قصائد حسينيه بعتابي/من ديوان دموع الفاطميات

(بعتابي)//// خدمة النبر الحسيني// مبرئين الذمه

بعتابي *بعتابي **أرد ابدي ابعتابي
أرد اسمع جوابه
ارد اعرف اسبابه
هوّ الكصد بيّـــه ** لارض الغاضريه
***********************
جاوبني يخوي التسمع اعتابي **يوم من الايام أوكفت بعتابـــــــي
واّني انتظر يمته تدك بابـــــي ** ابكل مستحه رايد تسمع جوابـي
الوعدك * الوعدك * جيت اتوفي وعدك
حيدرنه وثيق بيك
غيره اّني أسمـيك***أخذ بثنين أديّه ** لارض الغاضريه
***********************
تجاوبني وروحي ألردك أتسمعه **جفك مايخلي بعيني أثر دمعـه
علينه بغيبتك ضاك الفضه بوسعه** بلهيب النار ذابت الخيم شمعه
احاجيك * احاجيك *يبن حيدر احاجيك
خويه اّنه اعرفك
زود الوفه بجفـك ** رافكت المنيّــــــه**لارض الغاضريه
***********************
يازينب تكلي دريتي بسهامــــــــي**ياحره عليّه زادت اّلامــــــــــــــــــي
يفيض الجود روحي تفيض كدامي** وحس ابلوعة وصرخت طفل ظامي
رضيّها * رضّيها *اطفالي رضيها
بجفوفي عرفتي
وبهامي سمعتي**يابنت الحميه **لارض الغاضرييه
*********************
أرف العلم بيدي وعينج تنطره **والله اليوصل خيامج اكص نحره
وبماي العطاشه ارجع أبّشـــره ** ابجفيني اجيبه الفرح ياحــــــره
اّمالي* أّمالي *أوصّل جودي اّمالي
وفرحها اليتامـه
وأرسم لبتسامه**من اّرجع بالميّه**لارض الغاضريه
*********************
اشيل الجود لخيامي عله متوني**لجن تدرين بالعامود منعونــــــي
بعد ماشوف يامهظومه خلونـي**لجل حسين سهم ودم عمه عيوني
جوابي * جوابي*اعذريني بجوابي
ظل أبأرض لطفـــوف
الجود أيحن عالجفوف **المكطوعه من أديّه** بأرض الغاضريه
*********************
الخادم ان شاءالله ((خالد محمد مهدي الحجار ))