راح أطوَّع النصر او الشهاده

( ( راح أطوَّع ))
*************
تحت أمر المراجع آني أطوَّع
وبغير النصر للبيت ماأرجــع
ياأمّا الشهاده // ياأمّا الشهاده
********************
عراقي غيرتـــي فارس تصول تجول
وأكص أيده الذي لتراب كَاعي يطول
أمسودن مالي جاره
أطمَّه بكبــــر عاره
ياأمّا الشهاده // ياأمّا الشهاده
***************
أحمي أمّي وأبويه وعرضي وترابي
وين يروح منّي اليوم الارهابـــــــي
بأيدي أرفــــــع ألواي
بدرب الموت ممشاي
ياأمّا الشهاده // ياأمّا الشهاده
***************
أخذت عصابة أمّي أتعصَّبت بيهه
تدري بغيريتـي وبفيضهه أحميهه
تودعني بهلاهل
تعرفني مقاتـــل
ياأمّا الشهاده // ياأمّا الشهاده
***************
الوطن يحتاج من اولاده هل النخوَّه
ونتحزَّم حزمنـــــــــه وننهض بقوَّه
ونذل راس الارهاب
ونســــــاويه بالتراب
ياأمّا الشهاده // ياأمّا الشهاده
***************
آنه أبن المروَّه الباسطه جفهه
يحير بصولته الرايد يوصّفهه
شمس فجر الليالي
أجيب من المعالي
ياأمّا الشهاده // ياأمّا الشهاده
***************