حبي حسيني

(( حبي حسيني))
*****************
حسيني حُبي سَجَنوني ** وحُبي ذنبي قتلوني
وبالدماء **منّي الوفاء ** قتلوني
**************
ايام الدهر عاشـــــــــــور **يالحظه التمر ينعــــــــاد
شكتب عن لسان الحـــــال** شخط ياناس عالامجــاد
أخطّن مهجتي ودمعــــــي**دليلي حب ابو السجـــــاد
خلص حبري أوكتب دمّي **وسامي صارت الاصفاد
هيّا أسألوا من غدروني
بغيض بغض ذبحونـــي
والبرصاص ** كان القصاص ** قتلوني
***************
غير حسين ماعنــــــــدي ** أشكيله غدر أيــــــــام
انوح بحضرته وبݘـــــــي**بدمع احزانــي والآلآم
يعرف فطرتي وحبـــــــي**ويعرف سطوة الظـلآّم
عين الظالم الصلفــــــــــه** تغفه وعيني أبـد متنام
بأي جرم أخذونـــي
من الحياة حرموني
الموت دبّر ** امرا وقرر ** قتلوني
**************
مايحتاج ابو اليمــــــــــه **بس نكتب شعر يرثيـــه
ولبحاجة دموع العيـــــن **لوطول الدهر نبجيـــــه
الباري أبمنّه والرحمــــه ** ياخذ بيده ويرضَيـــــه
يريـــــــد الموقف الثابت **من عدنه ودمه نفديــــه
ماخاب ظنّي حضروني
من العذاب بعدونـــــــي
اعطوني قدري ** وهذا فخري ** قتلوني
**********
أمانه أرد أوّصيكـــــــــــــم ** وظن وصّه الگبل مثلي
لاتسكت على الذلّــــــــــــــه** عبره ݘانوا الگلبلــــــي
أتبع مبداء الثـــــــــــــــوّار **ورشاش الشعر تصلــــي
جاهد وصبر اعلــــه الظيم **موت أواكف أتصلّـــــــي
صدق الحديث صدقوني
وللجنان اخذونــــــــــي
الحق يبقى ** والذل يشقى ** قتلوني
*************
أنه شاعر نظم نيتــــــــــه ** صور يرسمها بأشعاره
اذا عينــــي تشوف الموت** لجل حسين وشعـــــاره
آني ألمن خلقنـــــــــي الله **أوِّضع بالطين اســـراره
حته أنصـــــــــر المظلوم ** وروحي أطّالب أبثـاره
نارٌ بها أن حرقوني
وكل حقٍ سلبونـــــي
وللجهادي ** ابقى انادي ** قتلوني
**********