قصيدة \\ مودَّة الحسين

اسم القصيده (مودة الحسين) @@
================
احبه/وبالگب مطبوع اسمه
احبه/ابموقفه وطيبة الكلمه
**احب نحره وشمه
**حسين النذر دمـه
***********
ربي ابعالم الذر من برانــــــــــــي**وخلقنيي حته اعبده
عجن وي طينتي امحبته ورحمني** وزرع بيّه المــوده
روحي گلبي متماسك وظنـــــــــي**أموقّع عله عهــــــده
والله لوخذوا هالروح منـــــــــــي**أأمن هذا وعـــــــــده
اريدن / دنيتي احياها ابكرامه
اريدن/ اعبر الدنيه بسلامـــــه
**والله محبته رحمه
**حسين النذر دمه
***********
وهب نفسه وبنينه الربه قربان**ابرضا اتقبّله منــّه
مثل جده النبي ابراهيم من جان**فده اسماعيل ابـنه
الباري ابنعمته وبعطفه أله عان**بحكمه دفع عنـــه
واّخرها الرضيع انذبح عطشان**وبدمَّه يدفنـــــــــه
صبره / جبال ماگدرت حمله
صبره/اعداه ماشاهدت مثله
**الفخر عنوانه كلمه
**حسين النذر دمـــه
***********
قوانين الشريعه العالي سنهـــــا**والهادي اعتمدها
كل داعي ظلاله ابتعد عنهــــــــا**لصنامه عبــــدها
حيمة دينه كل الخير منهــــــــــا**وحسين السنـدها
نصبها ابكربله الحادي ابضعنها**بيده دگ وتــدها
للدين/اختيارالله ورحمتـــه
للدين/الوفي اعلن نهضته
**بالطف وفه الذمه
**حسين النذر دمه
***********
شياطين الانس والجن تجنـــــدت**بالطف عله المظلــوم
بسلاح الحقد والشر تحزمـــــــت**اشعدهه ويانه هالگوم
واصحاب العقيده النفس روضّت**اتناصر المعصـــــــوم
فوگ ݘفوفه ائيد الله نزلـــــــــت**ابساحات الوغه اليوم
شعدها/وياسبب نگدر نحسبه
شعدها/وياعذر تطعن ابگلبه
**بعد شنهو التظمّه
**حسين النذر دمه
**********
منازل بيها يرضا الله نذكـــــره**وبيها الدخـل اّمن
وسط گلوبنه امحبَّت العتـــــره**شيعه الهم نواطن
المساجد والمنابر صوت فخره**تصــــــدح الماّذن
حنه لوتصب الدمعه عبـــــــره**نـــار ودم بݘاهن
اهلها/للموده وهمه اصلها
اهلها/ورجه للناس واملها
اصل كل نعمه همه
حسين الذر دمــــه

******************************