حالد محمد مهدي الحجار \\ ابوذيّــــــــــــــــــــــــــات((وشمها))

((لاراد ))

لعـــد درب العطش لطفاله لاراد

يصيح بصوته كلبي الوفي لاراد

يــــــرد من غير جوده أبد لاراد

من سكينه أستحه وبن الزجيَّه

**************



((يقاسم))

**************

قسمتي هاي من عدلك يقاسم

الدمع والنوح لحزانـي يقاسم

يصيح الكلب يايمّـــــه يقاسم

شوكت ترجع وحنّيك بأديَّه

*************

))ماهن((

أدوّرعلــه أيـــــــــــام الفرح ماهن

وجم جرح الجرحني وجرح ماهن

يمن تنشــــــــد تريد أتعرف ماهن

جفوف ونبله ومثلث سويه

**********************



((وسدها(

سور الحره ابــو فاضل وسدها

بعامود الراس للغبره وسدهـــا

حارس خيمكه الحادي وسدهـا

وسدها الكمر للناظر وســــامه

بحب حسين ماعادل وســـــامه

يرد بالجود للحره وســــــــامه

وباب الحزن ماردها وسدها

------------------------

))أوانــــه))

أكيد المهدي كل ساعه أوانه

نلبّي دعوتــــــــــه انته أوانه

تحت راية يمين الحق أوانـه

ومشه بينه عله تل الزينبيّه

------------

))وشمهـــا))

أريد أكصد لعد جثته وشمها

مصيبة كربله بكلبي وشمها

بأعالي القمم راياتــه وشمها

ويظل دمَّه مناره عللوطيه