قصيدة حيا على الجهاد

((حيا على الجهاد))
***************
الى الجهاد حيا // الى الكفاح هيّا
وتباركــــه العتره
وسامه فوك صدره
*************
اليـــــوم المرجعيَّـــــــه اعلنت فخرك
وتحب أتشوف يعله راسك بنصرك
أكصدهـــــه المعارك
بغيره وشرف شارك
الفجر ينتظر نصره
**************
أكّصدهــه المنيَّــــــه لاتهاب الموت
وعلى درب المخاطر ياعراقي فوت
راوي العده زودك
أحميهـه الحــــدودك
داعش حارب وكفره
***************
أبلآدي كل مقدَّس وأراضيهه
بزنود الرجال السمر نحميهه
الاعراض بخدرهه
تهلهل الفجرهـــــه
تبوس أيده وتشكره
*************
فجـــــر أيامنه بصولتك تانينه
وحقنه بيك يابو الوفه أتباهينه
الام تكول قاسم
أحني أيدي لازم
وأب يتاني فجره
****************
أبشر يل تحب ترفعهه راياتك
صاحب العصر يعرفهه نيّاتك
بكول وفعل تلكاه
سجّل أسمك وياه
جندي وتحت أمره
**************
لاتحسبهه محسوبه وحق حيدر
شهيد تروح منَّه تشرب الكوثر
بميزانــــه علمنه
وياه ندخل الجنَّه
رحلة تالي عمره
***************