزل من عيونـــه **عله الراحو يساره وما يودعونــــــــــه
ابهاي اللوحه عانيها
الحقيقه بكل معانيها
تجي زوارها جموع ** كتبها فوگ لضلوع
**************
الشاعر ألكاتبها بكل معانيهـــــــــا**عله رماح أنتصر دمّه ومواضيهـــا
قدّم روحه قربان المعاليهــــــــــــا **فوگ النجم راياته ترف بيهــــــــــا
اسمها غاضريّه وطّف
اسمها جود رايه وجف
اسمها أصحاب وخشوع ** كتبها فوگ لضلوع
************* ************************************
((سؤال كربلاء))
************
أسألج ياكربله اعله اعتابـــــــــه
شوكت گبره آوصل وشم أترابه
***********
أسألݘ عن الگظه بظفّݘ ذبيح
الميّت بتعجيل دفنه يستريـح
ليس راعي الوفه ليالي ظل طريح** بيݘ ياكربله أمئمنه احبابه
*********
أسلݘ عن النطه ݘفّينــــــــــه
وين طاحت يسرته ويمينــــه
صاب راسه العمد سهم بعينه ** ݘم جرح داويتي من صوابه
**********
أسألݘ عن الوديعه أوزفتّـــــــــه
رمله هم حنّت أديها بحنتّــــــــه
ورد طشّت بيش علگت شمعته** حنتّه انعجنت بدمع مصابه
*********
أسألݘ عن الذي ماله مثــــــــــل
شبه جدّه النبي بدره مكتمـــــــل
شگال گلب أمّه عليه من ينݘتل * سهم موته گلب ليله صابه
*********
أسألݘ يومݘ اشسوّه بالحــرم
مابقه عامود يسند الخيـــــــم
كلها فوگ الثره كل واحد علم ** علم بصف العلم لصحابه
*********
أسألݘ عن الضعن عن الخيــــــام
هم حله للعين نوم وهم تنــــــــــام
شمس صبحݘ جابت أعليهم ظلام** هم منعتي يزيد عن اطناب
*********
أسألݘ ݘم طفل جتفوه بطفــــــل
هم مسحتي دمعت يتيـــــم التهل
لو حفظتي ويّه ابو اليمه الوصل **نايم عله الثره أمسلبه ثيابـــه
*********
أرد أسألݘ زينب الطفّݘ تعـــــــود
شامخه أتردلݘ وقلعه من الصمود
بس اعذريهــا بدمعهــا من تجــود** بأربعينه ردّت أبغيّابـــــــــه
*********
أسألݘ من ألهـــــا لازم يستعد
هاي ياكربله زينب التّــــــــرد
اليوم راح يعود لأرضݘ المجد **الحره بت من بݘه أعليه محرابه

**********
أسألݘ لمن تلاگيـــــــــن الضعن
هم تهدّي روعه من جور المحن
كل گلب منهم بضيمݘ أمتحـــــن** انته اول صرتي من أسبابـــــه
**********
عوفي زينب والحرم خليهن
مثل سرب طيور يـم واليهن
ايسولفنله الظيم ألمّــر بيهن ** بدمعت احزان وهظم سݘّابـــــــــه
***********************************************
گلبي ماينسه آلامــــــــــــه
*****************
سدّي أوجنت أنام بفيّه وبراحـــــــه **عسه العاشر لامر شفنه مصباحه
لفتنه غيوم سوده سيوف ذبّاحــــــــه**ألدين انذبح ونريد أصلاحـــــــــه
************
أحياه بتراتيل النصـــــــــــر والدم **أشاوس يوم طفّه كلهـــــــــا تتقدم
بعده الموت لا نافـــــــــذ ولامحكم **نده ياموت أخذني أوديني خل يسلم
*************
شسولف عن ميامينه وگمر ليلــــــــي **عن شمس النهار الكل تفيّيلــــي
أسد حيدر ابو فاضل يوّفيلـــــــــــــــي**سهم عينه طعن ݘبدتي ودليلـــي
***********
علـــــــه الصعبات كلها وياه فد نخوه **من صدر الحراير رضعوا مروّه
حته الجبـــــــل مايملكها هــــــــل قوّه**المنيّه اتهابه ويجر بيهـــــا بالكوّه
*********
شمال اصلاب هاي الناس يوم الطف **عله الريحانـــه أبن الزاݘيه تلتف
عدو علينه تسلّط من ولــــــه ماعف **وارحام الطهرلآخر نفس تصطف
******************
يم راسه أريد اگعد يباصرنــــــــــــي **وشكيله لخوي الصابني ومرنــي
صحيح أدوهنت والحال غذّبنـــــــــي **لكن كل موالي بصبري يعرفنــي
*********
بآلامي خذوني جروحــــــي ماتشفه **عفت روحي وگلبي حرس يم طفّه
الدهر خلاني فرجه يــــــــاألف وسفه**لعيـــــــــون الشماته الصلفه تتشفّه
********
أخذ روحي الدهر ياريته لاروحــــه **بين ضلوعي نامت ونّت جروحـه
نوحي يسمعه وآني أستمع نوحـــــــه**كل گطرة دمه رايات بصروحــــه
***********
أجيت ودمعتي تتعثر بممشـــــاي **أجيت محمله هموم ومرار جــــــلاي
أصب دمعي عله كبره من بدال الماي **بلجن ترتوي جبدته من بجــــاي
**********
كلنه أبلمّت الاحزان جينالـــــــــه **كلمن گعد يم راسه أوشكه حالـــــــه
صرخت آه دمعت ألم همّالـــــــه **لبو السجاد بس لهموم تصفالــــــــــه
*********
ݘم صرخة طفل گلبي يعانيهـــــا** وݘم دمعت يتيم تريد واليهـــــــــــــا
لو يكعد يسكتها ويحاجيهــــــــــا **بعد ماظل جف يمسح بواجيهــــــــــا
***********
عليّه كربله اشخلّت يهاي النـاس **جمرة نار ماتنطفي وشيب الـــــــراس
بݘه عليّه شعوري وصاحبه الاحساس **أشتسوه دنيتي من غَيره والعباس
***************
يشيعه بكربلــــه عانينه هم وآلام **أرامل وفواگد وبدموع أيتـــــــــــــام
آ يحسين مرّت بينه سود أيــــــام **رحت عنّه يعزّنه باليسر ننظـــــــــام
***********
عله راســـي أعصابة حيدره ماذل ** وگبال الشماته عينـــــــــي ماتهمل
آنه حسين والعباس آنــــــــــه الكل **يدهري من المصايب جيبلي أولتمل
*********
حرّه آنه اختـــــــــه للعزيز الطاح**آنه أخت القره القران فوگ رمــاح
بت حيدر علي روس الشرك ذبّاح**بنت الكوكب الدري ونسب وضَاح
********
ماذليت اخت حسين لتعرفــــــــه **وأخت عباس ضحّه بعينه وبݘفّـــه
گبال الذّل أبد ماأبقه متݘتفــــــــه **أذّل الرادني بالذّل رغــــــــــم أنفه
*************
نياشين المودّه جراح موسومـــه **وصكوك الشهاده بحبه مختومــــــه
يطب للجنه وبيمناه مرسومــــــه **لأن صَلب الاراده الشيعي من يومه
********** ****************************
((اخفي جروحي))
*******************
الزمن خلاني ** متمحن آني
عن حسين أخفي جروحي ** ونّي ماسمعه ونوحي
******************
كلما ردت يابويه انهض وگـــــــوم
وحمل السيف أبئيدي ونهض للگوم
لاحيل عندي والنفس بيّه تلــــــــوم
المرض آذاني ** هدّم كياني
***************
اتگلّه العزيز حسين ماظل عنـده
يتمنَه گلبي للخيام أيـــــــــــــردّه
وفّه العهد بدماه وأعلن قصــــده
والضعن ياعلي من غيرك عندّه
الخوف اتولاني ** وحالك آذاني
*************
ياعمه احجيلي عن الاكبر جاويـــــن
بيال حال صارت ليله بيا حال حسين
وعرّيس من دماه حنّه الجفيـــــــــــن
ياعمّه الخبر عندج دمعات العيــــــن
الهظم بݘّاني **وزيّد احزاني
*******
ياعمه أحݘيلي عن عباس وجـــوده
تعرفين ابو فاضل الوفَّه وعـــــــوده
بݘفينه ضحّه هالبطــــــل من زوده
طاح ابعامود الهام تم عهــــــــــوده
حيدر وصاني ** بيده ودّاني
**********
تگله يعمه حسين ظل وحده احتــار
مابين ينظر للخيم والاشــــــــــرار
من راح ابو الغيره وطاح البتــــار
ظهره انحنه ودمعاته صبّـن مدرار
دهري رماني **صك وعماني
************
توسّد الغبره ونگطع نحر الديـــــــن
هذا الجرالي بكربله ومتانيـــــــــــن
بحرگ الخيـم سبي الحرم وفّه الدين
لن عالرمح راسه ابـو اليمه حسيــن
هذا حرماني ** الصبر عنواني
***************************************************
ياطود شامخ لايقهر
الله أكبر **الله** الله اكبر
*****************
أنَّ وجـــدي يشكو فقـــدك **من لي والايتام بعـــــــدك
صـــار الطف يوم سعدك ** يعلوا شأنك فيه اكبـــــــر
*********
من فوق التل اناديـــــــك ** حيا ان كنت اناجيــــــــــك
ولخدري عتب يرجيـــك ** وكذا قول الحور الخــــــدّر
**********
ركبوا صهوة خيل عشره ** اخي مذبوح رضّوا صدره
صدقت رؤياه ويا فخــره ** والقلب منّي يتفطّــــــــــــر
***********
حياَ هابوك ومذبــــــــــــوح **أخذوك منّــــــي والروح
أبقوا لـــــــــي ألما وجروح **بالروح وبقلبي أثّـــــــــر
**********
وعلى الرمح رأســا نصبوا **ياشــــرفا رادوا أو رغبوا
بل صاروا للنـــــــار حطب**رغم الناصب نورك يظهر
***********
ينموا حبُـــــــك يبن الزهره **وعليه نحيا وبالفطــــــره
والشيطـــــــان حجر العثره **ان واجه حبنا ولاّ فـــــــر
*************
يا حلما مينائك بحــــــــــرا **لاجورا فيــــــــه ولاقهرا
اعدائنا قــــــد ذاقت مـــــرّا**والآذان كبّر حــــــــــــذّر
************
واخي كان حاديا ضعنـــي **بعدوه وكفيه عنّـــــــــــي
لفرافقه قد زاد أنّــــــــــــي **أني لفراقه لاأقــــــــــــدر
*************
العباس رعــــــــــــدٌ دمدم ** بيمينه بتّــــــاره يســــــلم
بأخي الباري علينــــا انعم **ليث غضبـــــــان أن يزئر
**********
خيما تحرسها غيرتـــــــه **والماء صار دمعتــــــــــه
واسى المظلوم ووحدتـــه ** ضمئآن الكبد يتفسّـــــــــر
**************************
هل الليله اموادع خوّاني
************
ياليلة العاشر كلفـــــــه **علينه جنود التمت صلفـــــه
لو أولت عيني ماتغفــه **ماظن ايروح وينسانــــــــي
**********
هل آخر يوم الباݘرنـه **عالخيامي مر وينظرنـــــــه
وادعنه وحاله مرمرنه **وادعنه وهيّݘ احزانــــــــي
****
والحادي بيده بتـــاره**اعله خيمنه يدور وأنصــــاره
ماتوصل يمّج غدّاره **وبهيبة فخره حاݘانــــــــــــي
********
باݘر أتصبح بلوانــه **وحسين امسلّب جثمانـــــــــه
ماظن الشيعه تنسانـه **تتصبّر للفجر اتّانـــــــــــــــي
******
نار وخيل وحسره وحيره ** لاݘف ظل للكـون أيديره
آ ياگلبي يهل الغيــــــــره ** وبيبن اعدانه خلانــــــي
*******
عالغبره اجساد المطروحه**مسلبّه وعطشانه ومذبوحه
ياطفل اليهجع من نوحـــه **الحيره بعليلي وحرمانـــي
**********
من اطفاله صرخت لوعه ** من خيمنه هجّت مفزوعه
والنسوان الكـــل مفجوعه**موت اتمنّه ولاحرمانــــي
*********
ياشيعتنه نوحوا ويانــــــه **بلا ݘف أو رايه خلانــــه
طاح الكافلنه وحمانــــــه **واحزاني صارت عنواني
***********
ݘتفونه بحبال أخذونــــــه **والشام الطاغي ودّونـــه
بغض بحيدرنه يضربونــه ** وشتمونه أتباع السفياني
***********************************************


ياغريب الغرباء **فعلوها الطلقاء
*****************
آمر المعروف آت لامحال ** حينها يستوجب شد الرحال
دمك دينا بأعناق الرجــال **سيوّفي حين يشتد النــــزال
صحية الثأر نصيح
أيها الحـــــر الذبيح **نحمل الرايات ثأر كربلاء
********
أيها المبعوث من صلب الخليل **قطعوا وصلك ناكري الجميل
وصراخا وبكاءا وعويـــــــــل **لعيال لاذوا في ظل العليـــــل
زينبُ ثكلــى وتنعي
والمواسي لها دمعي **أسروها ضربوها الادعياء
*************
حرموك سيدي مــــــاءً فرات **وبنا الايام قهرا جاريـــــــات
وعلى القلب هموما راسيــــا ت**بها نحيـــا ونعيش للمــــــات
قلبنا ينبض حبـــــا
فقدك حسين صعبا **ياشهيدا صرنا نحيا بشقاء
******
ايها السهم أمأذون الدخـــــــول **أنه السبط وريحان الرسول
ذهبّي الصلب والنور البتــــول **أن سألت يوم حشـر ماتقول
خشبٌ انت مســـــدد
بك صابوا قلب احمد **لابراء اليوم اليوم ابتلاء
***************
عصبت الكفر أستشاطت غضبا ** قد اباحوا دمك ياعجبــــــا
انّه يوما عظيم الخطبــــــــــــا **احرقوا الاطناب ستر سلبــا
قتلوا الناس جميعا
يوم أردوك صريعا **بكت الارض وابكيت السماء
*******************************************

دواء الجروح
***********
زواري اداوي جروحي** واليبقن بس جرحين
جرح مصابه للأكبــــر
وجرح عضيدي لمشكر ** واليبقن بس جرحين
***********
كل زايرأيّمر بيّه جرح أيداوي **من بيته گاصدنـــــي أوأليّه ناوي
بقوّه وعزيمه للحديد أيــــلاوي **الجذر المحبه وحبنه بدمه راوي
أبسجل الزوار أنسجله
الصك الغفران أنئهلــه**للفوز ابهل الدارين
***********
باب ابو الغيره بابي لتفارگهـا **يازايري عله الباب مرأو دگهــــا
باب الحوايج أيدك أتشابگهــا **حگي نطيته والها انطي حگهـــــا
عباس عضيدي وبابي
أيمرحب بقدوم احبابي** لاݘنَه ابلاݘفين
**********
ماجزه عمرالشاب فيض سنينه **شبه الرسول الاكبر ومن طينه
بشرياني دمّه ودمّي بشرايينــه **عامر مضيفه ومثمره بساتينـــه
يالزايــــــــر مر بگبره
وسݘب يم راسه العبره **أينّشفلك دمع العين
***********
آنه وعضيدي وضنوتي آمن معبر**للزاير انعينه عله يوم المحشـــر
ينظر بعينه اهوال ذاك المنظــــر**أيّحصِل شفاعتنه أويحضره حيدر
والباري أيهوّن حسابه
بيمنه أيحصل كتابــــه **وتبره الذمه من الدين
*************
يموالي وادد وحسن الظن بينــــه **أولنّه رحمه وخير من تالينــــــه
الله يوالي كلمن يوالينـــــــــــــــه ** والله يعـــادي كلمن ايعادينــــــه
صفّي النيّه بأعمالك
حسن العاقبـه گبالك **دون الجنّه جنتين
****************************************************
يـــــــــــــــــــزواري
***************
يزواري الگصدتوني **يوم الذر تعرفوني
عهدكم من توفنه عهدكم
أودكم وتودوني أودكـــم ** يزواري
************
أشفع للتعنّه أوزارنــــــي بصبره ** وبكل خطوه يمشيلي عله قدره
أوگف گرب راسه الينزل ابگبره ** وبيوم القيامه تحضره الزهره
دمع عينك ذخر لايام
ابد لتخاف ماتنظــــام
**عهدكم من توفونه عهدكم**أودكم وتودوني أودكم
** يزوّاري
***********
قدري من يعرفه أنطـــــي أله حقًه**واليخدمني صافي أبنيّته يرقه
وسجلّه يفتحه ورقه بعد ورقـــــــه** أسجل أسمه خادم ألـي مايشقه
تريدوني شفيع الكـــم
وللفردوس أدخّلكــــم
**عهدكم من توفونه عهدكم ** أودكم وتودوني أودكم
** يزوّاري
***************
الگصدني أمحمّل هموم والم دنياه**وسمع نوحه يندب حسينـــــاه
مابردت اللوعه بگلبــــــــــه والآه**ألاگي وگرعينه ووگف أوياه
وحگ أمّي الزݘيه اليوم
ماخلّيـــــــي يّرد مهموم
**عهدكم من توفونه عهدكم ** أودكم وتودوني أودكم
** يزوّاري
************
المسافات الطويله الذي تمشوها ** مصاعب الطريق اللّي تعانوها
الزينب يلتزوروني تواسوهـــــا** ابهاي جموعكم للحسره تطفوها
واسوها بدموع العيـن
ومن تصيح آ يحسين
**عهدكم من توفونه عهدكم **أودكم وتودوني أودكم
** يزوّاري
*******
وحك حيدر ابو الزارني ويّاي **أرد بَحسن سلامي اليشرب الماي
أبد ماخيّب الگاصدني عنّـــاي **الناذر عمره لمحبتي وصل مشّاي
أوفّي من تعنّانــي
بگلبه خلّه عنواني
عهدكم من توفونه عهدكم ** أودكم وتودوني أودكم
اجينه *أجينه **ييم صحنك اجينه
*****************************************************
غير الدمع يحسين
نگول أحنه شبدينه
***********
اجينه نلطم عله صدورنه ونرجاك ** مظلومين ترد لهفتنه من ننخـــــاك
يم شباجيك أشكينه ألم فركــــــــاك ** نصب دمعاتنه من دم نريد رضاك
عيلنه * علينه *ياغالي علينه
اشما دار الزمن والله ** نحبك ياولينه
***********
اجينه الثار دين الله يديمـــــــــــــه **لاخر يوم بوكفاته العظيمــــــــــه
حريمه اتروح من عدنه بهظيمـــه ** ودمّك عالثره سايل جريمــــــــه
أندعينه * أندعينه **من الله أندعينه
أيعجّل طالب الثار ** وياخذ أبدينه
***********
تجي الزوارمشّايه شمكلفهــــــــــا ** تصّف رواحه فدوه يمنصفهــــا
وكل اعمالنه بميزانك أتصفهــــــا **بشعائرنه محبتك دوم نوصفهـــا
بنينه * بنينه **أمل يكبر بنينه
الاساس محبتك يحسين **وبيك احنه أتقتدينه
************
مصايب كربله لقسه كلب فجعـــــــه **ومن كلب الحجر تتفجر الدمعه
عليك اشلون بالطف ضاكت الوسعه **لاكبر طاح والقاسم طفوا شمعه
الضعينه * الضعينه **حماي الضعينه
طاح اعله الثره وصاح ** وتون الونينه
***********
تفر دمعات لعيون وكلب خاشــع ** ألرجه الزوار انته الشاهد وسامع
من أجلك مانشف دمع المدامــــع **تودّع زايرك ببشارتك راجـــــــع
حنينه * حنينه **للزاير حنينه
يرد ابدمعه مشتاك ** ويصعده السفينه
--------------------------------------------------------------------

شيصبرني
************
شيصبرنــي ** عله فراگك ** شيصبرني
شفت نحرك **شفت صدرك ** شيصبرني
************************
عفت روحي عله التربان منحوره **ماعفوك غصب اخذوني مجبوره
يعلّي الباري راياتــــــك المنصور **شما دار الزمن وبي كثـــر جوره
ترف رايـــــــه ** بعالي الكون ** ترف رايه
النصر نصرك ** شفت نحرك ** شيصبرني
*************
تطيّبت كربله وفتحت ذراع الشوگ **هوً هــــــــذا اسمها بس عليك يلوگ
هيً العاشكه منتظره للمعشــــــوگ ** حضنت جسمك الغالي وتعّلت فوگ
تباهت بيك ** منو المثلك ** تباهت بيك
الفخر فخرك ** شفت نحرك
********************
صوره الباري صوّرها ورسم حـّدك **أبمآسيها عرضها وشافها جدّك
هاي المنزلــــه تستاهل ومجـــــــدك **بالذر صدّقت بالدم على عهدك
دمع عينه** بجه لليوم ** دمع عينه
حيت امرك ** شفت نحرك
*************
قرابين المودّه أتقدمت برضــــــــاك ** وشرائع أنبيــاء أتثبتت بدماك
كلنه نصيح يابو الموزمه ويّــــــــاك ** وأدينه براية العبـاس وبيمناك
السمه والگاع ** دمعها دم ** السمه والگاع
عفه صبرك **شفت نحرك
************
قارورة تراب الطف دمه صارت **من ظلاّم أميّه بكربلــــــــه جارت
احــــــرار العقول بموقفك حارت **وعروش الطغات اركانها انهارت
صرت قبله**طريق الحق ** صرت قبله
الدمه نصرك ** شفت نحرك **شيصبرني
سسسسسسسسسسسسسسسسسسسسسسسسسسسسسسسسسسسسسـ
(( امير طوس )) عليه السلام
اميري بطوس رب النور خلاّه **ابلهفه اگلوبنه تسعه اعله ملگاه
امامي واجب الطاعه نزوره
هنيّاله الاخذ من فيض نوره
*******************
اركان العباده ألحق شرطها**الباري اگلوبنه بودَّه ربطها
كل ذنوبنه امحبته تحطها**ودعوانه على بابه نحطهـــا
بعيون الموالي گريب يمّــه
اسمه من يذكره انجله همّه
**** ويشعر بالامان الدخل سوره
**** هنيّالّه الاخذ من فيض نوره
*********
متعوّد عله غربتــه بصبره **بالآه انمله لوعـــات صدره
متوّطن من المأمون غدره **لو سم جبدته لو گطع نحره
الزاره بغربته وعارف أبجاهـا
لمنازع الروح أبوٍّد أجاهـــــــا
****وعينه تشوف بالشده سروره
**** هنيّاله الاخذ من فيض نوره
*************
الفرق مابين غربه وبين غربه **حضرت دفنته الشيعه التحبّه
وجده حسين من أنصاب گلبه **عله التربان جثّـــه بگه أمسلبّه
ثلاث ليالي ظلّت عالوطيــــــــه
سليب وظامي بأرض الغاضريه
****قربانه بقت عالثره منحوره
****هنيّاله الاخذ من فيض نوره
*****************
مثل هارون والكاظــــــــم اخباره **جند العسل والســــم لفت داره
شخصه من حواه وحتوه اســراره **حتـه العدو أيعينه من أستجاره
عرف خطّارجاي وجايب الموت
أمحضّر ݘفنه ومحضّـــر التابوت
****والسم رسم لمصيبته الصوره
****هنيّاله الاخذ من فيض نوره
**************
بسهام ومرار وسيف وســموم **ݘبد وگلب يهل البيت مهظوم
تعيشون الألم كل ساع كل يوم **خل تعرف العالم منو المظلوم
مشاهدكم علامات الوفي الحر
ضميري وگلبي لمحبتكـم أيقر
****كل معصوم أله من النبي دوره
****هنيّاله الاخـــــذ من فيض نوره
**********************************************************
مولانا وسيدنا الامام الرضا (( حبك يمعصوم)
******************************
الدنيه لو نار ولظه ** أيسكٍّنها ݘفك يالرضا
حبك يمعصوم ** يجليها لهموم
*****************
أنزورأنتعنّه نگصد الصيوانك ** باب الگلب فاتحها وكل بيبانك
أنته الغريب المبعـــده أوطانك** بأرواحنه تبقه تعيش احزانـــك
تنادي يزاير حاجتــك
تنگظي أبلحظة وگفتك
** أبحضرة المسموم
**************
لجلك الزاي عاف أهله وداره **ماهمّه كـــــل ذاك التعب بأسفاره
بالدنيه وبيوم المنيّه بشـــــاره ** أتشوف المودّه بالحشر خطّـــاره
گلبه لجل صحنك سرج
ومن فيض نورك ابتهج
** ماهمّه كل لوم
***********
بدربك الخطوه من خطاها لرضاك ** لمّن وصل ينخه دخيلك وحمـــاك
صوره بخياله رسم گاعد ويــــــاك ** بصوت الضمير ومهجته يترجاك
بجاهك يمولانه الرجه
مذنب ويـم دارك أجه
**تمحيها أله اليوم
****************
يشكي البعد هاي المسافه اعله العين **كل لحظه مرت عاليحبك دهرين
من نار شوگه دمعته اعله الخديــــن **ألشبّاݘك أتشابگه شوكت الݘفيــن
لزيارتك شوك وصبر
هوّشبقه ألنه من العمر
**ابلهفة المفطوم
****************
عنّك بعدنه الظيم من بعدنـــــــــه **ننحرم منّك ياامامي وعدنـــه
تتعنّه هاي الروح صحنك ودنــــــه** بزيارتك ياسيدي أوعدنــــــه
ننخاك كلنه من البعد
لزيارتك نسعه نجـــد
**ولايبقه محروم
---------------------------------------------------------------


((رجوع السبايا ))
اربعينيـــــــــــه
*************
يخويه جيتك للليله ** أشكيلك سبيي العيله
ولونه وليه هالظلاّم ** ماخلو علينه خيام ** أشكيلك سبي العيله
**********
أنه بيوم أربعينك جيت ملهوفه **أمنّي العين بلݘن گبرك تشوفـــــه
گلبي أرد أطمنّه ويستݘن خوفه**آنه وياه وجرحي ودمعتي أنطوفه
الحراير يبجن ويايه
أجينّك خويه شجايـه
**من عفناك ذاك اليوم ** ذبيح عالثره مظلوم ** وشكيلك
**************
غصب عنّي خذوني خوي من يمّك **تحمّل گلبـــي هّم العـــايله وهمّك
ولضلوع بكسرها أتواسي ضله امّك **حييَت الدين يبن المرتضى بدمّك
خذوني المجلس بن زياد
عليل بجامعه ينگـــــــــاد
**من جار الزمن بينه **لاݘف أليحامينه ** وشكيلك
***********
بسهام أنرميت ݘماله سهم الماي **وسهم عبد الله لبنحره ألّي فت حشاي
وسهم گلبك وجوده وعينه للسقاي **كلها جروحي صابتني بطيح ألواي
ياجرح الأداوي بيك
وللسـاعه بگه ماذيك
** بعد ياعين ماتدمع **وياصبح البعد يطلع ** وشكيلك
**********
الدمع ماغسّل جروحي ولطيّبها **فراگك عم عليّه أوروحي شيّبها
غيابك يابو اليمه حيل عذّبهـــــا **من أنهاري حتّه الشمس غيّبهـا
وصلنه ولاية الكوفه
ضعنّه الوادم تشوفه
**الشماته بعينهم حسّيت *نكروا أحنه اهل البيت ** وشكيلك
***********
مهظومه أشوفه الشمر حادينه **وصلنّه المجلس يزيد وشمت بينه
صحت وينك يراعي العلم حادينه **وين الساعه عنّه سيفه ويمينه
آلامي قلـــــــم تكتب
بيها أرفض واشجب
**وذكر شانك العالي **يبݘي بحرگه دلالي**وشكيلك
************
ماواحد سكت صوته وله ألسانه **على ذكر الحقيقه وانته برهانه
تهدّم ثورتك للطاغي بنيانــــــه **وبخوف ورعب تتلفت اعوانـه
لاينفع ندمها اليــوم
ابعار الذله تبقه دوم
**وناخذ حگنه من عنده **ولسانه أنخرسه ونصدّه ** وشكيلك
****************** ************************************

موشح ((شجرت طيّبات )
***** ****************
يــل بدمك راوي شجرة طيّبات **للقيامه ثبت ديــن الله ممات
بده بروحك وانته فارگت الحياة **وشجرة المبدء دمه ترويها
***************
بوسط رحم الطهر نابتلك غصن ** طاهرالمرضع ألك اشرف حضن
ريت موتي وياك خوي وأندفـــن **ريت روحي النفس مارد بيهــــــــا
*********
بظلمه راد الطاغي يمحي ثورتك **وراد يمحي من گلبنه أمحبتــــــك
العالي علّه من جلالــــــــه رايتك **رايتك فوگ القمم ساريهــــــــــــا
***********
رسه أبحر الحزن گلبي يالحبيب **ياطبيب جروح روحــي الماتطيب
اندبك وصـــــرخ يوالي ماتجيب **وشتجاوب جثّه ومسلبيهـــــــــــــا
**********
گبال عيني ياولي انته والگمـــر **والله عگب عيونكم سلنـــــي الدهر
والمله وجدانـــــي آهـــات وقهر **من بعد عزّي اليسر تاليهـــــــــــا
********
ياأبن خير البريه وخيــــــــر داع**تعوفني أمحيّره مابين الرعــــــاع
الوحوش هواي اشرف والضباع **النصح لافاد أوّلا مضبيهـــــــــــا
************
حسين حان وياك هاليلـــــــه الوداع**منو مثلك اشتره وللباري باع
ينمو ماضحّيت مخزون وماضاع **سيد الجنّه وحاكم أنته اعليها
*****************************************************
جف كسر ضلعين
********--------***********
ݘف واحد كسر ضلعين ** ضلع الزهره ضلع حسين
هوّ الحـــرگ باب الدار
وبخيمنه شعلها النـــار ** ݘف واحد
*************
على روح النبي ونيّتي ولفگده **من غاب أو بدوا ويّـــاج بالردّه
هذا ألّي غصب منݘ فدگ عِنده ** مالݘ ورث أفته أو سيّره حقـده
يازهره دمع لحـــــزان
صار الحجّه والبرهان** علهَ المارعهَ شَرع أو دين
***********
أجت زمره اعله باب الدار ݘذّابه **نهضتي بحملݘ عله الباب مرتابـــه
أجاݘ الماعرف أرحامه وصلابـه **كسِرها الباب جوره والضلع صابه
بين الحايط وبابـــݘ
واويلي عله مصابݘ **ماينشف دمعها العين
**********
أنه أبّسمار ضلعݘ ضلعي لتبسمر **ويريت اضلوعي دون حسين تتكسر
الحزن ثوبه عليّه أمفضل أمگــدر **من يومݘ دمعتــــــــي اليومي لمقدّر
من مارجع عرفته
ييمّه ابصدره قبلته ** وعيوني جرن نهرين
************
عالي حسين دنيه وآخره شانـــــــه **مناره للحقيه دمّه برهانــــــــــــــه
ثلاث ليالي ظل مطروح قربانــــه ** ولاظل اليظل أنصاره وخوانـــــه
دمّه صار صرخة ثــــار
بوجه كل طاغيه واشرار **وعله كلمن أله وجهين
************
وحدي أويه الضعن لارض الغدر طبيت ** أمشي بصبري درب الشوك ماذليت
سهام فراگـــــــــم كتلتنـــــــي يهل البيت **بيكم راسي باقي عالــــــــــي ماذليت
عله الشامت شمخ راسي
تبقه أرواح حرّاســــــي **لݘن گلب أنجسم نصين
******************
گظيتي أيامݘ أبآلام يابضعــــــــــــــه ** صار الدين بلسان الݘذب سلعه
ويوميه يمر ظيم والف بدعـــــــــــــه ** افراگݘ حيل يالمنه ونصب دمعه
نناطر للفرج يومه
نصرخ آ يمظلومه ** حدّك ياصبر لاوين
****************
موالي أسألݘ بختيني يالزهــــــــــره **مري ابطيفي اشوفݘ وسݘب العبره
هذا ذنبي ربـــــــــــي بجاهݘ أيغفره **وتطفي شفاعتݘ النار لوكبــــــــــره
الگبرݘ يازمان أنطوف
وتجازينــــه بالمعروف ** أبجاه الضحّه بالجفين
*********************************************************
ياحيرة امري
*******************
طفّوها شمعه **ياحيرة امري
والحنه دمعه ** غايب يفجري
ذبلن جفونــي
ماتت ضنوني
*******************
ياشمعة عرس ذابت دمــــــــوع آلام**وصارالنوح هلهولة عرس جسّــام
بعالم الحقيقه فرحه مو أوهــــــــــام **مأتم نصب گلبي والضلوع خيـــام
خلوا عرس ذخري صوره بالاحلام **يظل دمعي يصب من الجفن هيّــام
عرسه أتذكّر
أبقه أتصبّــر** لاتلوموني **ماتت ضوني
******
خيوط الفجر يوليدي ملن راســـي **دمعتي بعيني يبني توصف أحساسي
حلمي ابحلمك أيمر ياأعز ناســـي **وفّز بحسرتي مخنوگه أنفاســـــــــي
عليك الروح تسأل گلبي هم ناسي **ييمّه الدهر فصّل حزنه مقياســـــــي
أصبِر يجاسم
يبن الهواشــم **ياضوه عيوني – ماتت ضنوني
****************
أريد أنصب عزاك بكربله وطفها **وجيب أم علي الاكبر وگعد بصفها
بدمعي وبدمعها عروسك أنزفهــا **وضحكت شفّتك الاكبر يلاطفهـــــا
دهري مانصف وياي ونصفهـــــا**سالوفة حزن مُرنَه نسولفهــــــــــــا
خيمگه ظلمّت
فرحه ماتمت ** من تعيفوني ** ماتت ضنوني
******************
روح وما اگلّك گلبي اخذ ه ويــاك**يذكرني بشبابك أدري ماينساك
يظل سلوة حياتي بدنيتي بليـــــاك**خلّه بحسرته أيتانيك وانه أتنـاك
عوفه أيعذّب بروحي على فرگاك**والاحسن ييمّه كلّي أخذني وياك
الگلب جرحه
انتظر فرحه **لايعزّوني ** ماتت ضنوني
*************
روح وداعت الله الحسن ينتظرك **وهل عالجنه ياعريسنه بفخرك
ووسام الشهاده أمعلّگ بصـــدرك**هذا اليوم حقّك تفرح بنصـــرك
ياگرة العين اعله النبي أجــــــرك**يابدر الوفــــه والطيب من درّك
رحت أوعفتنـي
بݘبدي اطعنتي **أو حيّروني **ماتت ضنوني
****************

آنه حسين ** انا المظلوم

****************
گلبي اعله العزيزه شلون اصـــــل ليها
رادت تحــرك خيمنــه العـــده اعليهــــا
صحت كصدوني هاي عيالي شعليهــــا
أنه المطلوب گصدوني يهاي الكوم
**********
رماني بسهم لمثلث وسط كلبــــي
اريد اعرف يهل الوادم شنو ذنبي
ماعندي ذنب غير اعرفت ربـــي
حته الماي حرموا عيلتي ومحروم
***********
ابݘلب ابگع حلمت وينهش ابلحمي
وأيده أتغمست ياشيعتــــــــي بدمّي
أريد الساع تحضر دفنتـــــــي أمي
وجدي المصطفى المليان گلبه هموم
***********
الشمر شفته عله صدري گاعد بسيفه
يريد الثار منّي وياخذ بحيفـــــــــــــه
يگطع ربتي يسلبني وبكيفــــــــــــــه
شمت بيّه وفرصته صارت بهل اليوم
****
گطع راسي وجسمي داسته العسكر
ملعب خيل وعليــــــه العده تفتـــــر
راسي اعله الرمح وحرسها للخــدّر
وعاين زينب ودمعاته من دموم
********
خيمنه رماد خلّوها بلهيب النــــار
تصرخ عيلتي تندب يحامي الجار
لانــــي يمهم وعباس والانصـــار
نومه اعله الوطيه وعالنهر مهظوم
***********
ظلّت زينب بغربتها مهظومـــــه
شحاجيها وشكلها ادري مهمومه
وي راسي تجي لو تبقه بالحومه
لو تبقه تعاني علّة المالــــــــــوم
**********
خذوها كوّه وتعاين وتشكيــــــلي
واحس نظراته احزان ترويلــــي
تدري بالمثلث صوبوا دليلـــــــي
ويّاها المصبيه راح تبقــه دوم
***********
شفتها ابلا ولي ألها العــده يسبون
ناداني دمعها بحالتي ترضــــــون
ترضوها الشمر بينه حده الملعون
ولافيّك يظل لاجفه للجيدوم
***********
بهظمه أخذوها من ديره لعد ديـــره
يسيره اتروح لارض الشام وبحيره
بخرابه كعدة المهظومه ويسيــــــره
ضلع وطبـــــره آذاها وجبد مسموم
********************************************************

نتذبَّح لو نتفجَّرلجلك ماشين
*************
جيناك يانور الدنيه لاخـــر يوم**ونحسب أحساب الظالم عرشه ميدوم
والباري حافظ سيرتك يامظلوم**من الله الضربه الظالمكم أمتانين
***************
يابوالاحرار الدمعه هم حسبوهـــــــا**وزوارك عن زيارتك منعوهـــا
وزادك وگدرك يابو الدين أݘفوهــــا**يامه شكينه ودعينه الله مظلومين
***************
دم الساح اعله الغبره اشرف كل دم**اتحملت زينب لهموم اتحملنه الهم
أيد المالاحت صــــدره عليك اتندّم ** عين الماتدمع شلنه بيهـــا يحسين
**********************
يامحروم الماي ومحروم الراحـــه **وحدك أتواجه لسيوف الذبّاحـــــه
وحدك يابن حيدر ياملك الساحــه **انتـه العقيده وبيـك احنـــه معتقدين
*************
مجروح گلب الوالاك وانتــه دواه **لتعنّه تعرف نيته وتسمع رجـــواه
من بيته لو يشكيلك توصـل شكواه **علمتن ياولينا أشثگله هل الدَيَــــن
**************
ياطاهر من طاهر وصلك خير ونور**دمّك سال اعله الغبره ودمانه أتفور
انته الدين الباقــي شما دامت لعصور**ياريت وياك بيوم الطف منحورين
**************** **********************************
(( ياشهر الحزن هلّيت))
********************
ياشهر الحزن هلّيت ** موتي وياهم أتمنيت
بنبظه الگلبي **أسأل ربي
*************
گلبي اتوشح الاســــود **بصدري انكسرت العبره
ماأنساه ليل انهــــــــار ** وبكل لحظه أتذكـــــــره
وخيالي أيصَّور العيني **اشلون أتوّسد الغبـــــــره
دامي مسلّب وعطشان ** والخيــل اسحگت صدره
من جور المصيبه بݘيت
لاظل حيــــــــل ونهديت
ظل بالي وياه ** وشلون انساه
**************
عله فراش المنيّه النوم**بس عيوني بيها الروح
لاسيف احمل بيمنياي **أبعلتي موسد ومطروح
بين وبين يگصدنــــي **أبواحد من هلي مذبوح
وبدمعاتــــــــه غسّلهم **يگابلهم وگلبه اينــــوح
ياعاشـــور ماخليت
واحد سالم من البيت
وآنه بعلتي **زادت ونتي
************
اذكرك لو تذكّرنــــــــــي **يشهر الظيـم والآلام
حزنك مدّته گصيــــــــره **ماتتجاوز الايـــــــام
وآني عمري حزنه يطول **اليوم أيمر عليّه بعام
يذكّرني شراب المـــــــاي ** بعطشم عالثره نيّام
اعاني فراگهم ظليت
بآلآم وحـــزن حنيت
دمعي دمّي **ونّي همّي
************
بيوم العاشــــر أصبحنه **علـــه درب المنيّه نسير
ضيغم من أصل ضيغـم **بأيمان وعزيمه نغيـــــر
وگفوا شرفّوا ابطـــــال **ابموقف يصعب التفسيـر
المنيّه ستانسوا بيهــــــا **الزفّـــــــه للجنان تصير
عليّه اليوم هم رديت
ظنّك بيّه آاني نسيت
ماأنساهم ** روحي وياهم
**************
أرجــــــــــع صفّح أيامك **وشوف ألّي سده بيها
شلونا عله النهر من طاح **العباس حاديهـــــــــا
وگطعوا يمنته ويســـــراه **وسهم بالعين طافيها
تهشّم راســـــــــه بالعامود** طاح اليوم ساقيهــا
يابو الفضل من هويت
الرمضه بيمن أتلگيت
هاي الخوّه ** غيره ونخوه
***********
اريد احݘيلك آلامــي **الحزن بصدري ظل مخزون
المثلث وسط گلبــــي **نهر من دم جرن لعيــــــــون
ظلّ باقي الجسد ايـام **ثلاث ليـــــــــــالي ما مدفون
وحوش البَر تمرأعليه **بعين الله الحفظ والصــــــون
أظلمّت دنيتـي وعميت
ولابيدي الجسد واريت
لاغسلته ** ولاجفنته
************
شهر عاشور شحݘيلك **عن ام الحـزن شحݘي
سد صارت ألي الحــــرّه **وكل لحظه ألي أتّݘــي
گلبها حِمله حِمل جبال **أشوفن حالها وأبݘـــــي
بحرم واطفال محتـاره **منوا ليسمعها لو تشݘي
صبر عندي مثلهــا ريت
العذاب اتحمله أو لشكيت
عشت سنيني ** دمعي بعيني ** وموتي وياهم أتمنيت
***************************************************
(( ياشيعه وين دوايه))
* *****************
ياشيعه وين دوايه ** ودوايه دموع العين
واسوني بفگد الاكبر
وعباس صوابه الاثَّر
**************
منّي ترخّص راد يهجم لعـــــــداي
گتله يبو فاضل أتعنّه عللمــــــــاي
عباس خوي لوطحت طــاح ألواي
وتزيّد همومي وتكثّر بلــــــــــواي
أبهمة عزمك وبزودك
اگصد ورجعلي بجودك** لتخليني بنارين
**********
گــال آنه لجل حسين خالقني الله
لايوم اخذله وعنّه ماأتخلَّـــــــــه
للساع جرح أصوابه يدمي خلّــه
ظهري كسر والگلب منّي سلّــه
بساعة شدته ناداني
ݘلمة خويه ناداني**ياخوي أحضر يحسين
*********
عباس روحي اشـــلون اعيش بليّاه
صابه السهم والعمد الراســـه أدماه
دنياي ماريدن عگبهــــا ألعينـــــتاه
ياري