يحسيسن بضمايرنه
****************
بالاصلاب والارحام نتواعد حته ابعالم الذر جنه نتعاهد
ابدمانفترك اشمهما نتباعد شمال جنوب نتعنه بزيارتنه
************
زوار اعتنينه اتركنه لحســــــابات ونردد كلمتك من كلت ههات\
نطب صحنك ومسابكنه بالخطوات وشباجك نبوسه اتصب مدامعنه
***********
الدرب لوصار تفجير ورمح وسهام ولون نتوذر او تتكطع الايتام
اليحبك ياابو السجاد عالـــــي الهام مانحتاج عرش انته مفاخرنه
**********
اجر فرضوا عله زيارتك مال وجف نطينه المال ولأجل الذبح نصطف
حته اركابنه انطيناهه لـــــجل الطف عله امحبتك روح اودم تعاهدنه
*********
عزيز علينه بالوجدان بايعناك ثارك نطلبه وياريت جنه وياك
يامظلوم يامذبوح ماننســـــــك نظل بارواحنه نحيي شعائرنه
********
خمس فروض صوم وحج عرفناهه يحافظ ماي وجه الدين ياطه
ياموله النفس ترخصلك دماهـــــــه قليل ابحقه من ثبت مبادئنه
********
ملل واجناس تعبد جم الاه الهه يبو السجاد صوتك لون يوصلهه
وتعرفك زين جا عافتهه وتملهه من بحر الضلاله انته تنقذنه
***********
التعاند والذي ترضه ابمذاهبهه لانتحاسب وياههونعاتبهه
كل واحد او ملته الذي راغبهه العمه بعيونهم نور ابصائرنه
*********
كلمن اله حاكم يحكم ابشرعه لايعرف ضميره وداخله وطبعه
بعض الناس كلمن خالف اتبعه وحنه الشيعه منتظرين قائدنه
الخادم النشا الله
خالد محمد مهدى
*****************************************************************************************************************************************
\
موضوع: قصائد حسينيه اسم القصيده (عهد الاصلاب) (40) 
2011-09-26, 03:48