خالد محمد مهدي الحجار// قصيدة (شرفنه خدمتك يبن الزجيه))

((شرفنه خدمتك))
************
شرفنه خدمتك يبن الزجيّه ** هنياله الحضرته بالمنيَّه
يامحييهه للأركان ** نتفاخر بهل العنوان
**--------------**
خـــــــــــادم أسمه يتسجّل ** بكتاب حسين هنياله
شرف هل الخدمـــه يتجسَّد** ويَّه صورة اعمالــه
يشوف سرور ماموصوف ** خادم يوكف كبالـــه
يكلّـــــه حسين الك د زني ** يكلّي حقق آمالــــــه
خدم نكظي العمر مهما يمرنه
عله الصعبات عوّدنه صبرنه
بثبات وقوة أيمان** نتفاخر بهل العنوان
**--------------**
شكد ماطوّلت اعمار ** لابد ألهه ساعـــــه تحين
شــــما طالت لياليهه ** وشما تجمع من ســـنيني
ثواب الدمعه ماندرك ** حدهه مانعرفـــــــه وين
ياعقل الَّـــي يحسبهه ** شيطّي الله بمحبت حسين
ثواب المايمر عالبــــال مرَّه
مايكدر عقل يدركه أيصوره
مايخطر ألأنس والجان**محبتك ألنه عنـــــــوان
**--------------**
العمل بالنيَّـــــه والموقف ** زغير جبير يتسجّل
هاي الخدمـــــه مضمونه ** بجنّه وحور ماتنمل
وأذا منشوف بيهه حسين ** هذه الجنّــــه مانقبل
التعب هذا مجازاتــــــــه ** يخـــــــادم الك تدلل
تتلكه الزجيه الخــادم الزار
بجنّات النعيم السَكن والدار
هذا رضا الرحمن ** محبتك ألنه عنوان
**--------------**
بهاي الخدمـــــه نتمنّه ** يقبلهه ورضه علينه
يفرح النبي وينسَّـــــر ** ورضه علي والينــه
اذا يقبلهه ابـــوالسجاد** تتحقق أمانينــــــــــه
بوجه أبيض كبال الله ** وكتابه تاخذ يمينــــه
من هاي التجاره الربح مضمون
تسّر الكلب هل الخدمه ولعيــون
مودّه أخلآص أيمان ** محبتك ألنه عنوان
**--------------**
البشر لابـــــــد أله منقذ** من حبــــــــال شيطانه
من الانفس الامّـــــاره ** بسؤ أو يضعف ايمانـه
وكع ويصيح أدركوني ** تنكره الجانت اعوانــه
فضـل حسين من ينساه ** حيا للدين وحيانــــــه
كــــــــل كطرة دمه ثوره بمجهه
عروش الطاغيه الصرخه تهدهه
دم أيفور بركان** محبتك ألنه عنوان