روح (( انتخب لا تنتحب))

((روح أنتخب ))
**************
روح أنتخب لاتنتحب \\ بكل همَّتك روح
صوت البنفسج الدوَّه
داعش يمنعون الهوَه
ظلآّم تتوله الحكم \\ تجرح بلجروح
******************
كلهه منتظرتك تضحك ماحب أتشوف فرحك
والحصيره التحت جدمك أتصير سجَين وتذبحك
باكّو الليل ونجومه وخذوها من الشمس صُبحك
نواب نصهم قاعده
ونواب أصلا زائده
والنص بقه بلآفائده
اذا تفضحني أفضحك
لاتنطي صوتك للدعي \\ والكشخه والقاط
لازم يتوب أللي أنجوه
داعش يمنعون الهوَه
ظلآّم تتوله الحكم \\ تجرح بلجروح
******************
باجر أتمر الليالي سرمديَّه بلآيه غبشه
داعش أمحضّر الرحّه وراح نعرف شنو جرشه
هوَّ ياناصح البيهم حتّه نكعد فوك فرشه
هم نوكع أبذل المحن
ونسوانّه يدّولبن
لو نشرد أعوف الوطن
مثل طير وهجر عشَّه
للّب أخذ عوف النِوه
داعش يمنعون الهوَه
ظلآّم تتوله الحكم \\ تجرح بلجروح
******************
آني أعذرك مثل حالي يائس وخايف العكرب
أنتخبته ولدغ أيدك وجان صح وصار أجرب
روح بأيمان العقيده وأنصر بصوتك المذهب
يساعد الارهاب الفشل
المستحه عوفه والخجل
صير أنته الهم المثل
وصير قدوه وأنته ألأعجب
بأيدك تعلّي للّوه
داعش يمنعون الهوَه
ظلآّم تتوله الحكم \\ تجرح بلجروح
******************
علينه رد يوم السقيفه وهبل رد يحكم ضمائر
وأنته اذا هل اليوم خاسر لاتظل للدوم خاسر
حسين من أطّانه دمَّه مولجل ذكر المنابر
دمَّه مسيره خالده
كل يوم كلنَّه أنعاهده
الشيعه تبقه صامده
بالفخر تحيي الشعائر
لحسين باجر من ترد \\ ناصر الارهاب
لو أعمه منشوف الضوَّه
داعش يمنعون الهوَه
ظلآّم تتوله الحكم \\ تجرح بلجروح
******************
صُلبك ودَّرك يحتّم تنصر المذهب بصوتك
شوف كلهه اليوم ضدَّك بالك الفرصه تفوتك
أحذر أتخلي مصيرك بأيد كلمن راد موتك
شيعي عراقي منتصر
العرضي أظل رايه وستر
من كاعي ماأطّي شبر
أيدك بأيدين أخوتك
لتخاف داعش لو عِوَه
داعش يمنعون الهوَه
ظلآّم تتوله الحكم \\ تجرح بلجروح
******************