قصيدة ولد بــــــــــــــار

(( ولد بــــار))

***************

أمي شيلة راس رحمه بلآيه من

أمي من الظيم طاحونة زمن

الكَلب بيت جبير وأركانه ذهب

شجره ضد ريح وعواصف والمحن

علّمتني الطاعه علمتني ألأدب

وعرَّفتني شنو معناة الوطن

أتلمنه بجناح المودَّه والحنان

مثل بيت الله الدخل وسطه اِمَن

عدهه حب العتره ماخاضع قياس

وحيلهه مايوم كَل ولا وهن

تفرش الطيبات عالتبه وتصيح

والكّلوب الطيبه للعتبه لفن

جفوفهه جناحين طير أبيض ترف

أمي بلسم طيب لجروح البدن

الدهر بأيامه أحزان ومشيب

ويلي شتحمَّل كَلبهه وشمتحن

رسمت بشيباتها دروب النجاة

وألأيام هواي ألهه عذِّبن

شلون أجازيهه وأرد ألهه الفضل

ذنوبي بمجازاتهه الكل أنمحن

أمي طيب أو وفه وحنَّه وسلام

أرد أبات وأصحه يم جنَّة عدن