من ينكر أسمي

(( من ينكر أسمي))
************************
من ينكر اسمي ** اسمي رقيّـــــــــــه
آنه بنت حسين **راعي الحميــــــــــه
سبب ݘف الجريمه*/*من زغري يتيمه
*************
ابوي حسين نور عيونــــي وآمالـــــي ** عليّــه ينشــد ويتفّگــــد احوالــــي
مالحظه نساني شــــــــلون خلانــــــي **اعانـــي غيبتــه ويلوع حرمانــــي
أبجي عليه لو أسكت
وحدّها الدموع أتكت
عشتها للهظيمه** من زغري يتيمه
************
روحي أوساده صارت والغطه ظنّي**تعب رمشي ونزل سلّم على جفنــــي
اجاني والدي وبشوگه يحضنّــــــــي**غفت عيني عله صدره وماسكن ونّي
أفز من نومي مرعوبه
أصيح بياكتر صوبــــه
خلص حلمي حريمه ** من زغري يتيمه
**********
صحت ياعمّه روحي شفته گدّامــي **بݘف أيــده وبسمتــه داوه آلامــــــي
سافر عنّي ماينسانــي بحلامـــــــي **شما طالت سفرتـــه سوده أيامــــــي
مني صار عالي الصوت
ماعوف البݘـــــي للموت
رد صوت الظليمه ** من زغري يتيمه
***********
قلق صاير منامه يزيد من صوتي **ياريت الاجـــل صــار وحكــم موتــي
ولارض الغاضريه انشال تابوتـي **دز بالطشت راسه وشتره سكوتــــــي
بدت دمعاتي بعتابه
رد حاݘيني يايابـــه
يبو ݘفوف الرحيمه ** من زغري يتيمه
*******
ݘلمات العتب طلعن من ألساني **اخذنــي ويــاك وحــدي هنـا لتنسانــــي
انگطع منّك وريدك گلّي شمتاني**شهگت روحي بآخر نفس وجدانـــــــي
بآخر لحظه ودعتـــــــه
طحت عالراس وشبگته
مصيبتنه عظيمه ** من زغري يتيمه