نادينه يارسول الله** هادينه يارسول الله
يلي بيك احنه اقتدينه** ضاكت الدنيه علينه **نادينه/ يارسول الله
************************
ردت اّل اميه اليوم **بالارهاب تاذينـــــــه
الليالي رارسول الله **سوده مرن علينــــــه
وعين المسلم ابلهفه **تنظر يوم مهدينــــــه
يارحمه وبشير ونور **من هل المحنه نجينه
الكل انخاك/يارسول الله **انريد حماك/يارسول الله
ايدك اتشابج ادينه ** ضاكت الدنيه علينه **نادينه / يارسول الله
*************************
علينـــــــه نعمتك تمت**من اكدت الوصايه
كلت حيدر وصي الكم**امام وسيحمل الرايه
بده بكلوب بعض الكوم**ماتدرك شنو الغايه
وبحكم السقيفه انـــدار**خطهم عن الهدايه
نكروهه /يارسول الله **خانوهه / يارسول الله
باّل اميه احنه ابتلينه **ضاكت الدنيه علينه**نادينه/يارسول الله
************************
بعد ماغمضت عينـــــك** وبعد ماسكنت العبره
بدوا بالبضعه هضموهه**الظالم بين ابغــــــدره
باب الدار حركوهــــه**يردونه احنه لنعــــذره
غابت ابضلع مكســور**وعم الظلم عالعتـــــره
بالحسرا/يارسول الله **والاهات/ يا رسول الله
نناشد عالكبر وينه**ضاكت الدنيه علينه**نادينه/ يارسول الله
************************
ناده الملك جبرائيـــــــــــل** اركــان الهدى انهمت
تخضب راس ابو الحسنين**الدنيه مظلمه اضحــت
ماتمم صيامــــــــه وغاب**والشيبه ابدمه اتخضبت
بطل كــل الحروب ايطيح**كل عيـــن ابهظم دمعت
القران/ يارسول الله **والاركان/ يارسول الله
صاحت من يحامينه**ضاكت الدنيه علينه**نادينه/ يارسول الله
*************************
سمعت شكوه عزيزتهــــــم **يوم الحسن جبده انسم
ابكلبهه الحسره تسعر نـــار **وعليهه الحزن خيّـــم
صاحت من جسدهه الروح **غابت والدمــع من دم
من شافت وذر جبـــــــــده ** عانت الالم والهـــــم
تشكيلك/ يارسول الله **تحجيلك / يارسول الله
بعد ياظيم تانينه**ضاكت الدنيه علينه**نادينه / يارسول الله
*************************
اصعب يوم مر بيهــــه** وكل ايامهه صعبـــــــه
مصايـــب الزمن ردت** الصبرهه رايده اتجربه
رفع رايه الصبر الهــه**انحنت لمصايب الصعبه
صاحت ربي هالقربان**اقبله ابسهمه لبكلبـــــــه
المذبوح / يارسول الله**روح الروح/يارسول الله
ظامي انذبح والينه** ضاكت الدنيه علينه **نادينه/يارسول الله
*****************************
فيض دماه روّه الكــــاع** وللحق سنبله خضّر
ابضمائرنه يعيش حسين**ومحبته بالكلب تكبـر
الضريبه اليوم ندفعهــه**نتفجر ونتهجــــــــــر
لأن عنوانه شيعــــــــه**ونوالي الوصي حيدر
امتانينه/يارسول الله **مهدينه/يارسول الله
الفرج بسمك يجينه **ضاكت الدنيه علينه**نادينه/يارسول الله
اسم القصيده(حبك من يانوع) (51)
======================
حسين ابنص كلوب الشيعه **واسواره لضلوع
طلسم فوك الكلب اكتبنــــه ** ومفتاحه لدموع
العهد وياك**نوفي دماك
من يكدر يوصل هالرتبه وحبك من يانوع
********************
الايام العصيبــــــــه اتمر**ويطويهه سجل الايام
لكن صفحة التاريـــــــخ**بيهه اتشخصت ظلاّم
النواصب حسبوا ننساك**هيهات ونكول اوهام
هاي ويانه ماتنفـــــــــع**لا با ليقضه والاحلام
نبقه نوالي ومانتعذر**وبدربك ماشين
صوت المنبر يعله ابأسمك**ونادي يحسين
يعالي لوا**نريد حماك**من يكدر يوصل هالرتبه وحبك من يانوع
****************************
ظلمه دروبهه الدنيه**وبيهه امقفله الابواب
ياب التفتحه نــــــار**تحرك سابع الانساب
تلاوينه ونلاويهه**ماكدرت او عدنه اسباب
لأن بالذر تعاهدنه**عهدنه اتنافله الاصلاب
رحم وصلب الحبك طاهر** مايتغير دوم
مهما الجور ايمر علينه**اليوم وكل يوم
دربنه وياك**اعله نهج خطاك**من يكدر يوصل هالرتبه وحبك من يانوع
******************************
شعائرنه حيـــاة الروح **تحييهه ضمائرنــــــه
نـــور اتوقد الاحساس**وتوهج بصائرنــــــــه
سفينة رحمتـك يحسين**الامان الله تعبرنـــــــه
ذكرك باقي يامنصور**وحبك يسرى وي دمنه
دمك جدد دينه الجدك**وصار العنوان
وحبك غير دم الشيعه**يسري بالشريان
نجد لرضاك **على منواك **من يدكر يوصل هالرتبه وحبك من يانوع
*******************************
تعلمنه الصبر منك** صار الصبر مهر وسيف
الدموع ارماح نشهرهه**بساحات الوغا والحيف
مجاميع الموده اتسير**ابرد الشته وحر الصيف
مشاريع الشهاده انصير**الجنه انته وحنه الظيف
يابو اليمه دربك معبر**منه اتمر الناس
سفينة رحمه شراعك بيهه **جفينه العباس
الروح فداك**اعله درب خطاك**من يكدر يوصل هالرتبه وحبك من يانوع
**********************************
مجالس للذكر ننصب **وسط كلوبنه الولهه
راياك ومواكب غز **نترجاك تقبلهــــــــه
ريت وياك يوم الطف **وانكابل جحافلهــــه
تدري الشيعه يامظلوم**غير امحبتك شلهــه
دم الثوره سيف او رايه**ياغضب البركان
من عرش الطاغي وكل ظالم**اتهدم اركان
الذي والاك **عدو لعداك**من يكدر يوصل هالرتبه وحبك من يانوع
*******************************
اسم القصيده( ياهله بالموت) (52)
=====================
من اجلك يبو اليمه لبسنه جفانه**ياهله بالموت المشه ويانه
زوارك **زوارك
**************************
زوار نمشي عله الدرب نتوحد**الدنيه لوعادتنه منهاب احد
ومحبتك روح وامــــــل تتجدد**للدين دمك ثبته واركانـــــه
زوار**زوارك
***************************
لبيك يابو علي من نادينـــــــه**والكلب صافي النيه وعتنينه
نواسي الزجيه وحيدر ونبينه **صار موالي رافضي عنوانه
زوارك** زوارك
***************************
انعزي العزيزه الحر باربعينك**بالحزن ردت الك والحنينك
الله يعين ضعونك ويعينــــــــك**كبرك تناشدهه وين امجانه
زوارك**زوارك
***************************
شعله تظل بكلوبنه تتوهج**والكاع تحت الجدم منّه ترتج
منريه للمايفتهمنه ويحتج**تتعاده خلي الناصبه ويانـــــه
زوارك**زوارك
****************************
عدنه العقيده الصافيه والمنبع **لعتره ومودتهه ونبينه نتبع
الموت لو كدّامنه مانرجــــع**كلنه بقين حسين ماينسانه
زوارك **زوارك
***************************
كل الحناجر رددت هتافـــات** للعالم انسمعه صدق الصرخات
هيهات منه الذله والله هيهات ** الموت عز وياك ذل لعدانه
زوارك**زوارك
****************************
الخادم انشاء الله
خالد محمد مهدى