خالد محمد مهدي\\ قصيده ((شماغ أبوي ))

((شماغ أبوي ))
*********************
آنه شماغ أبوي المهر لمجرَّب
وخيّاله لعكَال المايمسّه تراب
من الكَاع أنبت شجره وشواجير
وفوك أغصاني ماأقبله عش غراب
أولاي الريح لو تعصف وأخذلهه
الناتج بيدي وآني أمطوّع الاسباب
آنه أبن الملح والخبر والبارود
خلّي ألحد يسولف عن جدم لجناب
أمي الرضّعتني من صدرهه أمجاد
خط ياقلم سِفري وعلِّم الكتّاب
ملح الكَاع بعظامي وصعب أوكع
أبن ظهره الابويه وأحسب الف حساب
عراقي وينحني التاريخ كدّامي
علمَّمت المواقف معنه دك أرجاب
أخلّي الليل يبجي نجوم يتعذّر
وخلّي الشمس يوميه تِكَف عالباب
صار الطيب نخوه وفزعه بعيوني
أفزع غير لو أسمه لفه سلآّب
يمناي هويتي الماخطت ضربه
وكت الموزمه فيض وتطك خنياب
كهف للغيره وعيون النختني
جف عباس يمناي وتذل أركَاب
مظيف وموكَد ودلَّه وفرش لرموش
أحفظ ماي وجهه للكصد طلآّب
*****************************************************