قصائد حسينيه اسم القصيده(صورة الطف) [41]

=============================
صورة الطف ماينساهه عمره ينظر حسين ظامي ودامي نحره
تمنه الموت يمه ولاعاف ابو اليمه
********************
بـــالباري عارف وخايف حسابه انوصف بالسجاد العدل كتابه
ايدكهــه باب الناس ابئيده جرابه يعرف المحتاج ويدري باسبابه
ايوزع المقسوم ابحب عله اعتابه مايرد سائل لويدكهه البابــــــــه
علم الطاعات صدرهه الصحيفه
الاصل من طيب العتره الشريفه
بصدره الحزن ضمه ولاعاف ابو اليمه
*************************
ماعرفناله ولاقريناهه مرعليه يومه وكربله انساهه
عايش ابلحظات الحزن وياهه يحمل ابصدره من الم بلواهه
وصورة الايام كباله خلاهه ابكل مسه ومصباح الدمعه جراهه
تنظر الجود عينه الرايه والجف
مايمر اعليه يوم الدمعه تنشف
توذر ريت جسمه ولاعاف ابو اليمه
************************

ابسهم المثلث من رمت اميه الدين هوهّ حسين ابن الزجيه
والشمر سيفه حد يوم المنيه للدمه ساله بارض الغاضريه
عالصدر داست خيل الاعوجيه هشمت صدره لاذمه وحميه
انذبح عطشان مسلوب العمامه
ريته هذا اليوم اتصير القيامه
عليه ازداد همه ولاعاف ابو اليمه
************************
ينظلر العمته وحالهه ولوعتهه ينطعن كلبه لونظر حالتهه
حكهه للحره الــــــدمه دمعتهه من بعد عباس عداهم سبتهه
عالهزل ركبت الجثث شافتهه تنظر اعله الروس ومنحر اخوتهه
الصبر كلهه من عندج اريده
حسين راح او راح الغالي عضيده
ودمعته لون دمه ولاعاف ابو اليمه
*************************
شمعة العريس الحقد اطفاهه ويلي عالاكبر شبه النبي طه
يمينه للعباس عالثره لواهه ودموعه سالت عله يسراهه
فزعت الجيمان وصبت بلاهه عله ضعن حسين الطمر عماهه
صاح بن سعد حركوهه للخيام
جتفوا النسوان أيد ابأيد الايتام
ابحزنه عيونه تعمه ولاعاف ابو اليمه
************************
الثوره اعلن ابمجلس الظلام اعله يزيد واعوانه عله مد الايام
ياابن سفيان المدعي الاسلام صلبي النبي طه وانته ياارحام
من عله المنبراينادى يانيام هذا ضعن حسين انسبه لارض الشام
النبي جدي جدمن ياهو بيكم
بالطفوف اليوم اذبحتوا نبيكم
عند البارى ذمه ولاعاف ابو اليمه
************************


الخادم انشاء الله
خالد محمد مهدي
***************************************************************************