قصائد حسينيه اسم القصيده( صبر جبال) [53)(45)(55)خالد الحجار

ييمه يالزهره ** كلبي خلص صبره
امسلب اشوف حسين
وعباس والجفيـــــــن
*************
مالي روح يمه انظر بعينـــــــــــي ** جرح خامس يون ابكلبي ياذيني
بحزن كظيت عمري الراح وسنيني ** وليالي الهم تاخذني وتوديني
اشعنده وياي هــــذا الزمن يضنيني ** سد صاير بين اخوتي وما بيني
ياهم احملنه ** ونه ابأثر ونه
راحو اوعافوني
بالهظم خلوني ** تملي الكلب حسره
***********
ذبيح الغاضريه منحره دامــــــــــي ** جثته مسلبه فوك الثره ظامي
الخيل الداست اعله اضلوعه كدامي ** ردت ضلعج المالوم واّلامي
ونار الباب بيهه حركــــــوا خيامي ** تعالي وشوفي ضعني مااله حامي
تتوارث حقدهه ** أميه وجندهه
وحدي ابين اجناب
اندب يداحي الباب ** بالحال انته ادره
**********
حكه الحادي مايكــــدر الي ينهض**وحوش يزيد يمه اعله النهر تكتض
ابعامود الحديد ابغدر راسه انرض**ابو فاضل يستاهله هــــــــذاالحض
ولوني كوم لاذمـــــة نبي تحفض** وكلب من الزغر عالنايبـــه اتروض
الحاي من وفه ** اصبح بطل طفه
يسراه ويمينه
والسهم لبعينه ** حسين انكسر ظهره
*********
تعلمت الصبر واخلاقج ابطبعي** شسولفلج يم الحسن عن وضــعي
أّهاتي وصرختي توصلج سمعي** وتحسين بيّه من نزف دمعــــــــي
الدهر وسنينه اكللهه بعد ضيّعي** اشخذتي مني وبظيمج عليّ اسعي
الصبر عندي سلاح ** من نورج الوضاح
اقوه عله احزاني
ابصبري وايماني ** الحق القدر وامره
**********
من طف كربله للشــــام رحلتنه** فرجه صرنه كل الناس شافتنه
الظالم بيهه راد اليـــــــوم ذلتنه** لجن ابمجلسه حققنه رادتنه
فوك اعله المعالي هاي نهضتنه** باعلام الهدايه اتسير ثورتنه
للدين ضحينه ** للباري وفّينه
وحسين ظل عنوان
من شابك التربان ** قبله صفه كبره
**********

اسم القصيده(شفاعة الحسين )(54)
========================
حسين ** حسين ** حسين ** حسين
***************
اجيتك زايروشايل عله امتوني** اوزار الذنوب او دمعت عيوني
اناشد عالسفينه لو يدلوني **صيحن يالصعدتواوياكم اخذوني
**********
المشي عدنه وسيله نريد بيه ارضاك**محتاجيك وبدمعاتنه ننخاك
كل هاي الجموع اتصيح ريت وياك **الغوث الغوث ادركنه نريد حماك
*********
زغار كبار اجينه اندك عله بابك**عليك ابجاه زينب واعز اصحابك
لتخيبه الكصد حضرتك واعتابك**ندري ماترد لتعنه طلاّبـــــــــــك
*********
تبدل السيئات الرجه بيك وزود** ابجاهك عينه لذنوبنه منعود
حيل اوي اليرد للموبقات اردود** هذا زايرك يابوالوفه مكرود
**********
عله النيات تعرفنه ومقاصدنه**بين كلوبنهاتظل ماتباعدنـــــه
نشوفك بالمـــاّذن وبمساجدنه **من غير الموده خسر واحدنه
**********
وحك جفين ابو فاضل وسهم العين **وحك نحر الرضيع الصابه سهمالبين
وحك كلبك المتحمل الم جرحين **تنادي ارواحنه ماننسه ذكر حسين
**********
كبر حبك ويسرى بوسط شرياني **حسيني وخادم وزايرك عنواني
حاشه سيدي الظن بيك تنساني **\بوجداني تعيش وذكر بلساني
**********
ابثلاثه الدنيه طلكنه بلا رجعه** او سر امحبتك بكلوبنه انودعــــــــــه
ياريت النداء من السمه انسمعه** ونشيل الرايه لارض الطف والبضعه
**********

اسم القصيده( صرخة الضعن) (55)
====================
رد الحزن والنوح ** يصرخ ايا مذبوح
بعد اليسر ** وين الكبر** زينب تنادي حسين
******************
بالحزن ردت زينب امكبعه ابهم** ودموعه اتسيل اعله خدهه من دم
طبع الجره بالجوه ايطيب او يلتم** وتراب كبرك الجرحه بلــــــــسم
كل العلل بيهه ** انته التداويهه
ادك عالصدر** وين الكبر**زينب تنادي حسين
*****************
اتريد تجعه اعله الكبر وتحضنك**ملهوفه ردت كوه راحت عنك
اتكلك يخوي انسيتك اّني ظنـــك**بخرابه وسطالشام وسمع ونك
نهاري صاير ليل ** والحمل هد الحيل
مل الصبر** وين الكبر** زينب تنادي حسين
******************
وصلت لعد جثتك المذبوحه **لتلث ليالي عالثره مطروحــــه
اسمع ونين الكلب منهه ونوحه**اتمنت ابطفك باقيه ومذبوحه
من الجره والصار ** المهجه شبت نار
دمعه جمر** وين الكبر** زينب تنادي حسين
*****************
اتحاجيك من كبرك تريد جوابك**جيتك يغالي والضعن لعتابك
كل وحه عدهه جرح من مصابك** يابو علي اثر علينه غيابك
اسمع بجي الايتام** تشكي سبي الظلآم
من اّهل الغدر ** وين الكبر ** زينب تنادي حسين
*****************
راح ارجع الجدي وامــــي الزهره**وسجب عله الكبرين دمعه وعبره
ودموعي تندب ظامي كطعوا نحره**وجماله عشر خيول داست صدره
ييمه مفجوعه ** متكسره ضلوعه
ضاع العمر** وين الكبر** زينب تنادي حسين
****************



الخادم انشاء الله
خالد محمد مهدي الحجار