(22)
اميري بطوس رب النور خلاّه **ابلهفه اكلوبنه تسعه اعله ملكاه
امامي واجب الطاعه نزوره
هنيّاله الاخذ من فيض نوره
*******************
اركان العباده انته شرطها**الباري اكلوبنه بودّك ربطها
كل ذنوبنه امحبتك تحطها**ودعوانه على بابك نحطهـــا
بعيون الموالي كريب يمّــــه
اسمه من يذكره انجله همّه
** ويشعر بالامان الدخل سوره
** هنيالّه
*********
متعوّد عله غربتــه بصبره **بالآه انمله لوعـــات صدره
متوّطن من المأمون غدره **لو سم جبدته لو كطع نحره
الزاره بغربته وعارف بجاها
لمنازع الروح بودّه أجاهــــــا
**وعينه تشوف بالشده سروره
** هنيّاله
*************
الفرق مابين غربه وبين غربه **حضرت دفنته الشيعه التحبّه
وجده حسين من أنصاب كلبه **عله التربان جثّـــه بكه أمسلبّه
ثلاث ليالي ظلّت عالوطيــــــــه
سليب وظامي بأرض الغاضريه
**قربانه بقت عالثره منحوره
**هنيّاله
*****************
مثل هارون والكاظــــــــم اخبارك **جند العسل والسم لفت دارك
شخصك من حواه وحتوه اسرارك **حتــــه العدو تعينه لستجارك
عالباب اعرفت خطّارك الموت
أمحضّر جفنك أمحضّر التابوت
**والسم رسم لفراكك الصوره
**هنيّاله
**************
بسهام ومرار وسيف وســموم **جبد وكلب يهل البيت مهظوم
تعيشون الألم كل ساع كل يوم **خل تعرف العالم منو المظلوم
مشاهدكم علامات الوفي الحر
ضميري وكلبي لمحبتكـم أيقر
**كل معصوم أله من النبي دوره
**هنيّاله
****************
(23)
الدنيه لو نار ولظه ** أيسكنها جفك يالرضا
حبك يمعصوم ** يجيلها لهموم
*****************
أنزورأنتعنّه نكصد الصيوانك ** باب الكلب فاتحها وكل بيبانك
أنته الغريب المبعـــده أوطانك** بأرواحنه تبقه تعيش احزانـــك
تنادي يزاير حاجتك
تنكظي بلحظة وكفتك
** أبحضرة المسموم
**************
لجلك الزاير عاف أهله وداره **ماهمّه كل ذاك التعب بأسفاره
بالدنيه وبيوم المنيّه بشاره ** أتشوف المودّه بالحشر خطّـــاره
كلبه لجل كلبك سرج
ومن فيض نورك ابتهج
** ماهمّه كل لوم
***********
بدربك الخطوه من خطاها لرضاك ** لمّن وصل صحنك دخيل وبحماك
صوره بخياله رسم كاعد ويــــــاك ** بصوت الضمير ومهجته يترجاك
بجاهك يمولانه الرجه
مذنب ويم صحنك أجه
**تمحيها أله اليوم
****************
يشكي البعد هاي المسافه اعله العين **كل لحظه مرت علينه بدهرين
من نار شوكه دمعته اعله الخديــــن **ألشبّاجك أتشابكه شوكت الجفين
لزيارتك شوك وصبر
هوّشبقه ألنه من العمر
**ابلهفة المفطوم
****************
عنّك بعدنه الظيم من بعدنه **ننحرم منّك ياامامي وعدنـــه
تتعنّه هاي الروح صحنك ودنه** بزيارةتك ياسيدي أوعدنه
ننخاك كلنه من البعد
لزيارتك نسعه نجـــد
**ولايبقه محروم
******************
خدمة المنبر الحسيني مبرئين الذمه