يتاماك عله بابك

يتامه أحنه عله بابك // دمه نبجي المصابك
ياسيد المحراب
عظيم علينه لمصاب
***********
أنجرحنه  // يوم الصاب أبن مرادي راسك
صُبحنه // غابت شمسه ماتشهد أنفاسك
فرحنه // بعد ماله طعم فاكَد أحساسك
وصحنه // الغوث ادركنه وي صيحات ناسك
أنجرح هل اليوم أملنه // وضاكَت كل سُبلنه
ياغالي يبو تراب
عظيم علينه لمصاب
***********
مواسين// الحسن وحسين والحرّه ويتاماك
مناسين // الغيره وشجاعه وزود يمناك
المضامين // تبقه صادقه بمعناهه ويَّاك
العناوين // توكَف من عتبتك ترفع لواك
كَلبنه باقي مجروح // فدايا الروحك نروح
ماتنكَطع لسباب
عظيم علينه لمصاب
***********
يخيِّم // ليل أحزان مايطلع نهاره
يعلِّم // الموالي لازم يواجه قراره
يسلّم // لا ومحبتّك هيَّه اقتداره
يلملم // جروحه صرح بأسمك كل جداره
داعش والشقيفه // والله ماتخيفه
وبفقّارك حساب
عظيم علينه لمصاب
***********
ليالي // تمر بليلهه علينه نناجيك
يغالي // لاخر نفس بينه أنظل نواليك
يوالي // على راس الدواعش نرد ماضيك
يلالي // فقَّارك تشوفه بجف مواليك
على  رغم النواصب // اليحبك يظل غالب
وسهمه لو رمه صاب
عظيم علينه لمصاب
***********
يآيات // كل آيه جمعهه الباري لسمك
حلو الذات // أميري وعلى بالي أخط رسمك
بيانات // نعلنهه على الناصبي وخصمك
النصر آت // نحسمهه عليهم مثل حسمك
تظل هيهات لحسين // ذمَّه وبيهه ماشين
سيف أيكَص لركّاب
عظيم علينه لمصاب
************
علينه // منّك نستمد صبر وتفاني
بدينه //  عله حبك للوطن نرسم أماني
ربينه // عله مضايف كرم شمع وصواني
ولينه // راية عز نعلّي شما نعاني
من جرحك عزمه // مانقبل ظلمنه
نسوا خيبرك والباب
عظيم علينه لمصاب
**********