ياشيعه وين دوايه

(( ياشيعه وين دوايه))
******************
ياشيعه وين دوايه ** ودوايه دموع العين
واسوني بفگد الاكبر
وعباس صوابه الاثَّر
**************
منّي ترخّص راد يهجم لعـــــــداي
گتله يبو فاضل أتعنّه عللمــــــــاي
عباس خوي لوطحت طــاح ألواي
وتزيّد همومي وتكثّر بلــــــــــواي
أبهمة عزمك وبزودك
اگصد ورجعلي بجودك
لتخليني بنارين
**********
گــال آنه لجل حسين خالقني الله
لايوم اخذله وعنّه ماأتخلَّـــــــــه
للساع جرح أصوابه يدمي خلّــه
ظهري كسر والگلب منّي سلّــه
بساعة شدته ناداني
ݘلمة خويه ناداني
ياخوي أحضر يحسين
*********
عباس روحي اشـــلون اعيش بليّاه
صابه السهم والعمد الراســـه أدماه
دنياي ماريدن عگبهــــا ألعينـــــتاه
ياريت موتي اعله النهر صار وياه
من شفت السهم أبعينه
ولايسراه أوليمينـــــــه
وضربة عامود البين
*************
سبّاح گلبـي لاكبر گطعوا جــذره
وامّـــه وگلبها لله سلّـــــــــم امره
فوگ الوطيّه طاح جثّــــه أموذره
ونار بدليلـــــــي ماتنطفي كبــره
شفته مخضّب گدّامي
اكبر جرح أبآلامي
وگلبي انݘسم نصّين
********
نار أبݘبدتي من مرارة حالــــه
ماأگدر اعله شيله أولم أوصالـه
خل يگصد الجدّه أويصيراگباله
يتروّه من الكوثر أبيده أنيّالــــه
ياضنوّه ونور عيوني
ألمن رحتوا وعفتوني
ابگلبي صارن جرحين
************************************************************